ROMANOS 4
4
Abraham queaja'a jjashahuabaqui'yapoa
1Jjeya eseja etiiquiana poa Abrahamjo eya mimije so'o. ¿Achajja Eyacuiñajjiya Abraham bacapoa? ¿A'a queapame, a'a oja mimishijji? 2Bacue, Eyacuiñajjiya Abraham mimishima'yo bacapoa oyanei queapame ba'epoquiapoajo pojjeama. Jama poajojjemo Abraham oyanei queapamenee poani jjabaquiquiae. Dejjacuana, eponacuana pea-ai oyanei queapame poani jjabaquica-ajja Eyacuiñajjija oya queapame poani ebajji. 3Eyacuiñajjija esohui oyatiiya poani jama ba'a: “Abraham jjashahuabaqui'yapoa Eyacuiñajjija esohuijo. Jamajojoya aje Eyacuiñajjiya oya bacapoa oja mimishima'yo.” 4Bacue, joya dejja peajo chacochacoje sosequiacaje cuaa. Jamatii pojjeama bejjo quiacaje, sosema' pojjeama. O chacomeejji poaniya oya sosequiacaje oja chaco sosejje. 5Jama pojjeama ca Eyacuiñajji poani. Ojjaña joya Jesosa Quitojo jjashahuabaqui'yanicuana oja mimishima'yo epomeejji Eyacuiñajjiya comacuanaya bacanitii oja mimishima'yo Jesosa Quitojo jjashahuabaqui'yonajejojoya. Jamatii macuana queapame ba'ejjima poanaje o mimishima'yo epojjijo Eyacuiñajjiya comacuanaya bacaje oja mimishima'yo poani. 6Yahuajonei eseja etiiquiaa Davidya oya esohui pea-aiya huohuicapoa Eyacuiñajjiya oja mimishima'yo bacani cuana oyaneitii queapame poanijo pojjeama. Jamajje macuana queabihuinee poa oja mimishima'yo poani Eyacuiñajjiya bacani jjabaquimajje. 7Jama huohuime acapoa Davidya yahuajonei ba'a:
“Ojjaña joya Eyacuiñajjiya oja mimishi cuijeaca'yani jjabaquijjicuana
queabihuinee poani.
Oja mimishicuana Eyacuiñajjiya shahuabapajeaca'yonaje.
8Queabihuinee poani cuana ojjaña joya oja mimishicuana queahuisonee poanaje
Eyacuiñajjiya chama'yo bacajo.”
9¿A'a ojjaña joya queabihuinee poanicuana judío oopana ejjacuiishashajehuisejjameequi nequi? ¡Chojja de! Macuananei pojjeama queabihui pocajji. ¿A'a joya jjacuiishashajehuisejjameequijjima poanicuana joya jjashahuabaqui'yaniya queabihuinee pea-ai poani Eyacuiñajjiya oja mimishima'yo bacani jjabaquimajje? E'e, queabihuinee poani. Eyaya huohuinaje quiana Eyacuiñajjiya Abraham oja mimishima'yo bacapoa oya oja esohuijonei jjashahuabaqui'yapoajojoya, mahuisoneijotiiya. 10¿Acheshono shai Eyacuiñajjiya oya mimishima'yo bacapoa? ¿A'a oya Abraham ejjacuiishashajehuisejjaqui nequi bamajje? ¿A'a oya jjacuiishashajehuisejjaquijjima nequi? ¿Acheshono shai? Eyacuiñajjiya oya oja mimishima'yo bacapoa oya jjacuiishashajehuisejjaquijjimatii nequi. 11Majoya quijje Abraham oja esohuijo ejjashahuabaqui'yotii nequi jjacuiishashajehuisejjaquiapoa. Eyacuiñajjiya oya jama epojjiya huohuicapoa queaja'a ojjañaja ebajji Eyacuiñajjiya Abraham oja mimishima'yo bacani. Jamaya Eyacuiñajjiya bacapoa oya oja esohuijo jjashahuabaqui'yapoajojoya. Jamajojoya aje Abraham ojjañacuana joya Eyacuiñajjija esohuijo jjashahuabaquije'yocuanaja echiimese jayojja poani jamatii jjacuiishashajehuisejjameequijjima nequicacuanaja. Oya jayojja pea-ai Eyacuiñajjiya bacani cuana oja mimishima'yo. 12Abraham ojjaña ecuiishashajehuisejjacuanaja echiimese jayojja poani. Oya oja chiimese jayojja poani majoneitii pojjeama. Macuana ca ma ecua Abraham jjashahuabaqui'yapoa Eyacuiñajjija esohuijo jamatii oya cuiishashaña nequi oya jayojja jjashahuabaqui'yome poanaje cuana oja esohuijo.
