Kutyoka 37

Kukolosya lisanduku lya lilangano

(Kutyoka 25:10-22)

1Nipele che Besaleli ŵakolosisye alila lisanduku kwa ibao ya nsonobali, lyalili ni uleu wa sentimita mia moja na kumi ni nchijipi sentimita sitini na sita, ni lisusa lyakwe sentimita sitini na sita. 2Ŵaliunichile lisanduku lyo kwa sahabu jakusalala paasa ni munkati ni kusyunguchisya nchenjeka wa sahabu mbande syose. 3Nipele ŵakolosisye pete ncheche sya sahabu, ŵasitaŵilile mu ngongolo ncheche sya lisanduku lyo, pete siŵili upande umo ni pete siŵili upande wine. 4Ŵakolosisye itela iŵili yakunyakulila kwa chitela cha nsonobali ni kuunichila kwa sahabu. 5Itela yo ŵaijinjisye mu pete syasili mbande syose kuti anyakulile lisanduku lyo. 6Nipele ŵakolosisye chiunichilo cha lisanduku lyo kwa sahabu jakusalala chati pane pakuŵilanjikwa peuto pa chanasa, uleu wakwe waliji sentimita mia moja na kumi ni nchijipi mwakwe sentimita sitini na sita. 7Nipele ŵasyanile kwa sahabu yepanganyikwe iŵili yaili ni mapapiko yaikuŵilanjikwa makelubi ni kuiŵika mbesi siŵili sya chiunichilo cho. 8Chepanganyikwe chimo ŵachiŵisile kumbesi upande umo ni chine ŵachiŵisile upande wine kumbesi, ŵaipanganyisye ili ilumbikene ni chiunichilo cha lisanduku. 9Yepanganyikwe yo yatemi kwakulolegana ni mapapiko gao gatambasukwile pachanya chiunichilo cha lisanduku ni kuchiunichila ni jwalijose ŵaliji nkuchilola chiunichilo cho.

Kolosya mesa ja mikate jajikuŵichikwa paujo pa Akunnungu

(Kutyoka 25:23-30)

10Ŵakolosisye sooni mesa kwa chitela cha nsonobali, uleu wakwe sentimita semanini na nane ni chanchijipi sentimita alobaini na nne ni lisusa lyakwe sentimita sitini na sita. 11Ŵajiunichile mesa jo kwa sahabu jakusalala ni kusunguchisya nchenjeka wa sahabu. 12Ŵakolosisye chibao chachili ni ujipi milimita sabini na tano, ni ŵajisunguchisye mesa jila nchenjeka wa sahabu. 13Ŵakolosisye pete ncheche sya sahabu kwaligongo lya mesa ni kusitaŵilila mu ngongolo syakwe ncheche. 14Pete syo syataŵililwe kuŵandikana ni nchenjeka kuti situmiche kujinjisya aila itela yakunyakulila mesa. 15Ŵakolosisye itela yakunyakulila mesa jo kwa chitela cha nsonobali ni kuiunichila kwa sahabu. 16Ŵakolosisye yoombo ya sahabu jakusalala yakuŵika pachanya mesa: Mbale ni chindu chakuŵichila ubani ni mitala jakunaŵila ni bakuli sya mbopesi sya chakung'wa.

Kolosya chindu chakuŵichila lumuli

(Kutyoka 25:31-40)

17Ŵakolosisye kwa sahabu jakusalala chindu chakuŵichila lumuli, chitamichilo chakwe ni itela yakwe, ni ikombe yakwe ni itumba ni uluŵa wakwe yanayose ŵasyanile kumo. 18Nombe chakuŵichila lumuli cho chaliji ni nyambi sita mumbali mwakwe, nyambi sitatu akuno ni sine sitatu akuno. 19Mu nyambi syose sita pa kila lujambi kwaliji ni ikombe itatu yaipanganyikwe chisau ni uluŵa wa mlosi, ni pa kila lujambi chitumba ni uluŵa wakwe. 20Pasikati ja chiimila cha chindu chakuŵichila lumuli cho kwaliji ni ikombe ncheche, yaipanganyikwe chisau ni uluŵa wa mlosi, pamo ni itumba ni uluŵa wakwe. 21Papalipose papakopochele nyambi siŵili pa nyambi syose sita kuusi kwakwe chikuŵe ni chitumba chimo. 22Matumba go pamo ni nyambi syakwe syose, yaliji yekamulene ni chindu chakuŵichila lumuli cho, chose chesyane kwa sahabu jakusalala. 23Nipele ŵakolosisye imuli yakwe saba, ni chindu chakupalapatila utambi pampepe ni mbale syakwe kwa sahabu jakusalala. 24Ŵachikolosisye chindu chakuŵichila lumuli cho ni indu yakwe yosepe kwa kilo selasini na tano sya sahabu jakusalala.

Chilisa chakututumichisya ubani

(Kutyoka 30:1-5)

25Che Besaleli ŵakolosisye chilisa chakututumichisya ubani kwa mbao sya nsonobali. Chilisa cho uleu wakwe ni chanchijipi mwakwe mulandane ni lisusa lyakwe lyaliji sentimita tisini. Misengo ja chilisa cho jakamulene ni chilisa chisyene. 26Ŵachiunichile chilisa cho kwa sahabu jakusalala, pachanya pakwe ni mumbali mwakwe mose pamo ni misengo jakwe. Ŵakolosisye nchenjeka kwa sahabu kusyungula chilisa chose. 27Ŵakolosisye pete siŵili sya sahabu ni kusiŵika kuusi kwa nchenjeka mumbalati siŵili. Pete syo syatumiche kujinjisya aila itela yakunyakulila. 28Ŵakolosisye itela iŵili kwa chitela cha nsonobali ni kuiunichila kwa sahabu.

Mauta gakwajitilila ŵakutyosyekwa kwa AMBUJE ni ubani

(Kutyoka 30:22-38)

29Che Besaleli ŵakolosisye mauta kwaligongo lya kwajitilila ŵakutyosyekwa kwa AMBUJE, ni ubani wakusalala ni kununjila yambone, wewanganye yambone ni kununjila yambone.

Currently Selected:

Kutyoka 37: YBV

Highlight

Copy