APOCALIPSIS 4
4
Juanya jjacahuibaquiani jayojja aniya bacanaje Eyacuiñajji bihuiapoequi queahuisoneecuana
1Majoya aje esohui tehuejeyomajje eyaya jjacahuibaquiani jayojja aniya esecuejjani ca'ajji poani Eyahuasijje enobiquijji queahueshanee eca'apejo nequi bajeasohuanaje. Majoya eyaya ma ebionei enijje miminaje mimije o'oya shajja-ajjanaje baasa' janobajjimanei miasajeacani jama. Enijje mimio'oyanaje jama ba'a: “Jaasohuasocue jiquiacua. Eyaya miya jjeya jiquiojo ani bameeje ae poaje quijje.”
2Majotii ani Edojjoshahuapameya eya queaca'a pomeecanananaje ma ohua huohuicaje cuana queaja'a ebajji. Queahuesha Eyahuasijje bajeasohuanaje emeshimese quii-anijjiai nequi. Majotii eanioque ani oe dejja queaja'a bapea-ainaje. 3Ma emeshimese quii-anijjiaijo ani dejja queajijisajajanee poanaje jiquio ecua mei queanahuenee jaspe bajjani, cornalina bajjani pea-ai queajijisajajanee poani jama. O quii-anijjiaisahuajje eshijje tahua oopana jaa bapea-ainaje, jiquio ecua mei queanahuenee esmeralda bajjani queajeaja'anee poani jama. 4Ma emeshimese quii-anijjiaipejjejo pea enequiayiyocopo 24 huisome equii-anijjicuana nequipea-ainaje. Oya huisome 24 etii poanicuana majo anioque ani bapea-ainaje. Ojjaña ma etii poanicuana eanioque ani daquiosheaojji poanaje, oro copocopo corona bajjani oja sapajo iya poanaje pea-ai. 5Emeshimese quii-anijjiai nequijjetii baasiyo queahuiso cuayaquiequinaje. Majje cueji queasajeanee ponequinaje. Queahuisoneecuana taaaqui queashajjaquijjonee poani shajja-ajjanaje. Ma Emeshimese quii-anijjiai cojjaneijo siete huisome cuaquijiji jijiqui bapea-ainaje. Ma siete huisome cuaquijijicuana joya ecua Eyacuiñajjija Edojjoshahuapame siete huisome jayojja queaca'aneetii jjabameequiani jamaya. 6Emeshimese quii-anijjiaihuijje o sahuamiji pea-ai bae-aiai ena jayojja ani quea-oshenee bapea-ainaje. Ma bae-aiai ena jayojja ani jiquio ecua cornalina ejjacojjabaquijji queajeaja'anee poani jama. Emeshimese quii-anijjiai eyiyesamaneijo nequinaje.
O nequisahuajje aninaje cuatro huisome yamijjicuana eshe ani jiquio ecua esejaya jama pojjeama. Ma cuatro huisomeja yamijjicuana ca ecojjacuana queahuiso poanaje ehuijje, quiijje pea-ai. 7Ma ebionei yamijji queacojjahuiso poani docuei ibiaja sapa jayojja poanaje. Pea ca macayahueja sapa jayojja poanaje. Pea ca dejjaja sapa jayojja poanaje. Pea ca huipa cuabesanija sapa jayojja poanaje. 8Ma cuatro huisome yamijjicuana jama poanaje ba'a: Oya seis cuichome huiso poanaje. Ojaya eyamijo ecojjacuana queahuiso poanaje oja cuichoquimejjejjecuanajo pea-ai. Ma cuatro huisome yamijji poanicuanaya ojee ojjaña pojjajo, mecajje pea-ai sohuicuayamajamajanequinaje. Oya esohuitiiya sohuicuayanequinajetii jama ba'a:
Queapameneenee mimishima'neitii nequipoquiani Emeshimesenei,
queapameneenee, queapameneenee oya nequipoquiani.
Eyacuiñajji oenei queaca'neetii nequipoquiani.
Oya yahuajoneinei eanitiiapoa, jjeyanei oya eanitii, quijje pea-ai anitiitiipoquije.
Jama sohuicuayameya pomajamajanequinaje ma cuatro huisome yamijji poanicuana.
9Jamaya ma cuatro huisome yamijji poanicuaa ma equii-anijjiaijo eanioque ani Emeshimesenei bihuiacapoquinaje. Gracias amajamajacapoquinaje pea-ai. Jamaya oya bihuiamajamajacapoquinaje cuaa ma o quii-anijjiaijo ani queaca'aneetii popoquianijojoya, oe po'yoajjanei poanijojoya. 10Jama sohuicuayame poanijo ma 24 huisome etii poanicuana oja cuioshajjajo nequi bahua jaaoquenaje Emeshimesenei eanioque ani cojjaneijo o bihuiapoquiajji. Maya yahuajoneitii eanitiiapoa. Majotii aniya oja oro copocopo corona bajjani oja sapajo iya anicuana Emeshimesenei cojjaneijo iyaca'yonaje sohuicuayaniya jama ba'a:
11“Miyanei ecuanaja Emeshimesenei poani, ecuanaja Eyacuiñajji.
Ecuana sohuicuayanitii mi bihuiapoquiajji
miya ojjañacuana panajji epojojoya.
Miqueanei ejjashahuabaquijjijo miyaya ojjañacuana panapoa.
Jamajojoya aje ojjañacuanaja miya queasajajanee, queapameneetii, queaca'aneetii pea-ai popoquiani bacapoquijji.”