Eyacuiñajjiya Abraham huohuicapoa oja esohui oya jayojja ohuaya ajeyocaje'yo
13Yahuajonei Eyacuiñajjiya Abraham huohuicapoa oja esohui oya jayojja quijje ohuaya ajeyocaje'yo jama ba'a: “Eyaya miya jiquio meshi quiaje'yo miquea epo'yojji, miquea osecuacuanaja pea-ai ojjañaja quijje epo'yojji.” Eyacuiñajjiya Abraham esohui queapame jamaya huohuicapoa oya ojjaña Moisesja tehuecuana jayojja ba'epoquiapoajo pojjeama. Oya Abraham e'ejojonei oja esohuijo jjashahuabaqui'yapoa oja mimishima'yo ebajji. Jamajojoya aje Eyacuiñajjiya oya jamaya esohui queapame huohuicapoa. 14Becacuana jjashahuabaquiani ojjaña Moisesja tehuecuana jayojja ba'esaneipoanijo Eyacuiñajjiya oya mimishima'yo poani bacaje. Ojjaña jama jjashahuabaquime poanicuana queaquehuanee poani. Jamajojjemo Eyacuiñajjija esohui ese mimishima'yo ebajji Jesosajo e'ejojonei pojjeama pome. ¿Apiojji Jesosajo jjashahuabaquica'yojji jamajojjemo? 15Eyacuiñajjija esohui Moisesja tehueya eseya huohuicani oja esohui etehue jayojja ojjañatii miba'etiipoquiajo Eyacuiñajjiya eseya queaneenee pomeecaje'yo eseja mimishijo. Eyacuiñajjija esohui etehue o huohuijji oya queamimishi poani chamajo dejjacuana, eponacuana pea-ai shajjama' jayojja pojjeama jjabaquime.
16Eyacuiñajjiya Abraham oja esohui ma quijje ohua o quiacajejo huohuicoocapoa oya e'ejojonei jjashahuabaqui'yapoajojoya. Jamajjeya Eyacuiñajjiya queapamenee apea-aicaje'yo ojjaña oja osecuacuana o jayojja pea-ai e'ejojonei jjashahuabaqui'yanijojoya. Moisesja tehuecuana bajji poaninei oopana pojjeama Eyacuiñajjiya queapamenee acaje'yo. Eyacuiñajjiya ojjaña joya oja esohuijo jjashahuabaqui'yani huisotiicuana queapame apea-aicaje'yo. Jamajjeya Abraham queahuisoneecuanaja echiimese jayojja poani joya Eyacuiñajjija esohuijo jjashahuabaqui'yanicuanaja. 17Eyacuiñajjija esohui yahuajonei etehue jaa jama poani ba'a: “Eyaya miya queahuisojaajjicuanaja chii epojji pomeeje” jama tehuemeya acapoa ojo. Jiquio Eyacuiñajjijoya Abraham jjashahuabaqui'yapoa. Jiquio esohuiya ohuaya ajeyoca'yapoa. Oya Eyacuiñajjiyatiiya emano'yo jaacuana shequimeecaje'yo, cua oja panajjima poacuana ohuaya panacapoquiani oja esohuijotii.
