Sir 5
5
Ŋikisila ŋulu eyarere a ŋinakoloŋit
1Nyikinyomit anakiyar kon a daadaŋ ebari kon, kori nyitema,
“Ayakar ayoŋ ibore ŋini eketemokino.”
2Nyitamak akiwuap ŋuna ka acamit kon ka ŋuna ka agogoŋu kon
anakiwuapit ekibure ŋolo ke etau kon.
3Nyitema, “Ŋae epedori akipuka ayoŋ?”
Kire jik ikisicani Ekapolon iyoŋ.
4Nyitema, “Abu ayoŋ osec, anu apotu kitiyakin neni kaŋ?”
Nyeŋoyenene Ekapolon atipei.
5Nyikinyomit atemar kasec daŋ, ekesyonio,
ido nai torubak iyasi asecit nasecit.
6Nyitema, “Epol akisyon ŋina a Ekapolon,
isyoni iŋes ŋasecisya kaŋ ŋuna alalak,”
anerae eyakar Ekapolon akisyon ka daŋ eyakar anyunyura,
ido eyakaun aŋoit keŋ neni a ŋikasecak.
7Nyiŋel aboŋun neni a Ekapolon,
ido tojoŋo a ŋinakoloŋit atemanar eiuni moi,
anerae ebuni anyunyura ŋina ke Ekapolon neni kon pa iyeni iyoŋ,
ido itwani iyoŋ erae iŋes ikisicanit iyoŋ.
8Nyiwuakinit akikinyomit kon lobari ŋolo edemunitae ŋinice,
anerae mam ajokis iryamuni iyoŋ aŋuna a ebari a ŋol akoloŋit ŋina ka akinyasuno.
9Nyiruwor ekerimiton ikoŋin,
kori ekameton ŋirotin daadaŋ.
10Torubak itiirae anakiro a ŋuna iyeni iyoŋ,
ido emaikina ŋakiro ŋuna irworo iyoŋ erae ŋunapei sek irworo iyoŋ ekiŋaren.
11Torae ŋini iiranari ŋakiro atipei, nai nyikirikirak aboŋokin.
12Ani kiyeni iyoŋ ŋunalimuno, toboŋok ikidunyet kon,
nai ani pa kiyeni, tobun a akan kon akituk kon.
13Erae lorwor ebunio akitopolooro ka amamukau akitopolooro,
epedorete ŋaŋajepa a ŋituŋa akiteryamun ŋituŋa ŋican.
14Tocoite nyikinyarae ŋini itobobot akitub,
ido nyilokununui ŋituŋa ŋuluce alorwor kon;
anerae eryamununui ekokolan ŋileec
ka eryamununeete ŋulu itoboboto ŋakitukwa atubokino ŋina apolon.
15Nyitiya ŋadi ŋuna alalak, kori ŋuna ekudyoko, ikotere nyiryamu ŋican,
Currently Selected:
Sir 5: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.