Lev 1
1
Ebihongwa eby'okwokya
1MUKAMA akeeta Musa yabaza na uwe ali omu Heema ey'okutangatanganiramu, yamugambira ati: 2Gambira abantu ba Isirairi oti: Omuli inywe, obu haraabahoga omuntu arukuleetera MUKAMA ekihongwa, akiihege omu igana ery'ente, ery'entaama rundi ery'emburabuzi.
3Omuntu ogu obu araabaga aleesire ente kuba kihongwa eky'okwokya, aleetege enimi etanyina kamogo; agiheereyo ha mulyango ogw'Eheema ey'okutangatanganiramu, nukwo MUKAMA amusiime; 4ate omukono gwe ha kihongwa eki eky'okwokya, nukwo kiikirizibwe okumuleherra ebibi. 5Nubwo, enimi egi, agiitire MUKAMA; banyakatagara batabani ba Arooni baleete esagama yayo bagimiisire itambiro erinyakuli ha mulyango gw'Eheema ey'okutangatanganiramu balyehinguliriize. 6Omuntu ogu abaage ekihongwa kye eky'okwokya, akiihe emyanya; 7batabani ba Arooni nyakatagara, bahembe omurro ha itambiro, bahingikeho enku; 8emyanya y'ente, omutwe n'ebisajwa, ebintu ebi babite ha murro ogunyakuli ha itambiro; 9baitu ebyenda n'ebirenge byayo abyokye. Ebi byona, nyakatagara abyokeze ha itambiro, eki nikyo kihongwa ekyokeze ekirukuboyera kurungi MUKAMA.
10Ekihongwa kye obu kiraaba kiri ky'entaama rundi ky'emburabuzi ahonge ekihaya ekitanyina kamogo; 11agiitire MUKAMA, ha bukiizi bw'emoso obw'itambiro, banyakatagara batabani ba Arooni esagama yakyo bagimiisire itambiro balyehingulirize. 12Kihonga, mpaya egi agiihe emyanya, enyama egi, hamu n'omutwe n'ebisajwa, nyakatagara abihingike ha nku ez'omurro ogunyakuli ha itambiro; 13baitu ebyenda n'ebirenge byayo abyogye. Ebi byona nyakatagara abihonge kandi abyokeze ha itambiro, eki nikyo kihongwa ekyokeze ekirukuboyera kurungi MUKAMA.
14Ekihongwa eky'okwokya, kuba kiba kiri kinyonyi, ahonge enduka rundi amaiba amato. 15Nyakatagara, ekihongwa eki, akireete ha itambiro, akihotole ebikya, akicweho omutwe, agwokeze ha itambiro; 16ekyadundu kyayo n'ebyoya, abinage ha rubaju orwa Burugaizooba obw'itambiro nambere baseesa iju; 17agyatirre agisigeho amapapa gaayo, kyonka atagyahukanizaamu habiri. Ekihongwa eki, nyakatagara akyokeze ha itambiro, ha nku ezinyakuli ha murro; eki nikyo kihongwa ekyokeze ekirukuboyera kurungi MUKAMA.
Currently Selected:
Lev 1: BRR2008
Highlight
Copy
Compare
Share
Want to have your highlights saved across all your devices? Sign up or sign in
Bible in Runyoro/Rutooro Interconfessional Translation © Bible Society of Uganda, 2008.
