Sir 45
45
1Ka ŋolo amina Akuj ka tominas ŋituŋa,
arae iŋes Moses ŋolo eriŋa ŋuna etamunitere iŋes erae arereŋu.
2Abu Akuj kitopoloo Moses ikwa ŋimalaikan,
abu iŋes topoloor kituruwo ŋimoe keŋ ŋulu akuryaka aŋuna keŋ.
3Abu iŋes anakiro keŋ kitiya ŋakujuwuanisya ŋuna ka atipei;
abu Ekapolon kitopoloo iŋes alokiŋaren ŋirwosi.
Abu inak iŋes ŋakiciketa aŋuna a ŋituŋa keŋ,
ido abu kisileerek neni keŋ apolou keŋ.
4Abu Akuj toseu iŋes aŋuna ka akikinyoma keŋ ka akiyapara keŋ;
abu toseu iŋes alotooma ŋituŋa daadaŋ.
5Abu tocamak iŋes iirari etoil keŋ,
ido toriko iŋes tooma lodou ŋolo eryono
inak iŋes ŋakiciketa iteosi ka Akuj; inak iŋes ŋikisila ŋulu ka akiyar ka aosou,
ikotere itatamia iŋes Yakob ŋakiro ŋuna ka acamunet ka itatamia Ŋisirael ŋakiro ŋuna etubunit iŋes.
Aron
(Awos. 28:1-43; Ŋilep. 8:1-36; Ekim. 16:1-35)
6Abu Akuj kitopoloo Aaron ekile ŋolo eyookino ikwa Moses
ŋolo arae lokaato a Moses, ŋolo arae ŋolo ke ekabila a Lepi.
7Abu kiwuak acamunet ŋinaruba ka iŋes,
ido inak iŋes asacaradotonu aŋuna a ŋituŋa.
Abu Akuj kiterereŋ iŋes a ŋiboro a ŋulu amilimilak,
ido kitanapik iŋes ekaaso ŋolo ka apolou.
8Abu kitanapik iŋes ŋilowi ŋulu ebusak nooi ka kitogogoŋ iŋes anainakin ŋiboro ŋulu itoodiunito apedor
a ŋilowi a ŋulu amilimilak a ŋulu enapio alotooma ŋuluce,
ekaaso ŋolo aoyan ta arapet.
9Kitanap iŋes elou ŋolo aya ŋikatelitel ŋulu ekwaan ka ŋaraito a ekitoe a ŋolo enyaritae pomegranate a ŋolo ikwaan ka ekacikicikit,
abu kitanap iŋes ŋitworoi ŋulu alalak ŋulu etiyaunitae a egolid
ŋulu ani elosi iŋes kiirarae alokai ka Akuj, ikotere totamu Ekapolon ŋituŋa keŋ.
10Abu kitanap iŋes ŋilowi ŋulu a etal ŋulu ewuanakinitae egolid, ŋilowi ŋulupusiyek ka ŋulu kipura ŋulu adonyunit ekadonyon ŋolo eyeni akidony ka eboli ŋolo etubere ŋakiro ka ŋolo ayai ibore ŋini isileereununui ŋakiro ŋini anyaritae Urim ka ŋini iyoonokini ŋakiro ŋini anyaritae Sumim.
11Tonapite ausi ŋina kipurat-areŋan ŋina esonyunit ekasonyan ŋolo eyeni akisony;
toyakas ŋamoru ŋuna epol egyelit ŋuna iciekinitae ŋirorwa, ŋuna ewuanakinitae egolid ŋolo itiyaunit ŋini itiyae ŋiboro ŋulu amilimilak;
ŋulu ewuakinitae narapet akitatamunia Ekapolon ŋikabilae a Isirael ŋulutomon ka ŋiarei.
12Tonapite ebokot ŋolo ayai nakopiya, ŋolo etiyaunitae a egolid, akopiya ŋina egiritae ebe, “Asegis”
akopiya ŋina etiyaunitae ejok nooi ŋina etiyaunit ituŋanan ŋini eyeni akitiya ejok,
ŋina ebusan iŋolikini, ŋina esibusitae a ŋiboro a ŋulu alalak.
13Amam ŋiboro ŋul eriŋa iŋes nyitopolooro, emam ekapolon ece anapit ŋiboro ŋul
nai ŋidwe keŋ ŋulusapa bon ka ŋiletok keŋ erubakinete enapito ŋiboro ŋul ŋikaru ka ŋikaru.
