Sir 47
47
Nasan
(2 Sam. 7:1-3, 12:1-14)
1Ekaku a Samuel, abu Nasan kisyak akidwar alorwa a Daudi.
Daudi
(1 Sam. 17:12-58, 18:7)
2Aponi toseunae Daudi alokidiŋ Ŋisirael,
lopite ŋolo eseunere asepwae anainakinet a ŋina ka amuronot.
3Abu iŋes toreu ŋiŋatunyo esibit erae ŋimee
ka abu toreu ŋityaŋ ŋulu adedeŋak esibit erae ŋikaalei ŋulu a ŋamesekin,
4pa mono abu iŋes anasoroko keŋ toar ekile ŋoloti aoyan,
ido tolema ŋileec alotuŋa keŋ apaki ŋina ecutarya iŋes amoru anadoe keŋ,
ido kimas ka toar eketuron Golias a?
5Abu iŋes tonyara Ekapolon Akuj ŋina alokidiama nooi,
ido abu Akuj inak agogoŋu nakan keŋ ŋina aloteten aŋuna ka akiar ekajion ŋolo agogoŋon
ikotere kitopoloosi ŋituŋa apedor ŋina a ŋituŋa a Daudi.
6Aŋun, apotu ŋituŋa kitopoloosi Daudi aŋuna elounia ŋalipyo ŋatomotomoe ŋuna a ŋimoe keŋ
ka apotu ŋituŋa kipuro iŋes aŋuna ka arereŋu a ŋina abu Ekapolon inak iŋes apaki ŋina ainakinere iŋes ebokot ŋolo ka apolou.
7Abu iŋes tomunya ŋimoe keŋ alowaetin keŋ a daadaŋ ka kitasalu jik ŋimoe keŋ daadaŋ Ŋipilistin;
abu iŋes kinyasu apedor kec todaun tari alorwa yok a lu.
8Alotooma ŋuna daadaŋ abu iŋes kitiya,
abu iŋes tolakar neni ka Akuj a ŋina asegan, a ŋina alokidiama nooi, kisera apolou ka Akuj;
abu iŋes toeok ipuro a etau keŋ a daadaŋ,
ido amina iŋes akasubunan keŋ.
9Abu iŋes kiwuak ŋikaeok kiŋaren namuroet, aŋuna ka aeikinio a ŋitoilon kec ŋieosyo ŋulu abobok.
10Abu iŋes kisibus ŋapakio ŋuna a ŋasuban,
ido kiwuak ŋapakio ŋuna emaikina itiyaere ŋasuban alotooma ekaru daadaŋ, ipurosi ŋituŋa ekiro ŋolo asegan ŋolo ka Akuj.
Abu akipuro Akuj toyakaunun nakibois ŋina asegan.
11Abu Ekapolon tolema ŋasecisya a Daudi,
ido kitopoloo apedor keŋ ŋikaru ka ŋikaru;
abu inak iŋes acamunet ŋina ka arwosiyo
ka apolou ŋina ka akipuka alo Isirael.
Solomon
(1 Ŋirw. 4:20-34)
12Ekaku keŋ, abu lokoku keŋ ŋolo aoson toruwor ekepukan,
abu iŋes kiboi emam ŋace, anerae aris Daudi kereu ŋimoe.
13Abu Solomon kipuka alokaru a ŋulu ke ekisil,
anerae abu Akuj inak iŋes ekisil ka ŋikidunyet keŋ,
ikotere nai iŋes edukokini akai aŋuna a ekiro ka Akuj, ido kiwuak akibois ŋina asegan ŋina eyakaun ŋikaru ka ŋikaru.
14Okoe irae iyoŋ ituŋanan ŋini aoson eriŋa iyoŋ isorokana!
Abu ayenut kilapar aneni kon lopite ŋolo ilapia aŋolol Nile.
15Abu akipuro aosou kon kiryam akwap daadaŋ,
ido ibu iyoŋ kilelebik naosou kon ŋakitadapeta ŋuna epolok nooi apolou kec.
16Abu arwonu kon todol loculeta ka anam ŋulu alwanak nooi,
ido aponi itominakin iyoŋ aŋuna ka apukan kon a ŋina ke ekisil.
17Apotu ŋituŋa a ŋakwapin toumokis aŋuna a ŋieosyo kon, a ŋakitadapeta ka ŋakiro ŋuna nyileere apolou kec ta ŋaboŋonokineta ŋuna ibu iyoŋ toboŋonok.
