Sil 1
1
Ndeto sya Mbee
Nĩtũnengetwe momanyĩsyo maingĩ me vata mavukunĩ ma mĩao, ma athani na mavukunĩ ma andũ angĩ ala mookie ĩtina woo. Nĩtwaĩlĩte kũtũngĩa andũ ma Ĩsilaeli mũvea nũndũ wa momanyĩsyo asu ma ũĩ ala matũtiĩie. Mũndũ ndaĩlĩte kwĩanĩwa nĩ kũsoma mavuku asu me moka, ĩndĩ ũla ũsomaa nĩwaĩlĩte kũtetheesya andũ angĩ aitũmĩa ndeto ila ũneenaa na ũandĩkaa. Ũmae wakwa Yosua aĩ na kĩthito kya kũsoma mavuku ma mĩao, ma athani na mavuku angĩ ala maandĩkiwe nĩ aaũmae maitũ. Ĩtina wa kũsoma mavuku asu, Yosua nĩwakwatie ũmanyi mwingĩ, na kwoou eethĩwa atonya kũandĩka maũndũ makonetye momanyĩsyo ma ũĩ. Aandĩkie maũndũ asu nĩ kana mũndũ o na wĩva ũla wĩmasoma, eĩthĩwa atonya kwĩkala kwĩanana na ũndũ mĩao ĩkwasya.
Nĩmũũkũlwa mũsome ĩvuku yĩĩ mwĩ na kĩeleelo kĩseo na mwĩyumĩtye vyũ. Nĩmũũkũlya yĩla mũũsoma maũndũ aa mwĩthĩwe na wũmĩĩsyo, nũndũ o na kau nĩnĩthĩĩtwe na kĩthito kya kũmaalyũla, nĩkũtonyeka ngethĩwa ndaalyũlĩte nesa vyũ maũndũ amwe. Maũndũ amwe ala maandĩkiwe na kĩthyomo kya Kĩevelania, maitonya kũalyũlĩka vyũ na kĩthyomo kĩngĩ. Ti ĩvuku yĩĩ yĩ yoka yĩna thĩna ũsu, ĩndĩ o na mavuku ma mĩao, ma athani na mavuku ala angĩ, yĩla maalyũlwa nĩmethĩawa na kĩvathũkany'o kĩnene na maandĩko ala maandĩkiwe mbee.
Yĩla navikie Misili mwakanĩ wa mĩongo ĩtatũ na nyanya wa kũsumbĩka kwa Evelingeto, nĩnekalile kũu vandũ va ĩvinda yĩana ũndũ mũna. Nĩvo ĩndĩ nĩ kũu nakwatie mwanya wa kwĩmanyĩsya maũndũ maingĩ, na noona naĩlĩte kũalyũla ĩvuku yĩĩ. Nĩnatũmĩie kĩthito kyakwa kyonthe na vinya wakwa w'onthe kũyĩandĩka nĩyĩmine, nĩ kana nĩyĩnengane yĩkasomwe nĩ Ayuti ala mekalaa nthĩ sya ũeninĩ, ala mendeeaw'a nĩ kwĩmanyĩsya kwĩkala kwĩanana na ũndũ mĩao ĩkwasya.
Ũĩ ũitaĩwa
1 #
Nth 2.6
Ũĩ w'onthe wumaa kwa Mwĩai,
na wĩkalaa nake tene na tene.
2Nũũ ũtonya kũtala kĩthangathĩ kya ũkanga, kana malovoto ma mbua?
Nũũ ũtonya kũtala mĩthenya ya tene na tene?
3Ĩtu yĩ vandũ vaasavĩte ata? Nthĩ ĩthanthaĩte ata?
Ũkanga wĩ na ũliku wĩana ata? Ũĩ ũnenevete ata?
Nũũ ũtonya kũsũngĩa makũlyo asu?
4Ũĩ woombiwe mbee wa syĩndũ syonthe,
ũmanyi wĩthĩĩtwe vo kuma tene.
5 # 1.5 Maandĩko amwe ma Ndeto ya Ngai nĩmongelete mũsoa wa katano: Ũĩ wumĩte ndetonĩ ya Ngai ũla wĩ ĩũlũ; na nzĩa syaw'o nĩ mĩao ya tene na tene.
6Nũũ waavuanĩw'a wumo wa ũĩ?
