ହାନାୟି 27
27
ପିତାଡ଼ାତି ପିଣ୍ତା
(ହାନାୟି ୩୮:୧-୭)
1ଅ଼ଡ଼େ ନୀନୁ ସିଟିମ ମା଼ର୍କା ତଲେ ପା଼ସା ହା଼ତା ଲାମ୍ବା ଅ଼ଡ଼େ ପା଼ସା ହା଼ତା ଅ଼ସାରା ର଼ ପିଣ୍ତା ତିୟାରା କିଦି, ଏ଼ ପିଣ୍ତା ସା଼ରି କନ ଆ଼ନେ; ଏ଼ଦାଣି ପାଡ୍ଣି ତୀନି ହା଼ତା ଆ଼ନେ। 2ଇଞ୍ଜାଁ ଏ଼ଦାଣିତି ସା଼ରି କନ ଲାକ କମ୍କା କିଦି, ଅ଼ଡ଼େ ଏ଼ କମ୍କା ପିଣ୍ତାତି ର଼ ବା଼ଗା ଆ଼ନୁ, ଅ଼ଡ଼େ ଏ଼ଦାଣି ପିତାଡ଼ା ତଲେ ୱା଼ରି କିଦି। 3ଅ଼ଡ଼େ ଏମ୍ବାଟି ଦାର୍ମ୍ବୁ ଡ଼େୱାଅ଼ହାଲି ତାକି ଦାର୍ମ୍ବୁ ଗ଼ରା କିଦି, ଏମ୍ବାତି ହିଚୁ ଡ଼େୱିନି ହାଟ୍ୱା, କାଜା ସିପା, ତୀନି ଡେ଼ଡ଼ା ବା଼ଲା, ହିଚୁ ଗ଼ରା କିଦି; ଏମ୍ବାତି ବାରେ ଆ଼ସ୍ତି ପିତାଡ଼ା ତଲେ ତିୟାରା କିଦି। 4ଅ଼ଡ଼େ ପିତାଡ଼ା ତଲେ ର଼ ଜା଼ଲି କେ଼ପିଦି ଅ଼ଡ଼େ ଏ଼ଦାଣି ଲାକ ସା଼ରି କନତା ପିତାଡ଼ାତି ସା଼ରିଗଟା କାଡ୍ୱାୟାଁ ତିୟାରା କିଦି। 5ଏ଼ ଜା଼ଲି ପୂଜା ପିଣ୍ତାତି ଗୂର୍ଚାମାନି ଡ଼଼ଇ ଇଟିଦି ଅ଼ଡ଼େ ଏ଼ ଜା଼ଲି ପୂଜା ପିଣ୍ତାତି ମାଦି ପାତେକା ଡ଼ୟିନେ। 6ଅ଼ଡ଼େ ପୂଜା ପିଣ୍ତା ତାକି ସିଟିମ ମା଼ର୍କାତି କ଼ଣା ତିୟାରା କିଦି ଅ଼ଡ଼େ ଏ଼ଦାଣି ପିତାଡ଼ା ତଲେ ୱା଼ରି କିଦି। 7ଇଞ୍ଜାଁ ପୂଜା ପିଣ୍ତାତି ଡେ଼କିନି ବେ଼ଲା ଏ଼ଦାଣି ରିକୱାକିତି ଲାକନି କାଡ୍ୱାୟାଁ ବିତ୍ରା ଏ଼ ଟେଙ୍ଗାୟାଁ ପେନ୍ଦିଦି। 8ନୀନୁ ଏ଼ଦାଣି ପା଼ଗେଡ଼ି ପିସିହିଁ ଏ଼ ପା଼ଟା ତଲେ ଏ଼ଦାଆଁ ତିୟାରା କିଦି, ହ଼ରୁ ଲାକ ନିଙ୍ଗେ ଏ଼ନିକିଁ ତ଼ସ୍ପି ଆ଼ହାମାଞ୍ଜାତେ, ଏଲେକିହିଁଏ ଲ଼କୁ ବାରେ କିନେରି।
ଆଣ୍ତ୍ୱି ଆ଼ନି ତୂମୁତି ଆଂଗେଣି
(ହାନାୟି ୩୮:୯-୨୦)
