ପର୍ତମ୍ମୁ 10
10
ନୋଅନ୍ ଆଡାଙ୍ଗାଡ଼ାଅଞ୍ଜି ଆ କେଜ୍ଜା
(୧ କେଜ୍ଜାଞ୍ଜି ୧:୫-୨୩)
1ନୋଅନ୍ ଆ ଡାଙ୍ଗାଡ଼ାଅଞ୍ଜି ୟାଗି ସେମ, ଆମ, ଡ ଜେପତ । ବୁବ୍ଡାନ୍ ଡେଏନ୍ କି କେନ୍ ଆନିଞ୍ଜି କେନ୍ ଅଡ଼୍କୋନ୍ ଆପସିଜଞ୍ଜି କୋଡେଞ୍ଜି ।
2ଗୋମର୍, ମାଗୋଗ୍, ମାଦୟ, ଜବନ, ତୁବଲ୍, ମେସକ୍, ଡ ତିରସନ୍, କେନ୍ ଆନିଞ୍ଜି ଜେପତନ୍ ଆଡାଙ୍ଗାଡ଼ାଅଞ୍ଜି । 3ଅସ୍କିନସ୍, ରିପତ୍ ଡ ତୋଗର୍ମ କେନ୍ ଆନିଞ୍ଜି ଗୋମରନ୍ ଆଡାଙ୍ଗାଡ଼ାଅଞ୍ଜି । 4ଇଲିସା, ତର୍ସିସ, କିତିମ୍, ଡ ଦୋଦାନିମନ୍, କେନ୍ ଆନିଞ୍ଜି ଜବନନ୍ ଆ ଡାଙ୍ଗାଡ଼ାଅଞ୍ଜି; 5କେନ୍ ଆନିଞ୍ଜି ସମେଁୟ୍ଣ୍ଡ୍ରାନ୍ ଆତୁୟାୟ୍ ଆରି ମଡ୍ଡି ସମେଁୟ୍ଣ୍ଡ୍ରାନ୍ ଡକୋନ୍ ଆ ଡେସାବାଜି ଡକୋଏଞ୍ଜି । କେନ୍ଆନିଞ୍ଜି ତର୍ଡମ୍ ଆକେଜ୍ଜାଞ୍ଜି ଆନ୍ନା ଆନ୍ନା ଡେସାନ୍ ଜିର୍ରେ ଇୟ୍ଲେ ଡକୋନେଜି, ତିଆସନ୍ ଅଡ଼୍କୋ ମନ୍ରାନ୍ ଆଲଙ୍ଲଙ୍ ତରଙାନ୍ନା ଡକୋଏନ୍ ।
6କୁସନ୍, ମିସରନ୍, ପୁଟନ୍ ଡ କିଣାନନ୍ କେନ୍ ଆନିଞ୍ଜି ଆମରନ୍ ଆଡାଙ୍ଗାଡ଼ାଅଞ୍ଜି । 7ସିବାନ୍, ଅବିଲାନ୍, ସପ୍ତାନନ୍, ରୟମାନନ୍, ଡ ସପ୍ତକାନ୍ କେନ୍ ଆନିଞ୍ଜି କୁସନ୍ ଆଡାଙ୍ଗାଡ଼ାଅଞ୍ଜି । ଆରି ସିବାନ୍, ଡ ଦଦାନନ୍, ରୟମାନନ୍ ଆଡାଙ୍ଗାଡ଼ାଅଞ୍ଜି । 8କୁସନ୍ ଆଡାଙ୍ଗାଡ଼ାଅନ୍ ନିମ୍ରୋଦ, ଆନିନ୍ ପୁର୍ତିଲୋଙନ୍ ଆପର୍ତମ୍ମୁ ଆ ଅଲ୍ଜୁଜ୍ଜେମର୍#10:8 ବୋର୍ସାମର୍ ଡକୋଏନ୍ ଡେଏନ୍ । 9ଇସ୍ୱରନ୍ ଆନିନ୍ ସରିନ୍ ଆଡ୍ରକୋଏନ୍ ଆସନ୍ ଆନିନ୍ ଅବୟ୍ ମନଙ୍ ବେନ୍ତାମର୍ ଡେଏନ୍, ତିଆସନ୍ ନମିଆନ୍ତାନ୍ ମନ୍ରାଞ୍ଜି ବର୍ତଞ୍ଜି, “ଇସ୍ୱରନ୍ ଆମ୍ବେନ୍ଆଡଙ୍ ନିମ୍ରୋଦନ୍ ଅନ୍ତମ୍ ସୋଡ଼ା ବେନ୍ତାମର୍ ଏମ୍ମେବେନ୍ତୋ !” 