Kutyoka 8
8
Chiputiko cha moola
1Nipele Ambuje Akunnungu ŵansalile che Musa, “Njaule kwa mwenye nkaasalile kuti, Ambuje Akunnungu akuti, ‘Mwaleche ŵandu ŵangu ajaule akaambopelele. 2Nambo naga nkukana kwaleka ajaule, tinachipute chilambo chenu chose kwa kuiichisya moola. 3Ngaŵa mu lusulo lwa Naili pe mwachimugumbale moola, nambo moola chiikopoche mu lusulo ni kwinjila mmajumba mwenu. Chiijinjile kuchuumba chinkugona ni kukwela mu indanda yenu. Chiiŵe mpaka mmajumba ga ŵakamusi ŵenu ni mwa ŵakutumichila ŵenu. Chiigumbale mpaka mu isisa yenu ni mu yoombo inkuwunyila utandi wa mikate. 4Ni moola yo chiichinsumbila mmwe ni ŵakamusi ŵenu pamo ni ŵandu ŵenu.’ ”
5Ambuje Akunnungu ŵaasalile che Musa, “Mwasalile che Haluni, anyakule lubokola lwao akuno achitambasukulaga nkono wakwe, achilosyaga lubokola ku sulo, ni kwakuli ni mikolola ni matanda, kuti mukopoche moola ni kukwela pa chilambo cha Misili chose.” 6Nipele che Haluni, ŵalosisye lubokola lwakwe mugali meesi mose Mmisili. Ni moola syakopweche ni kuchiunichila chilambo choose. 7Nambo ŵasaŵi ŵala ŵatesile ilaila mpela muŵatendele che Haluni. Ŵaiichisye moola mu chilambo cha Misili.
8Mwenye jwa ku Misili ŵaaŵilasile che Musa ni che Haluni achitiji, “Mpopele kwa Ambuje Akunnungu kuti aityosye moola kwangune ni kwa ŵandu ŵangu, ni une chinjalechelela ŵandu ŵenu ajaule kukwatyochesya mbopesi Ambuje Akunnungu.” 9Che Musa ŵansalile mwenye, “Ayaga nsale ndaŵi chi jinkusaka ngampopelele mmwe ni ŵakamusi ŵenu ni ŵandu ŵenu. Chinjimpopelela kuti moola ikopoche mmajumba genu, isigalile mu lusulo lwa Naili pe.”
10Mwenye ŵajanjile, “Iŵeje malaŵi.” Che Musa ŵatite, “Chindende mpela insasile, ni mmwe chinchimanyilila kuti ngapagwa jwali mpela Ambuje Akunnungu, Akunnungu ŵetu. 11Moola yo chiityoche kukwenu, ni kwa ŵakamusi ŵenu ni kwa ŵandu ŵenu, chiisigalile mu lusulo lwa Naili pe.”
12Nipele che Musa ni che Haluni ŵatyosile kwa mwenye. Che Musa ŵapopesile kwa Ambuje Akunnungu kuti aityosye moola iŵaipeleche kwa mwenye. 13Ambuje Akunnungu ŵatesile muŵaŵendile che Musa. Moola yose iyaliji mu nyuumba syao ni pa luŵala ni mmigunda mwao yawile. 14Ŵamisili ŵaikumbikenye pamo moola yose iyawile ni kuiŵika maunjili maunjili gamakulungwa, ni chilambo chose chanungaga. 15Nambo mwenye paŵaiweni kuti moola iwile, ŵaujumwisye ntima wakwe sooni mpela muŵaŵechetele Ambuje Akunnungu. Nganiŵapilikanila che Musa ni che Haluni.
