APOCALIPSIS 3
3
Esohui Jesosaja epeejjicuana Sardis meshijo jjachichaquipoquianija ebajji
1Majoya Jesosa enijje miminequinajetii jama ba'a: “Jiquio esohui tehuepea-aicue angelque ecuea epeejjicuana Sardis meshijo jjachichaquipoquianija ebajji jama ba'a: Eya Eyacuiñajjija Edojjoshahuapame siete huisome jayojja yamijji poani, eya siete huisome majametacuana eiñanequia mejji nequi. Eyaya quiana jama huohuiaña ba'a: Ecuea quiana ebanei achajja miquianaya ba'epoquiani. Queahuisocuaa miquiana queapamenee ejo ba'epoquiani poso acani. Chojja, jama pojjeama quiana ba'e. Miquianaya caca emano'yo jayojja poani ejo queamimishijjejojoya. 2Eyaya quiana queapame pojjeama ba'epoquiani baña jiquio ecua Eyacuiñajjija esohui jama pojjeama. Miquianaya ecahui'yo jayojjatii ba'epoquiani. Jamajjeya oe shequi'yocue Eyacuiñajjija esohuijo ejjashajja-ajjaquipoquio'oyajji. Miquianaya jjeya ca'a-amanei po'yani, jamajjeya oe queaca'a tiipoquicue oja esohuijo ojjaña miquiana queamimishi epojeyo'yo poanijje. 3Jjashahuabaquio'oyacue ma esohuihuohuijjicuaa ebionei miquiana huohuicapoquinaje esohuijoya. Ma esohuijotii jjashajja-ajjaqui'yocue. Pea jjashahuabaquime oe po-o'oyacue miquianaja mimishijo Eyacuiñajjinijje ejjapeequio'oyajji. Miquiana jama mipo'yajo ecahui'yo jayojjatii jaa mishequi'yajo, eya quehuajje poecuajije miquiana queanee pomeeya miquianaja mimishijo. Jiquio ecua dejjaja bajjimanei acheshono siipojji oja equiyasijje poecuajije oya jayojja eya poecuajije miquianaja bajjimanei. 4Beca quiana Sardis meshijo ba'e ca queapame ba'epoquianitii mimishiama joya ecua becacuana daqui jehueama ani jama. Jamajjeya quijje Eyahuasijje eyaya macuana daquioshe quiaje oya queaja'anee ba'epoquinajejojoya. Macuanaya queabihuinee nequipoquijetii enijje. 5Ojjaña joya mimishi cajaa ajji popoquijetiicuana daquiosheneijji nequipoquije. Macuanaja bajjani Eyacuiñajjija libro Eyahuasijje eba'etiitii'yojjijo etehue jaa, ecuea ecuijea'yojji pojjeamatii poaje. Eyaya caca oe ecue Chiija cojjaneijo nequiya, oja angelcuanaja cojjaneijo nequiya pea-ai ja'anei huohuije macuanajaya oja bajjani, ecueatii poaje'yo. 6Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje ojaya epeejjicuana Sardis meshijo jjachichaquipoquianija ebajji.
