नेवताळा ना काम जानकारी
जानकारी
नेवताळा नी कीताप मंडळी नी सुरुवात नी काहणी से, अने यरुसलेम सी युहद्या, सामर्या, अने तीनी सी अगी लग खोळवायली से, जीसम ईसु आह़फा ना चेला ने ह़रग मे जवा सी पेले देखाड़लो हतो। 1:8 आहयी कीताप लुको काना हात सी पुगली से, जे लुको खुस-खबर नी कीताप लीखलो हतो। तीहयो दाक्तर हतो, अने एक वारु कीताप बणाव्वा नी लेदे घणो चेतीन रेतो जतो। तीहयो आह़फा नी खुस-खबर अने कायदा नी कीताप थीयुफीलुस ने लीखलो हतो, जे एक आड़जात्यो हतो, बाखीन आहयी कीताप आखा भरहो करन्या नी लेदे बी हती, जीनी मे आड़जात्या अने युहदी बेम भेसकायला हता 1:1 ।
आहयी कीताप ईसु मसी ना पयदा हयवान 60-64 साल नी वच मे लीखायली हती काहाके आहयी कीताप पोलुस ना जेल मे गेथो छुटवा सी पेले लीखाय जेली हती। नेवताळा नी कीताप लुका नी खुस-खबर नी कीताप ह़रकी से अने ईसु ना ह़रग मे जवान अळतेण सुरु हये। लीखवा मे लुका नो वीच्यार आह़फा नी खुस-खबर नी कीताप ह़रको से। तीहयो थीयुफीलुस हेर करतो हतो, अने ह़ाते-ह़ाते भरहो करन्या ना कारण सी वीच्यार करतो हतो के तीमने ह़ु ह़ीकाड़्यु हहे एतरे तीहयो ईसु नी जीवाय अने भरहो करन्या नी खराय ना बारा मे कीताप लीख्यो।
नेवताळा नी कीताप आपणी लेदे सुरुवात नी मंडळी ना दाखला देखाड़े अने ईसु मे भरहो करीन कीसम जीव्वा तीहयु देखाड़े। नेवताळा ना आहया दाखला आमने आहयु देखाड़े के बीजा ने खुस-खबर नी खबर ह़मळाव्वा ना लेदे चोखली आत्मा पोर भरहो केम करवा जोवे।
रुपरेख
1. पेले चोखली आत्मा चेला पोर आवे अने मंडळी फेलवा लागे। 1:1–8:1
2. अळतेण मंडळी ने वेला पाड़े अने खबर यरुसलेम नी बाहर फेलवा लागे। 8:2–12:23
3. अळतेण पोलुस आह़फा नी पेली परच्यार यात्रा पोर जाय। 12:24–14:28
4. यरुसलेम मे बठक पक्की करे के नवला भरहो करन्या ने ह़ु जोवे। 15:1-35
5. पोलुस आह़फा नी बीजी परच्यार यात्रा पोर जाय। 15:36–18:22
6. पोलुस आह़फा नी तीसरी परच्यार यात्रा पोर जाय। 18:23–20:38
7. पोलुस यरुसलेम मे धराय ज्यो। 21:1–26:32
8. आखरी मे पोलुस ने रोम ह़ेर मे ली जाय। 27:1–28:31
Currently Selected:
नेवताळा ना काम जानकारी: PPt2025
Highlight
Share
Copy
Want to have your highlights saved across all your devices? Sign up or sign in
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025