Awos. 31
31
Besalel ka Oliab
(Awos. 35:30-35, 36:1)
1Tema nai Ekapolon neni a Moses, 2“Kiira, adau ayoŋ aseun Besalel lokoku a Uri, lopapaait a Ur a ŋolo alokabila a Yuda. 3Adau ayoŋ akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore, 4aramun ejok etorube a ŋinibore, akitiyaun ejok ŋinibore a egolid, a esilipa ka a eburonis, 5akibet ŋamoru ŋunakirikakinet ŋaduketa, epite ŋolokiciet ŋakito ka ŋolokitiyaet ejok etic ece daadaŋ a ŋakan. 6Adau daŋ ayoŋ aseun Oliab lokoku ka Aisamak, ŋolo alokabila a Dan kiŋarak iŋes. Adau ayoŋ tari ainakin apiiryanut neni a ŋipiiryanotin kitiyaut ŋiboro daadaŋ ŋulu ekecik ayoŋ iyoŋ akitiyaun lu: 7Eema ŋolokilipet, Asaduku ŋina ka Acamunet, akibois ŋina ka akisyonio ka ŋiboro ŋuluce daadaŋ ŋulu emaikina eya tooma Eema; 8ikwapei: Emesa ka ŋiboro keŋ daadaŋ, awoet ŋina ke etaa ka ŋiboro keŋ daadaŋ, Namuroet ŋina icunyere ekinyate, 9Namuroet ŋina epeyere ŋainakineta kaapei ka ŋiboro keŋ daadaŋ, abesen ka awoet keŋ, 10ŋilowi ŋulu itiyatae ejok, ŋilowi ŋulu ke etal ŋulu ka Aron a esacaradoti ka ŋulu a ŋidwe keŋ a ŋulusapa, ŋilowi ŋulu itiyaata ikes ikwapei ŋisacaradotin, 11akimyet ŋina ke etal, ekinyate ŋolo akukunyon ŋolo ka akibois a ŋina asegan. Itiyaunete ikes ŋiboro ŋul lopite ŋolo ekecikitor ayoŋ iyoŋ.”
Ŋikisila a Sabato
12Tema Ekapolon neni a Moses, 13“Kirwor iyoŋ elope neni a Ŋisirael tema, ‘Emaikina iyes totamunito akoloŋit ŋina a Sabato, anerae erae Sabato akoloŋit ŋina itoodiunit acamuna kaŋ ka iyes ananyameta kus a daadaŋ, akoloŋit ŋina abu ayoŋ okoinak iyes, ikotere iyenunete atemar ayoŋ Ekapolon abu eketuruwo iyes ŋituŋa kaŋ ke elope. 14Totamunito akoloŋit ŋina a Sabato, anerae erae akoloŋit ŋina italeunitoe aŋuna kus. Aŋun, ituŋanan daadaŋ ŋini nyetamunit akoloŋit ŋin, emaikina toarae. Ituŋanan daadaŋ ŋini itiyae etic akoloŋit ŋin, emaikina totyakarae alotuŋa keŋ. 15Kitiyata ŋiticisyo kus alotooma ŋirwa ŋikanikapei bon, nai akoloŋit ŋina a ŋakanikaarei, erae ŋina a Sabato, ŋina italetoe aŋuna ka akieŋunia akoloŋit ŋina italetoe aŋuna ke Ekapolon. Ituŋanan daadaŋ ŋini itiyae etic edio akoloŋit ŋina a Sabato, emaikina toarae. 16Aŋun, emaikina Ŋisirael totamunito akoloŋit ŋina a Sabato ananyameta kec a daadaŋ ikwapei Acamunet kaŋ ka ikes ŋina erae etal ŋolo a ŋikaru ka ŋikaru. 17Erae akoloŋit ŋin ŋina itoodikinit Ŋisirael kaapei ka ayoŋ atemar, abu Ekapolon tosub nakuj ka akwap, ido abu kieŋu akoloŋit ŋina a ŋakanikaarei nyitiya etic edio.’ ”
Ŋamoru ŋunadapal ŋaarei ŋuna ka Acamunet
18Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.
