Isa 62
62
1Nîûndû wa Zayuni ndigaakira,
na nîûndû wa Jerusalemu ndikaanogoka,
nginya rîrîa ûthingu ûkaara kuo ta ûtheri,
na ûvonokanio wakanîte kuo ta kîmûrî.
2Ndûrîrî nîikoona ûthingu waku,
nao athamaki onthe moone riiri waku.
Nawe nîûgetwa rîîtwa rîngî rîcerû,
rîîtwa rîrîa Ngai-Mûnene ke mwene agaakûva.
3Nîûgaatuîka nthûmbî nthaka ya Ngai-Mûnene,
na kîraûni Kîam ûthamaki Kîam Ngai waku.
4We ndûgaacoka gwîtwa rîngî, “Mûtiganîrie,”
na vûrûri waku ndûgaacoka gwîtwa rîngî, “Mûndûmûka mûtiganîrie.”
Nwatî ûgeetagwa, “Nîngenagua nîke,”
naguo vûrûri waku ûgeetagwa, “Mûndû mûvikie.”
Nîûndû Ngai-Mûnene nîakenetue nîwe,
nake agaatuîka ta mûndûmûrûme avikîtie vûrûri waku.
5Nîûndû wata ûrîa mwanake avikagia mwîrîtu nthingi,
nwaguo ûrîa wakûmbire agaakûvikia.
Na wata ûrîa mûvikania akenagîra mûviki wake,
nwaguo Ngai waku agaakena nîwe.
6We Jerusalemu, nîmbigîte arangîri nthingorî ciaku,
gûtirî vîndî magaakira mûthenya kana ûtukû.
Mue namue mûririkanagia Ngai-Mûnene ciîranîro ciake, mûtigakire.
7Mûtikamûve kanya ga kûnogoka nginya acokanîrîrie îtûûra rîa Jerusalemu,
na arîtue îtûûra rîa gûkumagua nî nthî ng'ima.
8Ngai-Mûnene nîevîtîte na njara yake ya ûrîo,
nîakaavingia mwîvîtwa ûcio na vinya wake akiugaga atî:
“Ndikaava nthû cienyu irio cienyu rîngî,
na ageni matikaanyua rîngî ndivei îrîa mûnogerete.
9Nwatî mue mwaikethire nîmue mûkaairîcaga,
na mûngumagie, nie Ngai-Mûnene.
Namue arîa mûvivaga ndivei îo,
nîmue mûkaamînyunyaga mûrî ivaarorî cia hekarû yakwa.”
10Andû a Jerusalemu umagarani mûthiî na kûu nja ya îtûûra,
thondekerani andû enyu njîra arîa macokete!
Thondekani varavara na mûthengutie mathiga monthe kuo,
vandani ivaû nîguo andû a ndûrîrî mone.
11 #
Isa 40.10; Kûguû 22.12 Taroriani Ngai-Mûnene nîanîrîrîte nthî yonthe.
Îrani andû a Zayuni atîrî,
“Ngai-Mûnene nîaûkîte kûmûvonokia,
aûkîte arî na iveo ciake,
aûkîte na andû arîa aavonokirie.”
12Andû acio nîo mageetagwa, “Andû arîa atheru,
arîa mavonoketue nî Ngai-Mûnene.”
Nawe Jerusalemu ûgeetagwa, “Îtûûra rîrîa Ngai endete,”
nwatî tî “Îtûûra rîrîa rîtiganîrie.”
Currently Selected:
Isa 62: KKB
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
