Ŋirom. 2
2
Etubokini Akuj ŋituŋa daadaŋ
1Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope. 2Ikiyeni iwon atemar iyookino Akuj etubokini ŋituŋa ŋulu itiyaete ŋakiro ŋuna aronok. 3Nai iyoŋ ituŋanan ŋini itubonokini ŋulu itiyaete aronis, ido kitiyae iyoŋ daŋ ŋunapei, itami iyoŋ atemar ipedori abucar anatubokino a ŋina ka Akuj a? 4Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a? 5Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj. 6Akoloŋit ŋin, eropi Akuj ŋinituŋanan lopite ŋolo itiyator iŋes. 7Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun. 8Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok. 9Eyakaun ŋican ka aryeba neni a ŋituŋa a daadaŋ a ŋulu itiyaete aronis; neni a Ŋiyudayan mono, ido nai neni a ŋulu nyerae Ŋiyudayan daŋ. 10Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ. 11Anerae, nyetyakatyakat Akuj ŋituŋa.
12Ŋituŋa daadaŋ ŋulu aseca pa eyenete Ŋikisila ŋulu ainakini Akuj Moses, emunyarosi tari pa keyenete Ŋikisila. Ŋituŋa daadaŋ ŋulu aseca toyenete Ŋikisila ŋul, etubokinio ikes alotooma Ŋikisila. 13Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino. 14Emamukatar ŋulu nyerae Ŋiyudayan Ŋikisila, nai apaki daadaŋ ŋina itiyaata ikes ka acamit kec ŋuna icikakinito Ŋikisila, etoodiut ikes atemar eyenete ŋuna ajokak kori ŋuna aronok, tari kemamukatar ikes Ŋikisila. 15Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes. 16Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.
Ŋiyudayan ka Ŋikisila a Moses
17Ani bo iyoŋ ŋini ibala, “Arae ayoŋ Eyudayat?” Iyarikinit iyoŋ Lokisila a Moses ka ituror ayenaanut kon ka Akuj. 18Iyeni ŋuna ecamit Akuj ka itojokit ŋuna ajokak nooi, anerae ikitatamitae iyoŋ alotooma Ŋikisila. 19Ileere aneni kon kire atemar irae iyoŋ ekarikon a ŋimudukanotin, ikoni iyoŋ akica ŋina a ŋulu eya nakiryonut. 20Irae eketataman a ŋibaŋaanotin, a ŋulu ikote ŋiŋwea ŋulu emam ibore eyenete. Erae kire atemar, alotooma Ŋikisila, iyakar iyoŋ aosou daadaŋ ka ŋuna a kire. 21Ani nai kitatami iyoŋ ŋuluce, nyo bo nyitatamar iyoŋ bon? Itatami iyoŋ ŋuluce ibala “Nyikoko” -- nai nyikokoenene iyoŋ a? 22Ibala iyoŋ “Nyilom” nai nyilomenene iyoŋ a? Ijamuwarit iyoŋ ŋakujo--nai nyikokoenene iyoŋ ŋiboro ŋulu eya nakais a ŋakujo a? 23Aŋun, iyes ŋulu iturosi ibasi ikiyeni Ŋikisila ŋulu ka Akuj--nyiyaunete iyes ŋileec neni ka Akuj aŋuna ibilibilyata Ŋikisila keŋ a? 24Anerae ikote nen igiritae Nakigireta ebe, “Aŋuna kus Ŋiyudayan, iyanyete ŋituŋa ŋulu nyerae Ŋiyudayan ekiro ka Akuj.”
25Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait. 26Nai ani kiricakis ŋituŋa ŋulu nyerae Ŋiyudayan ka nyileŋeritae, ŋuna ebasi Ŋikisila, imarakini Akuj ikes esibit ŋulu ileŋeritae. 27Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ. 28Iŋes atemar, nyerae ituŋanan Eyudayat alotakane keŋ kori aŋuna ileŋeritere iŋes. 29Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.
Currently Selected:
Ŋirom. 2: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Ŋirom. 2
2
Etubokini Akuj ŋituŋa daadaŋ
1Iyoŋ daŋ ŋini itubokini ŋuluce, aŋuna itiyaata ikes aronis, emam ŋakiro ipedorya aiunor bon aneni ka Akuj tari kirae iyoŋ ŋae. Anerae ŋina itubokinia iyoŋ ŋuluce, ido kitiyae iyoŋ daŋ ekatubon ŋunapei, isitakin iyoŋ bon elope. 2Ikiyeni iwon atemar iyookino Akuj etubokini ŋituŋa ŋulu itiyaete ŋakiro ŋuna aronok. 3Nai iyoŋ ituŋanan ŋini itubonokini ŋulu itiyaete aronis, ido kitiyae iyoŋ daŋ ŋunapei, itami iyoŋ atemar ipedori abucar anatubokino a ŋina ka Akuj a? 4Kori imenit iyoŋ Akuj aŋuna epoloo nooi arimao ka akidaŋidaŋ ta atitinyikinit keŋ? Nyiyeni iyoŋ atemar erae narimao keŋ ikirikorya iyoŋ Akuj nakiki ŋasecisya a? 5Nai iyakar iyoŋ etau ŋolo ninik ka iwou akiki. Aŋun, italala iyoŋ akisicanio kon a ilope, ŋina ikisicanere iyoŋ Akoloŋit ŋina itoodiunere anyunyura ka atubokino ŋina iyookino ŋina ka Akuj. 6Akoloŋit ŋin, eropi Akuj ŋinituŋanan lopite ŋolo itiyator iŋes. 7Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun. 8Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok. 9Eyakaun ŋican ka aryeba neni a ŋituŋa a daadaŋ a ŋulu itiyaete aronis; neni a Ŋiyudayan mono, ido nai neni a ŋulu nyerae Ŋiyudayan daŋ. 10Nai neni a ŋituŋa a daadaŋ a ŋulu itiyaete ŋuna ajokak, einakini Akuj ikes ekisil, itopoloori ka itojoki daŋ; neni a Ŋiyudayan mono, ido nai neni a ŋulu nyerae Ŋiyudayan daŋ. 11Anerae, nyetyakatyakat Akuj ŋituŋa.
