ROMANOS 3
3
1Jamajjeya jama poanijo, ¿apiojji shai cuiishashajehuisejjameecajji? ¿A'a queapame cuayacajji judío dejja epojji? 2E'e de, judío dejja epojji queapamenee cuayacajji. Bacue, Eyacuiñajjiya judioja etiiquiana oja esohui etehue ebionei quiacoocapoa ojaya judiocuanaja ebajji. 3Jamatii becacuana judío etiiquiana jjashahuabaqui'yosapo-ajjatii poa oja esohuijo. Macuana jama jjashahuabaqui'yosapo-ajja poajo, ¿a'a jama poanijje, Eyacuiñajjija esohui peajja? ¿A'a Eyacuiñajji siajjepojji? ¿A'a macuana jjashahuabaqui'yoajjapoa bamajje Eyacuiñajjiya oja esohui ajeyo'yojjima acaje? 4¡Chojja de! Eyacuiñajjiya ca esohui e'ejojoneitii acapoquiani, siajje po-ajjanei oya. Dejjacuaa pojja'a queahuiso siajje acanijo jamatiiya Eyacuiñajjiya oja esohuicuana ajeyocapoquije'yo. Oja esohui etehue jaa jama poani ba'a:
“Eyacuiñajji miquea esohuijo miya bacaje cuaa e'ejojonei poani.
Mi niñebajji poanicuana ca bacaje cuaa siajjepojji.”
5Becacuana queaquehua jjashahuabaquiani jama ba'a: “Eyacuiñajji queapameneetii nequipoquiani. Jamajjeya eseya queamimishitii eba'epoqui queahuisocuaa queaja'anee Eyacuiñajji queapameneetii poani bacapoquije oya eseya jama pojjeama poani bamajje.” Jamaya queaquehua jjashahuabaquiani cuana. Jama poanijojjemo Eyacuiñajjiya eseya eseja mimishijo queanee pomee'yojjimatii acame. ¿A'a Eyacuiñajji queamimishi pome ese queaneenee pomee'yomajje eseja mimishijo? 6Chojja de, oya queamimishi pojjeama. Eya joya ecua dejja esohui bapojjima'nei jama mimiani. Jiquio jamajojjemo, ¿achajja Eyacuiñajjiya queaja'a ojjaña meshijo ba'ecacuanaja mimishi huohuica'yome? Achajjapishana.
7Ma dejjacuanaya queaquehua jama pea-aiya poani ba'a: Ecuana siajjepojjinei poani bamajje Eyacuiñajji bihuianeicaje cuaa oya siajje po-ajjanei ecuana jama pojjeamajojoya. Jamajjeya ecuana ojaya queaneenee epomee'yojji pojjeama poaje Eyacuiñajji queapamenee poani bacaje cuaa ecuanajo. 8Jama queaquehua poani cuana pea-ai ba'a: “Ecuana queamimishihuisotii ba'epoquije Eyacuiñajji queapameneetii poani peacuanaja oya ebajji ecuanajo. Majoya ecuanajo oya bihuiacaje cuaa.” Jamaya queaquehua mimiani. ¡Chojja de! jama pojjeama. Eya siajje acani cuaa eyaya jama sohuihuohuimeya aña cuana. Eyacuiñajjiya ma dejjacuana e siajje ajji poanicuanaya queaneenee pomeecaje'yo oja mimishijo.
Ojjaña meshijo ba'ecacuana queamimishi epojeyojeyo
9Bacue. ¿A'a Eyacuiñajjiya eseya judionei oopana queapamenee ba'epoquiani bacani joya ecua peajaajji judío pojjeamacuana jama pojjeama? Chojja de, oya jayojja pea-aiya se bacani. Eyaya queaja'a huohuinaje quiana ojjañajaajjicuana judiocuana judío pojjeamacuana pea-aiya queamimishi ba'epoquiani. Mimishi eseja eyamijo nequi e-esemese poani. 10Eyacuiñajjija esohui etehue jaa jama poani ba'a:
“Chama'neinei che oema'nei dejja eponacuana pea-ai oja mimishima'nei poani.
11Chama'neinei che oema'nei dejja, eponacuana pea-ai queaja'a jjashahuabaquiani Eyacuiñajjijo.
Chama'neinei che oema'nei Eyacuiñajji sajji poani oyatii.
12Ojjañaneitiicuana ojayanei ejjashahuabaquijjijo
queaquehuanee ba'epoquiani Eyacuiñajji cajaa amajje.