Currently Selected:
Awos. 31: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 31
31
Besalel ka Oliab
(Awos. 35:30-35, 36:1)
1Tema nai Ekapolon neni a Moses, 2“Kiira, adau ayoŋ aseun Besalel lokoku a Uri, lopapaait a Ur a ŋolo alokabila a Yuda. 3Adau ayoŋ akilelebikin etau ŋolo ka Akuj neni keŋ, kaapei ka apiiryanut, apedor ka aosou ŋina epedorya iŋes akitiyaunia ŋinibore, 4aramun ejok etorube a ŋinibore, akitiyaun ejok ŋinibore a egolid, a esilipa ka a eburonis, 5akibet ŋamoru ŋunakirikakinet ŋaduketa, epite ŋolokiciet ŋakito ka ŋolokitiyaet ejok etic ece daadaŋ a ŋakan. 6Adau daŋ ayoŋ aseun Oliab lokoku ka Aisamak, ŋolo alokabila a Dan kiŋarak iŋes. Adau ayoŋ tari ainakin apiiryanut neni a ŋipiiryanotin kitiyaut ŋiboro daadaŋ ŋulu ekecik ayoŋ iyoŋ akitiyaun lu: 7Eema ŋolokilipet, Asaduku ŋina ka Acamunet, akibois ŋina ka akisyonio ka ŋiboro ŋuluce daadaŋ ŋulu emaikina eya tooma Eema; 8ikwapei: Emesa ka ŋiboro keŋ daadaŋ, awoet ŋina ke etaa ka ŋiboro keŋ daadaŋ, Namuroet ŋina icunyere ekinyate, 9Namuroet ŋina epeyere ŋainakineta kaapei ka ŋiboro keŋ daadaŋ, abesen ka awoet keŋ, 10ŋilowi ŋulu itiyatae ejok, ŋilowi ŋulu ke etal ŋulu ka Aron a esacaradoti ka ŋulu a ŋidwe keŋ a ŋulusapa, ŋilowi ŋulu itiyaata ikes ikwapei ŋisacaradotin, 11akimyet ŋina ke etal, ekinyate ŋolo akukunyon ŋolo ka akibois a ŋina asegan. Itiyaunete ikes ŋiboro ŋul lopite ŋolo ekecikitor ayoŋ iyoŋ.”
Ŋikisila a Sabato
12Tema Ekapolon neni a Moses, 13“Kirwor iyoŋ elope neni a Ŋisirael tema, ‘Emaikina iyes totamunito akoloŋit ŋina a Sabato, anerae erae Sabato akoloŋit ŋina itoodiunit acamuna kaŋ ka iyes ananyameta kus a daadaŋ, akoloŋit ŋina abu ayoŋ okoinak iyes, ikotere iyenunete atemar ayoŋ Ekapolon abu eketuruwo iyes ŋituŋa kaŋ ke elope. 14Totamunito akoloŋit ŋina a Sabato, anerae erae akoloŋit ŋina italeunitoe aŋuna kus. Aŋun, ituŋanan daadaŋ ŋini nyetamunit akoloŋit ŋin, emaikina toarae. Ituŋanan daadaŋ ŋini itiyae etic akoloŋit ŋin, emaikina totyakarae alotuŋa keŋ. 15Kitiyata ŋiticisyo kus alotooma ŋirwa ŋikanikapei bon, nai akoloŋit ŋina a ŋakanikaarei, erae ŋina a Sabato, ŋina italetoe aŋuna ka akieŋunia akoloŋit ŋina italetoe aŋuna ke Ekapolon. Ituŋanan daadaŋ ŋini itiyae etic edio akoloŋit ŋina a Sabato, emaikina toarae. 16Aŋun, emaikina Ŋisirael totamunito akoloŋit ŋina a Sabato ananyameta kec a daadaŋ ikwapei Acamunet kaŋ ka ikes ŋina erae etal ŋolo a ŋikaru ka ŋikaru. 17Erae akoloŋit ŋin ŋina itoodikinit Ŋisirael kaapei ka ayoŋ atemar, abu Ekapolon tosub nakuj ka akwap, ido abu kieŋu akoloŋit ŋina a ŋakanikaarei nyitiya etic edio.’ ”
Ŋamoru ŋunadapal ŋaarei ŋuna ka Acamunet
18Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.