Awos. 35
35
Ŋikisila ŋulu a Sabato
1Tocunak Moses Ŋisirael daadaŋ tema neni kec, “Ŋakiro nu ikes ikilimok iyes Ekapolon akitiya:
2“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae. 3Nyinokakis akim anakiboisyo kus akoloŋit ŋina a Sabato.”
Kitemonokin ŋituŋa akitiyaun nenikilipet
(Awos. 25:1-9, 39:32-43)
4Tema Moses neni a Ŋisirael daadaŋ, “Ŋakiro nu ikes ikicik Ekapolon iwon akitiya: 5Alotooma ibore ŋini iyakar iyoŋ ŋinituŋanan daadaŋ, ya ainakinet adio neni ke Ekapolon. Ituŋanan daadaŋ ŋini ecamit ainakin Ekapolon ainakinet, emaikina yau egolid, esilipa ka eburonis; 6ta ŋilowi ŋulupusiyek, ŋulu kipura-areŋak, ŋulu areŋak ka ŋulu amilimilak ta ŋajul a ŋamee; 7ŋilowi a ŋimesekin ŋulu imanyimanyitae, ŋijamu a ŋaatuk ŋulu edaitae, ŋakito ŋuna a ŋiwo, 8akimyet ŋina a ŋitaae, ŋikito ŋulu akukunyok ŋulu inyalere akimyet ŋina ke etal ka ŋina itoboboere eure a ekinyate. 9Emaikina yau ŋamoru ŋuna areŋak ŋuna enyaritae onikis ka ŋinapen ŋice ŋulu iwuanakinio narapet ka loboli ŋolo ka atorobu.
10“Emaikina ŋituŋa daadaŋ alokidiŋ kus ŋulu epiiryaka akitiya ŋiboro potu kitiyaut ŋiboro daadaŋ ŋulu ikicik iwon Ekapolon akitiyaun lu: 11Eema ŋolo iryamununoi, ibore ŋini imukokinio kidiama, ibore ŋini imukokinio nawaetin keŋ, ŋases keŋ, ŋakito ŋuna igaŋito Eema ŋolo iryamununoi, ŋakito ŋuna epesyo kidiama, ŋipirin ka ŋakito ŋuna epesyo kwap keŋ; 12Asaduku ŋina ka Acamunet, ŋipirin keŋ ka akibois ŋina ka akisyonio ta anaŋga ŋina etyakitere Eema ŋolo iryamununoi alokidiŋ; 13emesa ka ŋipirin keŋ, ŋiboro daadaŋ ŋulu isitiyao alomesa a ŋol ka amugati aŋuna ka ayakau a Ekapolon; 14awoet ŋina ke etaa aŋuna ka akica ka ŋiboro daadaŋ ŋulu isitiyao a nen ikwapei ŋitaae ka ŋamyeta a ŋitaae; 15Namuroet ŋina icunyere ekinyate ka ŋipirin keŋ, akimyet ŋina ke etal ka ŋina itoboboere eure ŋolo ke ekinyate ta anaŋga ŋina ke epuke a Eema a ŋolo iryamununoi; 16Namuroet ŋina epeyere ŋainakineta, eburonis ŋolo epetanakinio nawaetin a Namuroet, ŋipirin keŋ ka ŋiboro daadaŋ ŋulu isitiyao a nen; ikwapei abesen ŋina itiyaunitae ke eburonis ka awoet a abesen; 17ŋanaŋgae ŋuna ineneo nalapatu ŋina alokiŋa Eema ŋolo iryamununoi, ŋipirin a akibois a ŋin ka ŋakito ŋuna epesyo kwap akibois ŋin ta anaŋga ŋina ke epuke a akibois a ŋin; 18ŋases ŋuna a Eema a ŋolo iryamununoi ka ŋuna ka alapatu a ŋina alokiŋa Eema ŋolo iryamununoi ka ŋaunoi kec; 19ŋilowi ŋulu edonyunitoe ejok ŋulu itiyaere anakibois a ŋina asegan, ŋulu ke etal ŋulu ka Aron a esacaradoti ka ŋulu a ŋidwe keŋ a ŋulusapa, ŋulu itiyaata ikes ikwapei ŋisacaradotin.”
