उबजणाय कीताप 21
21
ईसाक नी पयदावारी
1यहोवा सारा ने संयबरकत आप्यो, जीसम के तीहयो वायदो करलो हतो। 2सारा अब्राहम सी भारेपोगे हय्न तीना डायावारा मे तीहयी टेम पोर जे भगवान ठेरावलो हतो, एक सोरो पयदा हयो।#ईब्रानीयो 11:11 3अब्राहम आह़फा ना सोरा नु नाम जे सारा सी पयदा हयलो हतो ईसाक पाड़्यो। 4अने जत्यार तीनो सोरु ईसाक आंठ दाड़ा नो हयो, ता तीहयो भगवान ना हुकम ना अनसारे तीनु खतनु कर्यो।#उबजणाय कीताप 1:12; नेवताळा ना काम 7:8 5जत्यार अब्राहम नो सोरो ईसाक पयदा हयो ता तीहयो एक ह़ोव साल नो हतो। 6अने सारा केदी, “भगवान मने खुसी अने हाही आपलो से। जे बी आना बारा मे ह़मळहे तीहयो मार ह़ाते हाह्हे।” 7अळतेण तीहयो आहयु बी केदो, “ह़ु कोय कदी अब्राहम सी की सकतु हतु, के सारा सोराम ने दुद पीवाड़हे? पण देखो, मारी सी तीना डायावारा मे एक सोरु पयदा हयु।”
8अने तीहयु सोरु मोटु हयु अने तीनु दुद सोड़ाया; अने ईसाक ने दुद सोड़ाव्वा ना दाड़े अब्राहम माणहु ने वारु खाणु खवाड़्यो।
हाजीरा अने ईस्माएल ने नीकाळणु
9तत्यार सारा ने मीस्र नी हाजीरा नो सोरो, जे अब्राहम सी पयदा हयलो हतो, ईसाक ह़ाते रमत्लो देखाव पड़्यो। 10आहया कारण सी सारा अब्राहम ने केदी, “आहयी पावर्याण अने हीना सोरा भेळ नीकाळ दे: काहाके आहयी बयर ना सोरा ने तारा धन मे गेथो कंय बी वाटो नी जड़वा जोवे, मारा सोरा ईसाक ने जे तारो वारीसदार से जड़वा जोवे।”#गलातीयो 4:29-30 11आहयी वात अब्राहम ने आह़फा ना सोरा ना कारण वारु नी लागी। 12तत्यार भगवान अब्राहम ने केदो, “हीय्या सोरो अने तारी पावर्याण ना कारण तने बुरु नी लागे; जे वात सारा तने केय, तीने मान, काहाके जे तारी अवल्यात केवायहे तीहयी ईसाक सीत चालहे। #रोमीयो 9:7 13पावर्याण ना सोरा नी लारे बी मे एक राज्य पयदा करही काहाके तीहयो बी तारी अवल्यात से।” 14एतरे अब्राहम ह़वारे वेगोत उठीन रोट्ला अने पाणी सी भरली चामड़ा नी ठेली हाजीरा ने आप्यो, अने तीना खांदा पोर मेक्यो, अने तीना सोरा ने बी खांदे बहाड़्यो अने मोकल्यो। तीहया जत र्या अने बेर्सेबा ना जंगल मे फीरता र्या। 15जत्यार ठेली मे नु पाणी खुट ज्यु, ता तीहयी सोरा ने एक झाड़ नी तळे सोड़ देदी। 16अने आह़फीत तीनी सी एक ह़ोव मीटर#21:16 बीलखी देय अने पड़े एतराक नाम्बे सेटी जाय्न तीनी अगळ आहयु सोचीन बह जी, “मने सोरा नी मोत देखवा नी पड़े।” ता तीहयी तीनी भणी मोडु फीरवीन बहीन आड़ी-आड़ीन रड़वा बाज जी।
