مقتطفات من الزبور 82
82
حكم الله على الأسياد الروحيّين
1هوّ الله القائِم على عرشه ربّ العالمين،
الحَكَم العدل على الأسياد الروحيّين.
فيقول تعالى للأسياد،
2"لأيمتى رح تضلّوا بالظلم حاكمين؟
وللأشرار منحازين؟
3روحوا دافعوا عن حقّ اليتامى والمذلولين،
وانصفوا الضُعفا والمساكين.
4نجّوا الفقرا والمظلومين.
خلّصوهُن من إيدين الأشرار.
5ولكن إنتو، لا علم ولا فهم، جاهلين،
وبالظلام ضايعين، والأرض حواليكُن عم تنهار.
6أنا الله كنت قول: "إنكُن أسياد روحيّين،
من عرش العليّ العظيم قريبين،
7ولكن خلّيتكُن تموتوا متل البني آدمين،
وتسقطوا متل الحكّام الأرضيين."
8فاللهمّ يا ربّ، أقم حكمَك في العالمين،
لانّك أنتَ مالِك الملك، الوارث، للأمم أجمعين.
آمين.
Currently Selected:
مقتطفات من الزبور 82: LRT
Highlight
Share
Copy
Want to have your highlights saved across all your devices? Sign up or sign in
© 2021 Sabeel Media
