Sir 22
22
Ŋulu ekalanyaka
1Ituŋanan ŋini erae ikalanyanot, ikwaan ka amoru ŋina inyasuna
ka ijutujuta aŋuna nyejokia iŋes.
2Ikwaan akinyasuna a ikalanyanot ka akinyasuna a ŋikamukumukui a ŋulu ileleba ŋacin
ituŋanan daadaŋ ŋini idepuni ŋacin ŋun ilakilakaari anakan keŋ.
Ajoŋ akipit ŋidwe
3Mam ajokis aruwor papa a ikoku a ŋinisapat a ŋini nyeyakar ŋipitesyo ŋulu ajokak
ka erae atwaniyar akidoun ikoku ŋinipese,ŋini aronon a ŋipitesyo.
4Ikoku ŋinipese ŋini etami iŋes atemar eseuni ekile keŋ a alope,
nai ŋini eleeceno, eyauni akiyaloloŋ neni a papa keŋ.
5Eyauni ikoku ŋinipese ŋini eryanyaana pa irumito ŋileec akiyaloloŋ neni a papa keŋ ka neni alokile keŋ,
ido ejamuwarete ikes iŋes.
6Ikwaan erwor ŋolo aronon ka ŋieosyo ŋulu eoi apaki ŋina igworore,
nai akisican ka akitatamo, erae aosou a ŋinapaki daadaŋ.
7Ŋidwe ŋulu itopolounitoe anakiyar a ŋina ajokan, nyililiŋiyarete akiyapara ŋina ayakatar ŋikauruunak kec.
8Ŋidwe ŋulu nyitopolounitoe anakiyar a ŋina ajokan, ŋulu iturosi, ŋulu itopolooro bon, emunaarete akitopoloorit ŋina sek eyakatar ŋituŋa a ekal kec.
Aosou ka abaŋao
9Ituŋanan ŋini itatami ibaŋaanot, ikwaan ka ŋini imiinianakini ŋataboka,
kori ka ŋini itekenyuni ikajoton ŋini ilura nooi.
10Ituŋanan ŋini itatamikini eemut neni a ibaŋaanot, itatamyanakini neni a ituŋanan a ŋini ilura;
ido ekaku elimuni iŋes ebe, “Inyoni?”
11Kigworo aŋuna a ikatwan, anerae arotoki iŋes anakica
ka kigworo aŋuna a ibaŋaanot, anerae arotoki iŋes anapiiryanut.
Kigworo pa ikinomorit nooi aŋuna a ikatwan, anerae eyai iŋes nakieŋun; nai erono nooi akiyar aibaŋ iloit tari atwanare.
12Igworoi ikatwan ŋarwa ŋakanikaarei
nai akigworo aŋuna a ibaŋaanot, kori a ŋini nyiwuapit ŋuna ka Akuj, erae ŋina a ŋirwa a daadaŋ a ŋulu ka akiyar.
13Nyirwor ŋuna alalak neni a ituŋanan a ŋini nyetami,
kori nyilot apeyo neni a ituŋanan a ŋini nyepiiryana.
Kiboiye iyeni iŋes nooi, acepaki ilomari iyoŋ locan,
ido torotok aneni keŋ apaki ŋina erotokinio iŋes.
Toŋer iyoŋ iŋes, ido iryamuni iyoŋ akieŋun,
emam ŋuna ituupa iyoŋ aŋuna nyetamya iŋes.
14Nyo epot akilo asuwat ŋina enyaritae lead?
Ŋae ekiro keŋ akilo “Ibaŋaanot?”
15Epatana akidaŋidaŋ apotis a asinyon, a acumbi ka atutubet a asuwat akilo akidaŋidaŋ ituŋanan ŋini ebaŋaana.
16Nyepedori amaran ŋina ka akwap aditar akitoe ŋina eenikinitae kai ejok,
aŋun, ŋatameta ŋuna eyakar ituŋanan ekaku a ŋican erae ŋuna nyiryaŋiryaŋasi ka nyekuryaka erae kepotu ŋican.
17Ŋatameta ŋuna eya inapakina neni a ituŋanan a ŋini apiiryanan,
ikwaan ka ibore ŋini itedelesesi arwatata kibusyar.
18Ŋawuasin ŋuna ewuatae nakiboisyo ŋuna aoyak, nyepedorete akiwo egogoŋ apaki ŋina ekutunia ekuwuam;
aŋun, ŋatameta ŋuna ekuryaka ŋuna eyakar ibaŋaanot, nyiturubakinete ituŋanan ŋin eŋirikinit apaki ŋina ka akisicanio.