18Eyacuiñajjiya Abraham huohuicapoa quea-osecuahuisonee o pojjijo. Abraham edejjatiinojinoji bacuama'tii nequi jjashahuabapajeaqui'yojjimatii nequipoquiapoa Eyacuiñajjija esohuijo jamatii queacamajanee. Ma o ohua huohuicapoa esohuijotiiya oya queabihui jjaishoaquipoquiapoa. Queajaajjihuisocuanaja echiimese epojji Eyacuiñajjiya oya pomeecapoa. 19Abraham hueyahueyajjimanei poa ejjashahuabaquipoquijjitii Eyacuiñajjija esohuijo jamatii oya beshahuanei 100 shequiajame huiso etii nequiapoa ebacuajji. Oya, oja huanase Sara pea-ai oja eyamijo jjabaquiapoa beshahuanei emano'yojji ani. Abraham, Sara pea-ai jjabaquiapoa etiinojinoji poani ebacuajji. 20Jamatii Abraham Eyacuiñajjija esohui o bacuajji epojjijo jjashahuabapajeaqui'yojjimatii nequiapoa. Eyacuiñajjija esohui ojaya eajeyojji pojjeamajo Abraham jjashahuabaquijjima poa. Abraham ca queaca'a nequipoquiapoa Eyacuiñajjijo. Eyacuiñajji pea-ai ohuaya bihuiatiicapoquiapoa. 21Jamajjeya ohuaya oja esohui shahuabacapoquiapoatii Eyacuiñajjiya queaca'aneetii poaniya oya e'ejojonei ebacua quiacaje. Oja esohuijo ma ohua huohuicapoajoya Abraham jjashahuabatiiquipoquiapoa. 22Jamajojoya aje Eyacuiñajjiya oya oja mimishima'yo bacapoa.
23Eyacuiñajjija esohui etehue jaa jama poani ba'a: “Eyacuiñajjiya Abraham oja mimishima'yo bacapoa.” Jiquio esohui Abrahamajonei pojjeama tehuecapoa. 24Jiquio esohui esejo pea-aiya tehuecapoa. Ojjaña eseya jama pea-aiya bacaje Eyacuiñajjiya eseja mimishima'yo poaje ese Emeshimesenei Jesosa shequimee'yojji epojo e'ejojonei jjashahuabaqui'yajo. 25Eyacuiñajjiya Jesosa huoojeacapoa emano'yojji eseja mimishicuanajo. Majoya Eyacuiñajjiya oya shequimeeca'yapoa Eyacuiñajjija ese mimishima'yo ebajji ojo.
Currently Selected:
ROMANOS 4: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
ROMANOS 4
4
Abraham queaja'a jjashahuabaqui'yapoa
1Jjeya eseja etiiquiana poa Abrahamjo eya mimije so'o. ¿Achajja Eyacuiñajjiya Abraham bacapoa? ¿A'a queapame, a'a oja mimishijji? 2Bacue, Eyacuiñajjiya Abraham mimishima'yo bacapoa oyanei queapame ba'epoquiapoajo pojjeama. Jama poajojjemo Abraham oyanei queapamenee poani jjabaquiquiae. Dejjacuana, eponacuana pea-ai oyanei queapame poani jjabaquica-ajja Eyacuiñajjija oya queapame poani ebajji. 3Eyacuiñajjija esohui oyatiiya poani jama ba'a: “Abraham jjashahuabaqui'yapoa Eyacuiñajjija esohuijo. Jamajojoya aje Eyacuiñajjiya oya bacapoa oja mimishima'yo.” 4Bacue, joya dejja peajo chacochacoje sosequiacaje cuaa. Jamatii pojjeama bejjo quiacaje, sosema' pojjeama. O chacomeejji poaniya oya sosequiacaje oja chaco sosejje. 5Jama pojjeama ca Eyacuiñajji poani. Ojjaña joya Jesosa Quitojo jjashahuabaqui'yanicuana oja mimishima'yo epomeejji Eyacuiñajjiya comacuanaya bacanitii oja mimishima'yo Jesosa Quitojo jjashahuabaqui'yonajejojoya. Jamatii macuana queapame ba'ejjima poanaje o mimishima'yo epojjijo Eyacuiñajjiya comacuanaya bacaje oja mimishima'yo poani. 6Yahuajonei eseja etiiquiaa Davidya oya esohui pea-aiya huohuicapoa Eyacuiñajjiya oja mimishima'yo bacani cuana oyaneitii queapame poanijo pojjeama. Jamajje macuana queabihuinee poa oja mimishima'yo poani Eyacuiñajjiya bacani jjabaquimajje. 7Jama huohuime acapoa Davidya yahuajonei ba'a:
“Ojjaña joya Eyacuiñajjiya oja mimishi cuijeaca'yani jjabaquijjicuana
queabihuinee poani.
