Awos. 30
30
Namuroet ŋinakicunyet ekinyate
(Awos. 37:25-28)
1“Kitiyau a ŋakito a ŋiwo Namuroet ŋinakicunyet ekinyate. 2Emaikina eriyan ŋiwaetin keŋ daadaŋ ŋuluomwon erae aoyau alosepyon ŋasentimitae 45 ka erae kiŋaren ka neni iteotor ŋasentimitae 45, ido torae aoyau alokwap tari kidiama ŋasentimitae 90. Emaikina ŋigug keŋ ŋulu esibito ŋamomwar alokoonae etapakina Namuroet erae ibore ipei bon. 3Toburusik egolid kidiama Namuroet ŋin ka nawaetin keŋ daadaŋ kiryam ta neni esibit ŋamomwar alokoonae keŋ, ido kiwuak egolid ece towuau Namuroet ŋin anawaetin a daadaŋ. 4Kitiyau ke egolid ŋikabobooe ŋiarei aŋuna a Namuroet a ŋin. Toenik ŋikabobooe ŋul lowaetin a Namuroet ŋiarei ŋulu iteosi, kwap egolid ŋolo ewuat Namuroet anawaetin. Emaikina ŋikabobooe ŋul eenikina nakito ŋuna edakitere Namuroet ŋin. 5Kitiyau anakito a ŋiwo ŋakito ŋun, ido toburusik egolid nakito ŋun. 6Kiwuak Namuroet ŋin kiŋaren anaŋga alaalo Asaduku ŋina ka Acamunet; kiŋaren akibois ŋina ka akisyonio ŋina eyai kidiama Asaduku ŋina ka Acamunet, nakibois ŋin, iŋes ikiryamun iwon. 7Emaikina Aron kicunyanak ekinyate anakibois a ŋin a ŋinataparacu apaki ŋina elosyo iŋes akitemonokin ŋitaae. 8Emaikina Aron kicunyanak ekinyate tari eboŋ apaki ŋina ebunio iŋes akinokakin ŋitaae, ikotere ekinyate icunyakinitae a ŋinapaki a nen, alokiŋaren Ekapolon ananyameta tari a ŋuna epote. 9Nyiyau ikwapei ainakinet Namuroet na ekinyate ece ŋolo nyitaleunitoe, kori ainakinet ace ŋina epeyo, kori ainakinet a ŋikinyom adio, ido nyibukok epiini edio kidiama keŋ ikwapei ainakinet ŋina ka akimuj a ŋina emasyo. 10Alotooma ekaru, emaikina Aron kitiya akitiyaet apei bon a Namuroet a ŋin etal ŋolo ka alemar ŋasecisya. Emaikina iŋes kiosak neni esibit ŋamomwar a Namuroet ŋaokot a ibarasit a ŋini eyaunitae aŋuna ka alemarya asecit. Emaikina kitiyae a ŋolokaru a nanyameta a daadaŋ. Emaikina Namuroet ŋin erae ŋina italeunitoe aŋuna kaŋ a Ekapolon.”
Ainakinet ŋina ayeneneeo tooma Eema ke Ekapolon
11Tema Ekapolon neni a Moses, 12“Ani imari iyoŋ Ŋisirael, emaikina ŋinituŋanan inak ainakinet neni ke Ekapolon aŋuna ka alakunia akiyar keŋ. Emam ŋican iryamasi ka ikes kidau iyoŋ akimar ikes. 13Ainakinet ŋina emaikina ŋinituŋanan igiryo yau iŋes na: Atutubet apei ŋina ke ecekel ŋina ipimim lotyae ŋolo epimere ecekel ŋolo aayeneneeo tooma Eema ŋolo iryamununoi (Arae ŋin atutubet apei alotooma ŋatomoniarei ŋuna ke ecekel.) Arae atutubet ke ecekel ŋin ainakinet neni ke Ekapolon. 14Ituŋanan daadaŋ ŋini adaun akigir ŋini erae ŋikaru keŋ ŋatomoniarei, kori ŋatomoniarei ka ŋice, amaikina tolemu ainakinet neni ke Ekapolon. 15Nyemaikina ŋikabarak tolemut ŋulu alalak akilo atutubet apei ŋina ke ecekel ka nyemaikina ŋikulyak tolemut ŋulu ekudyoko akilo atutubet ŋina ke ecekel, apaki ŋina iyauniata iyes neni ke Ekapolon ŋainakineta ŋuna elakunere akiyar kus anasecit. 16Kijaununu ŋisiliŋa ŋul aneni a Ŋisirael, ido kituruwo ŋulu itiyaere etic alotooma Eema ŋolo iryamununoi. Aŋun, erubakinete Ŋisirael etamunito atemar alaku Ekapolon akiyar kec.”
