1 Ŋikor. 7
7
Ŋakiŋiseta ŋuna etapito ŋituŋa ŋulu iitarito
1Tokona, acamit ayoŋ akirwor ŋakiro ŋuna etapito ŋuna ipotu iyes ikigirakis ayoŋ. Itiyae ekile ŋuna ajokak erae pa keryamu aberu. 2Nai aŋuna elalaata ŋakitemyeta ŋuna ka adoteu, itemokino ŋolokile toryamu aberu keŋ a elope ka ŋinaberu ekile keŋ ka alope. 3Itemokino ekile kitiya etic keŋ ejok ikwapei eraakar ekile, aberu daŋ kitiya etic keŋ ikwapei eraakar aberu. 4Nyepolokinit aberu akuwan keŋ ka alope, nai ekile epolokinit; ikwaŋinapei, nyepolokinit ekile akuwan keŋ a elope, nai aberu epolokinit. 5Nyimikasi make ŋawat kus, mati sek icamuna iyes ikoŋina apaki adio, ikotere kisitiyata apaki ŋin akilipya. Nai kiryamunos nabo ikwapei ekile ka aberu ikwaŋinapei sek, ikotere nyikitem Satan iyes, anerae imamukatar iyes akiyapara.
6Alimunit ayoŋ ŋun pa akareikinit, nai erae ca acamakinet. 7Okoe, kerae kikote ŋituŋa daadaŋ ayoŋ ŋolo amamukar aberu. Nai eyakar ŋinituŋanan ainakinet keŋ aneni ka Akuj; icetuŋanan ainakinet ŋina ikoni ŋin, ice ŋina egelaana.
8Abala nai ayoŋ neni a ŋulu nyiitara ka neni a ŋapuseru ebe, ejok ikes akiboi nyiitara ikwa ayoŋ. 9Nai ani pa kepedorito ikes akiyaparit ekibure kec, itemokino kiitasi. Ejok akiitar akilo akitaara ekibure.
10Nai abala ayoŋ neni a ŋulu iitarito ebe, nyerae alimunet na ŋina kaŋ, nai ŋina ke Ekapolon: nyitemokino aberu etyakar aneni ke ekile keŋ. 11Nai ani ketyakar, itemokino iŋes kiboi emam ekile kori kisila toboŋokinos ka ekile keŋ. Nyitemokino ekile elaki aberu keŋ.
12Nai neni a ŋuluce, alimuni ayoŋ elope, meere Ekapolon, ebe: ani keyakar Ekristoit aberu ŋina nyerae Akristoit, nai tocamunite aberu ŋin akiruk ka iŋes, nyitemokino iŋes tolak. 13Keyakar aberu ŋina erae Akristoit ekile ŋolo nyerae Ekristoit, nai tocamunite ekile ŋol akiruk ka iŋes, nyitemokino iŋes totyakar. 14Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes. 15Nai ani kecamit ŋini nyerae Ekristoit atyakar aneni ke Ekristoit, kimyekisi totyakar. Anakiro a ŋuna ikote ŋun, nyereikinitae ŋini erae Ekristoit, kerae ekile kori aberu. Anerae adau Akuj anyarare iyes akiboi alotooma ekisil. 16Iyoŋ aberu ŋina Kristoit, ianyuni iyoŋ ikwaani atemar iuni iyoŋ lokile kon? Iyoŋ ekile ŋolo Kristoit, ianyuni iyoŋ ikwaani atemar iuni iyoŋ aberu kon?
Kiboiyoto lopite ŋolo kebunio Akuj itonyaraa iyes
17Itemokino ŋinituŋanan torubak iboi alopite a ŋolo einakinit Akuj iŋes akiboi, ikwaŋina eboiyo apaki ŋina anyaraa Akuj iŋes. Erae akirot na ŋina etatami ayoŋ natukon a Ŋikristo daadaŋ. 18Ani kileŋeritae sek ituŋanan apaki ŋina enyaraa Akuj iŋes, nyitemokino iŋes alemar ŋimacarin ŋulu ka akileŋer; ani pa kileŋeritae sek ituŋanan apaki ŋina enyaraa Akuj iŋes, nyitemokino iŋes kileŋerae. 19Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol. 20Itemokino ŋinituŋanan torubak eyai lopite ŋolo sek anyaraa Akuj iŋes. 21Ani sek kirae iyoŋ epito apaki ŋina ikinyaraa Akuj iyoŋ, nyimitak; nai ani kipedori iyoŋ aryamun alacakino, kisitiya apaki kon. 22Anerae, epito ŋolo adau Ekapolon anyarare, aruwor ŋolo elacakina, ŋolo ke Ekapolon; ikwaŋinapei, ŋini elacakina, ŋini adau Kristo anyarare, aruwor epito a Kristo. 23Abu Akuj itogyelu iyes aruwor ŋulu keŋ, aŋun, nyiruworosi ŋipi a ŋituŋa. 24Ŋikaitotoi, itemokino ŋinituŋanan torubak imorikina ka Akuj lopite ŋolopei ayakar iŋes apaki ŋina anyaraa Akuj iŋes.