14Epeyo ŋamuronisya keŋ, ibore daadaŋ ŋarwa ŋaarei a ŋinakoloŋit jik.
15Abu Moses kituruwo iŋes esacaradoti ka kiosak iŋes akimyet ŋina asegan; arae ŋin acamunet ŋina a ŋikaru ka ŋikaru aŋuna keŋ ka aŋuna a ŋiletok keŋ ŋirwa ŋulu eyakar nakuj,
aŋuna ka akitiyanakin Ekapolon ka akitiya etic keŋ ikwa esacaradoti
ka akiterereŋ ŋituŋa a Ekapolon alokiro ke Ekapolon.
16Abu Akuj toseu iŋes alokidiŋ ŋituŋa ŋul daadaŋ
a ŋuna ka aayenen ŋamuronisya neni ke Ekapolon,
akicunyanakin ekinyate ikwapei eure ŋolo abobon ŋolo etamunitor Ekapolon ŋituŋa keŋ
ka amookunun ŋituŋa anasecisya kec.
17Abu Akuj anakicikakinet keŋ, anakiro a ŋuna etubunit iŋes ka alokisila inak iŋes apedor, abu inak iŋes akitatam ŋiletok a Yakob ŋakiteyenikineta ka akisileeronokin Ŋisirael ŋikisila keŋ.
18Apotu ŋituŋa ŋulu agelaaka totukut akitidiŋ iŋes, ido apotu torakaaketa aŋuna keŋ analoŋisat.
Arae ŋul Dasan, Abiram ka ŋikewuapak kec ta ŋirukitos a Kora,
abu anyunyura ka aŋoit min neni a ŋul.
19Abu Ekapolon kiŋolik ŋun, ido abu nyelakar,
ido anaŋoit keŋ a ŋina arirae, aponi ikes tomunyarae;
abu Akuj kitiya ŋaumonokineta itoroniyarit ikes,
tomunya ikes a akim a ŋina erirae.
20Abu kiyatak apolou neni ka Aaron,
ido inak iŋes ŋiboro ŋice, abu totyakaki neni keŋ ŋaraito ŋuna ajokak ŋuna esyaunak,
ido kitemok ŋamugati ŋuna alalak ŋuna a ŋaraito a ŋuna esyaunak;
21anerae anyamete ikes ŋamuronisya ŋuna einakinitae neni a Ekapolon, akimuj ŋina ainakinitae neni keŋ ka ŋiletok keŋ.
22Nai anakwapin a ŋuna akorakinitae ŋituŋa, emam ŋina erae ŋina keŋ ka amamukar iŋes atutubet alokidiŋ ŋituŋa; amam akibois arae ŋina keŋ,
arae Ekapolon arae ŋolo keŋ ka akibois keŋ.
Pineas
(Ekim. 25:7-13)
23Abu Pineas lokoku a Eleasar toruwor ŋolo a ŋiuni anapolou aŋuna araakar iŋes ŋolo alelakinit akitopoloorit Ekapolon
ka pa aŋayaŋayat ananupit keŋ apaki ŋina aŋerioto ŋituŋa Akuj;
alotooma ainanakin ŋina a etau keŋ, abu tomooku Ŋisirael.
24Aŋun, aponi kiwuakinae acamunet ŋina ka akoneo keŋ ka Ekapolon
atemar itemokino iŋes toruwor ekarikon ŋolo ka akibois a ŋina asegan ka ŋolo a ŋituŋa keŋ
ka atemar eryamunete iŋes ka ŋipapae keŋ apolou ŋina ka asacaradotonu ŋikaru ka ŋikaru.
25Lopite ŋolo kiwuakinere acamunet ka Daudi lokoku a Yese a ŋolo alokabila a Yuda,
atemar emaikina ŋini eruwor erwosit erae lokoku a erwosit,
aŋun, ŋuna amaikina ŋiletok ka Aaron daŋ toryamut iŋes aruwor ŋisacaradotin.
26Tokona, kipuroe Ekapolon ŋolo ikiinak iyoŋ apolou.
Elipi kiwuak Ekapolon aosou natameta kon
ikotere totub ŋakiro a ŋituŋa kon iyookino,
ikotere nyedaun epite ŋolo itiyaata ikes ejok,
ido torubak apolou kec ananyameta kec a daadaŋ.
