PESALEMA 82
82
Modimo ke mmusi le moatlhodi yo mogolo
Pesalema ya ga Asafe.
1Modimo o eme mo phuthegong
ya ona Modimo;
o atlhola fa gare ga medimo.
2“Lo tlaa atlhola ka go sa siamang
ka lobaka lo lo kaye,
lo tlotla sebele sa baikepi? Sela.
3Atlholelang bahumanegi le masiela;
direlang ba ba patikwang le batlhoki
tshiamo.
4Falodisang bahumanegi le batlhoki;
ba gololeng mo seatleng sa baikepi.
5Ga ba itse,
le gone ga ba tlhaloganye;
ba kgarakgatshega mo lefifing;
metheo yotlhe ya lefatshe
e a tshikinyega.
6 Ke rile: ‘Lo medimo,
lotlhe lo bomorwa Mogodimodimo.’
7Le fa go ntse jalo
lo tlaa swa jaaka batho fela,
lo tlaa wa jaaka nngwe
ya dikgosana.”
8Tloga o eme Modimo,
o atlhole lefatshe;
gonne o tlaa rua merafe yotlhe fela.
Currently Selected:
PESALEMA 82: TSW08NO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.
