ମୂଲୁ 13
13
ଅବ୍ରାମ ତା଼ଣାଟି ଲ଼ତ ଏଟ୍କା ଆ଼ନାୟି
1ଏଚେଟିଏ ଅବ୍ରାମ ତାନି ଡକ୍ରି ଅ଼ଡ଼େ ବାରେ ଦ଼ନ ଆସାହାଁ ଲ଼ତ ତଲେ ମିସର ଦେ଼ସାତି ଟିଃନିୱାକି କିଣାନ ଦେ଼ସାତା ହାଚେରି। 2କ଼ଡି ଗରି ଅ଼ଡ଼େ ବାଂଗାରା ୱେଣ୍ତିତା ଅବ୍ରାମ ହା଼ରେକା ବାତ୍କା ମାଚେସି। 3ଇଞ୍ଜାଁ ଏ଼ୱାସି ତଲି ହାଜିମାଚି ଲେହେଁ ୱେ଼ଡ଼ା ହ଼ପୁ ଟିଃନି ୱାକିଟି ବେତେଲ୍ ୱାକି ହାଜି ହାଜିହିଁ ବେତେଲ୍ ଅ଼ଡ଼େ ଅୟ ମାଦି ଏମିନି ଟା଼ୟୁତା ତଲି ତାନି ତୂମୁ କିୱି ଆ଼ହାମାଚେ, 4ଏ଼ ଟା଼ୟୁତା ହାଜାହାଁ ତଲି ତା଼ନୁ କେ଼ପିତି ପୂଜା ପିଣ୍ତାତା ପ୍ରବୁ ତା଼ଣା ଅବ୍ରାମ ପ୍ରା଼ତାନା କିତେସି।
5ଇଞ୍ଜାଁ ଅବ୍ରାମ ତଲେତି ଲ଼ତକି ଜିକେଏ କ଼ଡିୟାଁ ଗରିୟାଁ ମେ଼ଣ୍ତାୟାଁ ଅ଼ଡ଼େ ତୂମୁ ମାଚୁ। 6ଏ଼ଦାଆଁତାକି ଏ଼ ଦେ଼ସା ଏ଼ୱାରାକି ରହେଁଏ ଡ଼ୟାଲି ନେହିଁ ଆ଼ଆତେ, ଇଚିହିଁ ଏ଼ୱାରାକି ହା଼ରେକା କ଼ଡିୟାଁ ଗରିୟାଁ ମାନାକି ଏ଼ୱାରି ରହେଁଏ ଡ଼ୟାଲି ଆ଼ଡାଆତେରି। 7ଅ଼ଡ଼େ ଅବ୍ରାମତି ଗ଼ଡ଼୍କା ଇଞ୍ଜାଁ ଲ଼ତତି ଗ଼ଡ଼୍କା ତାମି ବିତ୍ରା ବା଼ଦିବା଼ଦା ଆ଼ତେରି। ଏ଼ ବେ଼ଲାତା ଏ଼ ଦେ଼ସାତା କିଣାନିୟ ଅ଼ଡ଼େ ପରିସିୟ ଲ଼କୁ ବାସା କିହିମାଚେରି।
8ଏ଼ଦାଆଁତାକି ଅବ୍ରାମ ଲ଼ତଇଁ ଏଲେଇଚେସି, “ନୀ ବିତ୍ରା ଅ଼ଡ଼େ ନା଼ ବିତ୍ରା ନୀ ଗ଼ଡ଼୍କା ଅ଼ଡ଼େ ନା଼ ଗ଼ଡ଼୍କା ବିତ୍ରା ଲା଼ଗିୱି ଆ଼ଆପେରି, ଇଚିହିଁ ମା଼ର ରଣ୍ତିଏ କୁଟମିତି ଲ଼କୁ। 9ନୀ ନ଼କିତା କି ଈ ବାରେ ଦେ଼ସା ହିଲେଏ ? ଏ଼ଦାଆଁତାକି ବାତିମା଼ଲି ମାଞ୍ଜାଇଁ, ନୀନୁ ନା଼ ତା଼ଣାଟି ଏଟ୍କା ଆ଼ମୁ; ନୀନୁ ଟିଃନି ୱାକି ହାଚିସାରେ ନା଼ନୁ ଟେ଼ବ୍ରି ୱାକି ହାଇଁ, ନୀନୁ ଟେ଼ବ୍ରି ୱାକି ହାଚିସାରେ ନା଼ନୁ ଟିଃନି ୱାକି ହାଇଁ।”
10ଏଚିବେ଼ଲା ଲ଼ତ ସିନିକିତେସି, ସୟର ପାତେକା ଜର୍ଦନତି ବାରେ ବୂମି ପ୍ରବୁତି ବା଼ଡ଼ା ଲେହେଁ ବାରେୱାକି ଏ଼ୟୁ ଅ଼ଡ଼େ ମିସର ଦେ଼ସା ଲେହେଁତାୟି; ଇଚିହିଁ ଏ଼ ବେ଼ଲାତା ସଦମ ଅ଼ଡ଼େ ଗମରା ପ୍ରବୁ ତା଼ଣାଟି ନା଼ସାକିୱି ଆ଼ହାହିଲାଆତେ। 