12Ŋituŋa daadaŋ ŋulu aseca pa eyenete Ŋikisila ŋulu ainakini Akuj Moses, emunyarosi tari pa keyenete Ŋikisila. Ŋituŋa daadaŋ ŋulu aseca toyenete Ŋikisila ŋul, etubokinio ikes alotooma Ŋikisila. 13Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino. 14Emamukatar ŋulu nyerae Ŋiyudayan Ŋikisila, nai apaki daadaŋ ŋina itiyaata ikes ka acamit kec ŋuna icikakinito Ŋikisila, etoodiut ikes atemar eyenete ŋuna ajokak kori ŋuna aronok, tari kemamukatar ikes Ŋikisila. 15Itoodiunito ŋipitesyo kec atemar igirir lotai kec ŋuna icikakinito Ŋikisila. Elimorito ŋatameta kec daŋ atemar erae ŋun ŋuna a kire alopite a ŋolo isitanakiniata ka eiununuyata ŋatameta kec ikes. 16Etakanunete ŋun Akoloŋit ŋina ebunio Akuj atubokin ŋituŋa alotooma Yesu Kristo anakiro a ŋuna eya lotai kec, ikwapei iteyenunitotor Ŋakiro ŋuna Ajokak ŋuna alimonokini ayoŋ.
Ŋiyudayan ka Ŋikisila a Moses
17Ani bo iyoŋ ŋini ibala, “Arae ayoŋ Eyudayat?” Iyarikinit iyoŋ Lokisila a Moses ka ituror ayenaanut kon ka Akuj. 18Iyeni ŋuna ecamit Akuj ka itojokit ŋuna ajokak nooi, anerae ikitatamitae iyoŋ alotooma Ŋikisila. 19Ileere aneni kon kire atemar irae iyoŋ ekarikon a ŋimudukanotin, ikoni iyoŋ akica ŋina a ŋulu eya nakiryonut. 20Irae eketataman a ŋibaŋaanotin, a ŋulu ikote ŋiŋwea ŋulu emam ibore eyenete. Erae kire atemar, alotooma Ŋikisila, iyakar iyoŋ aosou daadaŋ ka ŋuna a kire. 21Ani nai kitatami iyoŋ ŋuluce, nyo bo nyitatamar iyoŋ bon? Itatami iyoŋ ŋuluce ibala “Nyikoko” -- nai nyikokoenene iyoŋ a? 22Ibala iyoŋ “Nyilom” nai nyilomenene iyoŋ a? Ijamuwarit iyoŋ ŋakujo--nai nyikokoenene iyoŋ ŋiboro ŋulu eya nakais a ŋakujo a? 23Aŋun, iyes ŋulu iturosi ibasi ikiyeni Ŋikisila ŋulu ka Akuj--nyiyaunete iyes ŋileec neni ka Akuj aŋuna ibilibilyata Ŋikisila keŋ a? 24Anerae ikote nen igiritae Nakigireta ebe, “Aŋuna kus Ŋiyudayan, iyanyete ŋituŋa ŋulu nyerae Ŋiyudayan ekiro ka Akuj.”
25Ani kiwuap iyes ŋuna ebasi Ŋikisila, nyeruwor akileŋeryo kus akoŋinait. Nai ani pa kiwuap iyes ŋuna ebasi Ŋikisila, eruwor akileŋeryo kus akoŋinait. 26Nai ani kiricakis ŋituŋa ŋulu nyerae Ŋiyudayan ka nyileŋeritae, ŋuna ebasi Ŋikisila, imarakini Akuj ikes esibit ŋulu ileŋeritae. 27Ituŋanan ŋini nyileŋeritae kiwuapite Ŋikisila, ikitubokini iyes alokiŋaren Akuj, anerae ibilibilyata iyes Ŋikisila tari kiyakatar Ŋikisila ŋulu igiritae ka ikileŋeritetei daŋ. 28Iŋes atemar, nyerae ituŋanan Eyudayat alotakane keŋ kori aŋuna ileŋeritere iŋes. 29Nai Eyudayat ŋolo a kire, iŋes ituŋanan ŋini ileŋeritae alotau keŋ; iŋes atemar erae iŋes ituŋanan ŋini iwuapit Ŋikisila ŋulu ka Akuj. Erae ŋakiro ŋun itiyae Etau ŋolo ka Akuj, meere ŋuna a Ŋikisila a ŋulu igiritae. Eryamuni ituŋanan ŋin akitopolooro aneni ka Akuj, meere alotuŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.