10ଆ ରାଜ୍ୟଲୋଙନ୍ ଆପର୍ତମ୍ମୁ ବାବିଲୋନନ୍ ଡ ଏରକନ୍, ଅକ୍କଦନ୍ ଡ କଲନିନ୍ ଆମାୟ୍ନେ ଡକୋଏନ୍, କେନ୍ ଅଡ଼୍କୋନ୍ ୟାଗିନ୍ ଆଗଡ଼ା ଆନିନ୍ଆତେ ଡକୋଏନ୍ । 11ତି ଆଡେସା ସିଲଡ୍ ନିମ୍ରୋଦନ୍ ଜିର୍ରେ ନିନିବିନ୍, ରଓବୋତ୍ ପୁରି ଡ କେଲନ୍, 12ଆରି ନିନିବିନ୍ ଡ କେଲଅନ୍ ଆମଡ୍ଡିଲୋଙ୍ ରେସନ୍ ଡେସାନ୍ ଗବ୍ଡେଲେନ୍ କେନ୍ ଆ ରେସନ୍ ଅବୟ୍ ସୋଡ଼ାଡେସାନ୍ ।
13ଆରି ଲିଦିଅନ୍, ଅନାମିଅନ୍, ଲେଆବିଅନ୍, ନପ୍ତୁଇଅନ୍, 14ପତ୍ରୋସିଅନ୍, କସ୍ଲୁଅନ୍ ଡ କପ୍ତୋରିଅନ୍, କେନ୍ ଆନିଞ୍ଜି ଅଡ଼୍କୋନ୍ ପଲେସ୍ଟିଅନ୍ ଆକେଜ୍ଜା ମର୍ଜି ।
15କିଣାନନ୍ ଆସୋଡ଼ା ଡାଙ୍ଗାଡ଼ାଅନ୍ ସିଦୋନନ୍ ଆ ସନଣ୍ଡୋଙନ୍ ଏତ୍ । 16ଜିବୁସିଅନ୍, ଇମୋରିଅନ୍ ଡ ଗିର୍ଗାସିଅନ୍, 17ଇତିଅନ୍, ଅର୍କିଅନ୍ ଡ ସନିଅନ୍, 18ଅର୍ବଦିଅନ୍, ସମାରିଅନ୍, ଅମାତିଅନ୍ । କେନ୍ ଆନିଞ୍ଜି କିଣାନିଅଞ୍ଜି ଆ କେଜ୍ଜା ଗୋଗୋୟ୍ଲେ ପାଙେନ୍, 19ସିଦୋନ୍ ଆର୍ଜଡ଼ୋମ୍ଗଡ୍ ସିଲଡ୍ ଗରାର୍ ଆତୁୟାୟ୍ ଗସାନ୍, ଡ ଡରୁଙ୍ୟୋଙ୍ଗଡ୍ ସଦୋମନ୍, ଗମୋରାନ୍, ଆଦ୍ମାନ୍, ଡ ସବୋୟିମନ୍ ଆତୁୟାୟ୍ ଲେସାନ୍ ଜାୟ୍ କିଣାନଞ୍ଜି ଆ ଡରକୋନେନ୍ ଆ ସଣ୍ଡି ଡକୋଏନ୍ । 20କେନ୍ ଆନିଞ୍ଜି ଆମନନ୍ ଆ କେଜ୍ଜାଜି ଡକୋଏନ୍ ବନ୍ଡ ଆନିଞ୍ଜି ରମ୍ମଙ୍ ରମ୍ମଙ୍ ଆକେଜ୍ଜା ଡ ଲଙ୍ଲଙନ୍ ଗିୟ୍ଲେ ରମ୍ମଙ୍ ରମ୍ମଙ୍ ଆଡ୍ରକୋନେଲୋଙ୍ ଡ ଡେସାରେଙନ୍ ଡକୋଲଞ୍ଜି ।
21ଜେପତନ୍, ଆସୋଡ଼ା ବୋଞାଙ୍ ସେମନ୍, ଆଅଞ୍ଜି ନିୟ୍ ଡକୋଏନ୍, ଆନିନ୍ ଏବରନ୍ ଆଅଞ୍ଜି ଆଜୋଜୋ ଡେଏନ୍ । 22ଏଲମନ୍, ଅସୁରନ୍, ଅର୍ପକସଦନ୍, ଲୁଦନ୍, ଆରି ଅରାମନ୍ କେନ୍ ଅଡ଼୍କୋନ୍ ସେମନ୍ ଆ ଡାଙ୍ଗାଡ଼ାଅଞ୍ଜି । 