2 Ŋikor. 3
3
Ŋiketiyak ŋulu ka Acamunet a ŋina Kitete
1Iŋes nai atemar esyakin nabo isua akituro a? Kori ikiitanit isua ikwapei ŋituŋa ŋuluce, aryamun ŋabaruwae ŋuna ikiyenunere isua iyes kori iyes isua? 2Iyes iraakasi ŋabaruwae kosi--ikidau isua akigirakin Kristo lotai kus--ikotere daadaŋ eyenuniata ka tosyoma. 3Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.
4Ikirworo isua nu, anerae ikiwuakinit isua akikinyomit kosi neni ka Akuj, alotooma Kristo. 5Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj. 6Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.
7Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin, 8etya nai ai akica ŋina erukunete ka ŋiticisyo ŋulu ke Etau a ŋolo ka Akuj? 9Ani ketya nen apolou ŋina a ŋiticisyo a ŋulu ka atubokino, etya nai ai ŋina a ŋiticisyo a ŋulu ka aiuno! 10Iŋes atemar, elunyokin tokona akica ŋina epol nooi neni ayai akica ŋinaŋorot, ŋina apuripuryaar akwaŋis keŋ. 11Ikwaŋina kepoloo akica ŋina kebu topuripuryaar, etya nai ai akica ŋina nyedaun?
12Aŋuna ikiyakar isua akigeno na ŋina apolon, ikirworo emam akuryanu. 13Nyikikwaan isua ka Moses, ŋolo abu torap ereet keŋ ka akitambara, ikotere nyeanyuwaryata ŋituŋa a Isirael akica epuripuryaar, toŋopiya. 14Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo. 15Kire, tari tokona, apaki daadaŋ ŋina esyomyata ikes Ŋikisila a Moses, erapenene akitambara ŋatameta kec. 16Nai, ani ibelekin ituŋanan neni ke Ekapolon, elemaryo akitambara ŋin anatameta keŋ. 17Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina. 18Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.
Currently Selected:
2 Ŋikor. 3: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
2 Ŋikor. 3
3
Ŋiketiyak ŋulu ka Acamunet a ŋina Kitete
1Iŋes nai atemar esyakin nabo isua akituro a? Kori ikiitanit isua ikwapei ŋituŋa ŋuluce, aryamun ŋabaruwae ŋuna ikiyenunere isua iyes kori iyes isua? 2Iyes iraakasi ŋabaruwae kosi--ikidau isua akigirakin Kristo lotai kus--ikotere daadaŋ eyenuniata ka tosyoma. 3Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.
4Ikirworo isua nu, anerae ikiwuakinit isua akikinyomit kosi neni ka Akuj, alotooma Kristo. 5Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj. 6Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.
7Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin, 8etya nai ai akica ŋina erukunete ka ŋiticisyo ŋulu ke Etau a ŋolo ka Akuj? 9Ani ketya nen apolou ŋina a ŋiticisyo a ŋulu ka atubokino, etya nai ai ŋina a ŋiticisyo a ŋulu ka aiuno! 10Iŋes atemar, elunyokin tokona akica ŋina epol nooi neni ayai akica ŋinaŋorot, ŋina apuripuryaar akwaŋis keŋ. 11Ikwaŋina kepoloo akica ŋina kebu topuripuryaar, etya nai ai akica ŋina nyedaun?
12Aŋuna ikiyakar isua akigeno na ŋina apolon, ikirworo emam akuryanu. 13Nyikikwaan isua ka Moses, ŋolo abu torap ereet keŋ ka akitambara, ikotere nyeanyuwaryata ŋituŋa a Isirael akica epuripuryaar, toŋopiya. 14Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo. 15Kire, tari tokona, apaki daadaŋ ŋina esyomyata ikes Ŋikisila a Moses, erapenene akitambara ŋatameta kec. 16Nai, ani ibelekin ituŋanan neni ke Ekapolon, elemaryo akitambara ŋin anatameta keŋ. 17Erae nai Ekapolon Etau ŋolo ka Akuj ka neni eyai Etau ŋolo ke Ekapolon, eyai alacakina. 18Ikitoodiunit iwon daadaŋ akica ŋina ke Ekapolon a ŋireetin yok a ŋulu nyerapap ka akitambara. Ikiloconokinio iwon iwadio akitodol ŋina ikikwaanikinor ka iŋes ka erae lo etic ŋolo ke Ekapolon a ŋolo erae Etau ŋolo ka Akuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.