1 Ŋikor. 6
6
Akisitanakin ŋina a ŋikanupak make aloikiikoe
1Ani mono keyai kidiŋ kus ipei ŋini iburato ka Ekristoit ŋoloce, epedori iŋes ikwaani akiya Ekristoit ŋoloce lokatubok ŋulu nyenupito Akuj, akilo ainakin ŋituŋa ŋulu ka Akuj totubo ŋakiro kec? 2Nyiyenete iyes atemar etubokinete ŋituŋa ŋulu ka Akuj akwap a? Aŋun, ani kerae iyes itubokinete akwap nyipedorito nai iyes akitub ŋakiro tari ŋuna edisyak a? 3Nyiyenete iyes atemar erae iwon ikitubokini ŋimalaikan a? Ani nai kikote neni, itemokino iwon opedorito akitub ŋakiro ŋuna a ŋinakoloŋit. 4Ani nai ŋina etakanuniata ŋakiro ŋuna ikote ŋun neni kus, kaanukiro eayeneneere iyes ikes totubo ŋituŋa ŋulu emamukatar apolou alokidiŋ Ŋikristo? 5Erworo ayoŋ ŋun akisurumya iyes ŋileec! Iŋes mono atemar emam alokidiŋ kus ituŋanan ŋini aoson, ŋini epedori akitub ŋakiro ŋuna iburaata Ŋikristo make a? 6Nai akilo eayi Ekristoit lokaato keŋ alotooma Kristo loikiiko, ido totubo tari ŋituŋa ŋulu nyerae Ŋikristo ŋakiro kec!
7Iŋes nai kire atemar itoodiunito ŋiburasyo ŋulu iyakatar iyes alokidiŋ kus atemar idaut iyes akibusokin. Akilo, kejoikinit iyes tocamut ikitunaete ŋuluce! Kejoikinit iyes tocamut ŋuluce ikidemanarete ŋiboro kus! 8Nai iyes pei itunaete ka idemanarete ŋuluce ŋulupei erae ŋikaitotoi kus alotooma Kristo! 9Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce 10kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ. 11Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.
Kisitiyata ŋawat kus akitopoloorya Akuj
12Etemari ice ebe, “Akacamakinitae ayoŋ akitiya ŋinibore daadaŋ.” Iyookino, nai nyejokak ŋiboro daadaŋ aneni kon. Apedori ayoŋ atemar akacamakinitae ayoŋ akitiya ŋinibore daadaŋ, nai nyacamuni ayoŋ idiobore ekepukat ayoŋ. 13Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan. 14Abu Akuj kiteyaru Ekapolon anatwanare, ikiteyaruni daŋ iŋes iwon anatwanare aŋuna ka apedor keŋ. 15Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik! 16Kori nyiyenete iyes atemar ituŋanan ŋini imorikinosi ka amalaat eruworosi apeikuwan ka amalaat a? Elimunito Ŋakigireta ileerete ebe, “Eruworosi ŋuluarei ŋul apeikuwan.” 17Nai ituŋanan ŋini imorikinosi ka Ekapolon, eruworosi epeitau ka iŋes.
18Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope. 19Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj. 20Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.
Currently Selected:
1 Ŋikor. 6: NIB2008
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.