Abesen ŋina elosere ŋakan ka ŋakejen
17Tema nai Ekapolon neni a Moses, 18“Kitiyau ke eburonis abesen ŋina ilosere ŋakan ka ŋakejen, kitiyau awoet keŋ daŋ ke eburonis. Kiwuak abesen ŋin kidiŋ Eema ŋolo iryamununoi a Namuroet, ido kiwuak ŋakipi tooma keŋ. 19Tolimok Aron ka ŋidwe keŋ ŋulusapa kilosete ŋakan ka ŋakejen kec a ŋakipi a ŋun. 20Emaikina ikes kitiyata ŋun apaki ŋina elomaryata tooma Eema ŋolo iryamununoi, kori apaki ŋina eapuuniata ikes Namuroet akitiya nen, akicuny ainakinet aŋuna ke Ekapolon. Emaikina ikes kisitiyata ŋakipi ŋun akilotarya ŋakan ka ŋakejen kec, ikotere ikes nyetwaka. 21Emaikina ikes kilotasi ŋakan ka ŋakejen kec, ikotere nyetwaka. Emaikina ŋun toruwor etal aneni ka Aron ka ŋiletok keŋ ananyameta kec a daadaŋ.”
Akimyet ŋina ke etal
(Awos. 37:29)
22Tema nai Ekapolon neni a Moses, 23“Tolemu ŋikito lu: Eminae ŋolo akukunyon ŋolo elemyo anakwii a ŋikito. Tolemu ŋol eliit erae apotis ŋakiloi ŋakanikapei. Tolemu ekitoe ŋolo akukunyon ŋolo enyaritae Sinamo erae apotis keŋ ŋakiloi ŋauni. Tolemu ŋakasirim ŋuna akukunyok erae apotis kec ŋakiloi ŋauni. 24Tolemu ikitoe ŋini itukukunyi akimuj ŋini enyaritae Kasia. Tolemu ŋin erae apotis ŋakiloi ŋakanikapei; ipimim lotyae ŋolo epimere ainakinet ŋina aayeneneo tooma Eema ŋolo iryamununoi. Tolemu nabo ŋilitae ŋiomwon ŋulu ka akimyet a ŋina ka olipa. 25Kinyalak ŋiboro ŋul daadaŋ, kitiyau akimyet ŋina ke etal, ŋina iosanakinio ŋituŋa, ŋina ikwaan ka ŋina inyalunit eketiyan ŋamyeta ejok. Eruwor akimyet ŋin ŋina ke etal. 26Kiosak akimyet ŋin tooma Eema ŋolo iryamununoi, Nasaduku ŋina ka Acamunet, 27lomesa ka loboro daadaŋ ŋulu isitiyao a lomesa, nawoet ŋina ke etaa ka loboro ŋulu isitiyao anawoet a ŋina a etaa ka a Namuroet a ŋina icunyere ekinyate, 28Namuroet ŋina icunyere ŋainakineta ka loboro daadaŋ ŋulu eya Namuroet ŋin, nabesen ka awoet keŋ. 29Kitaleu ŋiboro ŋul daadaŋ toruwor ŋulu esegak nooi, ido ibore daadaŋ ŋini etapakin neni kec, eruworŋini eseg. 30Kiosak akimyet ŋin neni ka Aron ka neni a ŋidwe keŋ a ŋulusapa, kitaleu ikes, ikotere eketiyanakis ayoŋ ikwapei ŋisacaradotin. 31Tema iyoŋ neni a Ŋisirael, ‘Eruwor akimyet na ŋina kaŋ a Ekapolon, ŋina asegan, ŋina italeere ŋituŋa ananyameta kus a daadaŋ. 32Nyemaikina eruwor ŋina iosae car, ido nyinyalut ace ŋina ikwaan ka iŋes, erae iŋes akimyet ŋina ke etal ka emaikina iyes kirica iŋes erae ŋina ke etal. 33Ituŋanan daadaŋ ŋini inyaluni ace ŋina ikwaan ka ŋin, kori ituŋanan daadaŋ ŋini iosakini akimyet ŋin neni a ituŋanan a ŋini nyemaikina kitaleunoe, emaikina ituŋanan ŋin totyakarae alotuŋa keŋ.’”
