Sir 36
36
Akilip ŋina a ŋituŋa ka Akuj
1Okoe Akuj ŋina a daadaŋ, kisyoni isua,
2ido inak ŋituŋa a ŋakwapin a daadaŋ ikitopoloosi iyoŋ.
3Kitoodiu apedor kon iremokino ŋakwapin ŋuna egelaaka,
kimyek ikes kiŋolikis apedor kon.
4Ikwapei ikisitiyaa iyoŋ isua akitoodikin ikes asegis kon,
aŋun, kisitiya ikes ikitoodikis isua apolou kon.
5Aŋun, eyenunete ikes lopite ŋolo ikidaunia isua ayenun atemar emam Akuj ace, nai iyoŋ bon okoe Ekapolon.
6Kitoodiu ŋakujuwuanisya ŋuna ekitetyaka ka kitiya ŋaumonokineta ŋace;
7kilou ikes a apedor kon a ŋina etiron ka a akan kon a ŋina aloteten.
8Kitonyou aŋoit kon, ido tobuk anyunyura kon;
9tomunya ŋulu ikiŋoikinito iyoŋ, ido kitoŋopiya ŋikonimoe.
10Kitadau apaaran atipei, ido totamunite apaki ŋina etubunitoe
ka kimyek ŋituŋa kimarut ŋiticisyo kon ŋulu ka aumokin.
11Kimyek ŋipiya tomunya anyunyura kon ŋina aryenyaanan,
ido elipi kiryama ŋulu ewanawanaete ŋituŋa kon ka amunyaro.
12Kinyaadiya ŋakyes a ŋikepukak a ŋulu aryenyaanak,
a ŋulu ebasi, “Emam ituŋanan ice eyeni ŋuna yok, nai iwon bon.”
13Tocunak ŋikabilae ŋulu a ŋituŋa a Yakob daadaŋ,
14kilelebik kai #36:14 Kai: A ŋagirik ŋituŋa kon kon ŋina alomukura Sion apolou kon ka ŋieosyo ŋulu ka akipuro.
15Kirwor aŋuna a ŋituŋa kon a ŋulu ibu iyoŋ tosub anakisyakinet;
kisiyook ŋakiro ŋuna aponi kirworoe edwaryo alokiro kon.
16ido inak ikes ŋakiboisyo kec lopite ŋolo ayakatar ekiŋaren.
17Okoe Ekapolon, kisyoni ŋituŋa kon ŋulu enyaritae a ekiro kon,
Ŋisirael ŋulu iinak iyoŋ aruwor ŋikiyae kon.
18Kisyoni etaun kon ŋolo eyai akibois kon ŋina asegan,
Yerusalem akibois ŋina iboiyo iyoŋ.
19Kilelebik ailiil kon Sion
ka kilelebik Kai kon apolou kon.
20Toruwor esuuda aneni a ŋulu ibu iyoŋ tosub ekiŋaren,
ido kisiyook ŋakiro ŋuna edwaritae ŋuna aponi kirworoe alokiro kon.
21Torop ŋulu ikidarito iyoŋ, ido kimyek ŋikadwarak kon toryamunae erae ŋulu a kire.
22Okoe Ekapolon, kiira akilip a ŋiketiyak kon,
lopite ŋolo eyakar acamit kon ŋina ajokan neni a ŋituŋa kon,
ido eyenunete ŋulu eya nakwap daadaŋ atemar irae iyoŋ Ekapolon Akuj ŋina a ŋikaru ka ŋikaru.
Ŋakiro ŋuna ka atyakatyaka
23Epedori akook acamun akimuj ca daadaŋ,
kikote neni daŋ eyai akimuj ŋina ejok aneni keŋ akilo ŋunace.
24Lopite ŋolo eyenunia tooma akituk alokidiama ajokis, kori aronis a ibore iiri,
aŋun, eyenunete ŋatameta ŋuna epiiryaka ŋakiro ŋuna ka alyokonu.
25Eyaunete ŋatameta ŋuna aronok akiyaloloŋ,
nai iŋes ŋini sek itorit nakiro ŋun, epedori akiloun ŋakiro a ŋatameta a ŋun.
26Epedori apese acamun ekile daadaŋ toruwor lokile keŋ,
nai ejok apese ikwaan ka ŋinace.
27Enirari akibuses a aberu ŋakonyen a ekile,
ido emamukaun icebore iitani iŋes akilo.
28Ani kitoodiu aberu ŋin arimao ka akitiditeuna alorwor keŋ,
eruwor ekile keŋ ŋolo eyakar arereŋu akilo ŋikilyok ŋuluce.
29Ekile ŋolo eryamuni aberu, aryamu iŋes ituŋanan ŋini eruwor ŋini keŋ jik,
akeŋarakinan ŋina itemokino aŋuna keŋ, akegaŋakiniton ŋina erae epir.
30Neni emam awuas, eŋataryo ŋiboro a nen,
ido neni emam aberu, eruwor ekile keŋ ekerimiton ka ekaperepereton neni daadaŋ eryamunia akuwar.
31Ŋae epedori akikinyom ekokolan ŋolo erimiton,
ŋolo irimit alotaun a epei tari lotaun ŋoloce?
Aŋun, ŋae epedori akikinyom ekile ŋolo emam neni iboiyo,
nai ŋolo eperi neni daadaŋ eryamunia iŋes akuwar?