Chiputiko cha isugugu
16Sooni, Ambuje Akunnungu ŵaasalile che Musa, “Mwasalile che Haluni, anyakule lubokola lwao ni kuliputa litaka. Pachatende yeleyo, luundu lose chilusanduche isugugu mu chilambo chose cha Misili.” 17Che Musa ni che Haluni ŵatesile iyoyo, che Haluni ŵanyakwile lubokola ni kuliputa litaka ni luundu lose lwasandwiche isugugu. Isugugu yo yaguluchile mu ilu ya ŵandu ni inyama yakwe. Luundu lose lwa pachilambo cha Misili lwasandwiche isugugu. 18Nombe ŵasaŵi ŵa ku Misili ŵasachile atende ilaila kuiichisya isugugu kwa usaŵi wao, nambo ŵalepele. Isugugu yasigalile kwa ŵandu ni kwa inyama yao. 19Ŵasaŵi ŵala ŵansalile mwenye, “Akunnungu ni ŵaitesile yeleyi!” Nambo mwenye jula ŵaujumwisye ntima, nganiŵapilikanila che Musa ni che Haluni mpela muŵaŵechetele Ambuje Akunnungu.
Chiputiko cha membe
20Ambuje Akunnungu ŵansalile che Musa, “Malaŵi kundaŵipe njaule nkajime paujo pa mwenye ali nkwenda ku lusulo. Nkaasalile, Ambuje Akunnungu akuti, ‘Mwaleche ŵandu ŵangu ajaule, kuti akaambopelele. 21Iŵaga ngankwaleka ŵandu ŵangu ajaule, chinasiyichisye membe syejinji pa mmwe ni kwa ŵakamusi ŵenu ni kwa ŵandu ŵenu ni mmajumba genu. Majuumba ga Ŵamisili gose chigagumbale membe, namose papalipose pa lisi lyose lya Misili. 22Nambo pa lyuŵa lyo ngaandenda yeleyo mu chilambo cha ku Geshoni, mwakutama ŵandu ŵangu, kwayele kweleko ngasipagwa membe. Pelepo ni pachimmanyilile kuti Une Ambuje Akunnungu, ni jundesile yeleyo mu chilambo chi. 23Chinaalekanganye ŵandu ŵangu ni ŵandu ŵenu. Yakusimonjeka yo chiitendekwe malaŵi.’ ” 24Ambuje Akunnungu ŵaitesile iŵasasile, maunjili gamakulungwa ga membe gaaiche ni kwinjila mu nyuumba ja mwenye ni mmajumba ga ŵakamusi ŵakwe. Chilambo chose cha Misili chajonasiche kwaligongo lya membe.
25Mwenye ŵaaŵilasile che Haluni ni che Musa ni kwasalila, “Ŵanyamwe Ŵaisilaeli njaule nkaatyochesye mbopesi Akunnungu ŵenu, nambo mmumu mu chilambo chi.” 26Nambo che Musa ŵajanjile, “Ngaiŵa yambone kwa uweji kuitenda yeleyo, pakuŵa mbopesi sichitutyosye kwa Ambuje Akunnungu, Akunnungu ŵetu chisyatumbilisye Ŵamisili. Ni iŵaga chitutyose mbopesi, ŵandu wo chaganichisye kuti tukwanyelusya, nombewo chatuulaje kwa kutuponya maganga. 27Chitujaule ulendo wa moŵa gatatu mwipululu, tukaatyochesye mbopesi Ambuje Akunnungu, Akunnungu ŵetu, mpela yatite pakutulajisya.”
28Nipele mwenye ŵatite, “Chinaaleche ŵandu ŵenu ajaule kukwatyochesya mbopesi Ambuje Akunnungu, Akunnungu ŵenu, mwipululu. Nambo ngasajaula kwakutalichila. Ayaga mumbopelele noneji.” 29Che Musa ŵatite, “Pachindyoche kukwenu chinjapopelela Ambuje Akunnungu, kuti malaŵi asityosye membe kukwenu ni kwa ŵakamusi ŵenu ni kwa ŵandu ŵenu. Nambo nkatunyenga sooni, nkakana kwaleka ŵandu ŵetu akaatyochesye mbopesi Ambuje Akunnungu!”
30Che Musa ŵatyosile kwa mwenye ni kwapopela Ambuje Akunnungu. 31Ambuje Akunnungu ŵatesile ilaila mpela che Musa iŵatite pakwaŵenda. Ŵaityosisye membe yose iyasyungwile mwenye ni ŵandu ŵakwe ni nganijisigalila namuno membe jimo. 32Nambo mwenye ŵaujumwisye ntima wao sooni ni nganiŵaalechelela Ŵaisilaeli ajaule.
Currently Selected:
Kutyoka 8: YBV
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.