Ekinyate
34Tema Ekapolon neni a Moses, “Tolemu ŋimina lu ŋulu akukunyok ŋulu enyaritae: Resin, onika ka galbanum ta eminae ŋolo akwaŋan kya. Emaikina ŋimina ŋul daadaŋ eriyan etyae. 35Kinyalu ekinyate alomina a ŋul ŋolo ajokan, ŋolo ikwaan ka ŋolo inyalunit eketiyan ekinyate ejok. Kiwuak acumbi lokinyate ŋol, ikotere kitojok acumbi iŋes jik erae ŋolo italeuno. 36Kirye ekinyate ŋol ece todopirir, ido kiwuak ece kiŋaren Asaduku ŋina ka Acamunet, tooma Eema ŋolo iryamununoi, nakibois ŋina ikiryamun ayoŋ ka iyoŋ. Emaikina ekinyate ŋol erae kire jik aneni kon ŋolo italeuno. 37Ani itiyaunete iyes ekinyate ece, nyitiyaut eya ŋimina ŋulu itiyaunitere ŋol. Emaikina ekinyate ŋol erae ŋolo eseg, ŋolo italeunitoe aŋuna ke Ekapolon. 38Ituŋanan daadaŋ ŋini inyaluni ece ŋolo ikwaan ka ŋol ecamit akitukukunyo akibois keŋ, emaikina ŋin totyakarae alotuŋa keŋ.”
Currently Selected:
Awos. 30: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
Awos. 30
30
Namuroet ŋinakicunyet ekinyate
(Awos. 37:25-28)
1“Kitiyau a ŋakito a ŋiwo Namuroet ŋinakicunyet ekinyate. 2Emaikina eriyan ŋiwaetin keŋ daadaŋ ŋuluomwon erae aoyau alosepyon ŋasentimitae 45 ka erae kiŋaren ka neni iteotor ŋasentimitae 45, ido torae aoyau alokwap tari kidiama ŋasentimitae 90. Emaikina ŋigug keŋ ŋulu esibito ŋamomwar alokoonae etapakina Namuroet erae ibore ipei bon. 3Toburusik egolid kidiama Namuroet ŋin ka nawaetin keŋ daadaŋ kiryam ta neni esibit ŋamomwar alokoonae keŋ, ido kiwuak egolid ece towuau Namuroet ŋin anawaetin a daadaŋ. 4Kitiyau ke egolid ŋikabobooe ŋiarei aŋuna a Namuroet a ŋin. Toenik ŋikabobooe ŋul lowaetin a Namuroet ŋiarei ŋulu iteosi, kwap egolid ŋolo ewuat Namuroet anawaetin. Emaikina ŋikabobooe ŋul eenikina nakito ŋuna edakitere Namuroet ŋin. 5Kitiyau anakito a ŋiwo ŋakito ŋun, ido toburusik egolid nakito ŋun. 6Kiwuak Namuroet ŋin kiŋaren anaŋga alaalo Asaduku ŋina ka Acamunet; kiŋaren akibois ŋina ka akisyonio ŋina eyai kidiama Asaduku ŋina ka Acamunet, nakibois ŋin, iŋes ikiryamun iwon. 7Emaikina Aron kicunyanak ekinyate anakibois a ŋin a ŋinataparacu apaki ŋina elosyo iŋes akitemonokin ŋitaae. 8Emaikina Aron kicunyanak ekinyate tari eboŋ apaki ŋina ebunio iŋes akinokakin ŋitaae, ikotere ekinyate icunyakinitae a ŋinapaki a nen, alokiŋaren Ekapolon ananyameta tari a ŋuna epote. 9Nyiyau ikwapei ainakinet Namuroet na ekinyate ece ŋolo nyitaleunitoe, kori ainakinet ace ŋina epeyo, kori ainakinet a ŋikinyom adio, ido nyibukok epiini edio kidiama keŋ ikwapei ainakinet ŋina ka akimuj a ŋina emasyo. 10Alotooma ekaru, emaikina Aron kitiya akitiyaet apei bon a Namuroet a ŋin etal ŋolo ka alemar ŋasecisya. Emaikina iŋes kiosak neni esibit ŋamomwar a Namuroet ŋaokot a ibarasit a ŋini eyaunitae aŋuna ka alemarya asecit. Emaikina kitiyae a ŋolokaru a nanyameta a daadaŋ. Emaikina Namuroet ŋin erae ŋina italeunitoe aŋuna kaŋ a Ekapolon.”
