ମୂଲୁ 2
2
1ଇଲେକିହିଁ ହା଼ଗୁପା଼କା ଅ଼ଡ଼େ ଦାର୍ତିତାୟି, ଇଞ୍ଜାଁ ଏ଼ ରୀ ଟା଼ୟୁତି ବାରେ ଗା଼ଡ଼ିକିନାୟି ରା଼ତେ। 2ମାହାପୂରୁ ସା଼ତା ଦିନାତା ଜାହାରା ଗା଼ଡ଼ି କିନି କାମା ବାରେ ରା଼ପ୍ହାଁ ଏ଼ ସା଼ତା ଦିନାତା ତାନି ବାରେ କିତି କାମାଟି ଜ଼ମିତେସି। 3ଇଞ୍ଜାଁ ମାହାପୂରୁ ସା଼ତା ଦିନାତି ବ଼ର ହୀହାଁ ସୁଦୁ ଦିନା ଇଞ୍ଜିହିଁ ୱେ଼କ୍ହେସି। ଏ଼ନାଆଁତାକି ଇଚିହିଁ ଏ଼ ଦିନାତା ମାହାପୂରୁ ତା଼ନୁ ଗା଼ଡ଼ିକିତି ବାରେ କାମାଟି ଜ଼ମିତେସି।
ଏଦନ ବା଼ଡ଼ା
4ଗା଼ଡ଼ିକିତି ବେ଼ଲାତି ହା଼ଗୁପା଼କା ଅ଼ଡ଼େ ଦାର୍ତିତି କାତା ଈଦି। ଏମିନି ବେ଼ଲାତା ପ୍ରବୁ ମାହାପୂରୁ ହା଼ଗୁପା଼କା ଅ଼ଡ଼େ ଦାର୍ତି ଗା଼ଡ଼ିକିତେସି, 5ଏ଼ ବେ଼ଲାତା ବୂମିତା ଏ଼ନି ଜା଼ଡ଼ା ହିଲାଆତେ, ଅ଼ଡ଼େ ବୂମିତା ଏ଼ନି ଗଚା ନେୟାଁ ହିଲାଆତେ; ଏ଼ନିଇଚିହିଁ ପ୍ରବୁ ମାହାପୂରୁ ଦାର୍ତିତା ପିୟୁ ରିୱି କିହାହୀଲାଆତେସି, ଅ଼ଡ଼େ ତା଼ସା କାମା କିହାଲି ମାଣ୍ସି ଜିକେଏ ହିଲାଆତେସି। 6ଦାର୍ତିଟି ଦୂନ୍ଦ୍ରା ହ଼ଚାଁ ଲାକ ହାଜାହାଁ ପିୟୁ ଲେହେଁ ରିହାଁ ବାରେ ବୂମିତି ଊଦିକିତେ।
7ଏଚେଟିଏ ପ୍ରବୁ ମାହାପୂରୁ ବୂମିତି ଦୂଡ଼ି ତଲେ ମାଣ୍ସିଇଁ ରାଚିକିହାଁ ତାନି ମୁଙ୍ଗେଲିତା ଊକାହାଁ ଜୀୱୁତି ଗା଼ଲି ହୀତେସି; ଏଚେଟିଏ ମାଣ୍ସି ଜୀୱୁଗାଟାସି ଆ଼ତେସି।