Currently Selected:
Sir 36: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 36
36
Akilip ŋina a ŋituŋa ka Akuj
1Okoe Akuj ŋina a daadaŋ, kisyoni isua,
2ido inak ŋituŋa a ŋakwapin a daadaŋ ikitopoloosi iyoŋ.
3Kitoodiu apedor kon iremokino ŋakwapin ŋuna egelaaka,
kimyek ikes kiŋolikis apedor kon.
4Ikwapei ikisitiyaa iyoŋ isua akitoodikin ikes asegis kon,
aŋun, kisitiya ikes ikitoodikis isua apolou kon.
5Aŋun, eyenunete ikes lopite ŋolo ikidaunia isua ayenun atemar emam Akuj ace, nai iyoŋ bon okoe Ekapolon.
6Kitoodiu ŋakujuwuanisya ŋuna ekitetyaka ka kitiya ŋaumonokineta ŋace;
7kilou ikes a apedor kon a ŋina etiron ka a akan kon a ŋina aloteten.
8Kitonyou aŋoit kon, ido tobuk anyunyura kon;
9tomunya ŋulu ikiŋoikinito iyoŋ, ido kitoŋopiya ŋikonimoe.
10Kitadau apaaran atipei, ido totamunite apaki ŋina etubunitoe
ka kimyek ŋituŋa kimarut ŋiticisyo kon ŋulu ka aumokin.
11Kimyek ŋipiya tomunya anyunyura kon ŋina aryenyaanan,
ido elipi kiryama ŋulu ewanawanaete ŋituŋa kon ka amunyaro.
12Kinyaadiya ŋakyes a ŋikepukak a ŋulu aryenyaanak,
a ŋulu ebasi, “Emam ituŋanan ice eyeni ŋuna yok, nai iwon bon.”
13Tocunak ŋikabilae ŋulu a ŋituŋa a Yakob daadaŋ,
14kilelebik kai #36:14 Kai: A ŋagirik ŋituŋa kon kon ŋina alomukura Sion apolou kon ka ŋieosyo ŋulu ka akipuro.
15Kirwor aŋuna a ŋituŋa kon a ŋulu ibu iyoŋ tosub anakisyakinet;
kisiyook ŋakiro ŋuna aponi kirworoe edwaryo alokiro kon.
16ido inak ikes ŋakiboisyo kec lopite ŋolo ayakatar ekiŋaren.
17Okoe Ekapolon, kisyoni ŋituŋa kon ŋulu enyaritae a ekiro kon,
Ŋisirael ŋulu iinak iyoŋ aruwor ŋikiyae kon.
18Kisyoni etaun kon ŋolo eyai akibois kon ŋina asegan,
Yerusalem akibois ŋina iboiyo iyoŋ.
19Kilelebik ailiil kon Sion
ka kilelebik Kai kon apolou kon.
20Toruwor esuuda aneni a ŋulu ibu iyoŋ tosub ekiŋaren,
ido kisiyook ŋakiro ŋuna edwaritae ŋuna aponi kirworoe alokiro kon.
21Torop ŋulu ikidarito iyoŋ, ido kimyek ŋikadwarak kon toryamunae erae ŋulu a kire.
22Okoe Ekapolon, kiira akilip a ŋiketiyak kon,
lopite ŋolo eyakar acamit kon ŋina ajokan neni a ŋituŋa kon,
ido eyenunete ŋulu eya nakwap daadaŋ atemar irae iyoŋ Ekapolon Akuj ŋina a ŋikaru ka ŋikaru.
Ŋakiro ŋuna ka atyakatyaka
23Epedori akook acamun akimuj ca daadaŋ,
kikote neni daŋ eyai akimuj ŋina ejok aneni keŋ akilo ŋunace.
24Lopite ŋolo eyenunia tooma akituk alokidiama ajokis, kori aronis a ibore iiri,
aŋun, eyenunete ŋatameta ŋuna epiiryaka ŋakiro ŋuna ka alyokonu.
25Eyaunete ŋatameta ŋuna aronok akiyaloloŋ,
nai iŋes ŋini sek itorit nakiro ŋun, epedori akiloun ŋakiro a ŋatameta a ŋun.
26Epedori apese acamun ekile daadaŋ toruwor lokile keŋ,
nai ejok apese ikwaan ka ŋinace.
27Enirari akibuses a aberu ŋakonyen a ekile,
ido emamukaun icebore iitani iŋes akilo.
28Ani kitoodiu aberu ŋin arimao ka akitiditeuna alorwor keŋ,
eruwor ekile keŋ ŋolo eyakar arereŋu akilo ŋikilyok ŋuluce.
29Ekile ŋolo eryamuni aberu, aryamu iŋes ituŋanan ŋini eruwor ŋini keŋ jik,
akeŋarakinan ŋina itemokino aŋuna keŋ, akegaŋakiniton ŋina erae epir.
30Neni emam awuas, eŋataryo ŋiboro a nen,
ido neni emam aberu, eruwor ekile keŋ ekerimiton ka ekaperepereton neni daadaŋ eryamunia akuwar.
31Ŋae epedori akikinyom ekokolan ŋolo erimiton,
ŋolo irimit alotaun a epei tari lotaun ŋoloce?
Aŋun, ŋae epedori akikinyom ekile ŋolo emam neni iboiyo,
nai ŋolo eperi neni daadaŋ eryamunia iŋes akuwar?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.