Kus 18
18
Malaika naaranga okuhwerekerra kw'orubuga Bbabbulooni
1Ebi obu byahoire, narora malaika ondi naasirimuka naaruga omwiguru, aina obusobozi bwingi, kandi ensi yayangasana habw'ekitiinisa kye. 2#Is 21:9; Yer 51:8; Kus 14:8; Is 13:21; Yer 50:39.Yayamirra n'iraka ery'amaani ati:
“Rugwire Bbabbulooni orubuga rukuru! Rugwire!
Rufookere bwikaro bw'emizimu,
bwikaro bwa buli mwoyo mubi gwona,
bwikaro obwikarwamu buli kinyonyi kyona ekirofu kandi ekirukunobwa;
3 #
Is 23:17; Yer 51:7. habwokuba amahanga goona gatamiire obubi bw'obusiihani bwarwo,
kandi abakama ab'ensi basiihaine narwo,
n'abasuubuzi ab'ensi baguudahaire habw'itungo erirugire
omu rwanju rwarwo.”
4 #
Is 48:20; Yer 50:8; 51:6,45. Nubwo nahuliire iraka erindi erirukuruga omwiguru nirigamba liti:
“Inywe, bantu bange, muturuke muruge omu rubuga oru,
timwikara kwetaba omu bibi byarwo,
mukabagana ha mihito yarwo.
5 #
Kub 18:20,21; Yer 51:9. Ebibi byarwo bituumire kuhika ha iguru,
kandi Ruhanga aijukire obubi bwarwo.
6 #
Zab 137:8; Yer 50:29. Murukole nkooku rwakozire abandi,
kandi mururongoole kabiri habw'ebi rwakozire,
ekikopo ky'amarwa ag'empotole aga rwabanywisize,
inywe murugarurremu kabiri.
7 #
Is 47:7-9. Nkooku rwayenyumiize rwonka kandi rwagira orwanju,
na inywe nukwo murusaalize kandi murutuntuze muti.
Noobu ruraaba nirugamba omu mutima gwarwo ruti:
‘Nyikaliire nk'Omugo, tindi mufakaati, obujune tibulimpikaho’,
8baitu kiro kimu emihito yarwo eriruhikaho:
orufu, okuganya na kiihe,
kandi rulyokebwa omurro;
habwokuba MUKAMA Ruhanga ow'obusobozi bwona
nuwe arukurucwera omusango.”
Abantu ab'ensi zoona nibalirirra Bbabbulooni
9 #
Ezek 26:16,17. Abakama ab'ensi abaasiihaine kandi abaayanjukire narwo, balirulirirra kandi baruterre empamo obu balirora omwika gwarwo nigucuuka. 10Balyemerra hara, nibatiina kururora nirubonabonesibwa, kandi baligamba bati:
“Ai bambi! Ai Bambi! Iwe rubuga orukuru!
Iwe Bbabbulooni orubuga orw'amaani!
Ekifubiro kyakuhikaho omu saaha emu yonka.”
11 #
Ezek 27:31,36. Abasuubuzi ab'omunsi nibarulirirra kandi nibarugaragarra, habwokuba busaho n'omu akyayongera kubaguraho bintu byabo: 12#Ezek 27:12,13,22.zaabbu, efeeza, amabaale g'omuhendo n'eruuru; bafuta enungi eya kahuukya, engoye eza liiri n'ezirukutukura; n'emiti yoona erukuboya kurungi; ebintu byona ebyakozirwe omu masanga, byona ebyabaizirwe omu miti ey'omuhendo, omu mulinga ogw'omuherre, ekyoma ekigumire n'amabaale agarukwangasana; 13eby'okuboyesa ebyokulya, ebirungo, eseeta, omugaju, emyamirro, amarwa, amagita, ensaano enungi n'engano; ente n'entaama; embaraasi n'ebigaali byazo, hamu n'abairu rubaale--nukwo kiti nambere abantu bahingisibwamu ebintu.
14“Amagoba omwoyo gwawe aga gwayegombere, gakurugireho,
kandi byona ebi wayekunisaaga hamu n'ekitiinisa kyawe
obifeerirwe, toligaruka kubirora!” 15#Ezek 27:31,36.Abasuubuzi ab'ebintu ebi, abaaguudahaziibwe itungo ery'orubuga oru, balyemerra hara, nibatiina kururora nirubonabonesibwa, nibaganya kandi nibarra bati:
16“Ai bambi! Ai bambi! Orubuga orukuru,
orwajwaraga bafuta enungi, ey'erangi kahuukya n'erukutukura,
orwatonerwe n'ezaabbu, amabaale ag'omuhendo n'eruuru!
17 #
Is 23:14; Ezek 27:26-30. Obuguuda obu bwona buhwerekereziibwe omu saaha emu yonka.” Kandi bakama b'emeeri, n'abo abagenderamu, abalimba n'abo abanyakusuburra ha nyanja baayema hara, 18#Ezek 27:32.nibaborooga muno obu baarozire omwika gwarwo nigucuuka, bayekaguza bati:
“Rubuga ki orwainganaga orubuga runu orukuru?” 19#Ezek 27:30-34.Baayeseesa ecuucu ha mitwe. Obu, nibaganya, nibarra kandi nibeesaalinga bati:
“Ai bambi! Ai bambi! Orubuga orukuru,
orwaguudahaize boona abakaba baina emeeri ha nyanja!
Ruhwerekereziibwe omu saaha emu.
20 #
Bir 32:43; Yer 51:48. Iwe iguru, inywe abahikiriire, abakwenda n'abarangi murwebugire,
habwokuba Ruhanga arusingisize omusango habwanyu!”
21 #
Yer 51:63,64;
Ezek 26:21. Nubwo malaika ow'amaani yakomere ibaale erirukwingana orubengo orukooto, yalihungura omu nyanja naagamba ati:
“Bbabbulooni orubuga orukuru
nukwo rulinagwa hansi n'amaani ruti,
kandi tiruligaruka kuzooka.
22 #
Ezek 26:13; Is 24:8. #
Yer 7:34; 25:10. Amaraka g'abateezi b'endongo n'ag'abazini,
ag'abateezi b'enseegu hamu n'ag'abateezi b'engwara,
tigaligaruka kuhulirwa omuli iwe;
kandi omukozi w'omulimo gwona taligaruka kuzooka omuli iwe;
n'iraka ery'orubengo tiririgaruka kuhulirwa omuli iwe.
23Kandi ekyererezi eky'etaara tikirigaruka kwakira omuli iwe.
Iraka erya kigabura n'erya kigabuka tiririgaruka kuhulirwa omuli iwe.
Mazimakwo abasuubuzi bawe bakaba bali bantu barangaanwa omunsi,
habwokuba amahanga goona okagabiihabiiha n'oburogo bwawe. 24#Yer 51:49.Kandi omu rubuga oru hakaba haseesekeremu esagama ey'abarangi
n'abahikiriire,
n'eya boona abaisirwe omunsi.”
Currently Selected:
Kus 18: BRR2008
Highlight
Copy
Compare
Share
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
