Ŋirom. 3
3
Erae Akuj ŋina iyookino
1Inyoni ŋini alalan eyakatar Ŋiyudayan akilo ŋini eyakatar ŋituŋa ŋuluce? Kori alipoida eyakar akileŋeryo kec? 2Eyai kire epoida lowaetin daadaŋ! Ŋuna iŋarenete, abu Akuj kicikak ŋakiro keŋ neni a Ŋiyudayan akiyok. 3Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a? 4Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe,
“Apaki ŋina irworikinia iyoŋ Akuj, ileere atemar iyookino iyoŋ;
ka iloununui iyoŋ ŋina ikisitakinere.”
5Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa) 6Mam jik! Ani pa kiyookino Akuj, ikokini nai iŋes etubokini akwap ai? 7Epedorete ŋice alimun ebe: ani bo kitopoloorit aronis kaŋ Akuj anakisileereunit akiyookino keŋ, kaanukiro erubakinitor iŋes akatubokinit ayoŋ arae ekasecan? 8Kaanukiro bo nyikitemarya ebe, “Etiyata ŋuna aronok ikotere itoodiunere ŋuna ajokak?” Kire apotu ŋicetuŋa ekeyany ayoŋ ebasi etatami ŋakiro nu! Aŋun nai, etubokini Akuj ikes alopite a ŋolo itemokino totubokinere.
Emam ituŋanan iyookino alokiŋaren Akuj
9Nyo nai kire? Eyai mono iwon Ŋiyudayan ibore ŋini ikilounitor iwon ŋituŋa ŋulu nyerae Ŋiyudayan a? Mam jik! Anerae adau ayoŋ alimun ebe ipukat asecit ŋituŋa daadaŋ--Ŋiyudayan ka ŋulu nyerae Ŋiyudayan daŋ, 10ikwaŋinapei igiritere Nakigireta ebe:
“Emam ituŋanan iyookino, emam ipei daŋ;
11emam idio daŋ eyeni ŋuna iyookino kori ŋini iwarit akimorikin ka Akuj.
12Aŋero ŋituŋa daadaŋ Akuj;
aruworosi daadaŋ ŋikoŋinae;
emam ŋini itiyae ŋuna ajokak, emam tari ipei daŋ.
13Ŋakiro ŋuna irworosi ikes eyaununuyete atwanare;
ileleba amodiyo ŋina aronon lorwor kec,
nabo daŋ ŋakiro ŋuna irworosi ikes erae ŋuna aarak,
ikote akisorit ŋina ke emun.
14Ileleba ŋilam ka adedeŋu nakituka kec.
15Nyeayeneneete ikes apaki ŋina aoyan akiwan kori akiar idiotuŋanan.
16Neni daadaŋ elosete ikes, inyasunete ido kidoŋo ŋican nen.
17Nyeyenete ikes ŋuna ke ekisil.
18Nyeyenete ikes ŋuna ka akerit Akuj.”
19Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes. 20Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.
Epite ŋolo isiyookinio Akuj ŋituŋa alokiŋaren keŋ
21Nai tokona adaun akisileereun epite ŋolo elimorya Akuj atemar iyookino ituŋanan alokiŋaren keŋ, ikwapei iteyenunitotor Ŋikisila ka ŋikadwarak. Nai nyikamunito ŋun Ŋikisila. 22Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait, 23anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut. 24Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio. 25Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa. 26Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu. 27Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor. 28Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila. 29Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ. 30Erae Akuj apei, elimori atemar iyookino Ŋiyudayan alokiŋaren keŋ aŋuna ka anupit kec ka itiyae ikwaŋinapei neni a ŋulu nyerae Ŋiyudayan. 31Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.
Currently Selected:
Ŋirom. 3: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋirom. 3
3
Erae Akuj ŋina iyookino
1Inyoni ŋini alalan eyakatar Ŋiyudayan akilo ŋini eyakatar ŋituŋa ŋuluce? Kori alipoida eyakar akileŋeryo kec? 2Eyai kire epoida lowaetin daadaŋ! Ŋuna iŋarenete, abu Akuj kicikak ŋakiro keŋ neni a Ŋiyudayan akiyok. 3Nai nyiwuapa ŋituŋa ŋice ŋakiro ŋuna ka Akuj. Iŋes mono atemar nyerubakini Akuj daŋ iricit ŋakiikineta keŋ a? 4Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe,
“Apaki ŋina irworikinia iyoŋ Akuj, ileere atemar iyookino iyoŋ;
ka iloununui iyoŋ ŋina ikisitakinere.”
