Sir 43
43
Akibuses ŋina ka akoloŋ
1Akibuses ŋina ka akica a ŋisubuna a ŋulu alokidiama
iŋes ŋina ileereo ibore daadaŋ alokidiama yok.
ibus nooi kidiama iŋolikini.
2Ŋina elomunia akoloŋ, esibit iserae atemar alomu ayoŋ,
erae iŋes ibore ŋini esubunit Akuj ejok nooi, etic ŋolo a ŋakan keŋ.
3Itooni iŋes akwap kidiŋ apaaran
ka ŋae epedori akidaŋidaŋ amwanis keŋ?
4Epedori ituŋanan ŋini itiyae lokitet akidaŋidaŋ amwanis alokitet,
nai emwana ŋina ka akoloŋ ŋarwa ŋauni akilo, enomiyari amwanis keŋ tari ibore ŋini elomunit alomoru.
iwuari amwanis keŋ nooi ka ikinwuakete ŋikoi keŋ ŋakonyen.
5Epol Ekapolon ŋolo abu tosub akoloŋ
analimunet a ŋina ke Ekapolon ionyanakini akoloŋ aneni itorenene.
Akibuses ŋina ke elap
6Erae elap etyakatyakat ŋapakio ŋuna a ekaru,
ipukat ŋarwa, itoodiununui iŋes ŋakiloconokineta ŋuna a ŋikaru ka ŋikaru.
7Erae elap iwuapitae iwuanakinio ŋapakio ŋuna a ŋasuban,
ecaununui akica keŋ nooi,
ido tonyipinyipiyo.
8Elap ŋolokitete ikwapei enyaritere a ekiro a ŋol,
itoodiunit akitetyanut keŋ;
erae iŋes ŋolo ibus nooi apaki ŋina elomununuya kikeun
einanakini iŋes akica neni a ŋikacer a ŋulu ecayete anariwo a ŋina alokidiama.
Akibuses ŋina a ŋikacer ka alokakinet
9Erae akibuses a ŋikacer eyaunit akibuses ŋina alokidiama,
ŋisubuna ŋulu emilimilete ibakito alokidiama aneni abu Ekapolon tosub.
10Ewuaasi ikes anakiboisyo kec a ŋuna abu Ekapolon ŋolo asegan kiwuak ikes toyakaun.
Nyejoŋoeneneete ikes akitiya ŋuna itiyaunitere ikes.
11Kiŋolikisi mono iyes alokakinet, ido kipuro iŋes ŋina etiyauni iŋes;
ibus iŋes nooi anamilimil keŋ.
12Eluguruuni iŋes ibore ŋini esibit atutubet a ekorobe ŋini ebusan alokidiama ŋini erae ŋakan ka Akuj a ŋina alokidiama nooi ikes epetanakinete iŋes.
Akibuses ŋina a ŋisubuna ka Akuj
13Analimunet a ŋina ka Akuj iyakuuni iŋes ekuno ŋolo ekeri,
ido kikirikiriun akimilyaunet ŋina ka atubonokin keŋ.
14Aŋun, eŋaar ŋipukei ŋulu a ŋisitowae keŋ,
ido eporete ŋidouwon lopite ŋolo eporyoto ŋikeny.
15Einanakini iŋes anailiil keŋ ŋidouwon agogoŋu kec,
ido tobwaŋabwaŋaun ŋakako edisyak.
16Ani irworikini iŋes, iguryakin akwap enomorito ŋakiro;
emaranikinete ŋimoru aŋuna ka agogoŋu keŋ.
17aAnacamit aŋina ka Akuj, ekutuni ekuwuam alowae a ŋolo alokwap,
17bekutuni ŋolo ipiripiri ŋolo apolon alo Kuju,
iyakununui iŋes ekuno todou kwap lopite ŋolo edooto ŋikeny kwap,
epetakin ekuno ŋol kwap lopite ŋolo epetakinor emaase kwap tokilikil akwap.
18Ilorei ŋakonyen akibuses ŋina ka akwaŋis keŋ,
ido eumokinete ŋatameta apaki ŋina edoiunio iŋes kwap.
19Ecakuni iŋes ekwok a ekuno torapuwa akwap ikwaan ka acumbi
ido kidikok lokito ŋulu a ŋatur ka ŋikukwa erae ŋakako.
20Ekutuni ekuwuam ŋolo alilimon alo Kuju,
ido kidikokis ŋakako anakipi;
ido toyakaun nataparin daadaŋ ŋuna eya ŋakipi, tonapa ŋakipi ikes ikwa arapet anatorobu.
21Emunyanari Akuj ŋimoru ka icunyanari aloŋisat,
ido itirinyiyonori ŋinya ŋulu alibunak lopite ŋolo itirinyiyonorya akim.
