ରମିୟ ରୋମୀୟ ବଇ ଉଲିଆଃ ବିସୟ୍ରେ ଉଡ଼ିକ୍ଲିଗ୍ ସାମୁଆଁ
ରୋମୀୟ ବଇ ଉଲିଆଃ ବିସୟ୍ରେ ଉଡ଼ିକ୍ଲିଗ୍ ସାମୁଆଁ
ରମିୟ ବଇ ପ୍ରେରିତ୍ ପାଉଲ୍ ବାନ୍ ଡିଙ୍ଗ୍ଲେଃଏ ୫୪ ବାନ୍ ୫୮ କିଷ୍ଟାଦ୍ଦ ବିତ୍ରେ ଜିସୁ କିସ୍ଟ ଜନମ୍ ଡିଙ୍ଗ୍କ୍ନେ ଇଡ଼ିଙ୍ଗ୍ ଗୁଆର୍ବଗେ । ପାଉଲ୍ ରମ୍ନ୍ନିଆ ୱେନେ ସେନୁଗ୍ ମ୍ୱାୟା ଦଲ୍ ଜିଉଦି ବାରି ଅଣଜିଉଦି କିସ୍ଟାନ୍ ରେମୁଆଁଇଂକେ ଆଦେସ୍ ବିନ୍ସା ଆକେନ୍ ଉଲିଆ ଗୁଆର୍ ବଗେ । ଗୁଲେ ଜାତି ଡିଡିରକମ୍ ଜିସୁ କିସ୍ଟକେ ବିସ୍ବାସ୍ ଡିଙ୍ଗ୍ମ୍ୟାଆର୍କେ ୧୬:୨୬ ଆତେନ୍ସା ମେଁ କରିନ୍ଥି ସହର୍ନ୍ନିଆ ଲେଃକ୍ନେବେଲା ରମିୟ କ୍ରିସ୍ଟାନ୍ଇଂନେ ଆଦେସ୍ ବିନ୍ସା ଆକେନ୍ ଉଲିଆ ଗ୍ନୁଆର୍ବଗେ ।
ସାପା ଜାଗାନ୍ନିଆ କାଲାଆଃ କିସ୍ଟାନ୍ ରେମୁଆଁଇଂ ଆତ୍ଲା ରମିୟ ବଇ ମୁଇଂ ମୁଲ୍ ବଇ । ମେଁ ଡାଗ୍ଲା ନେ ଡିଡିରକମ୍ ଜିସୁ କିସ୍ଟନେ ବାନ୍ ମୁକ୍ତି ନେବାଏ ପାଉଲ୍ ପୁରାପୁରି ନିମାଣ୍ଡା ବାବ୍ରେ ଆବୁଜେଡିଙ୍ଗ୍କେ । ପାଉଲ୍ ବାୱିର୍ନେ ନିୟମ୍କେ ଡିଗ୍ ଜିସୁ କିସ୍ଟନେ ବ୍ନାଇର୍ ଏତେ ଆମିସୁଡିଙ୍ଗ୍କେ । ୧:୧୬ ବ୍ନାଲିର୍କେ ଡୁଙ୍ଗ୍ୱେଚେ ଗୁଲେ ପଣ୍ଡିତ୍ଇଂ ମେଇଂମେଇଂ ବାଲିର୍ବାତାଚେ ବାସଙ୍ଗ୍ ମ୍ୟାଃଆର୍କେ ଜେ ଆକେନ୍ ମ୍ନାଃ ମଜେନେ ଟିକା ରକମ୍ । ଜା ସାପା ଆକ୍ଅରିଆ ବାସଙ୍ଗ୍ଡିଙ୍ଗ୍କେ “ନେଙ୍ଗ୍ ମାପ୍ରୁ ବ୍ନାଇର୍ ସା ଗିଆସ ଡିଙ୍ଗ୍ନାଡିଙ୍ଗ୍କେ ମେଃଡାଗ୍ଲା ଜାଣ୍ଡେଇଂ ବିସ୍ବାସ୍ ଡିଙ୍ଗ୍ଆର୍ଡିଙ୍ଗ୍କେ ସାପାରେ ଆତ୍ଲା ଆକେନ୍ ଇସ୍ପର୍ନେ ବପୁ । ପର୍ତୁମ୍ ଜିଉଦି ଇଡ଼ିଙ୍ଗ୍ ଅଣଜିଉଦି ରେମୁଆଁଇଂ ନ୍ସା ଡିଗ୍ ।”
ପର୍ତୁମ୍ ବଇ ୧:୧୨ ବାର୍ମୁଇଂ ବାଗ୍ ୧୩; ୧୫ କିସ୍ଟାନ୍ ରେମୁଆଁଇଂନେ ଜିବନ୍ ଗୁଲେ ବେବଆର୍ ଡିଙ୍ଗ୍ବକ୍ନେ ଆଦେସ୍ ଲେଃକେ ।
ସାସ୍ତର୍ ବିତ୍ରେ ଲେଃକ୍ନେ ସାମୁଆଁଇଂ
୧. ପାଉଲ୍ ସାଦାସିଦା ବାବ୍ରେ ନିଜ୍କେ ଆଃସ୍ନାମୁଆଁଚେ ଆଜାକେ ଉଲିଆ ଗ୍ନୁଆର୍ ଡିଙ୍ଗ୍କେ ଆତେନ୍ ମେଁ ବାଲିର୍ଚେ ଉଲିଆ ଆରାମ୍ ଡିଙ୍ଗ୍ମ୍ୟାକେ । ୧:୧-୧୫
୨. ରେମୁଆଁ ଜାତିନେ ରାଇଜ୍ ବାରି ଜିସୁ କିସ୍ଟ ବାନ୍ ମୁକ୍ତି ବାନେ । ୧:୧୬; ୧୧:୩୬
୩. କିସ୍ଟାନ୍ ରେମୁଆଁ ସୁଗୁଆ ବ୍ରୁଆ ଡିକେଃନ୍ସା ପାଉଲ୍ନେ ଗୁଲେ ବେବଆର୍ ଡିଙ୍ଗ୍ବକ୍ନେ ଆଦେସ୍ । ୧୨:୧; ୧୫:୧୩
୪. ମେଁ ରମିୟ ମଣ୍ଡଲିନେ ରେମୁଆଁଇଂକେ ସାର୍ଲ ଆଃମ୍ୟାଚେ ଗ୍ନୁଆର୍ ଆଃଡାବକେ । ୧୬:୧-୨୭
Currently Selected:
ରମିୟ ରୋମୀୟ ବଇ ଉଲିଆଃ ବିସୟ୍ରେ ଉଡ଼ିକ୍ଲିଗ୍ ସାମୁଆଁ: NTDaa20
Highlight
Copy
Compare
Share
Want to have your highlights saved across all your devices? Sign up or sign in
The Old Testament Portion in Gata Didai Language © The Word for the World International and Didai Believers Assembly, Kudumulugumma, Malkangiri, Odisha. 2020