DZIPHISALEMA 2
2
Muṋe washu na Muḓodzwa wawe
Mahosi ane a vhangisa Khosi khulu
1 Nṋa gaḓa ḽa vhannḓa ndi ḽa mini?
Tshakha dzi langanelani zwa mahandana?
2Mahosi a ḽifhasi a ima o ḓilugisela nndwa;
vhavhusi nga tshavho vha khou langana
u lwa na Muṋe washu
na khosi yawe ye a i ta.
3Vha ri,
“Kha ri ṱhukhukanye mbofho dzavho,
thambo dzavho ri dzi laṱe kule!”
Mudzimu a tshi sea mahosi
4Matsina a dzulaho ngei ṱaḓulu u a vha sea,
Muṋe wa zwoṱhe u tou tamba ngavho.
5A konou amba navho o sinyuwa,
a vha tshenusa o halifha,
6 a ri, “Nṋe ndo vhea khosi yanga
thavhani yanga khethwa ya Tsioni.”
Zwe Mudzimu a vhofha
7 Litshani ndi ni vhudze
zwe Muṋe washu a vhofha:
O amba na nṋe a ri,
“Iwe u murwa wanga,
ndo u beba ṋamusi ḽino.
8 Nkhumbele tshine wa funa.
Dzitshakha ndi ḓo u ṋea ḽa vha ifa ḽau,
shango u ya he ḽa guma ḽi ḓo vha ḽau.
9 U ḓo vha vunḓekanya nga luḓo,
u ḓo vha pwashekanya unga khali ya vumba.”
Mahosi a tshi vhulawa musanda
10Zwino-ha inwi mahosi,
laṱani vhutsilu haṋu ni ṱalifhe,
inwi vhavhusi vha ḽifhasi,
tendani u eletshedzwa.
11Luvhani Muṋe washu ni mu ofhe,
mu pembeleleni ni tshi tou tetemela,
12 shuvhamani mavuni ni mu luvhe,
a sa ḓo sinyuwa
na vho rwiwa ni songo ṱhaphudza.
Ḓivhani uri mbiti dzawe dzi nga mbo ḓi vuwa.
Vha mashudu ndi avho vhane vha khuda ngae.
© Bible Society of South Africa 1998. Used with permission. All rights reserved.