Ŋakiŋiseta ŋuna etapito ŋapuseru ka ŋituŋa ŋulu nyiitara
25Egiri tokona ayoŋ ŋuna ikamunito ŋuna ipotu iyes kigira aŋuna a ŋituŋa a ŋulu nyiitara: emam ŋuna akalimoki ayoŋ Ekapolon, nai alimuni ayoŋ ŋuna atami ayoŋ elope, ikwapei araakar ayoŋ ŋolo ekinyoma aŋuna ka akisyon a ŋina ke Ekapolon.
26Ani eŋolikini ayoŋ ŋican ŋulu tokona eyakasi, atami ayoŋ atemar, ejok ekile akiboi nyiitara. 27Ani kiitarit iyoŋ, nyiwar atyakar aneni ka aberu kon. Ani kimamukar iyoŋ aberu, nyiwar aryamun adio. 28Nai ani kiita iyoŋ, nyisecit iyoŋ ka ani kiitar aberu ŋina sek nyiisitae, nyesecit iŋes. Nai eryamunete ŋituŋa ŋulu iitarito ŋatyokisyo ka acamit ayoŋ akiŋarakin iyes nyiryamut ŋun.
29Ŋikaitotoi kaŋ, apolou a ŋakiro a ŋun iŋes na: aditeu apaki. Ameun tokona, itemokino ŋikilyok ŋulu iitarito kiboiyoto esibit nyiitarito; 30ŋulu igworosi, kiboiyoto esibit nyiyaloloŋete; ŋulu ekienasi, kiboiyoto esibit nyelakara; ŋulu egyelete ŋiboro, kiboiyoto esibit nyerae ŋiboro ŋul ŋulu kec. 31Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.
32Acamit ayoŋ iyes tomamukatar amitakinit aneni kus. Emitakinit ekile ŋolo nyiitarit etic ŋolo ke Ekapolon, anerae ecamit iŋes akitalakar Ekapolon. 33Nai emitakinit ekile ŋolo iitarit ŋiboro ŋulu ka akwap a na, anerae ecamit iŋes akitalakar akeeberu; 34aŋun, iriyarito iŋes ŋirotin ŋiarei. Aberu ŋina nyiitit kori apese ŋina nyiryamakina ka ekile emitakinit etic ŋolo ke Ekapolon, anerae ecamit iŋes ainakin akuwan ka etau keŋ daŋ neni ke Ekapolon. Nai aberu ŋina iitit, emitakinit ŋiboro ŋulu ka akwap a na, anerae ecamit iŋes akitalakar lokile keŋ.
35Alimunit ayoŋ ŋun akiŋarakin iyes. Nyewuakinit ayoŋ neni kus egogos ŋolo apolon. Nai acamit ayoŋ iyes kiboiyoto alopite a ŋolo iyookino ka kitiyanakis Ekapolon emam akitumonor.
36Ani keyai ekile ŋolo etami atemar nyejokak ŋipitesyo keŋ alotooma aŋayaŋayat akiit apese ŋina iikina ka iŋes ka ani kegogoŋ ekibure keŋ, itemokino ikes kiitas ikwa ecamitor iŋes. Nyesecit iŋes. 37Nai ani ketubu kire ekile atemar nyeitari, nyereikinitae iŋes, nabo ani kipukat iŋes ekibure keŋ ka toris sek iŋes atyaku alotau keŋ ŋuna kitiya, etiya iŋes ejok erae pa kiit apese ŋin. 38Aŋun, ekile ŋolo iitari apese ŋina iikina akiito ka iŋes, itiyae ŋuna ajokak; nai ekile ŋolo nyiitari, itiyae ŋuna ajokak nooi.
39Aberu ŋina iitit, eenikinito Ŋikisila ŋulu ka Akuj neni ke ekile keŋ, eriŋa ekile keŋ eyari, nai ani ketwana ekile keŋ, ecamakinio iŋes akiitakin ka ekile daadaŋ ŋolo ecamit iŋes, nai itemokino ekile ŋol torae Ekristoit. 40Anakitam kaŋ ebuni aberu ŋin alakari nooi, erae kidoŋ iŋes nyiitara. Erae ŋun atamakinit ayoŋ, nai atami ayoŋ atemar ayakar ayoŋ daŋ Etau ŋolo ka Akuj.