9ଏଚେଟିଏ ନୀନୁ ବାସା ଟା଼ୟୁତି ଆଂଗେଣି କିଦି; ଏ଼ ଆଂଗେଣିତି ଟିଃନି ୱାକି ରୁତି ଦବ୍ଲା ପା଼ତାଡ଼ା ଲୂଲୁ ତଲେ ଟା଼ଟିନି ହିମ୍ବରି ଆଲିଦି, ଏ଼ଦାଣିତି ରକୱାକିତି ଲାମ୍ବା ପା଼ସା କ଼ଡ଼ି ହା଼ତା ଆ଼ନେ। 10ଏମ୍ବାତି କଡ଼େଗଟା ମୁଣ୍ତାୟାଁ ଅ଼ଡ଼େ କଡ଼େଗଟା ପତ୍ପିଆ଼ତି କଟ୍ଲାୟାଁ#27:10 ପତ୍ପିଆ଼ତି କଟ୍ଲା/ପା଼ଟା ଆ଼ଟ୍ୱା ତଲେ ନିପ୍ନାୟି । ପିତାଡ଼ା ତଲେ ଆ଼ନୁ, ଇଞ୍ଜାଁ ମୁଣ୍ତାୟାଁ ଡ:ମ୍ପାୟାଁ ଅ଼ଡ଼େ ୱେଣ୍ତିତି ଦହ୍ନି ତୀଗାୟାଁ ଆ଼ନୁ। 11ଏଲେକିହିଁଏ ଟେ଼ବ୍ରି ୱାକି ପା଼ସା କ଼ଡ଼ି ହା଼ତା ଲାମ୍ବା ଟା଼ଟିନି ହିମ୍ବରି ଆ଼ନେ, ଏମ୍ବାଆଁ କଡ଼େଗଟା ମୁଣ୍ତାୟାଁ ଅ଼ଡ଼େ କଡ଼େଗଟା ପତ୍ପିଆ଼ତି କଟ୍ଲାୟାଁ ପିତାଡ଼ା ତଲେ ଆ଼ନୁ; ଇଞ୍ଜାଁ, ଏ଼ ମୁଣ୍ତାତି ଡ:ମ୍ପାୟାଁ ଅ଼ଡ଼େ ୱେଣ୍ତିତି ଦହ୍ନି ତୀଗାୟାଁ ଆ଼ନୁ। 12ଇଞ୍ଜାଁ ୱେ଼ଡ଼ା କୂଡ଼୍ନି ୱାକିତି ଆଂଗେଣିତି ଅ଼ସାରା ତାକି ଦୁଇ କ଼ଡ଼ି ଦସ ହା଼ତା ଟା଼ଟିନି ହିମ୍ବରି, ଏମ୍ବାତି ଦସଗଟା ମୁଣ୍ତାୟାଁ ଅ଼ଡ଼େ ଦସଗଟା ପତ୍ପିଆ଼ତି କଟ୍ଲାୟାଁ ତିୟାରା କିଦି। 13ଇଞ୍ଜାଁ ୱେ଼ଡ଼ା ହ଼ପୁୱାକିତି ଆଂଗେଣିତି ଅ଼ସାରା ଦୁଇ କ଼ଡ଼ି ଦସ ହା଼ତା ଆ଼ନେ। 14ଦୁୱେରିତି ରକୱାକି ପନ୍ଦର ହା଼ତା ଟା଼ଟିନି ହିମ୍ବରି ଅ଼ଡ଼େ ତୀନିଗଟା ମୁଣ୍ତାୟାଁ ଅ଼ଡ଼େ ତୀନିଗଟା ପତ୍ପିଆ଼ତି କଟ୍ଲାୟାଁ ଆ଼ନୁ। 15ଅ଼ଡ଼େ ଅ଼ର ୱାକି ପନ୍ଦର ହା଼ତା ଟା଼ଟିନି ହିମ୍ବରି ଅ଼ଡ଼େ ତୀନିଗଟା ମୁଣ୍ତାୟାଁ ଅ଼ଡ଼େ ତୀନିଗଟା ପତ୍ପିଆ଼ତି କଟ୍ଲାୟାଁ ଆ଼ନୁ। 16ଇଞ୍ଜାଁ, ଆଂଗେଣିତି ଦୁୱେରି ତାକି ନୀଲି, ହେୟାଁ, ନେତେରି ୱା଼ଣା ଅ଼ଡ଼େ ରୁତି ଦବ୍ଲା ପା଼ତାଡ଼ା ଲୂଲୁ ତଲେ ଆଲିତି କଡ଼େ ହା଼ତା ର଼ ପ୍ଡିକ୍ନି ହିମ୍ବରି ଅ଼ଡ଼େ ଏମ୍ବାତି ସା଼ରିଗଟା ମୁଣ୍ତାୟାଁ ଅ଼ଡ଼େ ସା଼ରିଗଟା ପତ୍ପିଆ଼ତି କଟ୍ଲାୟାଁ ଆ଼ନୁ। 