18Alokiro a Ekapolon a Akuj a ŋina enyaritae Akuj a Ŋisirael,
ibu iyoŋ tocunak egolid ikwa asuwat ŋina enyaritae Tin
ka esilipa ŋolo alalan ikwa asuwat ŋina enyaritae lead.
19Nai ibu iyoŋ yau ŋaberu topero alosyep kon,
ido ibu iyoŋ kimyek amunyaro kon itoruni nakuwan kon.
20Ibu iyoŋ kinyasu apolou kon
ka tomunaiya eyakae a ŋituŋa a ekal kus,
ido anakiro aŋun, ibu iyoŋ yau anyunyura neni a ŋidwe kon,
ido apotu ikes toryamut ŋican aŋuna ka abaŋao kon.
21Apotu ŋican ŋul yaut atyakatyaka anakwap kec,
apotu ŋikaŋerok apukan tolomut alo Epuraim.
22Nai nyeesikini Ekapolon arubakin eyakar akisyon,
kori nyimyekini adio anakiro a ŋuna iikinit iŋes eŋopiyari;
nyikisari iŋes jik ŋiletok a eseuna keŋ,
kori nyemunyari alyasit a ekal a ŋolo amina Ekapolon.
Aŋun, abu iŋes inak ŋipiya neni a Yakob
ka abu yau alokal a Daudi ŋini edupakini ekal keŋ.
Reoboam ka Yeroboam
(1 Ŋirw. 12:6-33)
23Abu Solomon totwan ka aponi tonukae neni anukitae atapapa keŋ,
ido toesik iŋes alokaku keŋ ipei alodwe keŋ,
ŋolo alal nooi abaŋao ka ŋolo amamukar ayenut,
arae ŋol Reoboam ŋolo apotu ŋuna atubuni iŋes inakis ŋituŋa atukun aruruma ŋinaŋeryet iŋes.
Abu nai Yeroboam lokoku a Nebat toriko Ŋisirael nasecit,
kitogeu ŋituŋa a Epuraim akiwuapit ŋuna ka asecit.
24Apotu ŋasecisya kec kiyatakin akilo,
akitodol ŋina arikorere ikes anakwap kec;
25anerae apotu ikes kiwara akitiya ŋinaronis daadaŋ akitodol ŋina enyaŋarere aneni kec ŋuna etiyaete ikes.
Currently Selected:
Sir 47: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 47
47
Nasan
(2 Sam. 7:1-3, 12:1-14)
1Ekaku a Samuel, abu Nasan kisyak akidwar alorwa a Daudi.
Daudi
(1 Sam. 17:12-58, 18:7)
2Aponi toseunae Daudi alokidiŋ Ŋisirael,
lopite ŋolo eseunere asepwae anainakinet a ŋina ka amuronot.
3Abu iŋes toreu ŋiŋatunyo esibit erae ŋimee
ka abu toreu ŋityaŋ ŋulu adedeŋak esibit erae ŋikaalei ŋulu a ŋamesekin,
4pa mono abu iŋes anasoroko keŋ toar ekile ŋoloti aoyan,
ido tolema ŋileec alotuŋa keŋ apaki ŋina ecutarya iŋes amoru anadoe keŋ,
ido kimas ka toar eketuron Golias a?
5Abu iŋes tonyara Ekapolon Akuj ŋina alokidiama nooi,
ido abu Akuj inak agogoŋu nakan keŋ ŋina aloteten aŋuna ka akiar ekajion ŋolo agogoŋon
ikotere kitopoloosi ŋituŋa apedor ŋina a ŋituŋa a Daudi.
6Aŋun, apotu ŋituŋa kitopoloosi Daudi aŋuna elounia ŋalipyo ŋatomotomoe ŋuna a ŋimoe keŋ
ka apotu ŋituŋa kipuro iŋes aŋuna ka arereŋu a ŋina abu Ekapolon inak iŋes apaki ŋina ainakinere iŋes ebokot ŋolo ka apolou.
7Abu iŋes tomunya ŋimoe keŋ alowaetin keŋ a daadaŋ ka kitasalu jik ŋimoe keŋ daadaŋ Ŋipilistin;
abu iŋes kinyasu apedor kec todaun tari alorwa yok a lu.
8Alotooma ŋuna daadaŋ abu iŋes kitiya,
abu iŋes tolakar neni ka Akuj a ŋina asegan, a ŋina alokidiama nooi, kisera apolou ka Akuj;
abu iŋes toeok ipuro a etau keŋ a daadaŋ,
ido amina iŋes akasubunan keŋ.