Ŋainakineta ŋuna ayaununuyo tooma Eema ŋolo iryamununoi
20Ani kiirasi Ŋisirael ŋakiro ŋun, torotokis daadaŋ aneni a Moses. 21Apotu nai Ŋisirael daadaŋ ŋulu apotu kiirasi ŋakiro a Moses ka kiburakis ŋitai kec tocamut daŋ ŋitai kec akitiya ŋun, yaut ŋainakineta kec neni ke Ekapolon, ikotere isitiyao alotooma Eema a ŋolo iryamununoi. Apotu ikes yaut ŋiboro daadaŋ ŋulu eitana adukio Eema ŋolo iryamununoi ka ŋuludonyunet ŋilowi a ŋisacaradotin. 22Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon. 23Ituŋanan daadaŋ ŋini ayakar elou ŋolopus, kori ŋolo kipurat-areŋan areŋan, kori ŋolo areŋan, kori ŋolo amilimilan, kori ŋajul a ŋamee, kori elou a emesek ŋolo imanyimanyitae, kori ejamu a ate ŋolo edaitae abu yau inak neni ke Ekapolon. 24Ituŋanan daadaŋ ŋini ayakar esilipa, kori eburonis, abu yau ikwapei ainakinet neni ke Ekapolon; ka ituŋanan daadaŋ ŋini ayakar ŋakito a ŋiwo ŋuna eitana alotic a ŋol, abu yau. 25Apotu ŋaberu daadaŋ ŋuna apiiryaka akidony ŋiboro a ŋakan todonyut ŋanaŋgae nu: Ŋunapusiyek, ŋunakipura-areŋak ka ŋuna areŋak ta ŋuna amilimilak, yaut neni ke Ekapolon; 26ido apotu ŋaberu daadaŋ ŋuna acamito ŋitai kec akisitiya apiiryanut kec ŋinadonyet, todonyut ŋilowi anajul a ŋamee. 27Yaut ŋikarikok a ŋituŋa ŋamoru ŋuna areŋak ŋuna enyaritae onikis ka ŋamoru ŋuna epol egyelit, ikotere kiwuanakinae narapet ka loboli ŋolo ka atorobu. 28Yaut ikes tari ŋiboro ŋulu itoboboete akimuj, yaut akimyet ŋina ka olipa aŋuna a ŋitaae ka aŋuna ke etal ta aŋuna ka akitoboboo eure ŋolo ke ekinyate. 29Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.
Besalel ka Oliab
(Awos. 31:1-11)
30Tema nai Moses neni a Ŋisirael, “Kiirasi, adau Ekapolon aseun Besalel lokoku a Uri, lopapaait a Ur a ŋolo alokabila a Yuda. 31Adau Ekapolon akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore, 32aramun ejok etorube a ŋinibore, akitiyaunia ejok ŋinibore a egolid, a esilipa ka a eburonis, 33akibet ŋamoru ŋunakirikakinet ŋaduketa, epite ŋolokiciet ŋakito ka ŋolokitiyaet ejok etic ece daadaŋ a ŋakan. 34Adau Ekapolon ainakin Besalel ka Oliab lokoku ka Aisamak, ŋolo alokabila a Dan apedor ŋinakitatamet ŋituŋa ŋuluce. 35Elelebik neni kec apiiryanut ŋinakitiyaet ŋiticisyo daadaŋ ŋulu egelegelya, ikwapei akiciere ŋiboro, akiram ŋitorubei, akisibus ŋinapito a ŋiraŋgi a lu: A ŋolopus, a ŋolo kipurat-areŋan areŋan ka ŋolo areŋan ta ŋolo amilimilan. Ainaki ikes apiiryanut ŋina edonyioto ŋilowi, ido aruwor ikes daadaŋ ŋulu eyenete nooi akiciere ŋiboro ka akiram ŋitorubei.”
Currently Selected:
Awos. 35: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 35
35
Ŋikisila ŋulu a Sabato
1Tocunak Moses Ŋisirael daadaŋ tema neni kec, “Ŋakiro nu ikes ikilimok iyes Ekapolon akitiya:
2“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae. 3Nyinokakis akim anakiboisyo kus akoloŋit ŋina a Sabato.”