Kutyoka 8
8
Chiputiko cha moola
1Nipele Ambuje Akunnungu ŵansalile che Musa, “Njaule kwa mwenye nkaasalile kuti, Ambuje Akunnungu akuti, ‘Mwaleche ŵandu ŵangu ajaule akaambopelele. 2Nambo naga nkukana kwaleka ajaule, tinachipute chilambo chenu chose kwa kuiichisya moola. 3Ngaŵa mu lusulo lwa Naili pe mwachimugumbale moola, nambo moola chiikopoche mu lusulo ni kwinjila mmajumba mwenu. Chiijinjile kuchuumba chinkugona ni kukwela mu indanda yenu. Chiiŵe mpaka mmajumba ga ŵakamusi ŵenu ni mwa ŵakutumichila ŵenu. Chiigumbale mpaka mu isisa yenu ni mu yoombo inkuwunyila utandi wa mikate. 4Ni moola yo chiichinsumbila mmwe ni ŵakamusi ŵenu pamo ni ŵandu ŵenu.’ ”
5Ambuje Akunnungu ŵaasalile che Musa, “Mwasalile che Haluni, anyakule lubokola lwao akuno achitambasukulaga nkono wakwe, achilosyaga lubokola ku sulo, ni kwakuli ni mikolola ni matanda, kuti mukopoche moola ni kukwela pa chilambo cha Misili chose.” 6Nipele che Haluni, ŵalosisye lubokola lwakwe mugali meesi mose Mmisili. Ni moola syakopweche ni kuchiunichila chilambo choose. 7Nambo ŵasaŵi ŵala ŵatesile ilaila mpela muŵatendele che Haluni. Ŵaiichisye moola mu chilambo cha Misili.
8Mwenye jwa ku Misili ŵaaŵilasile che Musa ni che Haluni achitiji, “Mpopele kwa Ambuje Akunnungu kuti aityosye moola kwangune ni kwa ŵandu ŵangu, ni une chinjalechelela ŵandu ŵenu ajaule kukwatyochesya mbopesi Ambuje Akunnungu.” 9Che Musa ŵansalile mwenye, “Ayaga nsale ndaŵi chi jinkusaka ngampopelele mmwe ni ŵakamusi ŵenu ni ŵandu ŵenu. Chinjimpopelela kuti moola ikopoche mmajumba genu, isigalile mu lusulo lwa Naili pe.”
10Mwenye ŵajanjile, “Iŵeje malaŵi.” Che Musa ŵatite, “Chindende mpela insasile, ni mmwe chinchimanyilila kuti ngapagwa jwali mpela Ambuje Akunnungu, Akunnungu ŵetu. 11Moola yo chiityoche kukwenu, ni kwa ŵakamusi ŵenu ni kwa ŵandu ŵenu, chiisigalile mu lusulo lwa Naili pe.”
12Nipele che Musa ni che Haluni ŵatyosile kwa mwenye. Che Musa ŵapopesile kwa Ambuje Akunnungu kuti aityosye moola iŵaipeleche kwa mwenye. 13Ambuje Akunnungu ŵatesile muŵaŵendile che Musa. Moola yose iyaliji mu nyuumba syao ni pa luŵala ni mmigunda mwao yawile. 14Ŵamisili ŵaikumbikenye pamo moola yose iyawile ni kuiŵika maunjili maunjili gamakulungwa, ni chilambo chose chanungaga. 15Nambo mwenye paŵaiweni kuti moola iwile, ŵaujumwisye ntima wakwe sooni mpela muŵaŵechetele Ambuje Akunnungu. Nganiŵapilikanila che Musa ni che Haluni.
Chiputiko cha isugugu
16Sooni, Ambuje Akunnungu ŵaasalile che Musa, “Mwasalile che Haluni, anyakule lubokola lwao ni kuliputa litaka. Pachatende yeleyo, luundu lose chilusanduche isugugu mu chilambo chose cha Misili.” 17Che Musa ni che Haluni ŵatesile iyoyo, che Haluni ŵanyakwile lubokola ni kuliputa litaka ni luundu lose lwasandwiche isugugu. Isugugu yo yaguluchile mu ilu ya ŵandu ni inyama yakwe. Luundu lose lwa pachilambo cha Misili lwasandwiche isugugu. 18Nombe ŵasaŵi ŵa ku Misili ŵasachile atende ilaila kuiichisya isugugu kwa usaŵi wao, nambo ŵalepele. Isugugu yasigalile kwa ŵandu ni kwa inyama yao. 19Ŵasaŵi ŵala ŵansalile mwenye, “Akunnungu ni ŵaitesile yeleyi!” Nambo mwenye jula ŵaujumwisye ntima, nganiŵapilikanila che Musa ni che Haluni mpela muŵaŵechetele Ambuje Akunnungu.
