Sir 37
37
Ŋikonei ŋulu alyokonok
1Ebala ŋolokone daadaŋ ebe, “Ayoŋ daŋ arae ekone;”
nai erae ŋikonei ŋice ŋikonei a ŋirorwa bon.
2Nyerae mono ŋun akiyaloloŋ ŋina ikoni ŋina ka atwanare,
erae keluwo ekone ŋolo ikimina toruwor emoit kon a?
3Okoe iyes ŋulu iwuapito ŋuna ka akitiya aronis, kaanukiro kikisubunere iyes,
ido toyakaun nakwap daadaŋ aŋuna ka amodiyo kus?
4Elelyanete ŋirukitos ŋice, anerae elakara ekone kec anapaki a ŋina a ŋican, elukinete ikes ekone kec.
5Iŋarakinete ŋirukitos ŋice ekone kec aŋuna ca ka akimujia aneni keŋ,
nai alojie edemarete ekone kec aupal keŋ aiunia ŋawat kec.
6Nyikimuryak ekone apaki ŋina iyakatar ka iŋes lojie,
nyikimuryak atamunit iŋes apaki ŋina iŋasiata iyes ŋiboro ŋulu iŋatunete alomoe kus.
Toyeni ŋuna kiwuapa anakiro a ŋuna ikilimokinio
7Ipurosi ŋituŋa daadaŋ ŋuna itatamitae ikes anakiro a ŋuna irworosi ikes
nai irworosi ŋice ŋakiro ŋuna ejoikinito ikes make.
8Tocoikinite ŋakiro ŋuna elimuni ituŋanan, ido toyeni mono ŋuna irworo iŋes kerae ŋuna ajokak aneni keŋ bon, anerae etamatamae iŋes aŋuna keŋ bon.
Acepaki nyikiseuni iŋes iyoŋ, anerae ikiremokino,
9ido ikilimokini iŋes iyoŋ ebe, “Ejokak ŋuna iwuapit iyoŋ,”
towo anawae kiŋolik ŋuna itiyakin neni kon.
10Nyiŋit akirot adio ituŋanan ŋini ikitamakinit iyoŋ ŋakiro ŋuna aronok,
kimunon ŋuna icamit iyoŋ akitiya aneni a ŋulu eyakatar arakao neni kon.
11Nyiŋit aneni ka aberu atemar ŋae ace etiŋasi ka lokile keŋ
kori nyiŋit ekakuryanan ŋuna ikamunito ejie.
Nyiŋit emucurus ŋuna ikamunito agyelanar,
kori nyiŋit ikagyelan ŋuna ikamunito agyelanar,
kori ŋini nyipotonori ibore ŋuna ka akipotonor,
kori ŋini nyisyoniyenene ŋuna ka arimao,
kori ŋini nyecamit etic ŋuna ke etic,
kori ŋini itiyae apaki ŋina euruwuana ŋuna ke etic kirikakinit,
kori ikalanyanot ŋini erae iketiyan ŋuna ke etic a ŋolo agogoŋon,
nyimitak ŋakiro ŋadi ŋuna ikilimokinete ikes iyoŋ.
12Nai torukito ka ituŋanan ŋini iwuapit ŋuna ka Akuj,
ŋini iyeni iyoŋ atemar erae ŋini iwuapit ŋakiciketa,
ŋini eyakar ŋatameta ŋuna iyakar iyoŋ ilope,
ŋini epedori akiyaloloŋ anapaki a ŋina iryamunitor iyoŋ ŋican.
13Toruwor ŋini iwuapit ŋakiro ŋuna ikilimokini iyoŋ etau kon,
anerae emam ibore ipei daŋ ikinyoma aneni kon akilo etau kon.
14Ŋapakio ŋace, ikilimokinete iwon ŋatameta yok ŋakiro ŋuna kiwuapa akilo ŋiketeok etaun ŋikanikaarei ŋulu iwuakinitae nakiboisyo ŋuna aoyak akirer.
15Nai akilo ŋun daadaŋ, kilip neni ka Akuj a ŋina alokidiama nooi
ikotere ikitoodikini iŋes iyoŋ erot ŋolo a kire.
Aosou ŋina ka amodiyo ka ŋina a kire
16Erae akiyanun ŋakiro iŋes erae akisyakinet a etic a daadaŋ,
ido erae akirworiun ŋakiro mono isyauni eriŋa nyitiya etic daadaŋ.
17Ŋatameta ikes erae ataagorete a ŋipitesyo a daadaŋ;
18itolomunete ikes ŋaten ŋaomwon,
ajokis ka aronis, akiyar ka atwanare; ido aŋajep erubakini ipukat ikes.