9Abu iŋes kiwuak ŋikaeok kiŋaren namuroet, aŋuna ka aeikinio a ŋitoilon kec ŋieosyo ŋulu abobok.
10Abu iŋes kisibus ŋapakio ŋuna a ŋasuban,
ido kiwuak ŋapakio ŋuna emaikina itiyaere ŋasuban alotooma ekaru daadaŋ, ipurosi ŋituŋa ekiro ŋolo asegan ŋolo ka Akuj.
Abu akipuro Akuj toyakaunun nakibois ŋina asegan.
11Abu Ekapolon tolema ŋasecisya a Daudi,
ido kitopoloo apedor keŋ ŋikaru ka ŋikaru;
abu inak iŋes acamunet ŋina ka arwosiyo
ka apolou ŋina ka akipuka alo Isirael.
Solomon
(1 Ŋirw. 4:20-34)
12Ekaku keŋ, abu lokoku keŋ ŋolo aoson toruwor ekepukan,
abu iŋes kiboi emam ŋace, anerae aris Daudi kereu ŋimoe.
13Abu Solomon kipuka alokaru a ŋulu ke ekisil,
anerae abu Akuj inak iŋes ekisil ka ŋikidunyet keŋ,
ikotere nai iŋes edukokini akai aŋuna a ekiro ka Akuj, ido kiwuak akibois ŋina asegan ŋina eyakaun ŋikaru ka ŋikaru.
14Okoe irae iyoŋ ituŋanan ŋini aoson eriŋa iyoŋ isorokana!
Abu ayenut kilapar aneni kon lopite ŋolo ilapia aŋolol Nile.
15Abu akipuro aosou kon kiryam akwap daadaŋ,
ido ibu iyoŋ kilelebik naosou kon ŋakitadapeta ŋuna epolok nooi apolou kec.
16Abu arwonu kon todol loculeta ka anam ŋulu alwanak nooi,
ido aponi itominakin iyoŋ aŋuna ka apukan kon a ŋina ke ekisil.
17Apotu ŋituŋa a ŋakwapin toumokis aŋuna a ŋieosyo kon, a ŋakitadapeta ka ŋakiro ŋuna nyileere apolou kec ta ŋaboŋonokineta ŋuna ibu iyoŋ toboŋonok.
18Alokiro a Ekapolon a Akuj a ŋina enyaritae Akuj a Ŋisirael,
ibu iyoŋ tocunak egolid ikwa asuwat ŋina enyaritae Tin
ka esilipa ŋolo alalan ikwa asuwat ŋina enyaritae lead.
19Nai ibu iyoŋ yau ŋaberu topero alosyep kon,
ido ibu iyoŋ kimyek amunyaro kon itoruni nakuwan kon.
20Ibu iyoŋ kinyasu apolou kon
ka tomunaiya eyakae a ŋituŋa a ekal kus,
ido anakiro aŋun, ibu iyoŋ yau anyunyura neni a ŋidwe kon,
ido apotu ikes toryamut ŋican aŋuna ka abaŋao kon.
21Apotu ŋican ŋul yaut atyakatyaka anakwap kec,
apotu ŋikaŋerok apukan tolomut alo Epuraim.
22Nai nyeesikini Ekapolon arubakin eyakar akisyon,
kori nyimyekini adio anakiro a ŋuna iikinit iŋes eŋopiyari;
nyikisari iŋes jik ŋiletok a eseuna keŋ,
kori nyemunyari alyasit a ekal a ŋolo amina Ekapolon.
Aŋun, abu iŋes inak ŋipiya neni a Yakob
ka abu yau alokal a Daudi ŋini edupakini ekal keŋ.
Reoboam ka Yeroboam
(1 Ŋirw. 12:6-33)
23Abu Solomon totwan ka aponi tonukae neni anukitae atapapa keŋ,
ido toesik iŋes alokaku keŋ ipei alodwe keŋ,
ŋolo alal nooi abaŋao ka ŋolo amamukar ayenut,
arae ŋol Reoboam ŋolo apotu ŋuna atubuni iŋes inakis ŋituŋa atukun aruruma ŋinaŋeryet iŋes.
Abu nai Yeroboam lokoku a Nebat toriko Ŋisirael nasecit,
kitogeu ŋituŋa a Epuraim akiwuapit ŋuna ka asecit.
24Apotu ŋasecisya kec kiyatakin akilo,
akitodol ŋina arikorere ikes anakwap kec;
25anerae apotu ikes kiwara akitiya ŋinaronis daadaŋ akitodol ŋina enyaŋarere aneni kec ŋuna etiyaete ikes.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.