Ojjañaneitiicuana queamimishi epojeyojeyo.
Chama'neinei queapame ba'epoquianicuana oyatii, che oema'neinei.
13Ojjañaja mimicuana queatainee ecuayaqui dejja emano'yo mojjima jaa jama pea-ai epo pea manomee'yojji.
Ojjañaja yana esohui siajje jeacuayamee epo.
Ojjañaja mimicuana jiquio ecua
peyoja esena' queanee poani jama pea-aiya ecuayaqui peacuana queanee pomeejji.
14Esohui peacuana queayenonee pomeejji nequianitii ojjañaja enabajo.
15Ojjaña ejjacuiananaqui quenequenecuajimajje pea queanee pomeejjijo,
pea na' cuayameequi'yojjijo pea-ai.
16Cua o poquije meshicuanahuasijje queanee pomeeya poquiani cuana cuamaya ma meshijo ba'ecacuana queayenotii eba'epoquijji.
17Ojjaña jjabeiquisapo-ajjaneitii epo peacuananijje.
18Eyacuiñajjima' jayojjanei ojjañacuana jiquio meshijo ba'eca,
jamajjeya ojo meteama poanaje.”
Jamaya Eyacuiñajjija esohui poani ojjaña meshijo ba'ecacuanajo.
19Ecuanaja eba Eyacuiñajjiya oja esohuicuana Moisés tehuemeecapoa judiocuana majo ejjashajja-ajjaquipoquijji nisho. Ojjaña meshijo ba'ecacuana pea-ai oya queamimishi poani jjabaquijji nisho Eyacuiñajjiya oja esohui etehue quiacapoa. Majoya ojjaña eseya quijje mimima' nequicaje o cojjaneijo. Eyacuiñajjiya ojjaña eseya queamimishi epojeyo bacaje'yo. 20Jamajjeya chama'neinei dejja, eponacuana pea-ai Eyacuiñajjiya bacaje oja mimishima'nei poani o oja tehue esohui jayojja ba'esaneipojji poajojoya. Eyacuiñajjiya oja esohui etehue quiacapoa ese queamimishi poani jjabaquijji, majoya quiacapoa.
Eyacuiñajjiya eseya bacani mimishima'yo ese Jesosajo jjashahuabaqui'yajo
21Jjeya caca Eyacuiñajjiya huohuicani achajja ohuaya eseya bacaje mimishima'yo poani jamatii oja esohui Moisesja tehuecuana eseja ajeyojjimajo. Yahuajonei esohuihuohuijji poacuaa huohuicapoa achajja Eyacuiñajjiya eseya bacaje mimishima'yo. Oya esohuiya Moisesja tehueya acani oya jayojjaya. 22Eyacuiñajjiya bacani cuana oja mimishima'yo poani joya Jesosa Quitojo jjashahuabaqui'yani huisotiicuana. Ojjaña meshijo ba'ecacuana oya jayojja pea-aiya bacani Eyacuiñajjiya. 23Eseya queamimishi epojeyojeyo. Jamajjeya eseya quea-Eyacuiñajjihueshatii ba'epoquiani o jayojja pea-ai po-ajjajjejojoya. Oya caca queapameneetii nequipoquiani. 24Eyacuiñajjiya eseya jamatii eseja mimishijjitii ba'e queapamenee acani. Ohuaya eseya mimishima'yo bacani Jesosa Quitojo. Jesosa Quitohua eseja mimishicuana sosequiajeyoca'yonaje o mano'yonaje sosejje. Jjeya eseya joya ecua dejja ejeanobia jaa huoojeacuayaca'yani jama pea-aiya eseja mimishijo po'yani. 25Eyacuiñajjiya Jesosa eseja mimishicuana cuijea'yojji huoojeacapoa. Majoya Jesosa mano'yajo oja na' cuayaqui'yapoa eseja mimishicuana sosequiajeyo'yojji. Jamajjeya eseja mimishicuana ohuaya cuijeacaje'yo ese Jesosajo jjashahuabaqui'yajo. Jamaya Eyacuiñajjiya Jesosa ameeca'yapoa esejaya queaja'a ebajji ojjañacuana queamimishi epo queaneenee pomeeca'yojji. Jamatii Eyacuiñajjiya yahuajonei queaneenee mipomeecuajica'yapoa cuana oja mimishijo. 26Jjeya pea-ai Eyacuiñajjiya oja Bacuaejja manomeeca'yonaje ojjañacuanaja mimishijo queaja'a esejaya ebajji Eyacuiñajjija ojjañacuana queamimishi epo queaneenee pomeeca'yojji. Jamajjeya jjeya Eyacuiñajjiya ojjaña joya Jesosajo jjashahuabaqui'yani huisotiicuana bacaje queapame, oja mimishima'yo.