Chiputiko cha membe
20Ambuje Akunnungu ŵansalile che Musa, “Malaŵi kundaŵipe njaule nkajime paujo pa mwenye ali nkwenda ku lusulo. Nkaasalile, Ambuje Akunnungu akuti, ‘Mwaleche ŵandu ŵangu ajaule, kuti akaambopelele. 21Iŵaga ngankwaleka ŵandu ŵangu ajaule, chinasiyichisye membe syejinji pa mmwe ni kwa ŵakamusi ŵenu ni kwa ŵandu ŵenu ni mmajumba genu. Majuumba ga Ŵamisili gose chigagumbale membe, namose papalipose pa lisi lyose lya Misili. 22Nambo pa lyuŵa lyo ngaandenda yeleyo mu chilambo cha ku Geshoni, mwakutama ŵandu ŵangu, kwayele kweleko ngasipagwa membe. Pelepo ni pachimmanyilile kuti Une Ambuje Akunnungu, ni jundesile yeleyo mu chilambo chi. 23Chinaalekanganye ŵandu ŵangu ni ŵandu ŵenu. Yakusimonjeka yo chiitendekwe malaŵi.’ ” 24Ambuje Akunnungu ŵaitesile iŵasasile, maunjili gamakulungwa ga membe gaaiche ni kwinjila mu nyuumba ja mwenye ni mmajumba ga ŵakamusi ŵakwe. Chilambo chose cha Misili chajonasiche kwaligongo lya membe.
25Mwenye ŵaaŵilasile che Haluni ni che Musa ni kwasalila, “Ŵanyamwe Ŵaisilaeli njaule nkaatyochesye mbopesi Akunnungu ŵenu, nambo mmumu mu chilambo chi.” 26Nambo che Musa ŵajanjile, “Ngaiŵa yambone kwa uweji kuitenda yeleyo, pakuŵa mbopesi sichitutyosye kwa Ambuje Akunnungu, Akunnungu ŵetu chisyatumbilisye Ŵamisili. Ni iŵaga chitutyose mbopesi, ŵandu wo chaganichisye kuti tukwanyelusya, nombewo chatuulaje kwa kutuponya maganga. 27Chitujaule ulendo wa moŵa gatatu mwipululu, tukaatyochesye mbopesi Ambuje Akunnungu, Akunnungu ŵetu, mpela yatite pakutulajisya.”
28Nipele mwenye ŵatite, “Chinaaleche ŵandu ŵenu ajaule kukwatyochesya mbopesi Ambuje Akunnungu, Akunnungu ŵenu, mwipululu. Nambo ngasajaula kwakutalichila. Ayaga mumbopelele noneji.” 29Che Musa ŵatite, “Pachindyoche kukwenu chinjapopelela Ambuje Akunnungu, kuti malaŵi asityosye membe kukwenu ni kwa ŵakamusi ŵenu ni kwa ŵandu ŵenu. Nambo nkatunyenga sooni, nkakana kwaleka ŵandu ŵetu akaatyochesye mbopesi Ambuje Akunnungu!”
30Che Musa ŵatyosile kwa mwenye ni kwapopela Ambuje Akunnungu. 31Ambuje Akunnungu ŵatesile ilaila mpela che Musa iŵatite pakwaŵenda. Ŵaityosisye membe yose iyasyungwile mwenye ni ŵandu ŵakwe ni nganijisigalila namuno membe jimo. 32Nambo mwenye ŵaujumwisye ntima wao sooni ni nganiŵaalechelela Ŵaisilaeli ajaule.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yao New Testament © The Word for the World Southern Africa and Pioneer Bible Translators, 2018.