Oja mimishicuana Eyacuiñajjiya shahuabapajeaca'yonaje.
8Queabihuinee poani cuana ojjaña joya oja mimishicuana queahuisonee poanaje
Eyacuiñajjiya chama'yo bacajo.”
9¿A'a ojjaña joya queabihuinee poanicuana judío oopana ejjacuiishashajehuisejjameequi nequi? ¡Chojja de! Macuananei pojjeama queabihui pocajji. ¿A'a joya jjacuiishashajehuisejjameequijjima poanicuana joya jjashahuabaqui'yaniya queabihuinee pea-ai poani Eyacuiñajjiya oja mimishima'yo bacani jjabaquimajje? E'e, queabihuinee poani. Eyaya huohuinaje quiana Eyacuiñajjiya Abraham oja mimishima'yo bacapoa oya oja esohuijonei jjashahuabaqui'yapoajojoya, mahuisoneijotiiya. 10¿Acheshono shai Eyacuiñajjiya oya mimishima'yo bacapoa? ¿A'a oya Abraham ejjacuiishashajehuisejjaqui nequi bamajje? ¿A'a oya jjacuiishashajehuisejjaquijjima nequi? ¿Acheshono shai? Eyacuiñajjiya oya oja mimishima'yo bacapoa oya jjacuiishashajehuisejjaquijjimatii nequi. 11Majoya quijje Abraham oja esohuijo ejjashahuabaqui'yotii nequi jjacuiishashajehuisejjaquiapoa. Eyacuiñajjiya oya jama epojjiya huohuicapoa queaja'a ojjañaja ebajji Eyacuiñajjiya Abraham oja mimishima'yo bacani. Jamaya Eyacuiñajjiya bacapoa oya oja esohuijo jjashahuabaqui'yapoajojoya. Jamajojoya aje Abraham ojjañacuana joya Eyacuiñajjija esohuijo jjashahuabaquije'yocuanaja echiimese jayojja poani jamatii jjacuiishashajehuisejjameequijjima nequicacuanaja. Oya jayojja pea-ai Eyacuiñajjiya bacani cuana oja mimishima'yo. 12Abraham ojjaña ecuiishashajehuisejjacuanaja echiimese jayojja poani. Oya oja chiimese jayojja poani majoneitii pojjeama. Macuana ca ma ecua Abraham jjashahuabaqui'yapoa Eyacuiñajjija esohuijo jamatii oya cuiishashaña nequi oya jayojja jjashahuabaqui'yome poanaje cuana oja esohuijo.
Eyacuiñajjiya Abraham huohuicapoa oja esohui oya jayojja ohuaya ajeyocaje'yo
13Yahuajonei Eyacuiñajjiya Abraham huohuicapoa oja esohui oya jayojja quijje ohuaya ajeyocaje'yo jama ba'a: “Eyaya miya jiquio meshi quiaje'yo miquea epo'yojji, miquea osecuacuanaja pea-ai ojjañaja quijje epo'yojji.” Eyacuiñajjiya Abraham esohui queapame jamaya huohuicapoa oya ojjaña Moisesja tehuecuana jayojja ba'epoquiapoajo pojjeama. Oya Abraham e'ejojonei oja esohuijo jjashahuabaqui'yapoa oja mimishima'yo ebajji. Jamajojoya aje Eyacuiñajjiya oya jamaya esohui queapame huohuicapoa. 14Becacuana jjashahuabaquiani ojjaña Moisesja tehuecuana jayojja ba'esaneipoanijo Eyacuiñajjiya oya mimishima'yo poani bacaje. Ojjaña jama jjashahuabaquime poanicuana queaquehuanee poani. Jamajojjemo Eyacuiñajjija esohui ese mimishima'yo ebajji Jesosajo e'ejojonei pojjeama pome. ¿Apiojji Jesosajo jjashahuabaquica'yojji jamajojjemo? 15Eyacuiñajjija esohui Moisesja tehueya eseya huohuicani oja esohui etehue jayojja ojjañatii miba'etiipoquiajo Eyacuiñajjiya eseya queaneenee pomeecaje'yo eseja mimishijo. Eyacuiñajjija esohui etehue o huohuijji oya queamimishi poani chamajo dejjacuana, eponacuana pea-ai shajjama' jayojja pojjeama jjabaquime.