Currently Selected:
APOCALIPSIS 4: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
APOCALIPSIS 4
4
Juanya jjacahuibaquiani jayojja aniya bacanaje Eyacuiñajji bihuiapoequi queahuisoneecuana
1Majoya aje esohui tehuejeyomajje eyaya jjacahuibaquiani jayojja aniya esecuejjani ca'ajji poani Eyahuasijje enobiquijji queahueshanee eca'apejo nequi bajeasohuanaje. Majoya eyaya ma ebionei enijje miminaje mimije o'oya shajja-ajjanaje baasa' janobajjimanei miasajeacani jama. Enijje mimio'oyanaje jama ba'a: “Jaasohuasocue jiquiacua. Eyaya miya jjeya jiquiojo ani bameeje ae poaje quijje.”
2Majotii ani Edojjoshahuapameya eya queaca'a pomeecanananaje ma ohua huohuicaje cuana queaja'a ebajji. Queahuesha Eyahuasijje bajeasohuanaje emeshimese quii-anijjiai nequi. Majotii eanioque ani oe dejja queaja'a bapea-ainaje. 3Ma emeshimese quii-anijjiaijo ani dejja queajijisajajanee poanaje jiquio ecua mei queanahuenee jaspe bajjani, cornalina bajjani pea-ai queajijisajajanee poani jama. O quii-anijjiaisahuajje eshijje tahua oopana jaa bapea-ainaje, jiquio ecua mei queanahuenee esmeralda bajjani queajeaja'anee poani jama. 4Ma emeshimese quii-anijjiaipejjejo pea enequiayiyocopo 24 huisome equii-anijjicuana nequipea-ainaje. Oya huisome 24 etii poanicuana majo anioque ani bapea-ainaje. Ojjaña ma etii poanicuana eanioque ani daquiosheaojji poanaje, oro copocopo corona bajjani oja sapajo iya poanaje pea-ai. 5Emeshimese quii-anijjiai nequijjetii baasiyo queahuiso cuayaquiequinaje. Majje cueji queasajeanee ponequinaje. Queahuisoneecuana taaaqui queashajjaquijjonee poani shajja-ajjanaje. Ma Emeshimese quii-anijjiai cojjaneijo siete huisome cuaquijiji jijiqui bapea-ainaje. Ma siete huisome cuaquijijicuana joya ecua Eyacuiñajjija Edojjoshahuapame siete huisome jayojja queaca'aneetii jjabameequiani jamaya. 6Emeshimese quii-anijjiaihuijje o sahuamiji pea-ai bae-aiai ena jayojja ani quea-oshenee bapea-ainaje. Ma bae-aiai ena jayojja ani jiquio ecua cornalina ejjacojjabaquijji queajeaja'anee poani jama. Emeshimese quii-anijjiai eyiyesamaneijo nequinaje.
O nequisahuajje aninaje cuatro huisome yamijjicuana eshe ani jiquio ecua esejaya jama pojjeama. Ma cuatro huisomeja yamijjicuana ca ecojjacuana queahuiso poanaje ehuijje, quiijje pea-ai. 7Ma ebionei yamijji queacojjahuiso poani docuei ibiaja sapa jayojja poanaje. Pea ca macayahueja sapa jayojja poanaje. Pea ca dejjaja sapa jayojja poanaje. Pea ca huipa cuabesanija sapa jayojja poanaje. 8Ma cuatro huisome yamijjicuana jama poanaje ba'a: Oya seis cuichome huiso poanaje. Ojaya eyamijo ecojjacuana queahuiso poanaje oja cuichoquimejjejjecuanajo pea-ai. Ma cuatro huisome yamijji poanicuanaya ojee ojjaña pojjajo, mecajje pea-ai sohuicuayamajamajanequinaje. Oya esohuitiiya sohuicuayanequinajetii jama ba'a:
Queapameneenee mimishima'neitii nequipoquiani Emeshimesenei,
queapameneenee, queapameneenee oya nequipoquiani.
Eyacuiñajji oenei queaca'neetii nequipoquiani.
Oya yahuajoneinei eanitiiapoa, jjeyanei oya eanitii, quijje pea-ai anitiitiipoquije.
Jama sohuicuayameya pomajamajanequinaje ma cuatro huisome yamijji poanicuana.
9Jamaya ma cuatro huisome yamijji poanicuaa ma equii-anijjiaijo eanioque ani Emeshimesenei bihuiacapoquinaje. Gracias amajamajacapoquinaje pea-ai. Jamaya oya bihuiamajamajacapoquinaje cuaa ma o quii-anijjiaijo ani queaca'aneetii popoquianijojoya, oe po'yoajjanei poanijojoya. 10Jama sohuicuayame poanijo ma 24 huisome etii poanicuana oja cuioshajjajo nequi bahua jaaoquenaje Emeshimesenei eanioque ani cojjaneijo o bihuiapoquiajji. Maya yahuajoneitii eanitiiapoa. Majotii aniya oja oro copocopo corona bajjani oja sapajo iya anicuana Emeshimesenei cojjaneijo iyaca'yonaje sohuicuayaniya jama ba'a:
11“Miyanei ecuanaja Emeshimesenei poani, ecuanaja Eyacuiñajji.
Ecuana sohuicuayanitii mi bihuiapoquiajji
miya ojjañacuana panajji epojojoya.
Miqueanei ejjashahuabaquijjijo miyaya ojjañacuana panapoa.
Jamajojoya aje ojjañacuanaja miya queasajajanee, queapameneetii, queaca'aneetii pea-ai popoquiani bacapoquijji.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006