1 Ŋikor. 6
6
Akisitanakin ŋina a ŋikanupak make aloikiikoe
1Ani mono keyai kidiŋ kus ipei ŋini iburato ka Ekristoit ŋoloce, epedori iŋes ikwaani akiya Ekristoit ŋoloce lokatubok ŋulu nyenupito Akuj, akilo ainakin ŋituŋa ŋulu ka Akuj totubo ŋakiro kec? 2Nyiyenete iyes atemar etubokinete ŋituŋa ŋulu ka Akuj akwap a? Aŋun, ani kerae iyes itubokinete akwap nyipedorito nai iyes akitub ŋakiro tari ŋuna edisyak a? 3Nyiyenete iyes atemar erae iwon ikitubokini ŋimalaikan a? Ani nai kikote neni, itemokino iwon opedorito akitub ŋakiro ŋuna a ŋinakoloŋit. 4Ani nai ŋina etakanuniata ŋakiro ŋuna ikote ŋun neni kus, kaanukiro eayeneneere iyes ikes totubo ŋituŋa ŋulu emamukatar apolou alokidiŋ Ŋikristo? 5Erworo ayoŋ ŋun akisurumya iyes ŋileec! Iŋes mono atemar emam alokidiŋ kus ituŋanan ŋini aoson, ŋini epedori akitub ŋakiro ŋuna iburaata Ŋikristo make a? 6Nai akilo eayi Ekristoit lokaato keŋ alotooma Kristo loikiiko, ido totubo tari ŋituŋa ŋulu nyerae Ŋikristo ŋakiro kec!
7Iŋes nai kire atemar itoodiunito ŋiburasyo ŋulu iyakatar iyes alokidiŋ kus atemar idaut iyes akibusokin. Akilo, kejoikinit iyes tocamut ikitunaete ŋuluce! Kejoikinit iyes tocamut ŋuluce ikidemanarete ŋiboro kus! 8Nai iyes pei itunaete ka idemanarete ŋuluce ŋulupei erae ŋikaitotoi kus alotooma Kristo! 9Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce 10kori ŋikokolak, ŋirorokanotin, ŋikamerak, ŋulu esyomatar ŋuluce kori ŋikademanarak--emam ipei daŋ alokidiŋ ŋul ŋini eruwor Apukan ka Akuj ŋina keŋ. 11Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.
Kisitiyata ŋawat kus akitopoloorya Akuj
12Etemari ice ebe, “Akacamakinitae ayoŋ akitiya ŋinibore daadaŋ.” Iyookino, nai nyejokak ŋiboro daadaŋ aneni kon. Apedori ayoŋ atemar akacamakinitae ayoŋ akitiya ŋinibore daadaŋ, nai nyacamuni ayoŋ idiobore ekepukat ayoŋ. 13Etemari ice ebe, “Erae akimuj ŋina ka akook ka erae akook ŋina ka akimuj.” Iyookino, nai itasaluni Akuj ikes daadaŋ. Nyitemokino akuwan isitiyao aŋuna ka amalao, nai itemokino kitiyanakinere Ekapolon ka Ekapolon iŋes iyokit akuwan. 14Abu Akuj kiteyaru Ekapolon anatwanare, ikiteyaruni daŋ iŋes iwon anatwanare aŋuna ka apedor keŋ. 15Iyenete iyes atemar erae ŋawat kus ŋinerin ŋulu ka akuwan a Kristo. Apedori nai ayoŋ atyakar ekiner epei anakuwan a Kristo, ido eturuwo ekiner ŋolo ka akuwan ka amalaat a? Mam jik! 16Kori nyiyenete iyes atemar ituŋanan ŋini imorikinosi ka amalaat eruworosi apeikuwan ka amalaat a? Elimunito Ŋakigireta ileerete ebe, “Eruworosi ŋuluarei ŋul apeikuwan.” 17Nai ituŋanan ŋini imorikinosi ka Ekapolon, eruworosi epeitau ka iŋes.
18Toŋero amalao. Nyetapito ŋasecisya ŋunace ŋuna itiyae ituŋanan akuwan keŋ, nai ituŋanan ŋini itiyae amalao, itiyae asecit nakuwan keŋ a ilope. 19Nyiyenete iyes atemar erae ŋawat kus Akai ŋina ke Etau a ŋolo Asegan, a ŋolo eyai tooma kus, a ŋolo ikiinakinit Akuj iyes a? Nyiraakasi iyes ŋulu kus a ŋilopeyek, nai ŋulu ka Akuj. 20Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ngakarimojong Interconfessional Bible © Bible Society of Uganda, 2008.