Sir 48
48
Eliya
(1 Ŋirw. 17:1-18, 19)
1Ekaku, abu ekadwaran Eliya toyakaun, arae iŋes ekadwaran ŋolo ekote ŋakiro keŋ eriraete akim
ka eleereete ŋakiro keŋ ekote neni enokia atoc.
2Abu iŋes yau eron neni kec
ka analelakinit keŋ akitiya ŋun, kitukudiou ekimar kec.
3Abu iŋes togolok nakuj alotooma akirot ŋina a Ekapolon
ka nabo abu kitodou akim ŋarwa ŋauni.
4Okoe Eliya arae ŋakujuwuanisya kon ŋuna ka aumokin!
apolou a ŋae ikwaan ka ŋina kon?
5Ibu iyoŋ kiteyaru ituŋanan ŋini atwanit,
ibu kiteyaru iŋes anakibois a ŋikatwak
alotooma akirot ka Akuj a ŋina alokidiama nooi.
6Ibu iyoŋ kitasalu arwonu a ŋirwosi ka apotu kinyasunos
ka ibu kinyasu alokitaadae kec ŋikilyok ŋulu ayenen ŋulu aperete.
7Ibu iyoŋ kiira akieyakino ŋina a Ekapolon alo Sinai
ka atubokino alo Oreb akinyaŋar a Ekapolon ŋakiro a ŋimoe keŋ.
8Ibu iyoŋ kitaleu a akimyet ŋirwosi aŋuna ka ayaunia akisicanio
ka ŋikadwarak aŋuna ka akilunyokin lorot kon.
9Aponi ikiyai iyoŋ kidiama alokuwuam a ŋolo epiripiri tonoki,
aponi ikiyai iyoŋ a agaari a ŋina eritae a ŋaŋolei a ŋuna anepete.
10Anapaki a ŋina eseunitae igiritae atemar,
ikicamakinitae iyoŋ akitidipokin anyunyura ŋina ka Akuj eriŋa nyebukuno alotooma aŋoit,
aŋuna ka akibelekinio ŋitai a ŋikauruunak tominakis ŋidwe kec
ka akinyakun ŋikabilae a Yakob.
11Elakara ŋulu ikiŋolikinito iyoŋ,
ido apotu ikes tojokyata aŋuna ka amina kon ikes;
anerae isua daŋ ikiyari kire.
Elisa
(2 Ŋirw. 2:9-13)
12Ani itolomaryo Eliya lokuwuam ŋolo epiripiri,
abu etau ŋolo ke Eliya kilelebikin neni ke Elisa.
Abu iŋes kitiya ŋakujuwuanisya ŋuna alalak ŋarwa ŋaarei akilo ŋuna etiyat Eliya
ka ŋuna alimununui iŋes a akituk keŋ,
erae daadaŋ ŋuna ka aumokin.
nyemaranikina iŋes apaki daadaŋ anakiyar keŋ alokiŋaren edio kepukan;
kori pa apedori idio akitukuryanikin iŋes tari iwadio daŋ.
13Amam ibore agogoŋ aneni keŋ
ka ani etwani iŋes,
abu akekuwan torubak itoodi ŋakujuwuanisya.
14Abu iŋes kitiya anakiyar keŋ ŋaumonokineta
ka alotooma atwanare keŋ, apotu ŋiticisyo keŋ toruwor ŋulu ka aumokin.
15Tari anakitiyanakiniata a ŋun a daadaŋ, apotu ŋituŋa nyekiwa,
apotu daŋ nyeŋero ŋasecisya kec,
akitodol ŋina ekamarere ikes anakwap kec,
ido kielakinae nakwapin daadaŋ.
Aponi toesikinae ŋituŋa ŋidikudyo nooi alokimar,
nai toyakatar ekepukan ŋolo alokal a Daudi.
16Apotu ŋice kec kitiyata ŋuna pa eyookino,
nai apotu ŋice torubakis eseceneneete jik.
Esekia
(2 Ŋirw. 18:1-20, 21)
17Abu Esekia todukok etaun keŋ ka arwatata,
ido abu yau ŋakipi tooma lotaun, abu kiciek a ŋasuwa akitelosit ŋina itorunete ŋakipi
ka abu tobok ŋakare a ŋakipi.
