PESALEMA 130
130
Tsholofelo mo thekolong ya Morena
Sefela sa Ditlhatlogo.
1Ke rile ke le mo matennyeng
ka goela koo go wena Jehofa.
2Morena, utlwa lentswe la me;
a ditsebe tsa gago di akele
lentswe la mekokotlelo ya me.
3Jehofa, fa o ka bo o ne wa lotolotsa
maikepo,
go ka bo go ema mang, Morena?
4Go na le boitshwarelo mo go wena,
gore o tle o boifiwe.
5Ke lebeletse Jehofa,
mowa wa me o lebeletse fela,
mme ke solofetse mo lefokong
la gagwe.
6Mowa wa me o lebeletse Morena
bogolo go fa balebedi ba lebelela
mahube a moso; ee, bogolo
go balebedi ba mahube a moso.
7Iseraele, solofela mo go Jehofa;
gonne mo go Jehofa
go na le boutlwelobotlhoko;
e bile mo go ene
go na le thekololo e e letlotlo fela.
8 O tlaa rekolola Iseraele
mo maikepong otlhe a gagwe.
Currently Selected:
PESALEMA 130: TSW08NO
Highlight
Copy
Compare
Share
Want to have your highlights saved across all your devices? Sign up or sign in
© Bible Society of South Africa 1992. Used with permission. All rights reserved.
