नेवताळा ना काम 1
1
कीताप ना बारा मे
1 #
लुका 1:1-4
ए थीयुफीलुस! मे मारी पेल्नी कीताप तीहया आखा काम ना बारा मे लीखलो से, जे काम ईसु सुरु कर्यो अने ह़ीकाड़तो र्यो। 2अने जत्यार लग तीहयो चोखली आत्मा ना लारे आह़फा ना टाळला नेवताळा ने हुकम आप्यो अने ह़रगे नी उचलायो, तां लग तीहयो तीमने ह़ीकाड़तो र्यो। 3अने ईसु खुद मरवा नी अळतेण नेवताळा ने घणा पाका पुरावा भेळ देखाव पड़्यो, के तीहयो जीवत्लो से, अने तीहयो चाळीह दाड़ा लग तीमने देखावा पड़तो र्यो, अने तीमनी ह़ाते भगवान ना राज ना बारा मे वात करतो र्यो। 4#लुका 24:49अने चेला ह़ाते आय्न तीमने हुकम आप्यो के “बाह जे वायदो करलो से तीहयो वायदो पुरो हयता लग तमु यरुसलेम ह़ेर मे गेथा नी जजो, अने तमु तीहयो वायदो पुरो हयवा नी वाट जोवता रेजो। मे तमने तीहया वायदा ना बारा मे देखाड़ देदलो से। 5#मत्ती 3:11; मरकुस 1:8; लुका 3:16; युहन्ना 1:33युहन्नो ते पाणी सी बपतीस्मा आपलो से, पण थोड़ाक दाड़ान अळतेण तमु चोखली आत्मा सी बपतीस्मा लेहु।”
ईसु नु ह़रगे उचलायणु
6एतरे तीहया ईसुन्तां भेळा हय्न आहयी वात पुछ्या, “ए मालीक! तु आहयी टेमे ईस्रायल राज्य ने पासु बणावही ह़ु?”
7ईसु जपाप आप्यो, “तीहयी टेम अने सीजन ने जाणवा नो हक बाह ना हात मे से, तमारु काम नी हय। 8#मत्ती 28:19; मरकुस 16:15; लुका 24:47,48बाखीन चोखली आत्मा तमारी पोर उतरहे, ता तमु सक्ती हात करहु; अने यरुसलेम ह़ेर मे आखा युहद्या मे, अने सामर्या ह़ेर मे अने धरती नी सेल्ली काकड़ लग मारा गवा बणहु।” 9#मरकुस 16:19; लुका 24:50,51आहयी वात की देदो अने अळतेण ईसु तीमनी देखणते उपर ह़रग मे उचलाय ज्यो, अने वादळु तीने ढाक लेदु।
10तीनी जती वखत चेला ह़रग भणी एकडीट्या भाळ रेला हता, तत्यार धोळासप लुगड़ा पेर रेला बे अदमड़ा तीनीन्तां आवीन उबा हय ज्या। 11अने केदा, “ए गलील मे रेण्या माणहु! तमु ह़रग भणी काहा भाळ र्या? आहयोत ईसु, तमारी वच मे गेथो ह़रग मे उचलाय जेलो से, आहयीत रीते पासो आवहे, जीसम तमु हीने जत्लो देखला से।”
यहुदा ना जागे मत्ती ने टाळणु
12ता चेला जेतुन नाम ना बड़ा मे गेथा पासा यरुसलेम आया, आहयो बड़ो यरुसलेम ह़ेर गेथो एक कीलोमीटरेक नाम्बे हतो। 13#मत्ती 10:2-4; मरकुस 3:16-19; लुका 6:14-16तां पुगीन तीहया घोर नी बीजी मंजली पोर चड़्या, जां तीहया रेता हता। पतरस, युहन्नो, याकुब, अंदर्यास, फीलीपुस, थोमस, बरतुलमय, मत्ती हलफाय नो सोरो याकुब, सीमोन जलोतेस अने याकुब नो सोरो यहुदा। 14तीमनी ह़ाते ढेरेत बयरा अने ईसु नी आय्ह मरीयम अने भाय बी हता। आहया आखा एक्ठा हय्न वीन्ती करवा बाज र्या हता।