Kitemonokin ŋituŋa akitiyaun nenikilipet
(Awos. 25:1-9, 39:32-43)
4Tema Moses neni a Ŋisirael daadaŋ, “Ŋakiro nu ikes ikicik Ekapolon iwon akitiya: 5Alotooma ibore ŋini iyakar iyoŋ ŋinituŋanan daadaŋ, ya ainakinet adio neni ke Ekapolon. Ituŋanan daadaŋ ŋini ecamit ainakin Ekapolon ainakinet, emaikina yau egolid, esilipa ka eburonis; 6ta ŋilowi ŋulupusiyek, ŋulu kipura-areŋak, ŋulu areŋak ka ŋulu amilimilak ta ŋajul a ŋamee; 7ŋilowi a ŋimesekin ŋulu imanyimanyitae, ŋijamu a ŋaatuk ŋulu edaitae, ŋakito ŋuna a ŋiwo, 8akimyet ŋina a ŋitaae, ŋikito ŋulu akukunyok ŋulu inyalere akimyet ŋina ke etal ka ŋina itoboboere eure a ekinyate. 9Emaikina yau ŋamoru ŋuna areŋak ŋuna enyaritae onikis ka ŋinapen ŋice ŋulu iwuanakinio narapet ka loboli ŋolo ka atorobu.
10“Emaikina ŋituŋa daadaŋ alokidiŋ kus ŋulu epiiryaka akitiya ŋiboro potu kitiyaut ŋiboro daadaŋ ŋulu ikicik iwon Ekapolon akitiyaun lu: 11Eema ŋolo iryamununoi, ibore ŋini imukokinio kidiama, ibore ŋini imukokinio nawaetin keŋ, ŋases keŋ, ŋakito ŋuna igaŋito Eema ŋolo iryamununoi, ŋakito ŋuna epesyo kidiama, ŋipirin ka ŋakito ŋuna epesyo kwap keŋ; 12Asaduku ŋina ka Acamunet, ŋipirin keŋ ka akibois ŋina ka akisyonio ta anaŋga ŋina etyakitere Eema ŋolo iryamununoi alokidiŋ; 13emesa ka ŋipirin keŋ, ŋiboro daadaŋ ŋulu isitiyao alomesa a ŋol ka amugati aŋuna ka ayakau a Ekapolon; 14awoet ŋina ke etaa aŋuna ka akica ka ŋiboro daadaŋ ŋulu isitiyao a nen ikwapei ŋitaae ka ŋamyeta a ŋitaae; 15Namuroet ŋina icunyere ekinyate ka ŋipirin keŋ, akimyet ŋina ke etal ka ŋina itoboboere eure ŋolo ke ekinyate ta anaŋga ŋina ke epuke a Eema a ŋolo iryamununoi; 16Namuroet ŋina epeyere ŋainakineta, eburonis ŋolo epetanakinio nawaetin a Namuroet, ŋipirin keŋ ka ŋiboro daadaŋ ŋulu isitiyao a nen; ikwapei abesen ŋina itiyaunitae ke eburonis ka awoet a abesen; 17ŋanaŋgae ŋuna ineneo nalapatu ŋina alokiŋa Eema ŋolo iryamununoi, ŋipirin a akibois a ŋin ka ŋakito ŋuna epesyo kwap akibois ŋin ta anaŋga ŋina ke epuke a akibois a ŋin; 18ŋases ŋuna a Eema a ŋolo iryamununoi ka ŋuna ka alapatu a ŋina alokiŋa Eema ŋolo iryamununoi ka ŋaunoi kec; 19ŋilowi ŋulu edonyunitoe ejok ŋulu itiyaere anakibois a ŋina asegan, ŋulu ke etal ŋulu ka Aron a esacaradoti ka ŋulu a ŋidwe keŋ a ŋulusapa, ŋulu itiyaata ikes ikwapei ŋisacaradotin.”