Akiturubakin akoneo
19Ituŋanan ŋini icumi akoŋu, itolomuni ŋakiyo
ka ŋini icumi eliŋa, isileereuni ŋuna eya tooma keŋ.
20Ituŋanan ŋini imasari amoru lokyeny, esuri ikes toporosi nariet,
ŋini itoŋoi ekone keŋ, emunaari akoneo.
21Tari kiut iyoŋ ekileŋ kon anakuraro aŋuna icamitor akiar ekone, nyikikadanak,
anerae eyakaun ŋuna kitiya ekaku.
22Ani kilimu iyoŋ ŋuna aronok itoroniyarit ekone kon, nyiyaloloŋ, anerae ipedorete iyes acamun nabo.
Nai aŋuna ka akitoŋoyenen, ajamuwarit, alimonor ŋuna imunono, kori araakau ŋini nyikikinyomitae,
itorotokinete ŋun ekone aneni kon.
23Toryamu akikinyoma aneni a ikidunyet kon anakulyako keŋ,
ikotere ilelyanete iyoŋ ka iŋes anapaki a ŋina ebaritor iŋes.
Torubak irukito ka iŋes anapaki a ŋina a ŋican keŋ,
ikotere imorete iyoŋ ka iŋes ŋiboro apaki ŋina eruworotor ŋulu keŋ.
24Eure ka akim ka apuru isyaunete alomun alokitet eriŋa akim,
aŋun, ŋiyany isyaunete eriŋa nyebukoro ŋaokot.
25Nyekerumito ayoŋ ŋileec aŋuna ka aikin ekone,
ido nyaŋopi ayoŋ eŋolikini iŋes.
26Nai ani kebu awana neni kaŋ aŋuna keŋ, ŋini daadaŋ iirari ŋun ecoikini aruwor ekone keŋ.
Akilip ŋina ikiŋarakini tojoŋo asecenen.
27Ŋae egolokini akituk kaŋ kiwuak akipucet lopon kaŋ,
ikotere ayoŋ nyaryamu ŋican aŋuna a erwor kaŋ
ka ikotere nyakamunaiya ayoŋ aŋajep kaŋ?
Currently Selected:
Sir 22: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Sir 22
22
Ŋulu ekalanyaka
1Ituŋanan ŋini erae ikalanyanot, ikwaan ka amoru ŋina inyasuna
ka ijutujuta aŋuna nyejokia iŋes.
2Ikwaan akinyasuna a ikalanyanot ka akinyasuna a ŋikamukumukui a ŋulu ileleba ŋacin
ituŋanan daadaŋ ŋini idepuni ŋacin ŋun ilakilakaari anakan keŋ.
Ajoŋ akipit ŋidwe
3Mam ajokis aruwor papa a ikoku a ŋinisapat a ŋini nyeyakar ŋipitesyo ŋulu ajokak
ka erae atwaniyar akidoun ikoku ŋinipese,ŋini aronon a ŋipitesyo.
4Ikoku ŋinipese ŋini etami iŋes atemar eseuni ekile keŋ a alope,
nai ŋini eleeceno, eyauni akiyaloloŋ neni a papa keŋ.
5Eyauni ikoku ŋinipese ŋini eryanyaana pa irumito ŋileec akiyaloloŋ neni a papa keŋ ka neni alokile keŋ,
ido ejamuwarete ikes iŋes.
6Ikwaan erwor ŋolo aronon ka ŋieosyo ŋulu eoi apaki ŋina igworore,
nai akisican ka akitatamo, erae aosou a ŋinapaki daadaŋ.
7Ŋidwe ŋulu itopolounitoe anakiyar a ŋina ajokan, nyililiŋiyarete akiyapara ŋina ayakatar ŋikauruunak kec.
8Ŋidwe ŋulu nyitopolounitoe anakiyar a ŋina ajokan, ŋulu iturosi, ŋulu itopolooro bon, emunaarete akitopoloorit ŋina sek eyakatar ŋituŋa a ekal kec.
Aosou ka abaŋao
9Ituŋanan ŋini itatami ibaŋaanot, ikwaan ka ŋini imiinianakini ŋataboka,
kori ka ŋini itekenyuni ikajoton ŋini ilura nooi.
10Ituŋanan ŋini itatamikini eemut neni a ibaŋaanot, itatamyanakini neni a ituŋanan a ŋini ilura;
ido ekaku elimuni iŋes ebe, “Inyoni?”