Currently Selected:
Sir 45: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 45
45
1Ka ŋolo amina Akuj ka tominas ŋituŋa,
arae iŋes Moses ŋolo eriŋa ŋuna etamunitere iŋes erae arereŋu.
2Abu Akuj kitopoloo Moses ikwa ŋimalaikan,
abu iŋes topoloor kituruwo ŋimoe keŋ ŋulu akuryaka aŋuna keŋ.
3Abu iŋes anakiro keŋ kitiya ŋakujuwuanisya ŋuna ka atipei;
abu Ekapolon kitopoloo iŋes alokiŋaren ŋirwosi.
Abu inak iŋes ŋakiciketa aŋuna a ŋituŋa keŋ,
ido abu kisileerek neni keŋ apolou keŋ.
4Abu Akuj toseu iŋes aŋuna ka akikinyoma keŋ ka akiyapara keŋ;
abu toseu iŋes alotooma ŋituŋa daadaŋ.
5Abu tocamak iŋes iirari etoil keŋ,
ido toriko iŋes tooma lodou ŋolo eryono
inak iŋes ŋakiciketa iteosi ka Akuj; inak iŋes ŋikisila ŋulu ka akiyar ka aosou,
ikotere itatamia iŋes Yakob ŋakiro ŋuna ka acamunet ka itatamia Ŋisirael ŋakiro ŋuna etubunit iŋes.
Aron
(Awos. 28:1-43; Ŋilep. 8:1-36; Ekim. 16:1-35)
6Abu Akuj kitopoloo Aaron ekile ŋolo eyookino ikwa Moses
ŋolo arae lokaato a Moses, ŋolo arae ŋolo ke ekabila a Lepi.
7Abu kiwuak acamunet ŋinaruba ka iŋes,
ido inak iŋes asacaradotonu aŋuna a ŋituŋa.
Abu Akuj kiterereŋ iŋes a ŋiboro a ŋulu amilimilak,
ido kitanapik iŋes ekaaso ŋolo ka apolou.
8Abu kitanapik iŋes ŋilowi ŋulu ebusak nooi ka kitogogoŋ iŋes anainakin ŋiboro ŋulu itoodiunito apedor
a ŋilowi a ŋulu amilimilak a ŋulu enapio alotooma ŋuluce,
ekaaso ŋolo aoyan ta arapet.
9Kitanap iŋes elou ŋolo aya ŋikatelitel ŋulu ekwaan ka ŋaraito a ekitoe a ŋolo enyaritae pomegranate a ŋolo ikwaan ka ekacikicikit,
abu kitanap iŋes ŋitworoi ŋulu alalak ŋulu etiyaunitae a egolid
ŋulu ani elosi iŋes kiirarae alokai ka Akuj, ikotere totamu Ekapolon ŋituŋa keŋ.
10Abu kitanap iŋes ŋilowi ŋulu a etal ŋulu ewuanakinitae egolid, ŋilowi ŋulupusiyek ka ŋulu kipura ŋulu adonyunit ekadonyon ŋolo eyeni akidony ka eboli ŋolo etubere ŋakiro ka ŋolo ayai ibore ŋini isileereununui ŋakiro ŋini anyaritae Urim ka ŋini iyoonokini ŋakiro ŋini anyaritae Sumim.
11Tonapite ausi ŋina kipurat-areŋan ŋina esonyunit ekasonyan ŋolo eyeni akisony;
toyakas ŋamoru ŋuna epol egyelit ŋuna iciekinitae ŋirorwa, ŋuna ewuanakinitae egolid ŋolo itiyaunit ŋini itiyae ŋiboro ŋulu amilimilak;
ŋulu ewuakinitae narapet akitatamunia Ekapolon ŋikabilae a Isirael ŋulutomon ka ŋiarei.
12Tonapite ebokot ŋolo ayai nakopiya, ŋolo etiyaunitae a egolid, akopiya ŋina egiritae ebe, “Asegis”
akopiya ŋina etiyaunitae ejok nooi ŋina etiyaunit ituŋanan ŋini eyeni akitiya ejok,
ŋina ebusan iŋolikini, ŋina esibusitae a ŋiboro a ŋulu alalak.
13Amam ŋiboro ŋul eriŋa iŋes nyitopolooro, emam ekapolon ece anapit ŋiboro ŋul
nai ŋidwe keŋ ŋulusapa bon ka ŋiletok keŋ erubakinete enapito ŋiboro ŋul ŋikaru ka ŋikaru.