23ଉସନ୍, ଉଲାନ୍, ଗେତରନ୍ ଡ ମସ୍ ଅରାମନ୍ ଆ ଅନ୍ଜି । 24ଆରି ଅର୍ପକସଦନ୍ ଆ ଡାଙ୍ଗାଡ଼ାଅନ୍ ସେଲଅନ୍ ଆରି ସେଲଅନ୍ ଆ ଡାଙ୍ଗାଡ଼ାଅନ୍ ଏବରନ୍ । 25ଏବରନ୍ ଆ ଡାଙ୍ଗାଡ଼ାଅଞ୍ଜି ବାଗୁ, ଅବୟ୍ନେ ଆଞୁମ୍ ପେଲଗ୍ ଆନ୍ନାନେନ୍#10:25 ପାଲ୍ଲାଙ୍ନେନ୍, ଇନିଆସନ୍ଗାମେଣ୍ଡେନ୍ ତି ଆବନେଡ଼ା ପୁର୍ତିନ୍ ଆନ୍ନାଲନ୍; ଆରି ଆବୋଞାଙନ୍ ଆଞୁମ୍ ଜକ୍ତନ୍ । 26ଆରି ଜକ୍ତନ୍ ଆ ଡାଙ୍ଗାଡ଼ାଅନ୍ ଆଲ୍ମୋଦଦ୍, ସେପଲନ୍, ଅତ୍ସର୍ମାବତନ୍ ଡ ଜେରଅନ୍, 27ଅଦୋରାମ୍, ଉସଲ୍, ଦିକ୍ଲାନ୍, 28ଓବଲନ୍, ଅବିମାୟେଲ୍, ସିବାନ୍, 29ଓପିରନ୍, ଅବିଲାନ୍, ଡ ଜୋବବ୍, କେନ୍ ଅଡ଼୍କୋନ୍ ଜକ୍ତନନ୍ ଆ ଡାଙ୍ଗାଡ଼ାଅଞ୍ଜି । 30କେନ୍ ଆଡ୍ରକୋନେଞ୍ଜି ଅଡ଼୍କୋନ୍ ଡରୁଙ୍ୟୋଙ୍ଗଡ୍ ମେସାନ୍ ଆବରୁ ସିଲଡ୍ ସପାର ଡେସାନ୍ ଜାୟ୍ ଆସଣ୍ଡିଞ୍ଜି ଡକୋଏନ୍ । 31କେନ୍ ଆନିଞ୍ଜି ଅଡ଼୍କୋନ୍ ସେମନ୍ ଆଅଞ୍ଜି କେନ୍ ଆନିଞ୍ଜି ରମ୍ମଙ୍ ରମ୍ମଙ୍ ଆ ଡେସା ଆ ଲଙ୍ଲଙ୍, ଆ କେଜ୍ଜାଞ୍ଜି ଗିୟ୍ଲେ ଡକୋଲଞ୍ଜି । 32କେନ୍ ଆ ମନ୍ରାଜି ଅଡ଼୍କୋନ୍ ନୋଅନ୍ ଆକେଜ୍ଜାଜି, ରମ୍ମଙ୍ ରମ୍ମଙ୍ ଆ ଆକେଜ୍ଜାଞ୍ଜି ଅନ୍ତମ୍ ଆନ୍ନାଲଞ୍ଜି । ଆରି ବୁବ୍ଡାନ୍ ଆଡ୍ରେନ୍ ଆତିକି ନୋଅନ୍ ଆଅଞ୍ଜି ସିଲଡ୍ ପୁର୍ତିଲୋଙନ୍ ଅଡ଼୍କୋ ଜାତିନ୍ ଡୁଙ୍ଲନାଜି ।
Currently Selected:
ପର୍ତମ୍ମୁ 10: NTJaa20
Highlight
Copy
Compare
Share
Want to have your highlights saved across all your devices? Sign up or sign in
The Juray Soura Bible © The Word for the World International and Juray Soura Translation Samithi, Gajapati, Odisha. 2025