15तां आखा मेळीन एक ह़ोन वीह जणा हता तीहया दाड़े पतरस भाय-बेन्या ना वच मे उबो हय्न केवा बाज ज्यो। 16“ए भाय-बेन्या, सास्तर मे चोखली आत्मा दावुद ना मोडा सी यहुदा ना बारा मे जे पेले गेथी हती केदली तीहयी वात पुरी हयवा जरुड़ी हती। के यहुदा ईसु ने धरवा वाळा नो अगवो बणहे। 17अने तीहयो आपणी मे गणायतो हतो अने ईनी सेवा-चाकरी मे तीनो बी हीस्सो हतो।”
18 #
मत्ती 27:3-8
पण तीहयो पाप-धंदा ना कमायला पय्हा सी एक खेतर वेचातु लेदो; अने तीहयो ते खेतर ना झाड़े जाय्न टंगाय ज्यो, अने मोडान भरहे पड़्यो, तीनु पेट फाट ज्यु, अने तीना आखा आतड़ा बारा नीकळी आया। 19आहयी वात यरुसलेम ह़ेर मे आखा रेवा वाळा ने पतो हय जी, अने तीहया खेतर नु नाम हकळदमा मतलब लोय नु खेतर पड़ ज्यु।
20भजन नी कीताप मे बी आहयु लीखलु से,
“तीनी जागा उजड़ी जवा जोवे,
अने तीनी मे रेण्या एक बी नी बचवा जोवे।”
अने “तीहया माणेह नी आवजी पोर कोय बीजो रेवा जोवे।”
21 #
मत्ती 3:16; मरकुस 1:9; लुका 3:21;
मरकुस 16:19; लुका 24:51 एतरे तालेत से के जेतरी टेमे लग मालीक ईसु अमारीन्तां आवतो-जतो र्यो मतलब तीहयो ईसु, युहन्नो बपतीस्मा आपलो तीहयी टेमे गेथो मरीन जीवतो हय्न ह़रगे जता लग अमारी ह़ाते र्यो, तीहयी टेमे जे माणहु आपणी ह़ाते र्या। 22मतलब युहन्ना ना बपतीस्मा सी लीन मालीक ना ह़रगे जवा ना दाड़े लग जे माणहु बराबर अमारी ह़ाते हता, तीमनी माय्न एक अमारी ह़ाते मालीक नो मर्या-ह़र्या मे गेथो जीव उठवा नो गवा बणे।
23एतरे तीहया बे अदमी ने ह़ाम्बा लाया युसुफ ने, जे बरसबा केवायतो हतो, अने जीनु नामह़ाद्यु नाम युसतुस हतु, अने मतीयाह ने। 24ता तीहया भगवान सी आसम वीन्ती कर्या, “ए मालीक! तु आखा ना मन ने जाणे। आमने आहयु देखाड़, के तु आहया बे जणा मे गेथो कोयने टाळलो से, 25अने तीहयो एक ईसुन नेवताळान रुप मे यहुदा नी आवजी पोर आहयी सेवा-चाकरी नो जागो लेय। जे जागा ने सोड़ीन यहुदो आह़फा ना जागे जत र्यो।” 26अने तीहया ते बे जणा ना नाम सी चीट्ठी नाख्या ता तीहयी चीट्ठी मतीयाह ना नाम पोर नीकळी। आसम करीन तीहयो मतीयाह ईसु ना ग्यारे नेवताळा मे भेसकाय ज्यो।
Currently Selected:
नेवताळा ना काम 1: PPt2025
Highlight
Share
Copy
Want to have your highlights saved across all your devices? Sign up or sign in
The Paliya Bible © The Word for the World International and Yisu Por Bherho Karanya Paliya Mandli, Rajpur, Barwani, MP, 2025
