୨ କରନ୍ତି ୨ କରନ୍ତି ଚିଟି ବିସୟେ ହଃଦେକ୍
୨ କରନ୍ତି ଚିଟି ବିସୟେ ହଃଦେକ୍
ପାଉଲ କରନ୍ତି ମଣ୍ଡ୍ଳିକେ ଆରେକ୍ ଗଟେକ୍ ହଃଚେ ଲେକ୍ଲା ଚିଟି ସେରି ଜିସୁକ୍ରିସ୍ଟର୍ ଜଃଲମାର୍ ହାକାହାକି ୫୫-୫୬ ବଃର୍ସ୍ ହଃଚେ ଲେକା ଜାୟ୍ ରିଲି ୧:୧ । ଅଃମାର୍ ତଃୟ୍ ରିଲାର୍ ଜଳେକ୍ ଚିଟି ବିତ୍ରେ ଜୁୟ୍ରି ପାଉଲ୍ କରନ୍ତି ମଣ୍ଡ୍ଳିକେ ଲେକିଆଚେ ଇରି ହଃଚାର୍ ଚିଟି । ୨:୩-୪ ହଦେ ଜୁୟ୍ରି ଲେକିଆଚେ ସେତାର୍ ଲେକା ଅଃମାର୍ ଲଃଗେ ସେରି ନାୟ୍, ପାଉଲ ନିଜ୍କଃରି ମାକିଦନିଆ ତଃୟ୍ ରିଲା ବଃଳ୍ ସେ ଇ ଚିଟି ଲେକିଆଚେ ୨:୧୩ ।
ପାଉଲାର୍ ଇ ହଃଚାର୍ ଗଟେକ୍ ମଃତର୍ ଚିଟି ଜୁୟ୍ତି କି ନିଜାର୍ ମଃନାର୍ ବାବ୍ନା ବିତ୍ରାର୍ କଃତା ଲେକା ଆଚେ । ପାଉଲ କରନ୍ତି ମଣ୍ଡ୍ଳି ବିସୟେ ହଃଚାର୍ ଚିଟି ତଃୟ୍ ନିକ କବୁର୍ ତିତସାର୍ ମୁଏଁ ହୁଣି ସୁଣି ସଃର୍ଦା ଅୟି ଲେକୁଲା । ଇ ଚିଟି ବିତ୍ରେ ହୁରାହୁରି ନଃଉଆଁ ନିୟମାର୍ ଇସାବେ ସିକ୍ୟା ଦିଲାର୍ ଦଃକୁଲୁ, ଇ ଲେକାୟ୍ ଜୁୟି ବାଗେ କି ପାଉଲ ଲେକୁଲା ଦାନ୍ ଦିଲା ଟଃକା ଜିରୁ ସାଲମାର୍ ବିସ୍ୱାସି ମଃନ୍କାର୍ ଉହ୍କାର୍ କଃରୁକେ ନଃୟ୍ ଦେଉଁକେ କଃଉଁଲା ୮–୯ । ଇରି ଜାଣାହଃଳୁଲି ଜେ କଃତେକ୍ ମିଚ୍ ପେରିତ୍ମଃନ୍ ନିଜେ ନାଉ ହୁଟା ଅଃଉଁକେ ଆର୍ ପାଉଲକେ ତଃଳେ ହଃକାଉଁକେ ମଣ୍ଡ୍ଳିର୍ କଃତିଲକେ ବିରୁଦେ କଃଉତି ରିଲାୟ୍ । ସେମଃନ୍ ପାଉଲାର୍ ଉହ୍ରେ ଜାଣିଜାଣି ତାର୍ ଅଃଦିକାର୍ ବିସୟେ ହଃଚାର୍ତି ରିଲାୟ୍ ଅଃଉଁ ହାରେ ୨ କରନ୍ତିର୍ ସେସ୍ ବାଗେ ତାକେ ଜିସୁର୍ ପେରିତ୍ ବାବେ ଅଃଟୁଆ ବାବେ ସଃର୍ଦା କଃରାଉଁଲି ।
ଇ ଚିଟି ବିତ୍ରେ ରିଲା ମୁଳ୍ ବିସୟ୍ମଃନ୍
୧. ପାଉଲ ମଣ୍ଡ୍ଳିକେ ଜୁଆର୍ ଜାଣାଉଁଲା । ୧:୧-୭
୨. ପାଉଲ୍ ତାର୍ ଜାତାର୍ ଜଜ୍ନା ବାଦ୍ଲାୟଲା, ହଃର୍ତୁ ଚିଟିର୍ କଃତା ବିସୟେ । ୧:୮–୭:୧୬
୩. ପାଉଲ ଦାନ୍ ଦିଲା ଡାବୁ ଜିରୁସାଲମାର୍ ବିସ୍ୱାସି ମଃନ୍କେ ଦେଉଁକେ କଃଉତାର୍ । ୮:୧–୯:୧୫
୪. ପାଉଲ ତାର୍ ପେରିତ୍ ହଃଦ୍ ବଚାଉତାର୍ ଆର୍ ତାର୍ ଆରେକ୍ ଗଟ୍ତର୍ ଜାତାର୍ । ୧୦:୧–୧୩:୧୦
Currently Selected:
୨ କରନ୍ତି ୨ କରନ୍ତି ଚିଟି ବିସୟେ ହଃଦେକ୍: BPL25
Highlight
Share
Copy
Want to have your highlights saved across all your devices? Sign up or sign in
The Bodo Parja Bible © The Word for the World International and Bodo Parja Translation Samithi, Dasamanthpur, Odisha, 2025.