Currently Selected:
1 Ŋikor. 7: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 7
7
Ŋakiŋiseta ŋuna etapito ŋituŋa ŋulu iitarito
1Tokona, acamit ayoŋ akirwor ŋakiro ŋuna etapito ŋuna ipotu iyes ikigirakis ayoŋ. Itiyae ekile ŋuna ajokak erae pa keryamu aberu. 2Nai aŋuna elalaata ŋakitemyeta ŋuna ka adoteu, itemokino ŋolokile toryamu aberu keŋ a elope ka ŋinaberu ekile keŋ ka alope. 3Itemokino ekile kitiya etic keŋ ejok ikwapei eraakar ekile, aberu daŋ kitiya etic keŋ ikwapei eraakar aberu. 4Nyepolokinit aberu akuwan keŋ ka alope, nai ekile epolokinit; ikwaŋinapei, nyepolokinit ekile akuwan keŋ a elope, nai aberu epolokinit. 5Nyimikasi make ŋawat kus, mati sek icamuna iyes ikoŋina apaki adio, ikotere kisitiyata apaki ŋin akilipya. Nai kiryamunos nabo ikwapei ekile ka aberu ikwaŋinapei sek, ikotere nyikitem Satan iyes, anerae imamukatar iyes akiyapara.
6Alimunit ayoŋ ŋun pa akareikinit, nai erae ca acamakinet. 7Okoe, kerae kikote ŋituŋa daadaŋ ayoŋ ŋolo amamukar aberu. Nai eyakar ŋinituŋanan ainakinet keŋ aneni ka Akuj; icetuŋanan ainakinet ŋina ikoni ŋin, ice ŋina egelaana.
8Abala nai ayoŋ neni a ŋulu nyiitara ka neni a ŋapuseru ebe, ejok ikes akiboi nyiitara ikwa ayoŋ. 9Nai ani pa kepedorito ikes akiyaparit ekibure kec, itemokino kiitasi. Ejok akiitar akilo akitaara ekibure.
10Nai abala ayoŋ neni a ŋulu iitarito ebe, nyerae alimunet na ŋina kaŋ, nai ŋina ke Ekapolon: nyitemokino aberu etyakar aneni ke ekile keŋ. 11Nai ani ketyakar, itemokino iŋes kiboi emam ekile kori kisila toboŋokinos ka ekile keŋ. Nyitemokino ekile elaki aberu keŋ.
12Nai neni a ŋuluce, alimuni ayoŋ elope, meere Ekapolon, ebe: ani keyakar Ekristoit aberu ŋina nyerae Akristoit, nai tocamunite aberu ŋin akiruk ka iŋes, nyitemokino iŋes tolak. 13Keyakar aberu ŋina erae Akristoit ekile ŋolo nyerae Ekristoit, nai tocamunite ekile ŋol akiruk ka iŋes, nyitemokino iŋes totyakar. 14Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes. 15Nai ani kecamit ŋini nyerae Ekristoit atyakar aneni ke Ekristoit, kimyekisi totyakar. Anakiro a ŋuna ikote ŋun, nyereikinitae ŋini erae Ekristoit, kerae ekile kori aberu. Anerae adau Akuj anyarare iyes akiboi alotooma ekisil. 16Iyoŋ aberu ŋina Kristoit, ianyuni iyoŋ ikwaani atemar iuni iyoŋ lokile kon? Iyoŋ ekile ŋolo Kristoit, ianyuni iyoŋ ikwaani atemar iuni iyoŋ aberu kon?
Kiboiyoto lopite ŋolo kebunio Akuj itonyaraa iyes
17Itemokino ŋinituŋanan torubak iboi alopite a ŋolo einakinit Akuj iŋes akiboi, ikwaŋina eboiyo apaki ŋina anyaraa Akuj iŋes. Erae akirot na ŋina etatami ayoŋ natukon a Ŋikristo daadaŋ. 18Ani kileŋeritae sek ituŋanan apaki ŋina enyaraa Akuj iŋes, nyitemokino iŋes alemar ŋimacarin ŋulu ka akileŋer; ani pa kileŋeritae sek ituŋanan apaki ŋina enyaraa Akuj iŋes, nyitemokino iŋes kileŋerae. 19Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol. 20Itemokino ŋinituŋanan torubak eyai lopite ŋolo sek anyaraa Akuj iŋes. 21Ani sek kirae iyoŋ epito apaki ŋina ikinyaraa Akuj iyoŋ, nyimitak; nai ani kipedori iyoŋ aryamun alacakino, kisitiya apaki kon. 22Anerae, epito ŋolo adau Ekapolon anyarare, aruwor ŋolo elacakina, ŋolo ke Ekapolon; ikwaŋinapei, ŋini elacakina, ŋini adau Kristo anyarare, aruwor epito a Kristo. 23Abu Akuj itogyelu iyes aruwor ŋulu keŋ, aŋun, nyiruworosi ŋipi a ŋituŋa. 24Ŋikaitotoi, itemokino ŋinituŋanan torubak imorikina ka Akuj lopite ŋolopei ayakar iŋes apaki ŋina anyaraa Akuj iŋes.