17ଅ଼ଡ଼େ ଆଂଗେଣି ସା଼ରି ୱାକିତି ବାରେ ମୁଣ୍ତାୟାଁ ୱେଣ୍ତି ତୀଗାୟାଁ ରୂପ୍ୱି ଆ଼ନୁ ଅ଼ଡ଼େ ଏମ୍ବାତି ଡ:ମ୍ପାୟାଁ ୱେଣ୍ଡି ତଲେ ଅ଼ଡ଼େ ପତ୍ପିଆ଼ତି କଟ୍ଲାୟାଁ ପିତାଡ଼ା ତଲେ ଆ଼ନୁ। 18ଆଂଗେଣିତି ପା଼ସା କ଼ଡ଼ି ହା଼ତା ଲାମ୍ବା ଅ଼ଡ଼େ ବାରେ ୱାକିତି ଅ଼ସାରା ଦୁଇ କ଼ଡ଼ି ଦସ ହା଼ତା ଅ଼ଡ଼େ ପା଼ସା ହା଼ତା ପାଡ୍ଣି, ଇଞ୍ଜାଁ, ବାରେ ରୁତି ଦବ୍ଲା ଆଲିତି ଲୂଲୁ ତଲେ ତିୟାରା ଆ଼ନେ ଅ଼ଡ଼େ ଏମ୍ବାତି ପତ୍ପିଆ଼ତି କଟ୍ଲାୟାଁ ପିତାଡ଼ା ତଲେ ଆ଼ନୁ। 19ଅ଼ଡ଼େ ଆଣ୍ତ୍ୱିଆ଼ନି ତୂମୁତି ବାରେ କାମାତା ଲେ଼ମ୍ବିନି ଗିନା ସିପା, କୁଟିୟାଁ ଅ଼ଡ଼େ ଆଂଗେଣିତି ବାରେ କୁଟିୟାଁ ପିତାଡ଼ା ତଲେ ଆ଼ନୁ।
ଦୀୱଁତି ଜାତ୍ନୁ
(ଲେବି ୨୪:୧-୪)
20ଅ଼ଡ଼େ କା଼ଲେଏ ଦୀୱଁ ଡ଼଼ସାହାଁ ଉଜେଡ଼ି କିୟାଲି ନେହିଁ ପୀଡ଼ିକିତି ଜୀତ ନିୟୁଁ ନୀ ତା଼ଣା ତାଚାଲି ଇସ୍ରାୟେଲ ଲ଼କୁଣି ହୁକୁମି ହୀମୁ। 21ଇଞ୍ଜାଁ, ଆଣ୍ତ୍ୱିଆ଼ନି ତୂମୁତା ରା଼ଜିମା଼ନା ପେ଼ଡ଼ା ନ଼କିତି ଏଟ୍କା କିନି ହିମ୍ବରି ପାଙ୍ଗାତା ହାରଣ ଅ଼ଡ଼େ ତାନି ମୀର୍କା ମିଡ଼୍ଅଲାଟିଏ ଲା଼ଇ ପାତେକା ପ୍ରବୁ ନ଼କିତା ଏ଼ ବାରେ ନେହିକିଁ ଇଟିନେରି; ଈଦି ଇସ୍ରାୟେଲ ଲ଼କୁତି ଆକୁ ଆ଼ବାୟାଁତି ଲେକା ତଲେ ଲେ଼ମ୍ବିନି କା଼ଲାକା଼ଲାତି ମେ଼ରା ଆ଼ନେ।
Currently Selected:
ହାନାୟି 27: Kii25
Highlight
Copy
Compare
Share
Want to have your highlights saved across all your devices? Sign up or sign in
The Kuvi Bible © The Word for the World International and Kuvi Translation Samithi, Semiliguda, Koraput, Odisha 2025