19Erae ŋituŋa ŋice ŋulu eosok nooi, ŋulu epedorito akitatam ŋituŋa ŋulu alalak,
nai torae bo ŋikoŋinae anakiyar kec.
20Epedorete ŋituŋa akiman ituŋanan ŋini epiiryana anakirworo;
ido ekaku, eruwor iŋes ŋini icana ŋinakimuj daadaŋ,
21anerae awounia Ekapolon ainakinet ŋina ka alakara a ŋina emamukatar ŋakiro ŋun aneni a ituŋanan a ŋin.
22Ani keos ituŋanan aŋuna keŋ bon,
ipuryo nooi ŋiticisyo ŋulu a ŋatameta keŋ a ŋuna ajokak.
23Itatami ituŋanan ŋini aoson ŋituŋa keŋ a ilope,
ido erubakinete ŋiticisyo ŋulu a ŋatameta keŋ a ŋuna ajokak.
24Eryamuni ituŋanan ŋini aoson akipuryo aneni a ŋituŋa,
ido daadaŋ ŋulu iŋolikinete iŋes enyaraete iŋes ŋini elakara.
25Imarar ŋirwa ŋulu ka akiyar a ituŋanan,
nai ŋirwa ŋulu a Ŋisirael, nyimarar.
26Ituŋanan ŋini eos alotuŋa keŋ, eryamuni akitopolooro,
ido erubakini ekiro keŋ eyai ŋikaru ka ŋikaru.
Ŋuna etapito akiyapara
27Ikaakoku kiyokiunite akonikuwan eriŋa iyari;
toyeni ŋuna eroko aŋuna kon, ido nyimyek akuwan kon itiyae ŋun;
28anerae nyejokak ŋiboro daadaŋ aneni a ŋituŋa a daadaŋ
ka emam ituŋanan ŋini ebobokinit ibore daadaŋ.
29Nyirorokona anamuja a ŋuna ajokak a daadaŋ
ka nyimuji pa ieŋanakini mono akimuj;
30anerae eyauni akimuj nooi adyaka
ka ikisirumi adakanu egwee.
31Atwaka ŋulu alalak aŋuna ka adakanu,
nai ŋini ecoikinit anakitoroniyarit ŋun, itooyari akiyar keŋ.
Currently Selected:
Sir 37: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 37
37
Ŋikonei ŋulu alyokonok
1Ebala ŋolokone daadaŋ ebe, “Ayoŋ daŋ arae ekone;”
nai erae ŋikonei ŋice ŋikonei a ŋirorwa bon.
2Nyerae mono ŋun akiyaloloŋ ŋina ikoni ŋina ka atwanare,
erae keluwo ekone ŋolo ikimina toruwor emoit kon a?
3Okoe iyes ŋulu iwuapito ŋuna ka akitiya aronis, kaanukiro kikisubunere iyes,
ido toyakaun nakwap daadaŋ aŋuna ka amodiyo kus?
4Elelyanete ŋirukitos ŋice, anerae elakara ekone kec anapaki a ŋina a ŋican, elukinete ikes ekone kec.
5Iŋarakinete ŋirukitos ŋice ekone kec aŋuna ca ka akimujia aneni keŋ,
nai alojie edemarete ekone kec aupal keŋ aiunia ŋawat kec.
6Nyikimuryak ekone apaki ŋina iyakatar ka iŋes lojie,
nyikimuryak atamunit iŋes apaki ŋina iŋasiata iyes ŋiboro ŋulu iŋatunete alomoe kus.
Toyeni ŋuna kiwuapa anakiro a ŋuna ikilimokinio
7Ipurosi ŋituŋa daadaŋ ŋuna itatamitae ikes anakiro a ŋuna irworosi ikes
nai irworosi ŋice ŋakiro ŋuna ejoikinito ikes make.
8Tocoikinite ŋakiro ŋuna elimuni ituŋanan, ido toyeni mono ŋuna irworo iŋes kerae ŋuna ajokak aneni keŋ bon, anerae etamatamae iŋes aŋuna keŋ bon.
Acepaki nyikiseuni iŋes iyoŋ, anerae ikiremokino,
9ido ikilimokini iŋes iyoŋ ebe, “Ejokak ŋuna iwuapit iyoŋ,”
towo anawae kiŋolik ŋuna itiyakin neni kon.
10Nyiŋit akirot adio ituŋanan ŋini ikitamakinit iyoŋ ŋakiro ŋuna aronok,
kimunon ŋuna icamit iyoŋ akitiya aneni a ŋulu eyakatar arakao neni kon.