27¿A'a dejjacuana oyanei queapame poani jjabaquicajji Eyacuiñajjija oya mimishima'yo poani ebajji? ¡Chojja de! Dejja, eponacuana pea-ai oyaneitii queapame poani jjabaquica-ajja mimishima'yo epojji. ¿Yajjajje jama? Oya oja mimishima'yo poani Jesosajo jjashahuabaqui'yomajje, ojoneitii pojjeama. Jamajjeya oya Eyacuiñajjija esohui ojjaña Moisesja tehuecuana jayojja ba'esaneipoanijo pojjeama oya oja mimishima'yo poani bacaje. 28Jamajjeya ojjaña jiquio esohui bajeyomajje eseya jama jjashahuabaquime poani ba'a: “Eyacuiñajjiya dejjacuana, eponacuana pea-ai oja mimishima'yo bacani oya Jesosajo jjashahuabaqui'yonajejojoya, mahuisojotiiya. Oja esohui ojjaña Moisesja tehuecuana jayojja ba'esaneipoanijo pojjeama.”
29¿A'a cuae Eyacuiñajji judiocuana oopananeija poani? ¿A'a oya peajaajjicuanaja Eyacuiñajji pojjeama poani? Chojja de, oya Eyacuiñajji ojjañajaajjicuanaja pea-aiya poani. 30Chama'nei pea Eyacuiñajji, oya oenei enequitii. Ma oeneiyaya mimishima'yo bacani cuana ojjaña joya Jesosajo jjashahuabaqui'yani huisotii judiocuana, judío pojjeamacuana pea-ai. 31Jamajjeya, ¿a'a esejaya Jesosajo jjashahuabaqui'yomajje Eyacuiñajjija esohui Moisesja tehuecuana pajeaca'yojji, peajja'yo bacajji? Chojja de, Eyacuiñajjija esohui oja tehue queapameneetii poani. Esejaya eba ajeo oja tehue quiacapoa.
Currently Selected:
ROMANOS 3: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
ROMANOS 3
3
1Jamajjeya jama poanijo, ¿apiojji shai cuiishashajehuisejjameecajji? ¿A'a queapame cuayacajji judío dejja epojji? 2E'e de, judío dejja epojji queapamenee cuayacajji. Bacue, Eyacuiñajjiya judioja etiiquiana oja esohui etehue ebionei quiacoocapoa ojaya judiocuanaja ebajji. 3Jamatii becacuana judío etiiquiana jjashahuabaqui'yosapo-ajjatii poa oja esohuijo. Macuana jama jjashahuabaqui'yosapo-ajja poajo, ¿a'a jama poanijje, Eyacuiñajjija esohui peajja? ¿A'a Eyacuiñajji siajjepojji? ¿A'a macuana jjashahuabaqui'yoajjapoa bamajje Eyacuiñajjiya oja esohui ajeyo'yojjima acaje? 4¡Chojja de! Eyacuiñajjiya ca esohui e'ejojoneitii acapoquiani, siajje po-ajjanei oya. Dejjacuaa pojja'a queahuiso siajje acanijo jamatiiya Eyacuiñajjiya oja esohuicuana ajeyocapoquije'yo. Oja esohui etehue jaa jama poani ba'a:
“Eyacuiñajji miquea esohuijo miya bacaje cuaa e'ejojonei poani.
Mi niñebajji poanicuana ca bacaje cuaa siajjepojji.”
5Becacuana queaquehua jjashahuabaquiani jama ba'a: “Eyacuiñajji queapameneetii nequipoquiani. Jamajjeya eseya queamimishitii eba'epoqui queahuisocuaa queaja'anee Eyacuiñajji queapameneetii poani bacapoquije oya eseya jama pojjeama poani bamajje.” Jamaya queaquehua jjashahuabaquiani cuana. Jama poanijojjemo Eyacuiñajjiya eseya eseja mimishijo queanee pomee'yojjimatii acame. ¿A'a Eyacuiñajji queamimishi pome ese queaneenee pomee'yomajje eseja mimishijo? 6Chojja de, oya queamimishi pojjeama. Eya joya ecua dejja esohui bapojjima'nei jama mimiani. Jiquio jamajojjemo, ¿achajja Eyacuiñajjiya queaja'a ojjaña meshijo ba'ecacuanaja mimishi huohuica'yome? Achajjapishana.
