Awos. 36
36
1Apotu Besalel ka Oliab ta daadaŋ ŋulu abu Ekapolon inak apiiryanut ka aosou ŋina enunet epite ŋolokitiyaet ŋiticisyo daadaŋ ŋulu edukunere akibois ŋina Asegan, kitiyata daadaŋ ŋuna ecikit Ekapolon ikes akitiya.
2Abu nai Moses tonyarau Besalel ka Oliab ta ŋituŋa daadaŋ ŋulu apiiryanak ŋulu abu Ekapolon inak apedor, ido tocamunito alotai kec aponare akitiya etic. 3Inak Moses ikes ŋainakineta daadaŋ ŋuna apotu Ŋisirael yaut aŋuna ka adukio akibois ŋina Asegan. Apotu ŋituŋa torubakis a ŋina taparacu eyaununeete ŋainakineta emam akitiŋakinit. 4Aŋun, apotu ŋipiiryanotin anakiduk ŋulu etiyaete ŋiticisyo ŋulu agelegelya anakiduk akibois ŋina Asegan, kimyekis ŋiticisyo kec, 5ido potu neni a Moses temasi, “Arubakis ŋituŋa eyaunito ŋainakineta, ido alalata akilo ŋuna eitana aŋuna ke etic a ŋolo abu Ekapolon ikicik iwon akitiya.” 6Aŋun, abu Moses tolimok ŋituŋa ajoŋore ayaunun ŋainakineta, ido aponi kiserakinae akirot ŋin nalomar daadaŋ ebe, “Mam ekile, kori aberu emaikina tolemu nabo ibore idio ikwapei ainakinet aŋuna ka adukio akibois ŋina Asegan.” Aŋun, aponi kitojoŋoi ŋituŋa ayaunun ŋainakineta ŋace, 7anerae apotu tolalata ŋuna aris ikes keyaut, adeparito ŋuna eitana akitiyaa etic daadaŋ.
Todukokinae Eema ŋolo iryamununoi
(Awos. 26:1-37)
8Apotu ŋipiiryanotin daadaŋ alotooma ŋikadukok todukut Eema ŋolo iryamununoi kiwuakis ŋanaŋgae ŋatomon; etiyaunitae ŋanaŋgae ŋun erae ŋuna amilimilak ŋuna ajokak, ŋunapusiyek ka ŋunakipura-areŋak ta ŋuna areŋak, ido eciekinit ituŋanan ŋini eyeni akiciere Ŋisubuna nen. 9Arae aoyau a ŋina naŋga alosepyon ŋimitae ŋitomon ka ŋiarei ka torae alokiŋaren ka neni iteotor ŋimitae ŋiarei; ariyan ŋanaŋgae ŋun daadaŋ.
10Abu Besalel toropak ŋanaŋgae ŋakan kaapei ka ŋunace daŋ ŋunakanikapei. 11Todonyok ŋaeneta ŋunapusiyek nanaŋga ŋina iwasi alowae ke epei ka ŋina iwasi alowae a ŋoloce daŋ. 12Abu iŋes todonyok ŋaeneta ŋatomonikan nanaŋga ŋina iwasi a ŋolowae, kiteos ŋaeneta a ŋanaŋgae a ŋun. 13Abu iŋes kitiyau ke egolid ŋikodoce ŋatomonikan, kisitiya ŋul akimoryanakinia ŋanaŋgae iwapei; aŋun, abu Eema ŋolo iryamununoi toyeun erae epei.
14Kitiyau iŋes ŋanaŋgae ŋatomon ka apei anajul a ŋamee, ikotere topetakinae kidiama Eema ŋolo iryamununoi. 15Arae aoyau a ŋinanaŋga alosepyon ŋimitae ŋitomon ka ŋiuni, torae alokiŋaren ka neni iteotor ŋimitae ŋiarei; ariyan ŋanaŋgae ŋunatomon ka apei ŋun daadaŋ. 16Toropak iŋes ŋanaŋgae ŋakan ka ŋunace daŋ ŋunakanikapei kaapei. 17Todonyok iŋes ŋaeneta ŋatomonikan nanaŋga ŋina ewasi alowae ke epei ka ŋatomonikan neni a ŋina ewasi alowae a ŋoloce. 18Kitiyau ke eburonis ŋikodoce ŋatomonikan ŋulu eeniunere Eema ŋolo iryamununoi erae epei. 19Kitiyau ŋilowi ŋulurapakina kidiama Eema ŋolo iryamununoi, elou epei alolowi a ŋimeesekin ka ŋoloce ŋolo amaikina kiwasi alokidiama abu iŋes kitiyau alojamu a ŋulu adaitae.