Esohui Jesosaja epeejjicuana Filadelfia meshijo jjachichaquipoquianija ebajji
7Majoya Jesosa enijje miminequinajetii jama ba'a: “Jiquio esohui tehuepea-aicue oja angelque ecuea epeejjicuana Filadelfia meshijo jjachichaquipoquianija ebajji jama ba'a: Eya ca iña oenei queapameneetii nequipoquiani mimishima'nei, esohui e'ejojonei apoquiajjitii poani. Eyaya queaca'aneetii nequiya huoojeapoquiaje ojjañacuana ma ecua yahuajonei emeshimese Davidya acapoa jama pea-aiya. Chama'nei dejja poaje ecuea ejjashahuabaquijji ameejjima epojji. Eya esecuejjaniai ca'apejoajo, peacuanaja ma esecuejjaniai eca'a'yojji pojjeamatii poaje. Eya esecuejjaniai ca'a'yajo, peacuanaja ma esecuejjaniai eca'apejo'yojji pojjeamatii poaje. Eyaya quiana jama huohuiaña ba'a: 8Ecuea quiana ebanei achajja miquianaya ba'epoquiani. Ecuea esohuijo quiana jjashajja-ajjaquipoquiani, eya cajaa a'yojjimanei quianaja poani jamatii ca'a-amapishana nequiya. Miquiana cojjaneijo oe esecuejjani jayojja nequi ecue ca'apejo. Ma esecuejjani jayojja peacuanaja eca'a'yojji pojjeamatii poaje. 9Bacue, Eyacuiñajjija babaca poso jjabaquijjicuana miquianaja meshijo nequi, oya Eyacuiñajji bihuiapoquiajji poso jjabaquiani. Chojja, macuanaya caca siajje poani, e'ejojonei pojjeama. Ma dejjacuana ca ebionei eshahua Satanás bajjani bihuiapoquiajji poani, ojayatii. Jamajjeya eyaya ma siajjepojjicuana miquiana cojjaneijo oja ecuioshajjajo nequimeeje. Majoya bacaje queahuisocuaa ecuea quiana queajeaneetii poani jama poaje bamajje. 10Miquianaya queaca'a ba'epoquianitii ejo jamatii ecuea esohuijo queacamaja pomeecapoquiani cuaa. Jamajjeya eyaya quiana nahueje Eyacuiñajjiya ojjaña meshijo ba'ecacuana queaneenee pomeecajo quijje. Queacamajanee pomeecaje cuana Eyacuiñajjiya. Majoya ohuaya bacaje ache huisocuana e'ejojonei jjashahuabaquipoquije'yotii ojo. 11Eya poecuajije o'oya. Jamajjeya quiana oe ejo queaja'atii jjashahuabaquipoquicue. A'a peacuanaja esohui queaquehuajo jjashahuabaqui'yojji miquiana queabihuinee pojji Eyahuasijje jjesheñaqui'yojjima yajjijo. 12Ojjaña joya mimishi cajaa ajji popoquijetiicuana eyaya Eyacuiñajjija equi-aijo equi yamajjana queaca'anee jayojja nequimeeje majotii enequipoqui'yojji. Majo equi yamajjana jayojja poanicuanajo ecuea Eyacuiñajjija ebajjani eyaya tehueje, ojaya ciudad Jerusalén eyacua bajjani tehuepea-aije. Ma meshi ciudad queaquemo eba'ejji Eyajo ani oja huoojeaoquea jaaoqueje. Majoya eyaya ma equi yamajjanacuana jayojjabiajje ecuea bajjani eyacua tehuepea-aije. 13Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje ojaya epeejjicuana Filadelfia meshijo jjachichaquipoquianija ebajji.
Esohui Jesosaja epeejjicuana Laodicea meshijo jjachichaquipoquianija ebajji
14Majoya Jesosa enijje miminequinajetii jama ba'a: “Jiquio esohui tehuepea-aicue angelque ecuea epeejjicuana Laodicea meshijo jjachichaquipoquianija ebajji jama ba'a: Jama poani joya Eyacuiñajjija esohui ajeyo'yojji poani. Maya Eyacuiñajjinijje ojee ojjaña panajji epo. Ohuaya quiana jama acani ba'a: 15Ecuea quiana ebanei achajja miquianaya ba'epoquiani. Miquianaya queamimishica'anee pojjeama ba'e jamatii miquianajaya eya queajeapishana poani, queajeanee pojjeama. Jjashahuabaquicue achajja quiana poaje. ¿A'a quea-ejeanee, a'a eya cajaa pojja'a? Eya ca miquianaja queajeapishana posapo-ajja. 16Jjabaquicue, miquianaya caca ena eishijji huoe-ama quiyoama jayojja poani, peajja. Ena jamaa queabohui pomeecani. Jiquio ecua ena jamaa queabohui pomeecajje ojjajeaña, jama pea-aiya eyaya quiana baña cajaa aje e queajeapishana ajji poani bamajje. 17Jama quiana poani ba'a: ‘Ecuana quea-aquianahuiso poani, ojjaña cua ecuaa jjeshesa-aña huisotii jjesheje. Ecuanaja chama' jjeshejjima yajji.’ Chojja, jama pojjeama. Miquianaya jjabaquijjimanei aema'nei jayojja poani, cojjama'nei jayojja, daquima'nei jayojja pea-ai poani. E'ejojonei queayenonee quiana ba'e. Miquianaya jama ba'e bamajje queayeno poani cuana pea-ai. 18Jamajjeya quiana eyaya niñesheaña jama ba'a: Jjeshecue ecuea oro queapamenee Eyacuiñajjijo quea-aquianahuiso jayojja epojji. Jjeshecue daquioshe ehuoshojji miquiana daquima'nei jayojja poani queabicho epo poanijje majoya. Jjeshepea-aicue ecojjashicuijji jayojja miquiana queacojjaja'a po'yojji. 19Eyaya ojjaña joya ecuea queajeanee poani quiana queaneepishana pomeeaña ejjabahuejjaqujji, niñesheaña pea-ai. Jamajjeya e'ejojonei eya queajeanee apoquiacue quiaa pea jjashahuabaquime po-o'oyamajje Eyacuiñajjijo. 20Bacue, eyaya miquianaja equi esecuejjani eca'ajo nequiya iyaaña. Ojjaña joya ecuea esohui shajja-ajjajji poajecuaa oja esecuejjani ca'ajji poani ca'apejocaje e jjequinobiajji. Majoya eya onijje jjapeequije, onijje ijjiaijjiaje pea-ai. 21Ojjaña joya mimishi cajaa ajji popoquijetiicuana eyaya anioquemeeje epejjejo ojjañacuana huoojeapoquiajji epojji enijje quijje. Yahuajonei eyaya ecue Chiija esohui ajeyoapoa, mimishicuana chama'yo apoa. Majoya ohuaya eya opejjejo anioquemeecapoa ojjañacuana huoojeapoquiajjitii epojji ojee onijje. Ma ecua ohuaya eya jama acapoa jama pea-aiya eyaya quiana pomeeje e jayojjaya. 22Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje Jesosaja epeejjicuana Laodicea meshijo jjachichaquipoquianija ebajji.
Currently Selected:
APOCALIPSIS 3: ESE
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006
APOCALIPSIS 3
3
Esohui Jesosaja epeejjicuana Sardis meshijo jjachichaquipoquianija ebajji
1Majoya Jesosa enijje miminequinajetii jama ba'a: “Jiquio esohui tehuepea-aicue angelque ecuea epeejjicuana Sardis meshijo jjachichaquipoquianija ebajji jama ba'a: Eya Eyacuiñajjija Edojjoshahuapame siete huisome jayojja yamijji poani, eya siete huisome majametacuana eiñanequia mejji nequi. Eyaya quiana jama huohuiaña ba'a: Ecuea quiana ebanei achajja miquianaya ba'epoquiani. Queahuisocuaa miquiana queapamenee ejo ba'epoquiani poso acani. Chojja, jama pojjeama quiana ba'e. Miquianaya caca emano'yo jayojja poani ejo queamimishijjejojoya. 2Eyaya quiana queapame pojjeama ba'epoquiani baña jiquio ecua Eyacuiñajjija esohui jama pojjeama. Miquianaya ecahui'yo jayojjatii ba'epoquiani. Jamajjeya oe shequi'yocue Eyacuiñajjija esohuijo ejjashajja-ajjaquipoquio'oyajji. Miquianaya jjeya ca'a-amanei po'yani, jamajjeya oe queaca'a tiipoquicue oja esohuijo ojjaña miquiana queamimishi epojeyo'yo poanijje. 3Jjashahuabaquio'oyacue ma esohuihuohuijjicuaa ebionei miquiana huohuicapoquinaje esohuijoya. Ma esohuijotii jjashajja-ajjaqui'yocue. Pea jjashahuabaquime oe po-o'oyacue miquianaja mimishijo Eyacuiñajjinijje ejjapeequio'oyajji. Miquiana jama mipo'yajo ecahui'yo jayojjatii jaa mishequi'yajo, eya quehuajje poecuajije miquiana queanee pomeeya miquianaja mimishijo. Jiquio ecua dejjaja bajjimanei acheshono siipojji oja equiyasijje poecuajije oya jayojja eya poecuajije miquianaja bajjimanei. 4Beca quiana Sardis meshijo ba'e ca queapame ba'epoquianitii mimishiama joya ecua becacuana daqui jehueama ani jama. Jamajjeya quijje Eyahuasijje eyaya macuana daquioshe quiaje oya queaja'anee ba'epoquinajejojoya. Macuanaya queabihuinee nequipoquijetii enijje. 5Ojjaña joya mimishi cajaa ajji popoquijetiicuana daquiosheneijji nequipoquije. Macuanaja bajjani Eyacuiñajjija libro Eyahuasijje eba'etiitii'yojjijo etehue jaa, ecuea ecuijea'yojji pojjeamatii poaje. Eyaya caca oe ecue Chiija cojjaneijo nequiya, oja angelcuanaja cojjaneijo nequiya pea-ai ja'anei huohuije macuanajaya oja bajjani, ecueatii poaje'yo. 6Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje ojaya epeejjicuana Sardis meshijo jjachichaquipoquianija ebajji.