14Epeyo ŋamuronisya keŋ, ibore daadaŋ ŋarwa ŋaarei a ŋinakoloŋit jik.
15Abu Moses kituruwo iŋes esacaradoti ka kiosak iŋes akimyet ŋina asegan; arae ŋin acamunet ŋina a ŋikaru ka ŋikaru aŋuna keŋ ka aŋuna a ŋiletok keŋ ŋirwa ŋulu eyakar nakuj,
aŋuna ka akitiyanakin Ekapolon ka akitiya etic keŋ ikwa esacaradoti
ka akiterereŋ ŋituŋa a Ekapolon alokiro ke Ekapolon.
16Abu Akuj toseu iŋes alokidiŋ ŋituŋa ŋul daadaŋ
a ŋuna ka aayenen ŋamuronisya neni ke Ekapolon,
akicunyanakin ekinyate ikwapei eure ŋolo abobon ŋolo etamunitor Ekapolon ŋituŋa keŋ
ka amookunun ŋituŋa anasecisya kec.
17Abu Akuj anakicikakinet keŋ, anakiro a ŋuna etubunit iŋes ka alokisila inak iŋes apedor, abu inak iŋes akitatam ŋiletok a Yakob ŋakiteyenikineta ka akisileeronokin Ŋisirael ŋikisila keŋ.
18Apotu ŋituŋa ŋulu agelaaka totukut akitidiŋ iŋes, ido apotu torakaaketa aŋuna keŋ analoŋisat.
Arae ŋul Dasan, Abiram ka ŋikewuapak kec ta ŋirukitos a Kora,
abu anyunyura ka aŋoit min neni a ŋul.
19Abu Ekapolon kiŋolik ŋun, ido abu nyelakar,
ido anaŋoit keŋ a ŋina arirae, aponi ikes tomunyarae;
abu Akuj kitiya ŋaumonokineta itoroniyarit ikes,
tomunya ikes a akim a ŋina erirae.
20Abu kiyatak apolou neni ka Aaron,
ido inak iŋes ŋiboro ŋice, abu totyakaki neni keŋ ŋaraito ŋuna ajokak ŋuna esyaunak,
ido kitemok ŋamugati ŋuna alalak ŋuna a ŋaraito a ŋuna esyaunak;
21anerae anyamete ikes ŋamuronisya ŋuna einakinitae neni a Ekapolon, akimuj ŋina ainakinitae neni keŋ ka ŋiletok keŋ.
22Nai anakwapin a ŋuna akorakinitae ŋituŋa, emam ŋina erae ŋina keŋ ka amamukar iŋes atutubet alokidiŋ ŋituŋa; amam akibois arae ŋina keŋ,
arae Ekapolon arae ŋolo keŋ ka akibois keŋ.
Pineas
(Ekim. 25:7-13)
23Abu Pineas lokoku a Eleasar toruwor ŋolo a ŋiuni anapolou aŋuna araakar iŋes ŋolo alelakinit akitopoloorit Ekapolon
ka pa aŋayaŋayat ananupit keŋ apaki ŋina aŋerioto ŋituŋa Akuj;
alotooma ainanakin ŋina a etau keŋ, abu tomooku Ŋisirael.
24Aŋun, aponi kiwuakinae acamunet ŋina ka akoneo keŋ ka Ekapolon
atemar itemokino iŋes toruwor ekarikon ŋolo ka akibois a ŋina asegan ka ŋolo a ŋituŋa keŋ
ka atemar eryamunete iŋes ka ŋipapae keŋ apolou ŋina ka asacaradotonu ŋikaru ka ŋikaru.
25Lopite ŋolo kiwuakinere acamunet ka Daudi lokoku a Yese a ŋolo alokabila a Yuda,
atemar emaikina ŋini eruwor erwosit erae lokoku a erwosit,
aŋun, ŋuna amaikina ŋiletok ka Aaron daŋ toryamut iŋes aruwor ŋisacaradotin.
26Tokona, kipuroe Ekapolon ŋolo ikiinak iyoŋ apolou.
Elipi kiwuak Ekapolon aosou natameta kon
ikotere totub ŋakiro a ŋituŋa kon iyookino,
ikotere nyedaun epite ŋolo itiyaata ikes ejok,
ido torubak apolou kec ananyameta kec a daadaŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.