20Abu Besalel kitiyau anakito ke eewoi ŋakito ŋuna igaŋito Eema ŋolo iryamununoi. 21Arae aoyau a ŋinakitoe alosepyon ŋimitae ŋiomwon, torae aoyau alokiŋaren ka neni iteotor ŋasentimitae ŋatomonikanikapei ka ŋikanikapei. 22Ayakar ŋinakitoe neni ipororit iwadio aŋuna ka akimoryanakinia, ido abu Besalel kimoryanak ŋakito ŋuna ke Eema a ŋolo iryamununoi daadaŋ. 23Kitiyau iŋes ŋakito ke Eema a ŋolo iryamununoi alopite a lo: Ŋakito ŋatomoniarei ŋuna iwasiyete alowae a ŋolo alo Kwap; 24kiwuak ŋasuwa ŋatomoniomwon ŋuna ke esilipa kwap ŋakito ŋun; kwap ŋinakitoe kiwuak ŋasuwa ŋaarei ŋuna eenito ŋiwaetin ŋiarei a akitoe a ŋin ŋulu epororito iwadio. 25Kitiyau iŋes ŋakito ŋatomoniarei ŋuna iwasiyete alowae a ŋolo alo Kuju Eema ŋolo iryamununoi; 26kiwuak ŋasuwa ŋatomoniomwon ŋuna ke esilipa kwap ŋakito ŋun, kiwuak kwap ŋinakitoe ŋasuwa ŋaarei. 27Kitiyau iŋes ŋakito ŋakanikapei ŋuna iwasiyete alowae a ŋolo alo To alokaku Eema ŋolo iryamununoi. 28Abu iŋes kitiyau ŋakito ŋaarei ŋuna a ŋikoonae a ŋulu alokaku Eema ŋolo iryamununoi. 29A ŋolokoona a ŋuluarei a ŋul, abu iŋes kiwuak ŋakito ŋaarei ŋuna aenikinitae iwapei alokidiama. 30Aŋun, ayakasi nen ŋakito ŋuna a ŋikoonae arae ŋakanikauni ka ŋasuwa kec arae ŋatomon ka ŋakanikapei, ŋaarei kwap ŋinakitoe.
31Kitiyau Besalel anakito ke eewoi ŋakito ŋakan, kiriwok losyepi epei ŋolo ke Eema a ŋolo iryamununoi, 32ido ŋakan kiwuak losyepi ŋoloce ka ŋakan abu iŋes kiriwok kaku Eema ŋolo iryamununoi lowae ŋolo alo To. 33Kiriwok iŋes kidiama kidiŋ Eema ŋolo iryamununoi, akisyakin alowae ke epei tari ŋoloce. 34Toburusik iŋes egolid nakito ŋun, ido kitiyau ke egolid ŋikabobooe ŋulu imoryanakinere ŋakito ŋun neni a ŋuna iriwonokinitae. Toburusik iŋes egolid nakito ŋuna eriwonokina daŋ.
35Kitiyau Besalel anaŋga ŋina aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan, ŋina adonyuno ejok a ŋiusyo a ŋulu amilimilak, todonyok ŋitorubei a Ŋisubuna ejok nen. 36Kitiyau iŋes anakito ke eewoi ŋipirin ŋiomwon ŋulu inenekinio anaŋga ŋin, ido toburusikis egolid lopirin ŋul, kitiyau iŋes ke egolid ŋikodoce akodakinia anaŋga ŋin lopirin ŋul, ido tosipok ŋipirin ŋul kidiama esilipa. 37Abu daŋ iŋes kitiyau anaŋga ŋina ke epuke a Eema a ŋolo iryamununoi eya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan, anaŋga ŋina adonyuno ejok a ŋiusyo a ŋulu amilimilak, todonyokinitetei ŋitorubei ŋulu esibusitere; 38ido toyakas ŋipirin keŋ ŋikan kaapei ka ŋikodoce kec, toburusik iŋes egolid kidiama ka kwap ŋipirin ŋul, ido kitiyau ke eburonis ŋawoeta a ŋipirin a ŋul.