11Kigworo aŋuna a ikatwan, anerae arotoki iŋes anakica
ka kigworo aŋuna a ibaŋaanot, anerae arotoki iŋes anapiiryanut.
Kigworo pa ikinomorit nooi aŋuna a ikatwan, anerae eyai iŋes nakieŋun; nai erono nooi akiyar aibaŋ iloit tari atwanare.
12Igworoi ikatwan ŋarwa ŋakanikaarei
nai akigworo aŋuna a ibaŋaanot, kori a ŋini nyiwuapit ŋuna ka Akuj, erae ŋina a ŋirwa a daadaŋ a ŋulu ka akiyar.
13Nyirwor ŋuna alalak neni a ituŋanan a ŋini nyetami,
kori nyilot apeyo neni a ituŋanan a ŋini nyepiiryana.
Kiboiye iyeni iŋes nooi, acepaki ilomari iyoŋ locan,
ido torotok aneni keŋ apaki ŋina erotokinio iŋes.
Toŋer iyoŋ iŋes, ido iryamuni iyoŋ akieŋun,
emam ŋuna ituupa iyoŋ aŋuna nyetamya iŋes.
14Nyo epot akilo asuwat ŋina enyaritae lead?
Ŋae ekiro keŋ akilo “Ibaŋaanot?”
15Epatana akidaŋidaŋ apotis a asinyon, a acumbi ka atutubet a asuwat akilo akidaŋidaŋ ituŋanan ŋini ebaŋaana.
16Nyepedori amaran ŋina ka akwap aditar akitoe ŋina eenikinitae kai ejok,
aŋun, ŋatameta ŋuna eyakar ituŋanan ekaku a ŋican erae ŋuna nyiryaŋiryaŋasi ka nyekuryaka erae kepotu ŋican.
17Ŋatameta ŋuna eya inapakina neni a ituŋanan a ŋini apiiryanan,
ikwaan ka ibore ŋini itedelesesi arwatata kibusyar.
18Ŋawuasin ŋuna ewuatae nakiboisyo ŋuna aoyak, nyepedorete akiwo egogoŋ apaki ŋina ekutunia ekuwuam;
aŋun, ŋatameta ŋuna ekuryaka ŋuna eyakar ibaŋaanot, nyiturubakinete ituŋanan ŋin eŋirikinit apaki ŋina ka akisicanio.
Akiturubakin akoneo
19Ituŋanan ŋini icumi akoŋu, itolomuni ŋakiyo
ka ŋini icumi eliŋa, isileereuni ŋuna eya tooma keŋ.
20Ituŋanan ŋini imasari amoru lokyeny, esuri ikes toporosi nariet,
ŋini itoŋoi ekone keŋ, emunaari akoneo.
21Tari kiut iyoŋ ekileŋ kon anakuraro aŋuna icamitor akiar ekone, nyikikadanak,
anerae eyakaun ŋuna kitiya ekaku.
22Ani kilimu iyoŋ ŋuna aronok itoroniyarit ekone kon, nyiyaloloŋ, anerae ipedorete iyes acamun nabo.
Nai aŋuna ka akitoŋoyenen, ajamuwarit, alimonor ŋuna imunono, kori araakau ŋini nyikikinyomitae,
itorotokinete ŋun ekone aneni kon.
23Toryamu akikinyoma aneni a ikidunyet kon anakulyako keŋ,
ikotere ilelyanete iyoŋ ka iŋes anapaki a ŋina ebaritor iŋes.
Torubak irukito ka iŋes anapaki a ŋina a ŋican keŋ,
ikotere imorete iyoŋ ka iŋes ŋiboro apaki ŋina eruworotor ŋulu keŋ.
24Eure ka akim ka apuru isyaunete alomun alokitet eriŋa akim,
aŋun, ŋiyany isyaunete eriŋa nyebukoro ŋaokot.
25Nyekerumito ayoŋ ŋileec aŋuna ka aikin ekone,
ido nyaŋopi ayoŋ eŋolikini iŋes.
26Nai ani kebu awana neni kaŋ aŋuna keŋ, ŋini daadaŋ iirari ŋun ecoikini aruwor ekone keŋ.
Akilip ŋina ikiŋarakini tojoŋo asecenen.
27Ŋae egolokini akituk kaŋ kiwuak akipucet lopon kaŋ,
ikotere ayoŋ nyaryamu ŋican aŋuna a erwor kaŋ
ka ikotere nyakamunaiya ayoŋ aŋajep kaŋ?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.