11Nyiŋit aneni ka aberu atemar ŋae ace etiŋasi ka lokile keŋ
kori nyiŋit ekakuryanan ŋuna ikamunito ejie.
Nyiŋit emucurus ŋuna ikamunito agyelanar,
kori nyiŋit ikagyelan ŋuna ikamunito agyelanar,
kori ŋini nyipotonori ibore ŋuna ka akipotonor,
kori ŋini nyisyoniyenene ŋuna ka arimao,
kori ŋini nyecamit etic ŋuna ke etic,
kori ŋini itiyae apaki ŋina euruwuana ŋuna ke etic kirikakinit,
kori ikalanyanot ŋini erae iketiyan ŋuna ke etic a ŋolo agogoŋon,
nyimitak ŋakiro ŋadi ŋuna ikilimokinete ikes iyoŋ.
12Nai torukito ka ituŋanan ŋini iwuapit ŋuna ka Akuj,
ŋini iyeni iyoŋ atemar erae ŋini iwuapit ŋakiciketa,
ŋini eyakar ŋatameta ŋuna iyakar iyoŋ ilope,
ŋini epedori akiyaloloŋ anapaki a ŋina iryamunitor iyoŋ ŋican.
13Toruwor ŋini iwuapit ŋakiro ŋuna ikilimokini iyoŋ etau kon,
anerae emam ibore ipei daŋ ikinyoma aneni kon akilo etau kon.
14Ŋapakio ŋace, ikilimokinete iwon ŋatameta yok ŋakiro ŋuna kiwuapa akilo ŋiketeok etaun ŋikanikaarei ŋulu iwuakinitae nakiboisyo ŋuna aoyak akirer.
15Nai akilo ŋun daadaŋ, kilip neni ka Akuj a ŋina alokidiama nooi
ikotere ikitoodikini iŋes iyoŋ erot ŋolo a kire.
Aosou ŋina ka amodiyo ka ŋina a kire
16Erae akiyanun ŋakiro iŋes erae akisyakinet a etic a daadaŋ,
ido erae akirworiun ŋakiro mono isyauni eriŋa nyitiya etic daadaŋ.
17Ŋatameta ikes erae ataagorete a ŋipitesyo a daadaŋ;
18itolomunete ikes ŋaten ŋaomwon,
ajokis ka aronis, akiyar ka atwanare; ido aŋajep erubakini ipukat ikes.
19Erae ŋituŋa ŋice ŋulu eosok nooi, ŋulu epedorito akitatam ŋituŋa ŋulu alalak,
nai torae bo ŋikoŋinae anakiyar kec.
20Epedorete ŋituŋa akiman ituŋanan ŋini epiiryana anakirworo;
ido ekaku, eruwor iŋes ŋini icana ŋinakimuj daadaŋ,
21anerae awounia Ekapolon ainakinet ŋina ka alakara a ŋina emamukatar ŋakiro ŋun aneni a ituŋanan a ŋin.
22Ani keos ituŋanan aŋuna keŋ bon,
ipuryo nooi ŋiticisyo ŋulu a ŋatameta keŋ a ŋuna ajokak.
23Itatami ituŋanan ŋini aoson ŋituŋa keŋ a ilope,
ido erubakinete ŋiticisyo ŋulu a ŋatameta keŋ a ŋuna ajokak.
24Eryamuni ituŋanan ŋini aoson akipuryo aneni a ŋituŋa,
ido daadaŋ ŋulu iŋolikinete iŋes enyaraete iŋes ŋini elakara.
25Imarar ŋirwa ŋulu ka akiyar a ituŋanan,
nai ŋirwa ŋulu a Ŋisirael, nyimarar.
26Ituŋanan ŋini eos alotuŋa keŋ, eryamuni akitopolooro,
ido erubakini ekiro keŋ eyai ŋikaru ka ŋikaru.
Ŋuna etapito akiyapara
27Ikaakoku kiyokiunite akonikuwan eriŋa iyari;
toyeni ŋuna eroko aŋuna kon, ido nyimyek akuwan kon itiyae ŋun;
28anerae nyejokak ŋiboro daadaŋ aneni a ŋituŋa a daadaŋ
ka emam ituŋanan ŋini ebobokinit ibore daadaŋ.
29Nyirorokona anamuja a ŋuna ajokak a daadaŋ
ka nyimuji pa ieŋanakini mono akimuj;
30anerae eyauni akimuj nooi adyaka
ka ikisirumi adakanu egwee.
31Atwaka ŋulu alalak aŋuna ka adakanu,
nai ŋini ecoikinit anakitoroniyarit ŋun, itooyari akiyar keŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.