ରୋମିୟ 13

ସାସନ୍‍କିନିୱାରି ଉଣ୍ତିଙ୍ଗ୍‌ ପାଣି

1ସାସନ୍‍କିନିୱାରିଙ୍ଗ୍‍ଁ ମାନାନିକା ୱିଜେରି ପାଣି, ଇରିଙ୍ଗ୍‍ଁ ମାପୁରୁଦି ସାରି ଡ଼ିସ୍‌ତିଙ୍ଗ୍‌ ଏନ୍‌ ସାସନ୍‍ ଅଦିକାର୍‍ ପୟ୍‍ଏନ୍‍ । ଅଦିକାର୍‍ତୁ ମାନି ସାସନ୍‍କିନିକାର୍‍ ମାପୁରୁଦି ମାଣାନ୍‌ ବାସେଆତାମାନାର୍‍ । 2ଆଦେଙ୍ଗ୍‍ଁ ଏନ୍‌ ଅଦିକାର୍‍ ପୟ୍‍ତି ସାସନ୍‍କିନିୱାରିଙ୍ଗ୍‍ଁ ବିରୁଦ୍‍ କିନାନ୍‍, ୱାନ୍‌ ମାପୁରୁଦି ମାଣାନ୍‌ ଆତିମାନି ନିୟମ୍‍ତି ବିରୁଦ୍‍କିନାନ୍‍ । ଏନ୍‌ ଇକା କିନାନ୍‍, ୱାନ୍‌ ବିଚାର୍‍ତି ଆଗ୍‍ଡ଼ି ନିନାନ୍‍ । 3ଏମେକାର୍‌ ନେଗିପାଣି କିନାର୍‌, ୱାରି ସାସନ୍‍କିନିୱାରିଙ୍ଗ୍‍ଁ ତିଲାନି ଉଣ୍ତିଙ୍ଗ୍‍ଁ ଇନି ମାଟା ସିଲେତ୍‍ ତିଲାନି ମାଟା ତାଗ୍‍ଇପାଣିକିନିୱାରିଙ୍ଗ୍‍ଁ । ସାସନ୍‍କିନିୱାନି ଉଣ୍ତିଙ୍ଗ୍‍ଁ ତିଲାଇକା ମି ବଦା ନୋ ? ଆତିଙ୍ଗ୍‍ଁ ସତ୍‍ପାଣି କିଦୁ, ୱାନ୍‌ ମି ପ୍ରସଂସା କିନାନ୍‍ । 4ମି ନେଗିକା କିନି ଉଣ୍ତିଙ୍ଗ୍‍ଁ ୱାନ୍‌ ମାପୁରୁଦି ମାଣାନ୍‍ ବାସେଆତାମାନାନ୍‍ । ମାତର୍‌ ମିର୍‌ ଜଦି ତାଗ୍‍ଇପାଣି କିଜିମାନିଦେର୍‍, ଆର୍‍ତିଙ୍ଗ୍‍ଁ ସାସନ୍‍କିନିୱାନିଙ୍ଗ୍‍ଁ ତିଲାଦୁ, ଇରିଙ୍ଗ୍‍ଁ ମି ଦଣ୍ତ୍‌ ସିନି ଉଣ୍ତିଙ୍ଗ୍‍ଁ ସତ୍‌ତାନ୍‌ ୱାନି ଅଦିକାର୍‌ ମାନାତ୍‌ । ୱାନ୍‌ ମାପୁରୁଦି ମାଣାନ୍‌ ବାସେଆତି ସେବାକିନିକାନ୍‍ । ତାଗ୍‍ଇପାଣିକିନିୱାରିଙ୍ଗ୍‍ଁ ସାସ୍ତି ସିନି ଉଣ୍ତିଙ୍ଗ୍‍ଁ ୱାନ୍‌ ମାପୁରୁଦି ଆଦେସ୍‌ ମାନାନାନ୍‍ । 5ଆଦେଙ୍ଗ୍‍ଁ ମିର୍‌ ସାସନ୍‍କିନିୱାରିଙ୍ଗ୍‍ଁ ମାନାନିକା ମାନାତ୍‌ କେବଲ ମାପୁରୁଦି ଦଣ୍ତ୍‌ ତିଲେଇତାନ୍‍ ସିଲେ, ମାତର୍‌ ନିଜେଦି ବୁଦିଦି ନାସ୍ଟୁଦାନ୍‍ ରକିୟା ପୟ୍‍ଦେଙ୍ଗ୍‍ଁ ଇଜି ।

6 # ମାତିଉ ୨୨:୨୧; ମାର୍କ ୧୨:୧୭; ଲୁକ ୨୦:୨୫. ଇୟାଉଣ୍ତିଙ୍ଗ୍‌ ମିର୍‌ ସିସୁଟୁ ବା ସିଜିମାନ୍‍ଡ୍ରୁ, ଇରିଙ୍ଗ୍‍ଁ ସାସନ୍‍କିନିକାର୍‍ ଆଦେସ୍‌ ମାନାନିୱାଲେ ମାପୁରୁଦି ସେବା କିନାର୍‌ । 7ଆଦେଙ୍ଗ୍‌ ୱାର୍‌ ଆମାକା ପୟ୍‍ନିକା ମାନାତ୍‌, ୱାନିଙ୍ଗ୍‌ ଆକା ସିଦୁ । ନିଜେଦିକା ମାରି ସିସୁଟୁ ମିଦି ଆମାକା ସିନିକା ମାନାତ୍‍, ଆକା ସିଦୁ ମାରି ୱାରିଙ୍ଗ୍ ୱେଡ଼ିକା ନି ସନ୍‌ମାନ୍‍ତାନ୍ ମାନାଦୁ ।

