Sir 10
10
1Ekatubon ŋakiro ŋolo aoson, iŋes ŋolo itatami ŋituŋa keŋ
ka ekipukae a ituŋanan a ŋini epiiryana, iŋes ŋolo eryaaritere ŋakiro ejok.
2Epite ŋolo itiyaa ekatubon ŋakiro neni a ŋituŋa, iŋes pei ityaata ŋikapolok ŋulu itiyaete ka iŋes;
epite ŋolo itiyaa ekepukan ŋolo a etaun, iŋes pei
itiyaata ŋituŋa daadaŋ ŋulu iboiyete alotaun a ŋol.
3Emunaari erwosit ŋolo eyakar ŋipitesyo ŋulu aronok ŋituŋa keŋ,
nai epedori etaun aruwor ŋolo iboiyoto ŋituŋa ejok erae keyakatar ŋikepukak ayenut.
4Eyai apukan ŋina alokwap napedor ŋina ke Ekapolon,
ido eryamuni iŋes alotooma ŋinapaki ekarikon ŋolo iyookino.
5Erae napedor ke Ekapolon iŋes itiyaata ŋituŋa ŋiticisyo kec ejok
ka iŋes einanakini apolou neni a ŋini itatami ŋikisila.
Asecit ŋina ka akituro.
6Nyiŋoik ikidunyet kon apaki daadaŋ ŋina ikiwania iŋes iyoŋ
ka nyitub akitiya ŋuna itoŋoya iŋes.
7Eremokino Ekapolon ka ŋituŋa akituro
ka erae akitiya ŋuna nyiyookino ibore ŋini itoŋoi Ekapolon kaapei ka ŋituŋa.
8Iloconokin ŋikepukak anakwapin a daadaŋ aŋuna nyitiyaata ŋuna iyookino ka ŋuna a ŋiyany ta aŋuna a ebari.
9ikokinete mono apuwa ka ekuron iturosi ai?
Emunaar akuwan a ituŋanan tari eriŋa ituŋanan eyari.
10Einakini adyak ŋina aoyan edakitar akitam nooi;
epedori erwosit ŋolo ipukat tokona atwanare moi taparacu;
11anerae ani ketwana ituŋanan, eruwor ŋikur ŋulu keŋ
ka eruwor ŋityaŋ ŋulu ka ariet daŋ ŋulu keŋ.
12erae akituro a ituŋanan akisyakinet keŋ akiŋer Ekapolon;
adau etau keŋ akimyekin ekasubunan keŋ;
13anerae erae akisyakinet ŋina ka akituro asecit, ido ŋini imiidikin nakituro, itiyae ŋuna esiilyaka.
Aŋun, eyauni Ekapolon neni kec ŋican ŋulu nyiirara ŋinapei,
ido emunyari ikes jik.
14Ikamanari Ekapolon apolou a ŋikepukak,
ido kilunyok ŋulu itiditeuna nakiboisyo a ŋul.
15Elemanari Ekapolon ŋikepukak ŋulu iturosi itowoito ŋakwapin kec,
ido kilunyok ŋulu itiditeuna make nakiboisyo a ŋulu iturosi.
16Ituruwonori Ekapolon ŋakiboisyo a ŋakwapin ŋacaryo,
ido emunanari ikes todol amunaara kec tari kwap ŋalup.
17Elemari iŋes ŋakiboisyo ŋace jik ka emunanari jik,
ido ikisanari ikes jik tojoŋoi atamunit anakwap.
18Pa asubunitae akituro aŋuna a ŋituŋa,
kori aryenyeo alotooma aŋoit aŋuna a ŋituŋa.
Ŋituŋa ŋulu emaikina toryamut apolou
(Yer. 9:23-24; 1 Ŋikor. 1:26-31)
19Ŋiletok ataŋae emaikina toryamut apolou?
Ŋiletok a ŋituŋa.
Ŋiletok ataŋae emaikina toryamut apolou?
Ŋiletok a ŋulu itopoloorito Ekapolon.
Ŋiletok ataŋae nyemaikina toryamut apolou?
Ŋiletok a ŋituŋa.
Ŋiletok ataŋae nyemaikina toryamut apolou?
Ŋiletok a ŋulu nyiwuapito ŋakiciketa.
20Emaikina ekarikon alotooma ekal erae ŋolo itopoloorito ŋituŋa a ekal,
nai ŋulu itopoloorito Ekapolon, emaikina toryamut apolou alokiŋaren Ekapolon. #10:21 iyatakinito ŋakigireta ŋace eŋaet 21 Nakitopoloorit Ekapolon iŋes, isyakinia akitiya ibore daadaŋ ejok; nai akisyaanu ka akituro, ikes erae akisyakinet ŋina ka akisipiyor akitiya ejok.
22Eryamunito ŋikabarak, ŋituŋa ŋulu eyenen ka ŋikulyak
apolou kec aneni a Ekapolon.
23Nyemaikina tojamuwarae ŋini epiiryana nai tokulyakana,
ido nyiyookino akitopoloor ituŋanan ŋini erae ikasecan.
24Itopolooritae erwosit, ekatubon ŋakiro ka ekepukan,
nai mam ipei daŋ alokidiŋ kec ŋini epol akilo ŋini itopoloorit Ekapolon.
25Ŋituŋa ŋulu eyakatar alacakina anakwap kec, itiyanakinete ejok eketiyan ŋolo aoson
ka nyiŋuruŋura ituŋanan ŋini epiiryana.
Ŋuna ka akitiditeuna
26Nyitoodiuna anaosou kon apaki ŋina itiyaa iyoŋ etic
ka nyituro apaki ŋina iitanitor iyoŋ aryamun ibore.
27Ejok iketiyan ŋini eyakar ŋiboro ŋulu alalak,
akilo iketuron ŋini emamukar tari akimuj.
28Ikaakoku, kitopolooro bon anakitiditeuna
ka inakin bon akitopolooro ŋina emaikina iyoŋ iyakar.
29Ŋae irworo eiunit ŋulu etubokina make?
Ŋae itopoloori ŋulu nyitopolooro bon?
30Itopolooritae ŋikulyak aŋuna ka aosou kec,
ido itopolooritae ŋikabarak aŋuna ka abaru kec.
31Ani kitopolooritae ituŋanan tari kekulyakana,
etya nai ai apolou eryamuni iŋes erae kebarit!
Ani pa kitopolooritae ituŋanan erae ekabaran,
etya nai ai apolou eryamuni iŋes erae kekulyakana!
Currently Selected:
Sir 10: NIB2008
Highlight
Copy
Compare
Share
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.