Ŋakiŋiseta ŋuna etapito ŋapuseru ka ŋituŋa ŋulu nyiitara
25Egiri tokona ayoŋ ŋuna ikamunito ŋuna ipotu iyes kigira aŋuna a ŋituŋa a ŋulu nyiitara: emam ŋuna akalimoki ayoŋ Ekapolon, nai alimuni ayoŋ ŋuna atami ayoŋ elope, ikwapei araakar ayoŋ ŋolo ekinyoma aŋuna ka akisyon a ŋina ke Ekapolon.
26Ani eŋolikini ayoŋ ŋican ŋulu tokona eyakasi, atami ayoŋ atemar, ejok ekile akiboi nyiitara. 27Ani kiitarit iyoŋ, nyiwar atyakar aneni ka aberu kon. Ani kimamukar iyoŋ aberu, nyiwar aryamun adio. 28Nai ani kiita iyoŋ, nyisecit iyoŋ ka ani kiitar aberu ŋina sek nyiisitae, nyesecit iŋes. Nai eryamunete ŋituŋa ŋulu iitarito ŋatyokisyo ka acamit ayoŋ akiŋarakin iyes nyiryamut ŋun.
29Ŋikaitotoi kaŋ, apolou a ŋakiro a ŋun iŋes na: aditeu apaki. Ameun tokona, itemokino ŋikilyok ŋulu iitarito kiboiyoto esibit nyiitarito; 30ŋulu igworosi, kiboiyoto esibit nyiyaloloŋete; ŋulu ekienasi, kiboiyoto esibit nyelakara; ŋulu egyelete ŋiboro, kiboiyoto esibit nyerae ŋiboro ŋul ŋulu kec. 31Itemokino ŋituŋa ŋulu isitiyaete ŋiboro ŋulu ka akwap a na, kiboiyoto esibit nyidaŋakina ikes loboro ŋul. Anerae epite ŋolo eyakar akwap na tokona, esaluni.
32Acamit ayoŋ iyes tomamukatar amitakinit aneni kus. Emitakinit ekile ŋolo nyiitarit etic ŋolo ke Ekapolon, anerae ecamit iŋes akitalakar Ekapolon. 33Nai emitakinit ekile ŋolo iitarit ŋiboro ŋulu ka akwap a na, anerae ecamit iŋes akitalakar akeeberu; 34aŋun, iriyarito iŋes ŋirotin ŋiarei. Aberu ŋina nyiitit kori apese ŋina nyiryamakina ka ekile emitakinit etic ŋolo ke Ekapolon, anerae ecamit iŋes ainakin akuwan ka etau keŋ daŋ neni ke Ekapolon. Nai aberu ŋina iitit, emitakinit ŋiboro ŋulu ka akwap a na, anerae ecamit iŋes akitalakar lokile keŋ.
35Alimunit ayoŋ ŋun akiŋarakin iyes. Nyewuakinit ayoŋ neni kus egogos ŋolo apolon. Nai acamit ayoŋ iyes kiboiyoto alopite a ŋolo iyookino ka kitiyanakis Ekapolon emam akitumonor.
36Ani keyai ekile ŋolo etami atemar nyejokak ŋipitesyo keŋ alotooma aŋayaŋayat akiit apese ŋina iikina ka iŋes ka ani kegogoŋ ekibure keŋ, itemokino ikes kiitas ikwa ecamitor iŋes. Nyesecit iŋes. 37Nai ani ketubu kire ekile atemar nyeitari, nyereikinitae iŋes, nabo ani kipukat iŋes ekibure keŋ ka toris sek iŋes atyaku alotau keŋ ŋuna kitiya, etiya iŋes ejok erae pa kiit apese ŋin. 38Aŋun, ekile ŋolo iitari apese ŋina iikina akiito ka iŋes, itiyae ŋuna ajokak; nai ekile ŋolo nyiitari, itiyae ŋuna ajokak nooi.
39Aberu ŋina iitit, eenikinito Ŋikisila ŋulu ka Akuj neni ke ekile keŋ, eriŋa ekile keŋ eyari, nai ani ketwana ekile keŋ, ecamakinio iŋes akiitakin ka ekile daadaŋ ŋolo ecamit iŋes, nai itemokino ekile ŋol torae Ekristoit. 40Anakitam kaŋ ebuni aberu ŋin alakari nooi, erae kidoŋ iŋes nyiitara. Erae ŋun atamakinit ayoŋ, nai atami ayoŋ atemar ayakar ayoŋ daŋ Etau ŋolo ka Akuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.