8ଅ଼ଡ଼େ ପ୍ରବୁ ମାହାପୂରୁ ୱେ଼ଡ଼ାହ଼ପୁ ୱାକି ଏଦନ ଇନି ଟା଼ୟୁତା ର଼ ବା଼ଡ଼ା କିହାଁ ଏମ୍ବାଆଁ ତା଼ନୁ ରାଚିକିତି ମାଣ୍ସିଇଁ ଇଟିତେସି। 9ମାହାପୂରୁ ଏ଼ ବୂମିଟି ବାରେ କୂଡ଼ାତି ନେହିଁ କା଼ଦି ଅ଼ଡ଼େ ନେହିଁ ତ଼ଞ୍ଜାଆ଼ନି ମା଼ର୍କା, ଇଞ୍ଜାଁ ଏ଼ ବା଼ଡ଼ା ମାଦି ହା଼ଆଗାଟି ମା଼ର୍ନୁ ଅ଼ଡ଼େ ନେହାଣି ଅ଼ଡ଼େ ଲାଗେଏତି ବୁଦି ପୁଣ୍ମ୍ବିକିନି ମା଼ର୍ନୁ ନେୟିଁ କିତେସି।
10ବା଼ଡ଼ାତା ଏ଼ୟୁ ହୀହାଲି ଏଦନଟି ର଼ କାଡା ହ଼ଚାହାଁ ଏ଼ ଟା଼ୟୁଟି ସା଼ରି ବା଼ଗା ଆ଼ତେ। 11ମୂଲୁ କାଡା ଦ଼ରୁ ପିସନ; ବାଂଗାରାଗାଟି ହବିଲା ଦେ଼ସାତି ସା଼ରିସୁଟୁ ଏ଼ କାଡା ହାଚେ। 12ଏ଼ ଦେ଼ସାତି ବାଂଗାରା ନେହାୟି, ଇଞ୍ଜାଁ, ଏମ୍ବାଆଁ ହା଼ନି ଅ଼ଡ଼େ ଦାରାଗାଟି ୱାଲ୍କା ମାନୁ। 13ରୀ ଲମ୍ବର କାଡା ଦ଼ରୁ ଗିହନ; ଈ କାଡା କୂସ ଦେ଼ସା ସା଼ରିସୁଟୁ ରୂପିତେ। 14ତୀନି ଲମ୍ବର କାଡାତି ଦ଼ରୁ ହିଦେକଲ, ଈଦି ୱେ଼ଡ଼ା ହ଼ପୁ ଅସୁରିୟ ଦେ଼ସା ନ଼କିଟି ହାଚେ। ସା଼ରି ଲମ୍ବର କାଡାତି ଦ଼ରୁ ପରାତ୍।
15ଇଞ୍ଜାଁ ପ୍ରବୁ ମାହାପୂରୁ ଏ଼ ମାଣ୍ସିଇଁ ଅ଼ହାଁ ଏଦନ ବା଼ଡ଼ାତି ନେହିକିଁ ଇଟାଲି ଅ଼ଡ଼େ ସେ଼ବା କିହାଲି ହେର୍ପିତେସି। 16ସାମା, ପ୍ରବୁ ମାହାପୂରୁ ଏ଼ ମାଣ୍ସିଇଁ ହୁକୁମି ହୀହାଁ ଏଲେଇଚେସି, “ନୀନୁ ବା଼ଡ଼ାତି ବାରେ ମା଼ର୍କାତି ପା଼ଡ଼େୟି ମ଼ନ କିତିଲେହେଁ ତିଞ୍ଜାଲି ଆ଼ଡିଦେରି। 17ସାମା, ନେହାଣି ଅ଼ଡ଼େ ଲାଗେଏତି ବୁଦି ପୁଣ୍ମ୍ବିକିନି ମା଼ର୍ନୁତି ପା଼ଡ଼େୟି ତିନଅତି, ଇଚିହିଁ ଏମିନି ଦିନା ଏ଼ଦାଆଁ ତିଞ୍ଜି, ଏ଼ ଦିନା ସାତେଏ ହା଼ଦି।”