Ŋainakineta ŋuna ayaununuyo tooma Eema ŋolo iryamununoi
20Ani kiirasi Ŋisirael ŋakiro ŋun, torotokis daadaŋ aneni a Moses. 21Apotu nai Ŋisirael daadaŋ ŋulu apotu kiirasi ŋakiro a Moses ka kiburakis ŋitai kec tocamut daŋ ŋitai kec akitiya ŋun, yaut ŋainakineta kec neni ke Ekapolon, ikotere isitiyao alotooma Eema a ŋolo iryamununoi. Apotu ikes yaut ŋiboro daadaŋ ŋulu eitana adukio Eema ŋolo iryamununoi ka ŋuludonyunet ŋilowi a ŋisacaradotin. 22Apotu daadaŋ ŋikilyok ka ŋaberu ŋulu acamunito alotai kec, yaut ŋinapito kec ŋulu ke egolid ŋulu agelegelya, ikwapei ŋinapen ŋulu a ŋaki, ŋamarotoi, ŋikabobooe, ŋalaga ka ŋice daadaŋ ŋulu etiyaunitae ke egolid. Apotu ikes yaut ŋul inakis neni ke Ekapolon. 23Ituŋanan daadaŋ ŋini ayakar elou ŋolopus, kori ŋolo kipurat-areŋan areŋan, kori ŋolo areŋan, kori ŋolo amilimilan, kori ŋajul a ŋamee, kori elou a emesek ŋolo imanyimanyitae, kori ejamu a ate ŋolo edaitae abu yau inak neni ke Ekapolon. 24Ituŋanan daadaŋ ŋini ayakar esilipa, kori eburonis, abu yau ikwapei ainakinet neni ke Ekapolon; ka ituŋanan daadaŋ ŋini ayakar ŋakito a ŋiwo ŋuna eitana alotic a ŋol, abu yau. 25Apotu ŋaberu daadaŋ ŋuna apiiryaka akidony ŋiboro a ŋakan todonyut ŋanaŋgae nu: Ŋunapusiyek, ŋunakipura-areŋak ka ŋuna areŋak ta ŋuna amilimilak, yaut neni ke Ekapolon; 26ido apotu ŋaberu daadaŋ ŋuna acamito ŋitai kec akisitiya apiiryanut kec ŋinadonyet, todonyut ŋilowi anajul a ŋamee. 27Yaut ŋikarikok a ŋituŋa ŋamoru ŋuna areŋak ŋuna enyaritae onikis ka ŋamoru ŋuna epol egyelit, ikotere kiwuanakinae narapet ka loboli ŋolo ka atorobu. 28Yaut ikes tari ŋiboro ŋulu itoboboete akimuj, yaut akimyet ŋina ka olipa aŋuna a ŋitaae ka aŋuna ke etal ta aŋuna ka akitoboboo eure ŋolo ke ekinyate. 29Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.
Besalel ka Oliab
(Awos. 31:1-11)
30Tema nai Moses neni a Ŋisirael, “Kiirasi, adau Ekapolon aseun Besalel lokoku a Uri, lopapaait a Ur a ŋolo alokabila a Yuda. 31Adau Ekapolon akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore, 32aramun ejok etorube a ŋinibore, akitiyaunia ejok ŋinibore a egolid, a esilipa ka a eburonis, 33akibet ŋamoru ŋunakirikakinet ŋaduketa, epite ŋolokiciet ŋakito ka ŋolokitiyaet ejok etic ece daadaŋ a ŋakan. 34Adau Ekapolon ainakin Besalel ka Oliab lokoku ka Aisamak, ŋolo alokabila a Dan apedor ŋinakitatamet ŋituŋa ŋuluce. 35Elelebik neni kec apiiryanut ŋinakitiyaet ŋiticisyo daadaŋ ŋulu egelegelya, ikwapei akiciere ŋiboro, akiram ŋitorubei, akisibus ŋinapito a ŋiraŋgi a lu: A ŋolopus, a ŋolo kipurat-areŋan areŋan ka ŋolo areŋan ta ŋolo amilimilan. Ainaki ikes apiiryanut ŋina edonyioto ŋilowi, ido aruwor ikes daadaŋ ŋulu eyenete nooi akiciere ŋiboro ka akiram ŋitorubei.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.