Currently Selected:
Awos. 36: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 36
36
1Apotu Besalel ka Oliab ta daadaŋ ŋulu abu Ekapolon inak apiiryanut ka aosou ŋina enunet epite ŋolokitiyaet ŋiticisyo daadaŋ ŋulu edukunere akibois ŋina Asegan, kitiyata daadaŋ ŋuna ecikit Ekapolon ikes akitiya.
2Abu nai Moses tonyarau Besalel ka Oliab ta ŋituŋa daadaŋ ŋulu apiiryanak ŋulu abu Ekapolon inak apedor, ido tocamunito alotai kec aponare akitiya etic. 3Inak Moses ikes ŋainakineta daadaŋ ŋuna apotu Ŋisirael yaut aŋuna ka adukio akibois ŋina Asegan. Apotu ŋituŋa torubakis a ŋina taparacu eyaununeete ŋainakineta emam akitiŋakinit. 4Aŋun, apotu ŋipiiryanotin anakiduk ŋulu etiyaete ŋiticisyo ŋulu agelegelya anakiduk akibois ŋina Asegan, kimyekis ŋiticisyo kec, 5ido potu neni a Moses temasi, “Arubakis ŋituŋa eyaunito ŋainakineta, ido alalata akilo ŋuna eitana aŋuna ke etic a ŋolo abu Ekapolon ikicik iwon akitiya.” 6Aŋun, abu Moses tolimok ŋituŋa ajoŋore ayaunun ŋainakineta, ido aponi kiserakinae akirot ŋin nalomar daadaŋ ebe, “Mam ekile, kori aberu emaikina tolemu nabo ibore idio ikwapei ainakinet aŋuna ka adukio akibois ŋina Asegan.” Aŋun, aponi kitojoŋoi ŋituŋa ayaunun ŋainakineta ŋace, 7anerae apotu tolalata ŋuna aris ikes keyaut, adeparito ŋuna eitana akitiyaa etic daadaŋ.
Todukokinae Eema ŋolo iryamununoi
(Awos. 26:1-37)
8Apotu ŋipiiryanotin daadaŋ alotooma ŋikadukok todukut Eema ŋolo iryamununoi kiwuakis ŋanaŋgae ŋatomon; etiyaunitae ŋanaŋgae ŋun erae ŋuna amilimilak ŋuna ajokak, ŋunapusiyek ka ŋunakipura-areŋak ta ŋuna areŋak, ido eciekinit ituŋanan ŋini eyeni akiciere Ŋisubuna nen. 9Arae aoyau a ŋina naŋga alosepyon ŋimitae ŋitomon ka ŋiarei ka torae alokiŋaren ka neni iteotor ŋimitae ŋiarei; ariyan ŋanaŋgae ŋun daadaŋ.
10Abu Besalel toropak ŋanaŋgae ŋakan kaapei ka ŋunace daŋ ŋunakanikapei. 11Todonyok ŋaeneta ŋunapusiyek nanaŋga ŋina iwasi alowae ke epei ka ŋina iwasi alowae a ŋoloce daŋ. 12Abu iŋes todonyok ŋaeneta ŋatomonikan nanaŋga ŋina iwasi a ŋolowae, kiteos ŋaeneta a ŋanaŋgae a ŋun. 13Abu iŋes kitiyau ke egolid ŋikodoce ŋatomonikan, kisitiya ŋul akimoryanakinia ŋanaŋgae iwapei; aŋun, abu Eema ŋolo iryamununoi toyeun erae epei.
14Kitiyau iŋes ŋanaŋgae ŋatomon ka apei anajul a ŋamee, ikotere topetakinae kidiama Eema ŋolo iryamununoi. 15Arae aoyau a ŋinanaŋga alosepyon ŋimitae ŋitomon ka ŋiuni, torae alokiŋaren ka neni iteotor ŋimitae ŋiarei; ariyan ŋanaŋgae ŋunatomon ka apei ŋun daadaŋ. 16Toropak iŋes ŋanaŋgae ŋakan ka ŋunace daŋ ŋunakanikapei kaapei. 17Todonyok iŋes ŋaeneta ŋatomonikan nanaŋga ŋina ewasi alowae ke epei ka ŋatomonikan neni a ŋina ewasi alowae a ŋoloce. 18Kitiyau ke eburonis ŋikodoce ŋatomonikan ŋulu eeniunere Eema ŋolo iryamununoi erae epei. 19Kitiyau ŋilowi ŋulurapakina kidiama Eema ŋolo iryamununoi, elou epei alolowi a ŋimeesekin ka ŋoloce ŋolo amaikina kiwasi alokidiama abu iŋes kitiyau alojamu a ŋulu adaitae.