18Alorwa a ŋulu epukator iŋes, abu Senakerib torem akwap keŋ;
abu Senakerib kiyakiya ekapolokiniton a ŋasigarya keŋ nakwap a Esekia, nai toboŋo iŋes.
Abu ŋol kiniŋiniŋ akan keŋ itoroniyarit Sion,
ido kitiya ŋuna ka akituro alotooma akisupa.
19Apotu nai ŋitai a ŋituŋa a Sion tomaranikis kaapei ka ŋakan kec;
ido toryabakinos ikes lopite ŋolo eryabakinor aberu edoli akidoun.
20Nai apotu ikes tonyarata Ekapolon ŋolo isyoniono,
apotu ikes kitiyata ŋun epetarito ŋakan kec neni a Ekapolon.
Abu ŋolo asegan kiira anakuj ikes atipei,
ido tolaku ikes kisitiya Isaya aŋuna ka alakun ikes.
21Abu Ekapolon tomunya ajore ŋina ka Asiriya aneni eboiyo,
ido abu emalaika a Ekapolon kitoŋopiya ikes daadaŋ;
22anerae abu Esekia kitiya ŋuna etalakarito Ekapolon
ka abu iŋes torubak iwuapit ŋuna etiyat papaa keŋ Daudi,
lopite ŋolo alimokinitor iŋes ekadwaran Isaya,
ŋolo apolon ka ŋolo ekinyoma anakisileerekineta keŋ.
Isaya
(2 Ŋirw. 20:10-11)
23Alorwa a ŋulu ka Isaya, abu akoloŋ toboŋo neni sek alomunia,
ido abu Isaya kitooyaa akiyar ŋina ke erwosit.
24Aŋuna ka atitinyikinit a etau keŋ, abu iŋes kiŋolek ŋuna aponito alokiŋaren,
ido abu kisirworiu ŋulu egworosi alo Sion.
25Abu iŋes kisileereu ŋuna elosete atakanun apaki ŋina edaunor ibore daadaŋ
ka ŋiboro ŋulu etakanunete ŋulu sek nyetakanuna.
Currently Selected:
Sir 48: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 48
48
Eliya
(1 Ŋirw. 17:1-18, 19)
1Ekaku, abu ekadwaran Eliya toyakaun, arae iŋes ekadwaran ŋolo ekote ŋakiro keŋ eriraete akim
ka eleereete ŋakiro keŋ ekote neni enokia atoc.
2Abu iŋes yau eron neni kec
ka analelakinit keŋ akitiya ŋun, kitukudiou ekimar kec.
3Abu iŋes togolok nakuj alotooma akirot ŋina a Ekapolon
ka nabo abu kitodou akim ŋarwa ŋauni.
4Okoe Eliya arae ŋakujuwuanisya kon ŋuna ka aumokin!
apolou a ŋae ikwaan ka ŋina kon?
5Ibu iyoŋ kiteyaru ituŋanan ŋini atwanit,
ibu kiteyaru iŋes anakibois a ŋikatwak
alotooma akirot ka Akuj a ŋina alokidiama nooi.
6Ibu iyoŋ kitasalu arwonu a ŋirwosi ka apotu kinyasunos
ka ibu kinyasu alokitaadae kec ŋikilyok ŋulu ayenen ŋulu aperete.
7Ibu iyoŋ kiira akieyakino ŋina a Ekapolon alo Sinai
ka atubokino alo Oreb akinyaŋar a Ekapolon ŋakiro a ŋimoe keŋ.
8Ibu iyoŋ kitaleu a akimyet ŋirwosi aŋuna ka ayaunia akisicanio
ka ŋikadwarak aŋuna ka akilunyokin lorot kon.
9Aponi ikiyai iyoŋ kidiama alokuwuam a ŋolo epiripiri tonoki,
aponi ikiyai iyoŋ a agaari a ŋina eritae a ŋaŋolei a ŋuna anepete.
10Anapaki a ŋina eseunitae igiritae atemar,
ikicamakinitae iyoŋ akitidipokin anyunyura ŋina ka Akuj eriŋa nyebukuno alotooma aŋoit,
aŋuna ka akibelekinio ŋitai a ŋikauruunak tominakis ŋidwe kec
ka akinyakun ŋikabilae a Yakob.