ନିଜେ ନିଜେଙ୍ଗ୍‌ ଜିବନ୍‍ନୋଦୁ

8ନିଜେଦିଙ୍ଗ୍‍ଁ ନି ଆଇୱାରିଙ୍ଗ୍‌ ଜିବନ୍‍ନୋନିକା ଡ଼ିସ୍‍ସି ମାରି ଇନି ବିସୟ୍‍ତୁ ଆମାୱାନି ରୁଣୁ ଆଜି ତେବାମାଟ୍‍ । ଏନ୍‌ ଆଇୱାନିଙ୍ଗ୍‍ ଜିବନ୍‍ନୋନାନ୍‍, ୱାନ୍‌ ନିୟମ୍‌ ମାନାନାନ୍‍ । 9“ଦାରିପାଣି କିମାଟ୍‌, ଲୋକାଙ୍ଗ୍‌ ସାୟାମାର୍‌ଗା ଡାକ୍‌ମାଟ୍‌, ଡଙ୍ଗାଁ କିମାଟ୍‌, ଆଇୱାରି ଜିନସ୍‍ତିଙ୍ଗ୍‍ଁ ଲବ୍ରାମାଟ୍‍,” ୱିଜୁ ମାଟା ଉନ୍‌ଡ୍ରି ମାଟାଦୁ ତେବାଜିନାତ୍‍, “ମି ଲାକ୍‌ତୁରି ଲୋକାଙ୍ଗ୍‌ ନିଜେଦିଙ୍ଗ୍‍ ଜିବନ୍‌ନୋତିୱାଜା ଜିବନ୍‍ନୋଦୁ ।” 10ମିର୍‍ ଅରେନ୍ ୱାନିଙ୍ଗ୍‌ ଜିବନ୍‌ନୋଜି ମାରିଙ୍ଗ୍‍ଁ, ୱାନି ଉଣ୍ତିଙ୍ଗ୍‌ ଏସାଙ୍ଗ୍‍ ଅନ୍ୟାୟ୍‍ କିମାଟ୍‌ । ଆଦେଙ୍ଗ୍‌ ଜିବନ୍‍ନନି ମାଣାନ୍‌ ନେ ୱିଜୁ ନିୟମ୍‍ ମାନାନିକା ଆନାତ୍‌ ।

11ଇଲେଇ ଇୟାୱିଜୁ ମିଙ୍ଗିଁ ଏଣ୍ତେସ୍‍ବା କିଦେଙ୍ଗ୍‍ଁ ଆନାତ୍‌, ଇରିଙ୍ଗ୍‍ଁ ସୁଜିନି ମାଣାନ୍‌ ନିଙ୍ଗିଁନି ସମୟ ଇଗା ୱାତାତ୍‍ । ରକିୟା ପୟନି ସମୟ୍‍ ଆଗ୍‍ଡ଼ିରି ବାଦ୍‍ଲୁ ଇଲେଇ ନାଣ୍ତ ଲାକ୍‍ତୁ । 12ନାଡ଼ା ୱିଜିତାତ୍‌ନି, ୱେଡ଼େ ୱାତାତ୍‌ନି । ରାଦୁ, ସିକାଟିଦି ୱିଜୁପାଣି ଡ଼ିସ୍‍ନାଟ୍‍ ମାରି ଜାୟ୍‍ତୁ ଜୁଦ୍‍ କିଦେଙ୍ଗ୍‍ଁ ନେଗି ସାଜୁ ଆରାନାଟ୍‍ । 13ରଙ୍ଗ୍‍ରସ୍‍ ନି ସସ୍‍ନିମାନୁ, ଡଙ୍ଗାଁ ନି ଲାଲାୟ୍‍ଆନିକା, ରିସା ମାରି ଜାଟି ୱିଜୁଦୁ ତେବାଏଜି, ରାଦୁ ମାଡ୍‌ ଜାୟ୍‍ତୁ ପାଣିକିନି ଲୋକା ୱାଜା ନେଗେନ୍‌ତାନ୍‌ ବ୍ୟବ୍‌ହାର୍‌ କିନାଟ୍‌ । 14ପ୍ରବୁ ଜିସୁ କ୍ରିସ୍ତଦି ଅସ୍ତ୍ରଶସ୍ତ୍ରଦାନ୍‌ ତିଆର୍‌ ଆଦୁ ପାପ୍‌ତି ଉଣ୍ତିଙ୍ଗ୍‌ ୱେର୍‌ଏ ଆଦୁ ମାରି ନିଜେଦି ଲାଲାୟ୍‍ତୁ ବ୍ୟବହାର୍ କିମାଟ୍‌ ।

Currently Selected:

ରୋମିୟ 13: Koo25

Highlight

Copy

Compare