1 Timothy 2
2
Leċel Waċekiyapi Kte
1Ṫokaheya leṗiƞ kte, tuwe ki iyuha woċekiye uƞ wiċayeksuyapi kta iwaċiƞċiyapi. Wak̇aƞṫaƞka lena iyuha wiċayawaṡte na owiċakiyiƞ kta. Tuwe ki iyuha wopila uƞ wiċayeksuyapi ki he Wak̇aƞṫaƞka oyakiyakapi kte. 2Wiċaṡa wiċayataƞpi na tuwa wowaṡʹake yuhapi ki hena, waċewiċauƞkic̄iċiyapi kte, heċel Wak̇aƞṫaƞka iṫokab yuonihaƞ ċekiya na waḣwayela uƞkʹuƞpi kte. 3Leċeḣc̄i waċekiyapi ki he waṡte, na Wak̇aƞṫaƞka Niuƞyapi ki he iyokipi. 4Wak̇aƞṫaƞka tuwe ki iyuha ċaƞteowiċagnake na he iye wiċaṡa owasʹiƞ nipi, na wowiċak̇e slolyapi ki el hipi kte ki he ċiƞ, he le e,
5Wak̇aƞṫaƞka waƞjila,
na Jesus Christ eċela
Wak̇aƞṫaƞka el
uƞkaupi okihi.
Jesus ikc̄e wiċaṡa
mak̇a akaƞl el
wiċaṫuƞpi iyeċel hi,
na uƞnipi kta uƞ
wiċuƞtʹe el icʹicʹu.
6Aƞpetu tohaƞtu kte ki he waiyehehaƞl,
Wak̇aƞṫaƞka leċel waƞyaƞguƞkiyapi.
7Lena heċetu kta uƞ Wak̇aƞṫaƞka eyapaha na wahoṡiya heċa makaḣniġe, woṫaƞiƞ waṡte ki oblakiƞ kte ki heuƞ. Wiċak̇eya wowaglake. Iteṡniya omawak̇aƞk̇aƞ ṡni. Gentile oyate ki wowiċala na wowiċak̇e ki lena owiċawakiyakiƞ kte ki heuƞ Wak̇aƞṫaƞka iyayemaye.
8Tohaƞl oyate ki waċekiyapi ċaƞna, ċaƞtewaṡteya yuġal waċekiyapi kta.
9Wiƞyaƞ ki iƞṡ icʹigluonihaƞ aiyopteya hakiṫuƞpi kta waċiƞ. Owaƞyaƞgwaṡte eċela uƞ hakiṫuƞpi na ṗehiƞ apikiyapi kte ṡni na iƞyaƞ oteḣika na mazazi uƞ wok̇oyakapi kte ṡni. 10Wiƞyaƞ eya Wak̇aƞṫaƞka teḣila keyapi hena waokiyapi ki waṡte kte, 11Na inila uƞpi na taƞyaƞ waablezapi kta waċiƞṫaƞgicʹiyapi kte. 12Wiƞyaƞ ki inila uƞpi kte na wiċaṡa ki takuni wauƞspewiċakiyapi kte ṡni, naiƞṡ eċuƞ wiċaṡipi kte ṡni. 13Eċiƞ Adam ṫokahe kaġapi na hehaƞl Eve kaġapi, 14nahaƞ wiċaṡa ki he eċa gnayapi ṡni. Eve wiƞyaƞ ki he eċa ataya gnaiḣpeyapi na waḣtani. 15Eyaṡ wiƞyaƞ waƞ wak̇aƞyeja yuha ki he iyoḣlogya nipi kte nataƞyaƞ eċel igluha haƞtaƞṡ na wowiċala gluha na wauƞṡila na wak̇aƞya taƞyaƞ awaƞicʹiglag uƞ kte.
Currently Selected:
1 Timothy 2: LKTNT20
Highlight
Copy
Compare
Share
Want to have your highlights saved across all your devices? Sign up or sign in
© American Bible Society
