Sil 2
2
Ũĩkĩĩku kwa Ngai
1Mwana wakwa, ethĩwa wĩenda kũmũthũkũma Mwĩai,
ĩyũmbanĩsye matatwa.
2Ĩthĩwa wĩ mũĩkĩĩku na wĩlũmĩtye,
na ĩvinda ya thĩna ndũkavũavũanae.
3Ĩkalanasya na Mwĩai na ndũkaamũtie,
nĩ kana wĩnengwa ndaĩa mũminũkĩlyonĩ wa thayũ waku.
4Ĩtĩkĩlaa kyonthe kĩla kĩkakũkĩaa,
na ĩvindanĩ ya kwĩkĩĩthw'a nthoni ĩthĩawa na wũmĩĩsyo.
5 #
Ũĩ 3.5-6; 1Vet 1.7 #Ũĩ 6.18; Yoa 14.15,21,23 Nĩkwĩthĩwa thaavu ũmanyĩkaa kana nĩ mũseo kwa kũvĩvw'a na mwaki,
namo andũ ala metĩkĩlĩtwe nĩ Ngai mamanyĩkaa kana nĩ aseo kwa kũvĩvw'a na mwaki wa kwĩkĩĩthw'a nthoni.
6Mwĩkwatye Mwĩai nake akakũtetheesya.
Lũngalya mĩendele yaku na kũmwĩkwatya Mwĩai.
7Inyw'ĩ ala mũmũkĩaa Mwĩai eteelai tei wake;
mũikasisye ũtee mũikese kũvalũka.
8Inyw'ĩ ala mũmũkĩaa Mwĩai, mwĩkwatyei,
nenyu vate ndĩi mũkakwata ĩtuvi yenyu.
9Inyw'ĩ ala mũmũkĩaa Mwĩai, ĩkwatyei kwĩthĩwa na syĩndũ nzeo,
ĩkwatyei kwĩthĩwa na ũtanu na tei wa tene na tene.
10Kwa sũanĩai ĩũlũ wa nzyawa ila syavĩtũkie na mũyĩkũlya atĩĩ:
Nũũ ũla waamwĩkwatya Mwĩai na akamũsonokya?
Nũũ ũla waaĩkala e na kĩkĩo kya Mwĩai na Mwĩai akamũeka?
Kana nũũ ũla waamũvoya Mwĩai na akalea kũmwĩthukĩĩsya?
11Nĩkwĩthĩwa Mwĩai e tei na ĩnee,
nũekeaa naĩ na kũtangĩĩa ĩvindanĩ ya thĩna.
12Kyeva nĩ kwa mũndũ ũla wĩ na w'ĩa ngoonĩ na mũtulu,
na kwa mwĩki wa naĩ ũla ũatĩĩaa nzĩa ilĩ!
13Kyeva nĩ kwa mũndũ ũla ũkw'ĩte ngoo na ũte na wĩkwatyo!
Mũndũ ũsu akatiwa ate na ũsũvĩo.
14Kyeva nĩ kwenyu inyw'ĩ ala mũte na wũmĩĩsyo,
mũkeeka ata yĩla Mwĩai wĩũka kũmũkany'a?
15Ala mamũkĩaa Mwĩai maikalea kwĩanĩsya mĩao yake;
ala mamwendete nĩmaatĩĩaa nzĩa syake.
16Ala mamũkĩaa Mwĩai nĩmamanthaa ũndũ mekũmwendeesya;
ala mamwendete nĩmalũmasya mĩao yake.
17Ala mamũkĩaa Mwĩai nĩmombanasya ngoo syoo kwĩka kwenda kwake,
nĩmenyivasya me mbee wake na kwasya atĩĩ,
18“Nĩtwĩyiei mokonĩ ma Mwĩai,
na ti mokonĩ ma andũ,
nĩkwĩthĩwa o ũndũ ũnene wake wĩana,
now'o tei wake wĩana.”