22Itojokuni elwac atipei ibore daadaŋ;
eyaununeete ŋakopi akitetyanut nibore ŋini sek emunaarit amwanis.
23Anayeunet keŋ, abu Akuj kiturubak ŋanamyo pa iryaŋiryaŋasi
ido abu kiwuak ŋiculeta tooma kec.
24Elimununeete ŋulu elosete ananam a ŋameeli ŋatyokisyo ŋuna eya nen,
ido ikiumonokini iwon aŋuna ikipupi.
25Eyakasi tooma anam ŋisubuna ŋulu ebusak,
eyakasi ŋikabilae a ŋisubuna a ŋulu eyarete daadaŋ
ka ŋityaŋ ŋulu aburok nooi ikes ŋipiwa.
26Aŋuna ka Akuj itiyaete ŋikiyakia keŋ daadaŋ etic kec ejok
ka alotooma akirot keŋ, imorikina ŋiboro daadaŋ kaapei.
27Kikipedo iwon alimun ŋuna alalak, nai nyikipedori alimun daadaŋ;
emyekisi toruwor akirot ŋina esidyon na ebe “Akuj erae ibore daadaŋ.”
28Ai ikipedorya iwon aryamunia agogoŋu ŋina ipurere iŋes?
anerae epol iŋes akilo ŋiticisyo keŋ daadaŋ.
29Ikitubuli Ekapolon ka epol iŋes nooi,
ido ikituumokini akeepedor.
30Kipur Ekapolon ka akitopoloorit iŋes alopite a ŋolo ipedorya iyoŋ, anerae iloit iŋes tari ŋun.
Ani itopoloori iyoŋ iŋes, tocunak iwapei agogoŋu kon daadaŋ
ka nyikiup, anerae nyipedori iyoŋ akipur iŋes ejok.
31Ŋae adau aanyuwar iŋes, ido kitam neni ikoni iŋes?
Kori ŋae epedori akipur iŋes lopite ŋolo emaikina kipurore iŋes?
32Elalak ŋiboro ŋulu epolok akilo lu ŋulu iwuaitae,
anerae adau ayoŋ akiŋolikin, nai ŋidikudyo bon aloticisyo a ŋulu ka Akuj;
33anerae Ekapolon etiyauni ŋiboro daadaŋ
ka ainaki iŋes aosou neni a ŋulu iwuapito ŋakiro ŋuna ka Akuj.
Currently Selected:
Sir 43: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 43
43
Akibuses ŋina ka akoloŋ
1Akibuses ŋina ka akica a ŋisubuna a ŋulu alokidiama
iŋes ŋina ileereo ibore daadaŋ alokidiama yok.
ibus nooi kidiama iŋolikini.
2Ŋina elomunia akoloŋ, esibit iserae atemar alomu ayoŋ,
erae iŋes ibore ŋini esubunit Akuj ejok nooi, etic ŋolo a ŋakan keŋ.
3Itooni iŋes akwap kidiŋ apaaran
ka ŋae epedori akidaŋidaŋ amwanis keŋ?
4Epedori ituŋanan ŋini itiyae lokitet akidaŋidaŋ amwanis alokitet,
nai emwana ŋina ka akoloŋ ŋarwa ŋauni akilo, enomiyari amwanis keŋ tari ibore ŋini elomunit alomoru.
iwuari amwanis keŋ nooi ka ikinwuakete ŋikoi keŋ ŋakonyen.
5Epol Ekapolon ŋolo abu tosub akoloŋ
analimunet a ŋina ke Ekapolon ionyanakini akoloŋ aneni itorenene.
Akibuses ŋina ke elap
6Erae elap etyakatyakat ŋapakio ŋuna a ekaru,
ipukat ŋarwa, itoodiununui iŋes ŋakiloconokineta ŋuna a ŋikaru ka ŋikaru.
7Erae elap iwuapitae iwuanakinio ŋapakio ŋuna a ŋasuban,
ecaununui akica keŋ nooi,
ido tonyipinyipiyo.
8Elap ŋolokitete ikwapei enyaritere a ekiro a ŋol,
itoodiunit akitetyanut keŋ;
erae iŋes ŋolo ibus nooi apaki ŋina elomununuya kikeun
einanakini iŋes akica neni a ŋikacer a ŋulu ecayete anariwo a ŋina alokidiama.
Akibuses ŋina a ŋikacer ka alokakinet
9Erae akibuses a ŋikacer eyaunit akibuses ŋina alokidiama,
ŋisubuna ŋulu emilimilete ibakito alokidiama aneni abu Ekapolon tosub.
10Ewuaasi ikes anakiboisyo kec a ŋuna abu Ekapolon ŋolo asegan kiwuak ikes toyakaun.
Nyejoŋoeneneete ikes akitiya ŋuna itiyaunitere ikes.