Ainakinet ŋina ayeneneeo tooma Eema ke Ekapolon
11Tema Ekapolon neni a Moses, 12“Ani imari iyoŋ Ŋisirael, emaikina ŋinituŋanan inak ainakinet neni ke Ekapolon aŋuna ka alakunia akiyar keŋ. Emam ŋican iryamasi ka ikes kidau iyoŋ akimar ikes. 13Ainakinet ŋina emaikina ŋinituŋanan igiryo yau iŋes na: Atutubet apei ŋina ke ecekel ŋina ipimim lotyae ŋolo epimere ecekel ŋolo aayeneneeo tooma Eema ŋolo iryamununoi (Arae ŋin atutubet apei alotooma ŋatomoniarei ŋuna ke ecekel.) Arae atutubet ke ecekel ŋin ainakinet neni ke Ekapolon. 14Ituŋanan daadaŋ ŋini adaun akigir ŋini erae ŋikaru keŋ ŋatomoniarei, kori ŋatomoniarei ka ŋice, amaikina tolemu ainakinet neni ke Ekapolon. 15Nyemaikina ŋikabarak tolemut ŋulu alalak akilo atutubet apei ŋina ke ecekel ka nyemaikina ŋikulyak tolemut ŋulu ekudyoko akilo atutubet ŋina ke ecekel, apaki ŋina iyauniata iyes neni ke Ekapolon ŋainakineta ŋuna elakunere akiyar kus anasecit. 16Kijaununu ŋisiliŋa ŋul aneni a Ŋisirael, ido kituruwo ŋulu itiyaere etic alotooma Eema ŋolo iryamununoi. Aŋun, erubakinete Ŋisirael etamunito atemar alaku Ekapolon akiyar kec.”
Abesen ŋina elosere ŋakan ka ŋakejen
17Tema nai Ekapolon neni a Moses, 18“Kitiyau ke eburonis abesen ŋina ilosere ŋakan ka ŋakejen, kitiyau awoet keŋ daŋ ke eburonis. Kiwuak abesen ŋin kidiŋ Eema ŋolo iryamununoi a Namuroet, ido kiwuak ŋakipi tooma keŋ. 19Tolimok Aron ka ŋidwe keŋ ŋulusapa kilosete ŋakan ka ŋakejen kec a ŋakipi a ŋun. 20Emaikina ikes kitiyata ŋun apaki ŋina elomaryata tooma Eema ŋolo iryamununoi, kori apaki ŋina eapuuniata ikes Namuroet akitiya nen, akicuny ainakinet aŋuna ke Ekapolon. Emaikina ikes kisitiyata ŋakipi ŋun akilotarya ŋakan ka ŋakejen kec, ikotere ikes nyetwaka. 21Emaikina ikes kilotasi ŋakan ka ŋakejen kec, ikotere nyetwaka. Emaikina ŋun toruwor etal aneni ka Aron ka ŋiletok keŋ ananyameta kec a daadaŋ.”