17भगवान तीहयु सोरु नी रड़वा नी अवाज ह़मळ्यो; अने तीनो दुत ह़रग मे गेथो हाजीरा ने आड़ीन केदो, “ए हाजीरा तने ह़ु हयु? ना बीहे; काहाके जां तारो सोरो से तां गेथी तीनी अवाज भगवान ह़मळी लेदलो से। 18उठ तारु सोरु ने उठाड़ अने तीने भाळ; काहाके मे तीनी लारे एक मोट्लु राज्य बणावही।” 19तत्यार भगवान तीना डोळा उगाड़ देदो, अने तीने एक कुवो देखाव पड़्यो; ता तीहयी जाय्न ठेली पाणी भरीन सोरु ने पीयाड़ी। 20अने भगवान तीहयु सोरु ह़ाते र्यो; अने जत्यार तीहयु मोटु हयु, ता तीहयु परान नाम ना उजाड़ी बड़ा मे रेतु हतु अने एक वारु सीकारी बण ज्यु। 21तीहयो पारान नाम ना जंगल मे रेतो हतो। अने तीनी आह्य तीनी जुगु मीस्र देस गेथी एक बयर मंगाड़ी।
अब्राहम अने अबीमेलक नी वच मे वायदो
22तीहया दाड़ा मे ईसम हयु के अबीमेलेक आह़फा नी सेना ना मुख्या पीकोल ने ह़ाते लीन अब्राहम ने केवा बाज ज्यो, “जे कंय तु करे तीनी मे भगवान तारा ह़ाते रेय;#उबजणाय कीताप 26:26 23एतरे हाव मारी ह़ाते आञे आहया बारा मे भगवान नी ह़ाम खा के तु नी ते मार ह़ाते धोको करे, अने नी कदी मारी अवल्यात ह़ाते करे, पण जीसम दया मे तार पोर करलो से, तेमेत तु मार पोर अने आहया देस पोर बी, जीनी मे तु रेय, करही।”
24अब्राहम केदो “मे ह़ाम खाम।”
25अने अब्राहम अबीमेलेक ने एक कुवा ना बारा मे जे तीना पावर्या कब्जो कर लेदला हता, तीना बारा मे केदो। 26तत्यार अबीमेलेक केदो, “मे नी जाणतो के कोय आहयु काम कर्यु; अने तु बी मने नी देखाड़्यो, अने नी ते मे बी आज सी पेले आना बारा मे कंय ह़मळ्यो।” 27तत्यार अब्राहम गाडरा अने बोकड़ा, अने गाय अने बोळद्या अबीमेलेक ने आप्यो; अने तीहया बेम जणा एक-बीजा ह़ाते वायदो कर्या। 28अब्राहम गाडरा ना ह़ात गाडरी बच्चा ने टोळा मे गेथो अलग करीन राख्यो। 29तत्यार अबीमेलेक अब्राहम ने पुछ्यो, “आहया ह़ात बच्चा ने, जे तु अलग करीन मेकलो से, ह़ु मतलब से?”
30तीहयो केदो, “तु आहया ह़ात बच्चा ने आहयी वात नो गवा जाणीन मारा हात सी ली ले के मे आहयो कुवो खोदलो से।” 31तीहया बेम जणा तीहया जागा मे एक बीजा ह़ाते ह़ाम खादा, आहया कारण सी तीनु नाम बेर्सेबा#21:31 बेर्सेबा गाडरा नो कुवो मतलब ह़ाम नो कुवो पड़्यु।
32जत्यार तीहया बेर्सेबा मे आहयो वायदो कर्या, तत्यार अबीमेलेक अने तीनी सेना नो मुख्यो पीकोल, तां गेथा उठीन पलीस्तीयो ना देस पासा जत र्या। 33तत्यार अब्राहम बेर्सेबा मे एक झाव नु झाड़#21:33 झाव नु झाड़ एसेल, आमली नु झाड़ ने तेवु देखायण्यु चोप्यो, अने तां यहोवा पांह जे जलमको भगवान से नी भक्ती कर्यो।#यसाया 40:28; 1 तीमुथीयुस 1:17 34अब्राहम पलीस्तीयो ना देस मे ढेरेत दाड़ा तक परदेसी बणीन र्यो।
Currently Selected:
उबजणाय कीताप 21: PPt2025
Highlight
Copy
Compare
Share
Want to have your highlights saved across all your devices? Sign up or sign in
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
