DIPALO 1
1
Go balwa ga ntlha ga Baiseraele
1 Jehofa a bua le Moše kwa nageng ya Sinai, mo mogopeng wa bophuthegelo, ka letsatsi la ntlha la kgwedi ya bobedi, ka ngwaga wa bobedi ba sena go tswa mo lefatsheng la Egepeto, a re: 2“Dirang palo ya phuthego yotlhe ya bana ba Iseraele, ka ditshika tsa bone, ka dikgotla tsa borra ba bone, ka fa palong ya maina, lonna lotlhe, mongwe le mongwe wa bone, ka ditlhogo, 3go simolola ka ba ba dinyaga di 20 ga ya kwa go bomogoloa bone, botlhe ba ba nonofileng go bolola ntwa mo Iseraele, wena le Arone lo ba bale ka fa masomosomong a bone. 4A go dire le lona monna wa lotso longwe le longwe; mongwe le mongwe e le tlhogo ya kgotla ya borraagwe. 5Mme a, ke one maina a banna ba ba tlaa emang le lona: Wa Rubene, Elisure morwa Shedure; 6wa Simeone, Shelumiele morwa Surišatai; 7wa Juta, Našone morwa Aminatabe; 8wa Isakare, Nethanele morwa Suare; 9wa Sebulone, Eliabe morwa Helone; 10wa bana ba ga Josefe: wa Eferaime, Elišama morwa Amihute; wa Manase, Gamaliele morwa Petasure; 11wa Benjamine, Abitane morwa Giteoni; 12wa Dane, Ahiesere morwa Amišatai; 13wa Ašere, Pagiele morwa Okerane; 14wa Gate, Eliasafe morwa Duele; 15wa Nafetali, Ahira morwa Enane.”
16Ba ke bone ba phuthego, ba ba biditsweng, e le dikgosana tsa ditso tsa borraabo; e ne e le bone ditlhogo tsa masomosomo a Iseraele.
17Moše le Arone ba tsaya banna bao ba ba boletsweng ka maina, 18ba phutha phuthego yotlhe ka letsatsi la ntlha la kgwedi ya bobedi, mme ba bolela matso a bone, ka fa ditshikeng tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, mongwe le mongwe wa bone, ka ditlhogo. 19Jaaka Jehofa a laotse Moše, a ba bala jalo mo nageng ya Sinai.
20Bana ba ga Rubene motsalwapele wa ga Iseraele, dikokomana tsa bone ka ditshika tsa bone, ka dikgotla tsa borra ba bone, ka fa palong ya maina, mongwe le mongwe wa bone, lonna lotlhe, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 21ba ba badilweng mo go bone ba lotso lwa ga Rubene, e ne e le 46 500.
22Ba bana ba ga Simeone, dikokomana tsa bone, ka ditshika tsa bone, ka dikgotla tsa borra ba bone, ba ba badilweng mo go bone ka fa palong ya maina, mongwe le mongwe wa bone, monna mongwe le mongwe yo o dinyaga di 20 go ya kwa go bomogoloa bone, botlhe ba ba nonofileng go bolola ntwa, 23ba ba badilweng mo go bone ba lotso lwa ga Simeone, e ne e le 59 300.
24Ba bana ba ga Gate, dikokomana tsa bone ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 25ba ba badilweng mo go bone, ba lotso lwa ga Gate, e ne e le 45 650.
26Ba bana ba ga Juta, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 27ba ba badilweng mo go bone, ba lotso lwa ga Juta, e ne e le 74 600.
28Ba bana ba ga Isakare, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 29ba ba badilweng mo go bone, ba lotso lwa ga Isakare, e ne e le 54 400.
30Ba bana ba ga Sebulone, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 31ba ba badilweng mo go bone, ba lotso lwa ga Sebulone, e ne e le 57 400.
32Ba bana ba ga Josefe, e bong ba bana ba ga Eferaime, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 33ba ba badilweng mo go bone, ba lotso lwa ga Eferaime, e ne e le 40 500.
34Ba bana ba ga Manase, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 35ba ba badilweng mo go bone, ba lotso lwa ga Manase, e ne e le 32 200.
36Ba bana ba ga Benjamine, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 37ba ba badilweng mo go bone, ba lotso lwa ga Benjamine, e ne e le 35 400.
38Ba bana ba ga Dane, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 39ba ba badilweng mo go bone, ba lotso lwa ga Dane, e ne e le 62 700.
40Ba bana ba ga Ašere, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 41ba ba badilweng mo go bone ba lotso lwa ga Ašere, e ne e le 41 500.
42Ba bana ba ga Nafetali, dikokomana tsa bone, ka ditshika tsa bone, ka dikgotla tsa borra ba bone, ka fa palong ya maina, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa, 43ba ba badilweng mo go bone ba lotso lwa ga Nafetali, e ne e le 53 400.
44Ba ke bone ba ba badilweng, ba Moše le Arone ba ne ba ba bala ba na le dikgosana tsa Iseraele, e le banna ba le 12; mongwe le mongwe a emetse kgotla ya borraagwe. 45Botlhe ba ba badilweng ba bana ba Iseraele ka dikgotla tsa borra ba bone, go simolola ka ba ba dinyaga di 20 go ya kwa go bomogoloa bone, botlhe ba ba nonofileng go bolola ntwa mo Iseraele, 46e bong bone botlhe ba ba badilweng e ne e le 603 550.
47Mme Balefi ka fa lotsong lwa borra ba bone ga ba a ka ba balelwa mo go bone. 48Gonne Jehofa o ne a buile le Moše a re: 49“Lotso lwa ga Lefi ke lone losi lo o se ketlang o lo bala, le gone o se ka wa tsaya palo ya bone mo baneng ba Iseraele. 50Mme o tlhome Balefi mo tebelong ya motlaagana wa tshupo, le mo tebelong ya dilo tsotlhe tse di nnang mo go one, le mo tebelong ya dilo tsotlhe fela tse e leng tsa one; ba rwale motlaagana le dilo tsotlhe tse di nnang mo go one; ba o direle; ba thibelele mo tikologong ya motlaagana. 51Fa motlaagana o na le go tswelela kwa pele, a Balefi ba o tlhomolole, mme fa motlaagana o na le go tlhongwa, a Balefi ba o tlhome; mme moeng yo o o atamelang a a bolawe. 52A bana ba Iseraele ba tlhome megope ya bone, mongwe le mongwe fa bothibelelong jwa gagwe, le mongwe le mongwe fa mokgeleng wa gagwe, ka fa masomosomong a bone. 53Mme a Balefi ba tlhome mo tikologong ya motlaagana wa tshupo, gore go se wele bogale mo phuthegong ya bana ba Iseraele; a Balefi ba lebele motlaagana wa tshupo.” 54Bana ba Iseraele ba ne ba dira jalo; jaaka tsotlhe tse Jehofa o di laoletseng Moše, ba dira fela jalo.
Currently Selected:
DIPALO 1: TSW08NO
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.