7Ma dejjacuanaya queaquehua jama pea-aiya poani ba'a: Ecuana siajjepojjinei poani bamajje Eyacuiñajji bihuianeicaje cuaa oya siajje po-ajjanei ecuana jama pojjeamajojoya. Jamajjeya ecuana ojaya queaneenee epomee'yojji pojjeama poaje Eyacuiñajji queapamenee poani bacaje cuaa ecuanajo. 8Jama queaquehua poani cuana pea-ai ba'a: “Ecuana queamimishihuisotii ba'epoquije Eyacuiñajji queapameneetii poani peacuanaja oya ebajji ecuanajo. Majoya ecuanajo oya bihuiacaje cuaa.” Jamaya queaquehua mimiani. ¡Chojja de! jama pojjeama. Eya siajje acani cuaa eyaya jama sohuihuohuimeya aña cuana. Eyacuiñajjiya ma dejjacuana e siajje ajji poanicuanaya queaneenee pomeecaje'yo oja mimishijo.
Ojjaña meshijo ba'ecacuana queamimishi epojeyojeyo
9Bacue. ¿A'a Eyacuiñajjiya eseya judionei oopana queapamenee ba'epoquiani bacani joya ecua peajaajji judío pojjeamacuana jama pojjeama? Chojja de, oya jayojja pea-aiya se bacani. Eyaya queaja'a huohuinaje quiana ojjañajaajjicuana judiocuana judío pojjeamacuana pea-aiya queamimishi ba'epoquiani. Mimishi eseja eyamijo nequi e-esemese poani. 10Eyacuiñajjija esohui etehue jaa jama poani ba'a:
“Chama'neinei che oema'nei dejja eponacuana pea-ai oja mimishima'nei poani.
11Chama'neinei che oema'nei dejja, eponacuana pea-ai queaja'a jjashahuabaquiani Eyacuiñajjijo.
Chama'neinei che oema'nei Eyacuiñajji sajji poani oyatii.
12Ojjañaneitiicuana ojayanei ejjashahuabaquijjijo
queaquehuanee ba'epoquiani Eyacuiñajji cajaa amajje.
Ojjañaneitiicuana queamimishi epojeyojeyo.
Chama'neinei queapame ba'epoquianicuana oyatii, che oema'neinei.
13Ojjañaja mimicuana queatainee ecuayaqui dejja emano'yo mojjima jaa jama pea-ai epo pea manomee'yojji.
Ojjañaja yana esohui siajje jeacuayamee epo.
Ojjañaja mimicuana jiquio ecua
peyoja esena' queanee poani jama pea-aiya ecuayaqui peacuana queanee pomeejji.
14Esohui peacuana queayenonee pomeejji nequianitii ojjañaja enabajo.
15Ojjaña ejjacuiananaqui quenequenecuajimajje pea queanee pomeejjijo,
pea na' cuayameequi'yojjijo pea-ai.
16Cua o poquije meshicuanahuasijje queanee pomeeya poquiani cuana cuamaya ma meshijo ba'ecacuana queayenotii eba'epoquijji.
17Ojjaña jjabeiquisapo-ajjaneitii epo peacuananijje.
18Eyacuiñajjima' jayojjanei ojjañacuana jiquio meshijo ba'eca,
jamajjeya ojo meteama poanaje.”
Jamaya Eyacuiñajjija esohui poani ojjaña meshijo ba'ecacuanajo.
19Ecuanaja eba Eyacuiñajjiya oja esohuicuana Moisés tehuemeecapoa judiocuana majo ejjashajja-ajjaquipoquijji nisho. Ojjaña meshijo ba'ecacuana pea-ai oya queamimishi poani jjabaquijji nisho Eyacuiñajjiya oja esohui etehue quiacapoa. Majoya ojjaña eseya quijje mimima' nequicaje o cojjaneijo. Eyacuiñajjiya ojjaña eseya queamimishi epojeyo bacaje'yo. 20Jamajjeya chama'neinei dejja, eponacuana pea-ai Eyacuiñajjiya bacaje oja mimishima'nei poani o oja tehue esohui jayojja ba'esaneipojji poajojoya. Eyacuiñajjiya oja esohui etehue quiacapoa ese queamimishi poani jjabaquijji, majoya quiacapoa.