16Eyacuiñajjiya Abraham oja esohui ma quijje ohua o quiacajejo huohuicoocapoa oya e'ejojonei jjashahuabaqui'yapoajojoya. Jamajjeya Eyacuiñajjiya queapamenee apea-aicaje'yo ojjaña oja osecuacuana o jayojja pea-ai e'ejojonei jjashahuabaqui'yanijojoya. Moisesja tehuecuana bajji poaninei oopana pojjeama Eyacuiñajjiya queapamenee acaje'yo. Eyacuiñajjiya ojjaña joya oja esohuijo jjashahuabaqui'yani huisotiicuana queapame apea-aicaje'yo. Jamajjeya Abraham queahuisoneecuanaja echiimese jayojja poani joya Eyacuiñajjija esohuijo jjashahuabaqui'yanicuanaja. 17Eyacuiñajjija esohui yahuajonei etehue jaa jama poani ba'a: “Eyaya miya queahuisojaajjicuanaja chii epojji pomeeje” jama tehuemeya acapoa ojo. Jiquio Eyacuiñajjijoya Abraham jjashahuabaqui'yapoa. Jiquio esohuiya ohuaya ajeyoca'yapoa. Oya Eyacuiñajjiyatiiya emano'yo jaacuana shequimeecaje'yo, cua oja panajjima poacuana ohuaya panacapoquiani oja esohuijotii.
18Eyacuiñajjiya Abraham huohuicapoa quea-osecuahuisonee o pojjijo. Abraham edejjatiinojinoji bacuama'tii nequi jjashahuabapajeaqui'yojjimatii nequipoquiapoa Eyacuiñajjija esohuijo jamatii queacamajanee. Ma o ohua huohuicapoa esohuijotiiya oya queabihui jjaishoaquipoquiapoa. Queajaajjihuisocuanaja echiimese epojji Eyacuiñajjiya oya pomeecapoa. 19Abraham hueyahueyajjimanei poa ejjashahuabaquipoquijjitii Eyacuiñajjija esohuijo jamatii oya beshahuanei 100 shequiajame huiso etii nequiapoa ebacuajji. Oya, oja huanase Sara pea-ai oja eyamijo jjabaquiapoa beshahuanei emano'yojji ani. Abraham, Sara pea-ai jjabaquiapoa etiinojinoji poani ebacuajji. 20Jamatii Abraham Eyacuiñajjija esohui o bacuajji epojjijo jjashahuabapajeaqui'yojjimatii nequiapoa. Eyacuiñajjija esohui ojaya eajeyojji pojjeamajo Abraham jjashahuabaquijjima poa. Abraham ca queaca'a nequipoquiapoa Eyacuiñajjijo. Eyacuiñajji pea-ai ohuaya bihuiatiicapoquiapoa. 21Jamajjeya ohuaya oja esohui shahuabacapoquiapoatii Eyacuiñajjiya queaca'aneetii poaniya oya e'ejojonei ebacua quiacaje. Oja esohuijo ma ohua huohuicapoajoya Abraham jjashahuabatiiquipoquiapoa. 22Jamajojoya aje Eyacuiñajjiya oya oja mimishima'yo bacapoa.
23Eyacuiñajjija esohui etehue jaa jama poani ba'a: “Eyacuiñajjiya Abraham oja mimishima'yo bacapoa.” Jiquio esohui Abrahamajonei pojjeama tehuecapoa. 24Jiquio esohui esejo pea-aiya tehuecapoa. Ojjaña eseya jama pea-aiya bacaje Eyacuiñajjiya eseja mimishima'yo poaje ese Emeshimesenei Jesosa shequimee'yojji epojo e'ejojonei jjashahuabaqui'yajo. 25Eyacuiñajjiya Jesosa huoojeacapoa emano'yojji eseja mimishicuanajo. Majoya Eyacuiñajjiya oya shequimeeca'yapoa Eyacuiñajjija ese mimishima'yo ebajji ojo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006