Akimyet ŋina ke etal
(Awos. 37:29)
22Tema nai Ekapolon neni a Moses, 23“Tolemu ŋikito lu: Eminae ŋolo akukunyon ŋolo elemyo anakwii a ŋikito. Tolemu ŋol eliit erae apotis ŋakiloi ŋakanikapei. Tolemu ekitoe ŋolo akukunyon ŋolo enyaritae Sinamo erae apotis keŋ ŋakiloi ŋauni. Tolemu ŋakasirim ŋuna akukunyok erae apotis kec ŋakiloi ŋauni. 24Tolemu ikitoe ŋini itukukunyi akimuj ŋini enyaritae Kasia. Tolemu ŋin erae apotis ŋakiloi ŋakanikapei; ipimim lotyae ŋolo epimere ainakinet ŋina aayeneneo tooma Eema ŋolo iryamununoi. Tolemu nabo ŋilitae ŋiomwon ŋulu ka akimyet a ŋina ka olipa. 25Kinyalak ŋiboro ŋul daadaŋ, kitiyau akimyet ŋina ke etal, ŋina iosanakinio ŋituŋa, ŋina ikwaan ka ŋina inyalunit eketiyan ŋamyeta ejok. Eruwor akimyet ŋin ŋina ke etal. 26Kiosak akimyet ŋin tooma Eema ŋolo iryamununoi, Nasaduku ŋina ka Acamunet, 27lomesa ka loboro daadaŋ ŋulu isitiyao a lomesa, nawoet ŋina ke etaa ka loboro ŋulu isitiyao anawoet a ŋina a etaa ka a Namuroet a ŋina icunyere ekinyate, 28Namuroet ŋina icunyere ŋainakineta ka loboro daadaŋ ŋulu eya Namuroet ŋin, nabesen ka awoet keŋ. 29Kitaleu ŋiboro ŋul daadaŋ toruwor ŋulu esegak nooi, ido ibore daadaŋ ŋini etapakin neni kec, eruworŋini eseg. 30Kiosak akimyet ŋin neni ka Aron ka neni a ŋidwe keŋ a ŋulusapa, kitaleu ikes, ikotere eketiyanakis ayoŋ ikwapei ŋisacaradotin. 31Tema iyoŋ neni a Ŋisirael, ‘Eruwor akimyet na ŋina kaŋ a Ekapolon, ŋina asegan, ŋina italeere ŋituŋa ananyameta kus a daadaŋ. 32Nyemaikina eruwor ŋina iosae car, ido nyinyalut ace ŋina ikwaan ka iŋes, erae iŋes akimyet ŋina ke etal ka emaikina iyes kirica iŋes erae ŋina ke etal. 33Ituŋanan daadaŋ ŋini inyaluni ace ŋina ikwaan ka ŋin, kori ituŋanan daadaŋ ŋini iosakini akimyet ŋin neni a ituŋanan a ŋini nyemaikina kitaleunoe, emaikina ituŋanan ŋin totyakarae alotuŋa keŋ.’”
Ekinyate
34Tema Ekapolon neni a Moses, “Tolemu ŋimina lu ŋulu akukunyok ŋulu enyaritae: Resin, onika ka galbanum ta eminae ŋolo akwaŋan kya. Emaikina ŋimina ŋul daadaŋ eriyan etyae. 35Kinyalu ekinyate alomina a ŋul ŋolo ajokan, ŋolo ikwaan ka ŋolo inyalunit eketiyan ekinyate ejok. Kiwuak acumbi lokinyate ŋol, ikotere kitojok acumbi iŋes jik erae ŋolo italeuno. 36Kirye ekinyate ŋol ece todopirir, ido kiwuak ece kiŋaren Asaduku ŋina ka Acamunet, tooma Eema ŋolo iryamununoi, nakibois ŋina ikiryamun ayoŋ ka iyoŋ. Emaikina ekinyate ŋol erae kire jik aneni kon ŋolo italeuno. 37Ani itiyaunete iyes ekinyate ece, nyitiyaut eya ŋimina ŋulu itiyaunitere ŋol. Emaikina ekinyate ŋol erae ŋolo eseg, ŋolo italeunitoe aŋuna ke Ekapolon. 38Ituŋanan daadaŋ ŋini inyaluni ece ŋolo ikwaan ka ŋol ecamit akitukukunyo akibois keŋ, emaikina ŋin totyakarae alotuŋa keŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.