20Abu Besalel kitiyau anakito ke eewoi ŋakito ŋuna igaŋito Eema ŋolo iryamununoi. 21Arae aoyau a ŋinakitoe alosepyon ŋimitae ŋiomwon, torae aoyau alokiŋaren ka neni iteotor ŋasentimitae ŋatomonikanikapei ka ŋikanikapei. 22Ayakar ŋinakitoe neni ipororit iwadio aŋuna ka akimoryanakinia, ido abu Besalel kimoryanak ŋakito ŋuna ke Eema a ŋolo iryamununoi daadaŋ. 23Kitiyau iŋes ŋakito ke Eema a ŋolo iryamununoi alopite a lo: Ŋakito ŋatomoniarei ŋuna iwasiyete alowae a ŋolo alo Kwap; 24kiwuak ŋasuwa ŋatomoniomwon ŋuna ke esilipa kwap ŋakito ŋun; kwap ŋinakitoe kiwuak ŋasuwa ŋaarei ŋuna eenito ŋiwaetin ŋiarei a akitoe a ŋin ŋulu epororito iwadio. 25Kitiyau iŋes ŋakito ŋatomoniarei ŋuna iwasiyete alowae a ŋolo alo Kuju Eema ŋolo iryamununoi; 26kiwuak ŋasuwa ŋatomoniomwon ŋuna ke esilipa kwap ŋakito ŋun, kiwuak kwap ŋinakitoe ŋasuwa ŋaarei. 27Kitiyau iŋes ŋakito ŋakanikapei ŋuna iwasiyete alowae a ŋolo alo To alokaku Eema ŋolo iryamununoi. 28Abu iŋes kitiyau ŋakito ŋaarei ŋuna a ŋikoonae a ŋulu alokaku Eema ŋolo iryamununoi. 29A ŋolokoona a ŋuluarei a ŋul, abu iŋes kiwuak ŋakito ŋaarei ŋuna aenikinitae iwapei alokidiama. 30Aŋun, ayakasi nen ŋakito ŋuna a ŋikoonae arae ŋakanikauni ka ŋasuwa kec arae ŋatomon ka ŋakanikapei, ŋaarei kwap ŋinakitoe.
31Kitiyau Besalel anakito ke eewoi ŋakito ŋakan, kiriwok losyepi epei ŋolo ke Eema a ŋolo iryamununoi, 32ido ŋakan kiwuak losyepi ŋoloce ka ŋakan abu iŋes kiriwok kaku Eema ŋolo iryamununoi lowae ŋolo alo To. 33Kiriwok iŋes kidiama kidiŋ Eema ŋolo iryamununoi, akisyakin alowae ke epei tari ŋoloce. 34Toburusik iŋes egolid nakito ŋun, ido kitiyau ke egolid ŋikabobooe ŋulu imoryanakinere ŋakito ŋun neni a ŋuna iriwonokinitae. Toburusik iŋes egolid nakito ŋuna eriwonokina daŋ.
35Kitiyau Besalel anaŋga ŋina aya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan, ŋina adonyuno ejok a ŋiusyo a ŋulu amilimilak, todonyok ŋitorubei a Ŋisubuna ejok nen. 36Kitiyau iŋes anakito ke eewoi ŋipirin ŋiomwon ŋulu inenekinio anaŋga ŋin, ido toburusikis egolid lopirin ŋul, kitiyau iŋes ke egolid ŋikodoce akodakinia anaŋga ŋin lopirin ŋul, ido tosipok ŋipirin ŋul kidiama esilipa. 37Abu daŋ iŋes kitiyau anaŋga ŋina ke epuke a Eema a ŋolo iryamununoi eya ŋiraŋgi lu: Ŋolopus, ŋolo kipurat-areŋan areŋan ka ŋolo areŋan, anaŋga ŋina adonyuno ejok a ŋiusyo a ŋulu amilimilak, todonyokinitetei ŋitorubei ŋulu esibusitere; 38ido toyakas ŋipirin keŋ ŋikan kaapei ka ŋikodoce kec, toburusik iŋes egolid kidiama ka kwap ŋipirin ŋul, ido kitiyau ke eburonis ŋawoeta a ŋipirin a ŋul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.