उत्पत्ती 2
2
1इह केरीन जुग एने देरती एने जो काय ता माय हे बाणावणो पुरो एय गीयो। 2एने बोगवान तान काम जाह तो केरतालो सातवी दिह निवराव्यो एने तो तान किरेल ता आखो कामा माय रेन सातवे दिह आराम किऱ्यो।#इब्रानियो 4:4,10 3एने सातवा दिह्याह बोरकेत आप्यो एने चोखालो ठेरायो; काहाकाय बोगवान केल बाणावणेन तान आखा कामाह निवरावीन तो आराम किऱ्यो।
माणहाह बाणावणो
4जुग एने देरती बाणावणेन व्रतान्त ज्य हे काय जेवी ता बोणना मतलब जे दिह यहोवा बोगवान देरती एने जुगाह बाणायो : 5तेवी तान पेल देरती पोर काल्लोस जाड़ नाह एतो, एने खेताम बी कायच नाह उगेल एतो, काहाकाय यहोवा बोगवान देरती पोर पाणी नाह पाड़ेल इतो, एने बुई पोर खेती केरनेन केरता काल्लो बी माणुह नाह एतो; 6तीबी देरती पोर ओहटो पोड़तालो ता माय आखी बुय बिज जाताली।
7तेवी यहोवा बोगवान बुईन माटड्या केरीन आदमाह#2:7 आदमाह आदम, मतलब पेल्ला माणहाह बाणायो बाणायो, एने तान नाकपुड्याम जीवणान हाह फुक दिनो; तेवी आदम जिवतालो माणुह बोण गीयो।#1 कुरिंथीयो 15:45-47 8एने यहोवा बोगवान पुर्व उगे अदन माय एक बोगिचो लागाड्यो एने आदामाह जाह तो बाणायेल इतो, मेल दिनो। 9एने यहोवा बोगवान बुई पोर सोब बातीन जाड़े, जा देखाणेम जुलूम हाजा एने जान फोले खाणेम हाजो हेते उगाड्यो, एने बोगिचान विची माय जीवणान जाड़ाह एने हाजा बाकतान एकलीन जाड़ाह बी लागाड्यो।#प्रकाशितवाक्य 22:2,14
10ता बोगिशाह बिजवणेन केरता एक मोठलीनेद अदन उगे रेन निकेलनी एने तारीन वोयीन चार नेदीम माय वाटाय गियी।#यहेजकेल 47:11 11पेल्ली नेदीन नाव पिशोन हे; ज्यी तीच हे जी हवीला नावान देसाह जा होनो सापड़ेह तान कावदिन हे। 12ता देसान होनो हाजो रिथे, ता मोती एने सुलेमानी दिगोड़ बी सापड़तेह। 13एने दुसरी नेदीन नाव गीहोन हे, ज्यी तीच हे जी कुश देसाह कावदेन कोंड रेनीह। 14एने तीसरी नेदीन नाव हिद्देकेल हे; ज्यी ती हे जी अश्शुर ने पुर्व उगे वुयेह, एने चोवथी नेदीन नाव फरात हे।
15तेवी यहोवा बोगवान आदामाह लिजाईन अदन बोगिशाम मेल दिनो काय तो ता माय काम केरी एने ताह देखरेत केरी। 16एने यहोवा बोगवान आदामाह ज्यो उकुम आप्यो, “तु बोगिचान आखा जाड़ान फोल खाय सिकेह, 17#रोमीयो 6:23पुण हाजा बाकतान एकलीन जो जाड़ हे, तान फोल तु केदी मा खाहे : काहाकाय जेदिह तु तान फोल खाहे तेदिस जोरूड़ मोर जाहे।”
18उवतो यहोवा बोगवान केयो, “आदामाह एखालो रेणे हाजो नाय मिले; मी तान केरता एक मुदेक केरनार हाती बाणावुह जो ता हेऱ्यो मेल खाय।” 19एने यहोवा बोगवान बुई पोरल्या आखी जातीन जेनवेराह एने जुगाम उड़नारे आखी बातीन चिड़ाह बाणावीन आदम फाय लेन आवो काय आदम तान काय-काय नाव मिलेह; एने आदम जा-जा जिवताला जेनवेरान जो-जो नाव आदम मिल्यो तोच तान नाव पोड़ गीयो।#बजन 8:6 20तेवी आदम आखी जातीन पालन्या जेनवार एने जुगाम उड़नारे चिड़ा, एने आखी जातीन जेंगली जेनवेरान नाव मिल्यो; पुण आदम ने केरता ओहलो काल्लो मुदेक केरनार नाह सापड़नो जो ता हेऱ्यो मेल खाय सेकी।
21तेवी यहोवा बोगवान आदामाह बोर निंदी माय गार दिनो, एने तो हुव गीयो, तेवी तो तान एक पाहलो काड़ीन तान जागे माह बोर दिनो। 22एने यहोवा बोगवान ता पाहलीन जो आदामा माय रेन काड़ेल इतो, तान बायकु बाणाव दिनो; एने तिह आदम फाय लेन आवो। 23तेवी आदम केयो,
“एवी ज्यी मारा आड़ा माय रेन आड़ एने माहाम रेन माह हे;
तान केरता ज्यीन नाव नारी रेय,
काहाकाय जी नर माय रेन निकालाय जायेल हे।”#उत्पत्ती 29:14; 2 शमुएल 5:1; 1 कुरिंथीयो 11:8; 1 तीमुथीयुस 2:13
24तान केरता एदमी तान आईख आबाख सोड़ीन तान लाडी हिऱ्यो मिलीन रेय एने ता दुयू एक डिल बोणीन रेती।#मत्ती 19:5; 1 कुरिंथीयो 6:16; इफिसीयो 5:21
25आदम एने तान बायकु उगाड़लाच एता, पुण लाजवाताला नाह।
Currently Selected:
उत्पत्ती 2: Nii2025
Highlight
Copy
Compare
Share
Want to have your highlights saved across all your devices? Sign up or sign in
The Nahali Bible © The Word for the World International and Nahali Vishwaseen Mandli, Toranmal, Dhadgaon, Nandurbar, Maharashtra 2025