Esohui Jesosaja epeejjicuana Filadelfia meshijo jjachichaquipoquianija ebajji
7Majoya Jesosa enijje miminequinajetii jama ba'a: “Jiquio esohui tehuepea-aicue oja angelque ecuea epeejjicuana Filadelfia meshijo jjachichaquipoquianija ebajji jama ba'a: Eya ca iña oenei queapameneetii nequipoquiani mimishima'nei, esohui e'ejojonei apoquiajjitii poani. Eyaya queaca'aneetii nequiya huoojeapoquiaje ojjañacuana ma ecua yahuajonei emeshimese Davidya acapoa jama pea-aiya. Chama'nei dejja poaje ecuea ejjashahuabaquijji ameejjima epojji. Eya esecuejjaniai ca'apejoajo, peacuanaja ma esecuejjaniai eca'a'yojji pojjeamatii poaje. Eya esecuejjaniai ca'a'yajo, peacuanaja ma esecuejjaniai eca'apejo'yojji pojjeamatii poaje. Eyaya quiana jama huohuiaña ba'a: 8Ecuea quiana ebanei achajja miquianaya ba'epoquiani. Ecuea esohuijo quiana jjashajja-ajjaquipoquiani, eya cajaa a'yojjimanei quianaja poani jamatii ca'a-amapishana nequiya. Miquiana cojjaneijo oe esecuejjani jayojja nequi ecue ca'apejo. Ma esecuejjani jayojja peacuanaja eca'a'yojji pojjeamatii poaje. 9Bacue, Eyacuiñajjija babaca poso jjabaquijjicuana miquianaja meshijo nequi, oya Eyacuiñajji bihuiapoquiajji poso jjabaquiani. Chojja, macuanaya caca siajje poani, e'ejojonei pojjeama. Ma dejjacuana ca ebionei eshahua Satanás bajjani bihuiapoquiajji poani, ojayatii. Jamajjeya eyaya ma siajjepojjicuana miquiana cojjaneijo oja ecuioshajjajo nequimeeje. Majoya bacaje queahuisocuaa ecuea quiana queajeaneetii poani jama poaje bamajje. 10Miquianaya queaca'a ba'epoquianitii ejo jamatii ecuea esohuijo queacamaja pomeecapoquiani cuaa. Jamajjeya eyaya quiana nahueje Eyacuiñajjiya ojjaña meshijo ba'ecacuana queaneenee pomeecajo quijje. Queacamajanee pomeecaje cuana Eyacuiñajjiya. Majoya ohuaya bacaje ache huisocuana e'ejojonei jjashahuabaquipoquije'yotii ojo. 11Eya poecuajije o'oya. Jamajjeya quiana oe ejo queaja'atii jjashahuabaquipoquicue. A'a peacuanaja esohui queaquehuajo jjashahuabaqui'yojji miquiana queabihuinee pojji Eyahuasijje jjesheñaqui'yojjima yajjijo. 12Ojjaña joya mimishi cajaa ajji popoquijetiicuana eyaya Eyacuiñajjija equi-aijo equi yamajjana queaca'anee jayojja nequimeeje majotii enequipoqui'yojji. Majo equi yamajjana jayojja poanicuanajo ecuea Eyacuiñajjija ebajjani eyaya tehueje, ojaya ciudad Jerusalén eyacua bajjani tehuepea-aije. Ma meshi ciudad queaquemo eba'ejji Eyajo ani oja huoojeaoquea jaaoqueje. Majoya eyaya ma equi yamajjanacuana jayojjabiajje ecuea bajjani eyacua tehuepea-aije. 13Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje ojaya epeejjicuana Filadelfia meshijo jjachichaquipoquianija ebajji.