11Elakara ŋulu ikiŋolikinito iyoŋ,
ido apotu ikes tojokyata aŋuna ka amina kon ikes;
anerae isua daŋ ikiyari kire.
Elisa
(2 Ŋirw. 2:9-13)
12Ani itolomaryo Eliya lokuwuam ŋolo epiripiri,
abu etau ŋolo ke Eliya kilelebikin neni ke Elisa.
Abu iŋes kitiya ŋakujuwuanisya ŋuna alalak ŋarwa ŋaarei akilo ŋuna etiyat Eliya
ka ŋuna alimununui iŋes a akituk keŋ,
erae daadaŋ ŋuna ka aumokin.
nyemaranikina iŋes apaki daadaŋ anakiyar keŋ alokiŋaren edio kepukan;
kori pa apedori idio akitukuryanikin iŋes tari iwadio daŋ.
13Amam ibore agogoŋ aneni keŋ
ka ani etwani iŋes,
abu akekuwan torubak itoodi ŋakujuwuanisya.
14Abu iŋes kitiya anakiyar keŋ ŋaumonokineta
ka alotooma atwanare keŋ, apotu ŋiticisyo keŋ toruwor ŋulu ka aumokin.
15Tari anakitiyanakiniata a ŋun a daadaŋ, apotu ŋituŋa nyekiwa,
apotu daŋ nyeŋero ŋasecisya kec,
akitodol ŋina ekamarere ikes anakwap kec,
ido kielakinae nakwapin daadaŋ.
Aponi toesikinae ŋituŋa ŋidikudyo nooi alokimar,
nai toyakatar ekepukan ŋolo alokal a Daudi.
16Apotu ŋice kec kitiyata ŋuna pa eyookino,
nai apotu ŋice torubakis eseceneneete jik.
Esekia
(2 Ŋirw. 18:1-20, 21)
17Abu Esekia todukok etaun keŋ ka arwatata,
ido abu yau ŋakipi tooma lotaun, abu kiciek a ŋasuwa akitelosit ŋina itorunete ŋakipi
ka abu tobok ŋakare a ŋakipi.
18Alorwa a ŋulu epukator iŋes, abu Senakerib torem akwap keŋ;
abu Senakerib kiyakiya ekapolokiniton a ŋasigarya keŋ nakwap a Esekia, nai toboŋo iŋes.
Abu ŋol kiniŋiniŋ akan keŋ itoroniyarit Sion,
ido kitiya ŋuna ka akituro alotooma akisupa.
19Apotu nai ŋitai a ŋituŋa a Sion tomaranikis kaapei ka ŋakan kec;
ido toryabakinos ikes lopite ŋolo eryabakinor aberu edoli akidoun.
20Nai apotu ikes tonyarata Ekapolon ŋolo isyoniono,
apotu ikes kitiyata ŋun epetarito ŋakan kec neni a Ekapolon.
Abu ŋolo asegan kiira anakuj ikes atipei,
ido tolaku ikes kisitiya Isaya aŋuna ka alakun ikes.
21Abu Ekapolon tomunya ajore ŋina ka Asiriya aneni eboiyo,
ido abu emalaika a Ekapolon kitoŋopiya ikes daadaŋ;
22anerae abu Esekia kitiya ŋuna etalakarito Ekapolon
ka abu iŋes torubak iwuapit ŋuna etiyat papaa keŋ Daudi,
lopite ŋolo alimokinitor iŋes ekadwaran Isaya,
ŋolo apolon ka ŋolo ekinyoma anakisileerekineta keŋ.
Isaya
(2 Ŋirw. 20:10-11)
23Alorwa a ŋulu ka Isaya, abu akoloŋ toboŋo neni sek alomunia,
ido abu Isaya kitooyaa akiyar ŋina ke erwosit.
24Aŋuna ka atitinyikinit a etau keŋ, abu iŋes kiŋolek ŋuna aponito alokiŋaren,
ido abu kisirworiu ŋulu egworosi alo Sion.
25Abu iŋes kisileereu ŋuna elosete atakanun apaki ŋina edaunor ibore daadaŋ
ka ŋiboro ŋulu etakanunete ŋulu sek nyetakanuna.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.