11ଏ଼ଦାଆଁତାକି ଲ଼ତ ତାଙ୍ଗେ ତାକି ଜର୍ଦନତି ବାରେ ବୂମି ଆ଼ଚାହାଁ ୱେ଼ଡ଼ାହ଼ପୁ ୱାକି ହାଚେସି; ଇଲେକିହିଁ ଏ଼ୱାରି ରଅସି ରଅଣି ତା଼ଣାଟି ଏଟ୍କା ଆ଼ତେରି। 12ଏଚେଟିଏ ଅବ୍ରାମ କିଣାନ ଦେ଼ସାତା ବାସା କିତେସି, ଅ଼ଡ଼େ ଲ଼ତ ଏ଼ ବାଟାତି ବାରେ ଗା଼ଡ଼ା ମାଦି ବାସାକିହାଁ ସଦମ ପାତେକା ତୂମୁ ଗ଼ଞ୍ଜା ଅ଼ତେସି। 13ଏ଼ ସଦମ ଗା଼ଡ଼ାତି ଲ଼କୁ ହା଼ରେକା ଲାଗେଏତାରି ଅ଼ଡ଼େ ପ୍ରବୁତି କ଼ପାତା ପା଼ପୁ ଗାଟାରି ମାଚେରି।
ଅବ୍ରାମ ହିବ୍ରଣତା ହାନାୟି
14ଏଚେଟିଏ ଅବ୍ରାମ ତା଼ଣାଟି ଲ଼ତ ଏଟ୍କା ଆ଼ତି ଡା଼ୟୁ ପ୍ରବୁ ଅବ୍ରାମଇଁ ଏଲେଇଚେସି, “ନୀଏଁ ନୀନୁ ଏମ୍ବିୟା ମାଞ୍ଜି, ଏମ୍ବାଟିଏ ଟିଃନି ଟେ଼ବ୍ରି, ୱେ଼ଡ଼ା ହ଼ପୁ ଅ଼ଡ଼େ ୱେ଼ଡ଼ା ହାଲ୍ୱୁ ୱାକି ସିନିକିମୁ। 15ଇଚିହିଁ ଆମିନି ଈ ବାରେ ଦେ଼ସା ନୀନୁ ମେସିମାଞ୍ଜି, ଏ଼ଦାଆଁ ନା଼ନୁ ନିଙ୍ଗେ ଅ଼ଡ଼େ କା଼ଲେଏ ତାକି ନୀ କୂଲୁ ତାକି ହୀଇଁ। 16ଦାର୍ତିତି ଦୂଡ଼ି ଲେହେଁ ନୀ କୂଲୁଇଁ ଏ଼ପାକିଇଁ; ଆମ୍ବାଆସି ଦାର୍ତିତି ଦୂଡ଼ି ଏଜି କିହାଲି ଆ଼ଡିନେସି, ଆତିହିଁ ନୀ କୂଲୁଇଁ ଏଜିକିୱି ଆ଼ନେ। 17ନିଙ୍ଗାମୁ ଈ ଦେ଼ସାତି ଲାମ୍ବା ଅ଼ସାରା ରେ଼ମୁ, ଇଚିହିଁ ନା଼ନୁ ନିଙ୍ଗେ ଏ଼ ବାରେ ବୂମି ହିୟାଇଁ।” 18ଏଚିବେ଼ଲା ଅବ୍ରାମ ହାଜାହାଁ ହିବ୍ରଣ ଟଟତା ମମ୍ରିତି ଅଲନ୍ ମା଼ର୍ନୁ ଡାକିତା ତୂମୁ ଗ଼ଞ୍ଜାହାଁ ବାସା କିତେସି, ଇଞ୍ଜାଁ ଏମ୍ବାଆଁ ପ୍ରବୁ ତାକି ର଼ ପୂଜାପିଣ୍ତା କେ଼ପିତେସି।
Currently Selected:
ମୂଲୁ 13: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
Videos for ମୂଲୁ 13
Ep 37. Genesis 13: How Do Famine and Wealth Both Test Faith?
The Bible Show
Ep 41. Genesis 17: What Does the Covenant of Circumcision Really Mean?
The Bible Show
Ep 42. Genesis 18 Part 1: Abraham Fails Again, and Sarah Laughs at God
The Bible Show
Ep. 45 Genesis 19 Part 2: Can God Redeem Even the Worst Family History?
The Bible Show