Currently Selected:
Sil 2: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 2
2
Ũĩkĩĩku kwa Ngai
1Mwana wakwa, ethĩwa wĩenda kũmũthũkũma Mwĩai,
ĩyũmbanĩsye matatwa.
2Ĩthĩwa wĩ mũĩkĩĩku na wĩlũmĩtye,
na ĩvinda ya thĩna ndũkavũavũanae.
3Ĩkalanasya na Mwĩai na ndũkaamũtie,
nĩ kana wĩnengwa ndaĩa mũminũkĩlyonĩ wa thayũ waku.
4Ĩtĩkĩlaa kyonthe kĩla kĩkakũkĩaa,
na ĩvindanĩ ya kwĩkĩĩthw'a nthoni ĩthĩawa na wũmĩĩsyo.
5 #
Ũĩ 3.5-6; 1Vet 1.7 #Ũĩ 6.18; Yoa 14.15,21,23 Nĩkwĩthĩwa thaavu ũmanyĩkaa kana nĩ mũseo kwa kũvĩvw'a na mwaki,
namo andũ ala metĩkĩlĩtwe nĩ Ngai mamanyĩkaa kana nĩ aseo kwa kũvĩvw'a na mwaki wa kwĩkĩĩthw'a nthoni.
6Mwĩkwatye Mwĩai nake akakũtetheesya.
Lũngalya mĩendele yaku na kũmwĩkwatya Mwĩai.
7Inyw'ĩ ala mũmũkĩaa Mwĩai eteelai tei wake;
mũikasisye ũtee mũikese kũvalũka.
8Inyw'ĩ ala mũmũkĩaa Mwĩai, mwĩkwatyei,
nenyu vate ndĩi mũkakwata ĩtuvi yenyu.
9Inyw'ĩ ala mũmũkĩaa Mwĩai, ĩkwatyei kwĩthĩwa na syĩndũ nzeo,
ĩkwatyei kwĩthĩwa na ũtanu na tei wa tene na tene.
10Kwa sũanĩai ĩũlũ wa nzyawa ila syavĩtũkie na mũyĩkũlya atĩĩ:
Nũũ ũla waamwĩkwatya Mwĩai na akamũsonokya?
Nũũ ũla waaĩkala e na kĩkĩo kya Mwĩai na Mwĩai akamũeka?
Kana nũũ ũla waamũvoya Mwĩai na akalea kũmwĩthukĩĩsya?
11Nĩkwĩthĩwa Mwĩai e tei na ĩnee,
nũekeaa naĩ na kũtangĩĩa ĩvindanĩ ya thĩna.
12Kyeva nĩ kwa mũndũ ũla wĩ na w'ĩa ngoonĩ na mũtulu,
na kwa mwĩki wa naĩ ũla ũatĩĩaa nzĩa ilĩ!
13Kyeva nĩ kwa mũndũ ũla ũkw'ĩte ngoo na ũte na wĩkwatyo!
Mũndũ ũsu akatiwa ate na ũsũvĩo.
14Kyeva nĩ kwenyu inyw'ĩ ala mũte na wũmĩĩsyo,
mũkeeka ata yĩla Mwĩai wĩũka kũmũkany'a?
15Ala mamũkĩaa Mwĩai maikalea kwĩanĩsya mĩao yake;
ala mamwendete nĩmaatĩĩaa nzĩa syake.
16Ala mamũkĩaa Mwĩai nĩmamanthaa ũndũ mekũmwendeesya;
ala mamwendete nĩmalũmasya mĩao yake.
17Ala mamũkĩaa Mwĩai nĩmombanasya ngoo syoo kwĩka kwenda kwake,
nĩmenyivasya me mbee wake na kwasya atĩĩ,
18“Nĩtwĩyiei mokonĩ ma Mwĩai,
na ti mokonĩ ma andũ,
nĩkwĩthĩwa o ũndũ ũnene wake wĩana,
now'o tei wake wĩana.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011