18ଏଚେଟିଏ ପ୍ରବୁ ମାହାପୂରୁ ଏଲେଇଚେସି, “ମାଣ୍ସି ରଅସିଏ ଡ଼ୟିନାୟି ନେହେଁ ଆ଼ଏ, ନା଼ନୁ ଏ଼ୱାଣି ତାକି ତାନି ଲେହେଁତି ସା଼ୟେମି କିନାଣି ରାଚିକିଇଁ।” 19ଅ଼ଡ଼େ ପ୍ରବୁ ମାହାପୂରୁ ବୂମିଟି ଜା଼ଡ଼ା ଜ଼ନ୍ତୟାଁ ଅ଼ଡ଼େ ପଟା କା଼ଟି ଗା଼ଡ଼ିକିହାଁ ଆଦମ ଏ଼ୱାସିକାଣି ଏ଼ନି ଦ଼ରୁ ହୀନେସି, ଏ଼ଦାଆଁ ପୁଞ୍ଜାଲି ବାରେତି ତାନି ତା଼ଣା ତାତେସି। ଏଚେଟିଏ ଆଦମ ଏ଼ ଜ଼ନ୍ତ ଜୀୱେଡ଼ି ବିତ୍ରାଟି ଆମିନି ଗାଟାଣି ଏ଼ନି ଦ଼ରୁ ଇଟିତେସି, ଏ଼ଦାନି ଦ଼ରୁ ଏ଼ଦି ଆ଼ତେ। 20ଇଲେକିହିଁ ଆଦମ ଜ଼ନ୍ତ ଜୀୱେଡ଼ି, ପଟା କା଼ଟି ଅ଼ଡ଼େ ଜା଼ଡ଼ା ଜ଼ନ୍ତତି ଦ଼ର୍କା ଇଟିତେସି; ସାମା, ମାଣ୍ସି ତାକି ସା଼ୟେମି କିନି ଜୂଡ଼ି ତ଼ଞ୍ଜା ଆ଼ଆତେ।
21ଏଚେଟିଏ ପ୍ରବୁ ମାହାପୂରୁ ଆଦମଇଁ ବା଼ରୁ ଇଦା କିୱିକିହାଁ ଏ଼ ଇଦା ବେ଼ଲାତା ର଼ ପାନ୍ଦ୍ରା ପେ଼ଡ଼୍ନୁ ଅ଼ହାଁ ଊଙ୍ଗା ତଲେ ଏ଼ ଟା଼ୟୁତି ନେଞ୍ଜି କିତେସି। 22ଅ଼ଡ଼େ ପ୍ରବୁ ମାହାପୂରୁ ଆଦମ ତା଼ଣାଟି ଏମିନି ପାନ୍ଦ୍ରା ପେ଼ଡ଼୍ନୁ ଅ଼ହାମାଚେସି, ଏ଼ଦାଣି ତଲେ ର଼ ଆୟାଟି ଗା଼ଡ଼ିକିହାଁ ଆଦମ ତା଼ଣା ତାତେସି। 23ଏଚେଟିଏ ଆଦମ ଏଲେଇଚେସି,
“ନୀଏଁ ଆ଼ତେ! ଈଦି ନା଼ ପେ଼ଡ଼୍ନୁତି ପେ଼ଡ଼୍ନୁ
ଅ଼ଡ଼େ ଊୟୁତି ଊୟୁ; ଈଦାନି ଦ଼ରୁ ଆୟାଟି,
ଏ଼ନିଇଚିହିଁ ଈଦି ଆ଼ବା ତା଼ଣାଟି ୱା଼ହାମାନେ।”
24ଈଦାଆଁତାକି ମାଣ୍ସି ଜାହାରା ତାଲି ତାଞ୍ଜିଇଁ ପିସାହାଁ ଜାହାରା ଡକ୍ରି ତଲେ ଆଣ୍ତିନେସି, ଅ଼ଡ଼େ ଏ଼ୱି ରଣ୍ତିଏ ଆଙ୍ଗା ଆ଼ନୁ।
25ଆଦମ ଅ଼ଡ଼େ ତାନି ଡକ୍ରି ତଲେ, ଏ଼ୱାରି ନା଼ଗ୍ଡ଼ା ମାଚିହିଁ ଜିକେଏ ଲାଜା ଆ଼ନାୟି ହିଲାଆତେ।
Currently Selected:
ମୂଲୁ 2: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