Eyacuiñajjiya eseya bacani mimishima'yo ese Jesosajo jjashahuabaqui'yajo
21Jjeya caca Eyacuiñajjiya huohuicani achajja ohuaya eseya bacaje mimishima'yo poani jamatii oja esohui Moisesja tehuecuana eseja ajeyojjimajo. Yahuajonei esohuihuohuijji poacuaa huohuicapoa achajja Eyacuiñajjiya eseya bacaje mimishima'yo. Oya esohuiya Moisesja tehueya acani oya jayojjaya. 22Eyacuiñajjiya bacani cuana oja mimishima'yo poani joya Jesosa Quitojo jjashahuabaqui'yani huisotiicuana. Ojjaña meshijo ba'ecacuana oya jayojja pea-aiya bacani Eyacuiñajjiya. 23Eseya queamimishi epojeyojeyo. Jamajjeya eseya quea-Eyacuiñajjihueshatii ba'epoquiani o jayojja pea-ai po-ajjajjejojoya. Oya caca queapameneetii nequipoquiani. 24Eyacuiñajjiya eseya jamatii eseja mimishijjitii ba'e queapamenee acani. Ohuaya eseya mimishima'yo bacani Jesosa Quitojo. Jesosa Quitohua eseja mimishicuana sosequiajeyoca'yonaje o mano'yonaje sosejje. Jjeya eseya joya ecua dejja ejeanobia jaa huoojeacuayaca'yani jama pea-aiya eseja mimishijo po'yani. 25Eyacuiñajjiya Jesosa eseja mimishicuana cuijea'yojji huoojeacapoa. Majoya Jesosa mano'yajo oja na' cuayaqui'yapoa eseja mimishicuana sosequiajeyo'yojji. Jamajjeya eseja mimishicuana ohuaya cuijeacaje'yo ese Jesosajo jjashahuabaqui'yajo. Jamaya Eyacuiñajjiya Jesosa ameeca'yapoa esejaya queaja'a ebajji ojjañacuana queamimishi epo queaneenee pomeeca'yojji. Jamatii Eyacuiñajjiya yahuajonei queaneenee mipomeecuajica'yapoa cuana oja mimishijo. 26Jjeya pea-ai Eyacuiñajjiya oja Bacuaejja manomeeca'yonaje ojjañacuanaja mimishijo queaja'a esejaya ebajji Eyacuiñajjija ojjañacuana queamimishi epo queaneenee pomeeca'yojji. Jamajjeya jjeya Eyacuiñajjiya ojjaña joya Jesosajo jjashahuabaqui'yani huisotiicuana bacaje queapame, oja mimishima'yo.
27¿A'a dejjacuana oyanei queapame poani jjabaquicajji Eyacuiñajjija oya mimishima'yo poani ebajji? ¡Chojja de! Dejja, eponacuana pea-ai oyaneitii queapame poani jjabaquica-ajja mimishima'yo epojji. ¿Yajjajje jama? Oya oja mimishima'yo poani Jesosajo jjashahuabaqui'yomajje, ojoneitii pojjeama. Jamajjeya oya Eyacuiñajjija esohui ojjaña Moisesja tehuecuana jayojja ba'esaneipoanijo pojjeama oya oja mimishima'yo poani bacaje. 28Jamajjeya ojjaña jiquio esohui bajeyomajje eseya jama jjashahuabaquime poani ba'a: “Eyacuiñajjiya dejjacuana, eponacuana pea-ai oja mimishima'yo bacani oya Jesosajo jjashahuabaqui'yonajejojoya, mahuisojotiiya. Oja esohui ojjaña Moisesja tehuecuana jayojja ba'esaneipoanijo pojjeama.”
29¿A'a cuae Eyacuiñajji judiocuana oopananeija poani? ¿A'a oya peajaajjicuanaja Eyacuiñajji pojjeama poani? Chojja de, oya Eyacuiñajji ojjañajaajjicuanaja pea-aiya poani. 30Chama'nei pea Eyacuiñajji, oya oenei enequitii. Ma oeneiyaya mimishima'yo bacani cuana ojjaña joya Jesosajo jjashahuabaqui'yani huisotii judiocuana, judío pojjeamacuana pea-ai. 31Jamajjeya, ¿a'a esejaya Jesosajo jjashahuabaqui'yomajje Eyacuiñajjija esohui Moisesja tehuecuana pajeaca'yojji, peajja'yo bacajji? Chojja de, Eyacuiñajjija esohui oja tehue queapameneetii poani. Esejaya eba ajeo oja tehue quiacapoa.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006