Esohui Jesosaja epeejjicuana Laodicea meshijo jjachichaquipoquianija ebajji
14Majoya Jesosa enijje miminequinajetii jama ba'a: “Jiquio esohui tehuepea-aicue angelque ecuea epeejjicuana Laodicea meshijo jjachichaquipoquianija ebajji jama ba'a: Jama poani joya Eyacuiñajjija esohui ajeyo'yojji poani. Maya Eyacuiñajjinijje ojee ojjaña panajji epo. Ohuaya quiana jama acani ba'a: 15Ecuea quiana ebanei achajja miquianaya ba'epoquiani. Miquianaya queamimishica'anee pojjeama ba'e jamatii miquianajaya eya queajeapishana poani, queajeanee pojjeama. Jjashahuabaquicue achajja quiana poaje. ¿A'a quea-ejeanee, a'a eya cajaa pojja'a? Eya ca miquianaja queajeapishana posapo-ajja. 16Jjabaquicue, miquianaya caca ena eishijji huoe-ama quiyoama jayojja poani, peajja. Ena jamaa queabohui pomeecani. Jiquio ecua ena jamaa queabohui pomeecajje ojjajeaña, jama pea-aiya eyaya quiana baña cajaa aje e queajeapishana ajji poani bamajje. 17Jama quiana poani ba'a: ‘Ecuana quea-aquianahuiso poani, ojjaña cua ecuaa jjeshesa-aña huisotii jjesheje. Ecuanaja chama' jjeshejjima yajji.’ Chojja, jama pojjeama. Miquianaya jjabaquijjimanei aema'nei jayojja poani, cojjama'nei jayojja, daquima'nei jayojja pea-ai poani. E'ejojonei queayenonee quiana ba'e. Miquianaya jama ba'e bamajje queayeno poani cuana pea-ai. 18Jamajjeya quiana eyaya niñesheaña jama ba'a: Jjeshecue ecuea oro queapamenee Eyacuiñajjijo quea-aquianahuiso jayojja epojji. Jjeshecue daquioshe ehuoshojji miquiana daquima'nei jayojja poani queabicho epo poanijje majoya. Jjeshepea-aicue ecojjashicuijji jayojja miquiana queacojjaja'a po'yojji. 19Eyaya ojjaña joya ecuea queajeanee poani quiana queaneepishana pomeeaña ejjabahuejjaqujji, niñesheaña pea-ai. Jamajjeya e'ejojonei eya queajeanee apoquiacue quiaa pea jjashahuabaquime po-o'oyamajje Eyacuiñajjijo. 20Bacue, eyaya miquianaja equi esecuejjani eca'ajo nequiya iyaaña. Ojjaña joya ecuea esohui shajja-ajjajji poajecuaa oja esecuejjani ca'ajji poani ca'apejocaje e jjequinobiajji. Majoya eya onijje jjapeequije, onijje ijjiaijjiaje pea-ai. 21Ojjaña joya mimishi cajaa ajji popoquijetiicuana eyaya anioquemeeje epejjejo ojjañacuana huoojeapoquiajji epojji enijje quijje. Yahuajonei eyaya ecue Chiija esohui ajeyoapoa, mimishicuana chama'yo apoa. Majoya ohuaya eya opejjejo anioquemeecapoa ojjañacuana huoojeapoquiajjitii epojji ojee onijje. Ma ecua ohuaya eya jama acapoa jama pea-aiya eyaya quiana pomeeje e jayojjaya. 22Joya shajja-ajjaneisapoaniya quiaa shajja-ajjaneicue ma Eyacuiñajjija Edojjoshahuapameya esohui huohuicaje pea ecuea epeejjicuana jjachichaquipoquianija ebajji.” Mahuisoneiya eya tehuemeecanaje Jesosaja epeejjicuana Laodicea meshijo jjachichaquipoquianija ebajji.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Copyright Mision Nuevas Tribus, 2006