2 Ŋikor. 4
4
Ayakau ŋina a Kristo tooma etic ŋolo a Ŋikiyakia
1Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit. 2Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj. 3Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro. 4Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per. 5Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu. 6Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.
7Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok. 8Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi. 9Ikisicanitae isua, nai nyeesikina Akuj isua; ikiwanawanae isua, nai nyetwaka isua. 10Ŋapakio daadaŋ iwokitae isua atwanare a Yesu anawat kosi, ikotere itoodiunere akiyar a Yesu anawat kosi daŋ. 11Anakiyar kosi a daadaŋ ikiyapikinit isua jwi jwi atwanare aŋuna a Yesu, ikotere itoodiunere akiyar a Yesu anawat kosi a ŋuna etwakete. 12Iŋes atemar itiyae atwanare aneni kosi, nai itiyae akiyar aneni kus.
13Ebasi Ŋakigireta ebe, “Abu ayoŋ erwor, anerae abu onup”. Alonupitene a ŋolopei, ikinupit isua daŋ ka erae ŋakiro ŋun ikirworor. 14Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ. 15Ŋun daadaŋ itiyasi aŋuna kus, ikotere ajokis ŋina iyata alokimar a ŋikanupak iyatakini akipuro ŋina ka alakara neni ka Akuj.
Akilocokinet ŋina a ŋawat yok alokwap tari nakuj
16Aŋun, nyikiupi isua atitinyikinit. Tari kiyosete iwadio ŋawat kosi amunaar, nai iteteununuyo ŋitai kosi a ŋinakoloŋit. 17Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok. 18Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.
Currently Selected:
2 Ŋikor. 4: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
2 Ŋikor. 4
4
Ayakau ŋina a Kristo tooma etic ŋolo a Ŋikiyakia
1Ikiinak Akuj isua anakisyon keŋ akitiya etic lo, aŋun, nyikiupi isua atitinyikinit. 2Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj. 3Ani tari kerapap Ŋakiro ŋuna Ajokak ŋuna ikilimonokini isua, erapap aneni a ŋulu ebukoro. 4Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per. 5Nyikilimonokini isua ŋuna ikikamunito isua; nai ikilimonokini Yesu Kristo ikwapei Ekapolon, ka isua ikwapei ŋiketiyak kus aŋuna a Yesu. 6Arae Akuj abu tema, “Tocau akica anakiryonut”, Akuj ŋinapei ŋin etacau akica keŋ alotai yok, ainakinia iwon akica ŋina ka ayenut ka apolou ŋina ka Akuj ŋina etacaun aloreet a Kristo.
7Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok. 8Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi. 9Ikisicanitae isua, nai nyeesikina Akuj isua; ikiwanawanae isua, nai nyetwaka isua. 10Ŋapakio daadaŋ iwokitae isua atwanare a Yesu anawat kosi, ikotere itoodiunere akiyar a Yesu anawat kosi daŋ. 11Anakiyar kosi a daadaŋ ikiyapikinit isua jwi jwi atwanare aŋuna a Yesu, ikotere itoodiunere akiyar a Yesu anawat kosi a ŋuna etwakete. 12Iŋes atemar itiyae atwanare aneni kosi, nai itiyae akiyar aneni kus.
13Ebasi Ŋakigireta ebe, “Abu ayoŋ erwor, anerae abu onup”. Alonupitene a ŋolopei, ikinupit isua daŋ ka erae ŋakiro ŋun ikirworor. 14Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ. 15Ŋun daadaŋ itiyasi aŋuna kus, ikotere ajokis ŋina iyata alokimar a ŋikanupak iyatakini akipuro ŋina ka alakara neni ka Akuj.
Akilocokinet ŋina a ŋawat yok alokwap tari nakuj
16Aŋun, nyikiupi isua atitinyikinit. Tari kiyosete iwadio ŋawat kosi amunaar, nai iteteununuyo ŋitai kosi a ŋinakoloŋit. 17Anerae ŋican ŋulu ikiryamunit iwon ŋulu esalunete, erae koŋin kisikwaani ka apolou ŋina ajokan nooi ŋina nyesaluni ŋina itemonokinete ŋican ŋul aŋuna yok. 18Nyikiwuakinit isua ŋatameta kosi loboro ŋulu etakanete, nai loboro ŋulu nyetakanete; ibore ŋini ite iyoŋ, nyeropari, nai ŋini nyetakani, eropari ŋikaru ka ŋikaru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.