5Nai ani kitoodiunito ŋuna aronok ŋuna ikitiyae iwon akiyookino ŋina ka Akuj, ikitemari iwon ai? Ikitemari mono nyiyookino Akuj aŋuna ikisicania iwon aŋuna a ŋiticisyo yok a ŋulu aronok a? (Erworo ayoŋ nu lopite ŋolo a ŋituŋa) 6Mam jik! Ani pa kiyookino Akuj, ikokini nai iŋes etubokini akwap ai? 7Epedorete ŋice alimun ebe: ani bo kitopoloorit aronis kaŋ Akuj anakisileereunit akiyookino keŋ, kaanukiro erubakinitor iŋes akatubokinit ayoŋ arae ekasecan? 8Kaanukiro bo nyikitemarya ebe, “Etiyata ŋuna aronok ikotere itoodiunere ŋuna ajokak?” Kire apotu ŋicetuŋa ekeyany ayoŋ ebasi etatami ŋakiro nu! Aŋun nai, etubokini Akuj ikes alopite a ŋolo itemokino totubokinere.
Emam ituŋanan iyookino alokiŋaren Akuj
9Nyo nai kire? Eyai mono iwon Ŋiyudayan ibore ŋini ikilounitor iwon ŋituŋa ŋulu nyerae Ŋiyudayan a? Mam jik! Anerae adau ayoŋ alimun ebe ipukat asecit ŋituŋa daadaŋ--Ŋiyudayan ka ŋulu nyerae Ŋiyudayan daŋ, 10ikwaŋinapei igiritere Nakigireta ebe:
“Emam ituŋanan iyookino, emam ipei daŋ;
11emam idio daŋ eyeni ŋuna iyookino kori ŋini iwarit akimorikin ka Akuj.
12Aŋero ŋituŋa daadaŋ Akuj;
aruworosi daadaŋ ŋikoŋinae;
emam ŋini itiyae ŋuna ajokak, emam tari ipei daŋ.
13Ŋakiro ŋuna irworosi ikes eyaununuyete atwanare;
ileleba amodiyo ŋina aronon lorwor kec,
nabo daŋ ŋakiro ŋuna irworosi ikes erae ŋuna aarak,
ikote akisorit ŋina ke emun.
14Ileleba ŋilam ka adedeŋu nakituka kec.
15Nyeayeneneete ikes apaki ŋina aoyan akiwan kori akiar idiotuŋanan.
16Neni daadaŋ elosete ikes, inyasunete ido kidoŋo ŋican nen.
17Nyeyenete ikes ŋuna ke ekisil.
18Nyeyenete ikes ŋuna ka akerit Akuj.”
19Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes. 20Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.
Epite ŋolo isiyookinio Akuj ŋituŋa alokiŋaren keŋ
21Nai tokona adaun akisileereun epite ŋolo elimorya Akuj atemar iyookino ituŋanan alokiŋaren keŋ, ikwapei iteyenunitotor Ŋikisila ka ŋikadwarak. Nai nyikamunito ŋun Ŋikisila. 22Akiyookino na, ŋina ka Akuj, ebunit alotooma anupit Yesu Kristo, neni a daadaŋ a ŋulu enupito. Emam atyeketait, 23anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut. 24Nai anajokis keŋ abu Akuj tolimo atemar iyookino ikes alokiŋaren keŋ aŋuna a Yesu Kristo a ŋolo elakununui ikes anakipukao a ŋina ka asecit. Erae ŋin ainakinet ŋina nyetacio. 25Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa. 26Nai tokona, emitakinit Akuj ŋasecisya a ŋituŋa. Alopite a lo, itoodiunit iŋes atemar iyookino iŋes alope, nabo elimori Akuj atemar iyookino ŋituŋa daadaŋ alokiŋaren keŋ ŋulu enupito Yesu. 27Nyo nai ikisiturokini iwon? Emam ibore ipei daŋ! Ikotere nyo? Erae aŋuna ikiwuapitor iwon Ŋikisila a? Meere, nai aŋuna ikinupitor. 28Anerae ikinupit ebe elimori Akuj atemar iyookino ituŋanan alokiŋaren keŋ aŋuna enupitor iŋes, meere aŋuna iwuapitor Ŋikisila. 29Erae mono Akuj ŋina a Ŋiyudayan bon a? Meere mono iŋes Akuj a ŋituŋa a ŋulu nyerae Ŋiyudayan daŋ a? Ee, erae iŋes Akuj a ŋulu nyerae Ŋiyudayan daŋ. 30Erae Akuj apei, elimori atemar iyookino Ŋiyudayan alokiŋaren keŋ aŋuna ka anupit kec ka itiyae ikwaŋinapei neni a ŋulu nyerae Ŋiyudayan. 31Itoodiunito nai ŋun atemar ikijamuwarit iwon Ŋikisila aŋuna ka anupit a ŋin a? Mam jik! Akilo, ikitopoloorit iwon Ŋikisila.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.