11Kiŋolikisi mono iyes alokakinet, ido kipuro iŋes ŋina etiyauni iŋes;
ibus iŋes nooi anamilimil keŋ.
12Eluguruuni iŋes ibore ŋini esibit atutubet a ekorobe ŋini ebusan alokidiama ŋini erae ŋakan ka Akuj a ŋina alokidiama nooi ikes epetanakinete iŋes.
Akibuses ŋina a ŋisubuna ka Akuj
13Analimunet a ŋina ka Akuj iyakuuni iŋes ekuno ŋolo ekeri,
ido kikirikiriun akimilyaunet ŋina ka atubonokin keŋ.
14Aŋun, eŋaar ŋipukei ŋulu a ŋisitowae keŋ,
ido eporete ŋidouwon lopite ŋolo eporyoto ŋikeny.
15Einanakini iŋes anailiil keŋ ŋidouwon agogoŋu kec,
ido tobwaŋabwaŋaun ŋakako edisyak.
16Ani irworikini iŋes, iguryakin akwap enomorito ŋakiro;
emaranikinete ŋimoru aŋuna ka agogoŋu keŋ.
17aAnacamit aŋina ka Akuj, ekutuni ekuwuam alowae a ŋolo alokwap,
17bekutuni ŋolo ipiripiri ŋolo apolon alo Kuju,
iyakununui iŋes ekuno todou kwap lopite ŋolo edooto ŋikeny kwap,
epetakin ekuno ŋol kwap lopite ŋolo epetakinor emaase kwap tokilikil akwap.
18Ilorei ŋakonyen akibuses ŋina ka akwaŋis keŋ,
ido eumokinete ŋatameta apaki ŋina edoiunio iŋes kwap.
19Ecakuni iŋes ekwok a ekuno torapuwa akwap ikwaan ka acumbi
ido kidikok lokito ŋulu a ŋatur ka ŋikukwa erae ŋakako.
20Ekutuni ekuwuam ŋolo alilimon alo Kuju,
ido kidikokis ŋakako anakipi;
ido toyakaun nataparin daadaŋ ŋuna eya ŋakipi, tonapa ŋakipi ikes ikwa arapet anatorobu.
21Emunyanari Akuj ŋimoru ka icunyanari aloŋisat,
ido itirinyiyonori ŋinya ŋulu alibunak lopite ŋolo itirinyiyonorya akim.
22Itojokuni elwac atipei ibore daadaŋ;
eyaununeete ŋakopi akitetyanut nibore ŋini sek emunaarit amwanis.
23Anayeunet keŋ, abu Akuj kiturubak ŋanamyo pa iryaŋiryaŋasi
ido abu kiwuak ŋiculeta tooma kec.
24Elimununeete ŋulu elosete ananam a ŋameeli ŋatyokisyo ŋuna eya nen,
ido ikiumonokini iwon aŋuna ikipupi.
25Eyakasi tooma anam ŋisubuna ŋulu ebusak,
eyakasi ŋikabilae a ŋisubuna a ŋulu eyarete daadaŋ
ka ŋityaŋ ŋulu aburok nooi ikes ŋipiwa.
26Aŋuna ka Akuj itiyaete ŋikiyakia keŋ daadaŋ etic kec ejok
ka alotooma akirot keŋ, imorikina ŋiboro daadaŋ kaapei.
27Kikipedo iwon alimun ŋuna alalak, nai nyikipedori alimun daadaŋ;
emyekisi toruwor akirot ŋina esidyon na ebe “Akuj erae ibore daadaŋ.”
28Ai ikipedorya iwon aryamunia agogoŋu ŋina ipurere iŋes?
anerae epol iŋes akilo ŋiticisyo keŋ daadaŋ.
29Ikitubuli Ekapolon ka epol iŋes nooi,
ido ikituumokini akeepedor.
30Kipur Ekapolon ka akitopoloorit iŋes alopite a ŋolo ipedorya iyoŋ, anerae iloit iŋes tari ŋun.
Ani itopoloori iyoŋ iŋes, tocunak iwapei agogoŋu kon daadaŋ
ka nyikiup, anerae nyipedori iyoŋ akipur iŋes ejok.
31Ŋae adau aanyuwar iŋes, ido kitam neni ikoni iŋes?
Kori ŋae epedori akipur iŋes lopite ŋolo emaikina kipurore iŋes?
32Elalak ŋiboro ŋulu epolok akilo lu ŋulu iwuaitae,
anerae adau ayoŋ akiŋolikin, nai ŋidikudyo bon aloticisyo a ŋulu ka Akuj;
33anerae Ekapolon etiyauni ŋiboro daadaŋ
ka ainaki iŋes aosou neni a ŋulu iwuapito ŋakiro ŋuna ka Akuj.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.