Nũũ ũtonya kwĩkuũa nthimo sya ũĩ?
7 # 1.7 Maandĩko amwe ma Ndeto ya Ngai nĩmongelete mũsoa wa mũonza ũkwasya: Nũũ wavuanĩiw'e ĩũlũ wa ũmanyi wa ũĩ? Nũũ waamanya ĩũlũ wa kĩmanyĩo kyaw'o kĩnene?
8Ve o ũmwe tũ ũla mũĩ, na waĩlĩte kũkĩwa mũno,
ekalĩle kĩvĩla kyake kya kĩ-ũsumbĩ.
9 #
Nth 8.22-31; Sil 29.9 Mwĩai mwene nĩwe woombie ũĩ;
nĩwawonie na aũthima,
nĩwawonoisye syĩndũnĩ syonthe ila woombie.
10Ũĩ wĩkalaa nthĩnĩ wa kĩla mũndũ kwĩanana na ũndũ Ngai ũmũnengete;
aũnenganae kwa wingĩ kwa ala mamwendete.
11Kũmũkĩa Mwĩai kũeteae mũndũ nguma na mũyo,
kũeteae mũndũ ũtanu na ngovia ya kĩ-ũsumbĩ ya ũtanu.
12Kũmũkĩa Mwĩai nĩkũtanĩthasya ngoo,
na kũtuma mũndũ ethĩwa na mũyo, ũtanu na thayũ mũasa.
13Ũla ũmũkĩaa Mwĩai akeethĩwa na mũminũkĩlyo mũseo;
mũthenyanĩ wa kĩkw'ũ kyake akaathimwa.
14Kũmũkĩa Mwĩai nĩw'o wambĩlĩĩlyo wa ũĩ;
ala aĩkĩĩku mombanĩaw'a na ũĩ me ĩvunĩ ya aainyia.
15Ũĩ nĩwĩyakĩĩte wambĩlĩĩlyo wa tene na tene andũnĩ,
na ũkeekwataw'a nĩ nzyawa syoo ila ikoka.
16Kũmũkĩa Mwĩai nĩw'o wusũu wa ũĩ;
ũĩ nĩwĩanĩasya andũ na matunda maw'o.
17 #
Ũĩ 7.11
Nĩwusũasya nyũmba syoo na syĩndũ syonthe ila mekwenda,
na kusũsya makũmbĩ moo na ũsyao waw'o.
18Kũmũkĩa Mwĩai nĩ ta kwĩkĩa ngovia ya kĩ-ũsumbĩ ya ũĩ,
na kũtuma mũndũ ethĩwa na mũuo na ũima wa mwĩĩ.
19Mwĩai nĩwoonie ũĩ na aũthima,
nĩwauisye ũmanyi na kĩlĩko kya kũvathũkany'a ta mbua ĩũlũ wa nthĩ,
na anenga ũkumyo ala makwatĩte ũĩ makaũlũmya.
20 #
Nth 3.16; 4.10 Kũmũkĩa Mwĩai nĩkw'o wambĩlĩĩlyo wa ũĩ,
mbonge syaw'o nĩ thayũ mũasa.
21 # 1.21 Maandĩko amwe ma Ndeto ya Ngai nĩmongelete mũsoa wa mĩongo ĩlĩ na ũmwe ũkwasya: Kĩkĩo kya Mwĩai nĩkĩlũngasya naĩ; kĩkĩo kya Mwĩai nĩkĩvetaa ũthatu w'onthe.
22Ũthatu wa mana ndwĩtĩkĩlĩka,
nũndũ ũthatu nũtumaa mũndũ aminwa.
23Mũndũ wĩ wũmĩĩsyo eteelaa nginya ĩvinda yĩla yaĩlĩte yĩkavika,
nĩvo ĩndĩ wĩthĩawa na ũtanu mwingĩ.
24Avindasya nginya ĩvinda yĩla yaĩlĩte ya kũneena yĩvike,
namo andũ aingĩ nĩmaneenaa ĩũlũ wa ũĩ wake.
Ũĩ na Kĩkĩo kya Ngai
25Vala ũĩ wiawa vethĩawa ndeto sya ũmanyi,
ĩndĩ kwa mwĩki wa naĩ kĩkĩo kya Ngai nĩ ũthatyo.
26Wenda ũĩ, kwata mĩao,
nake Mwĩai akakũnenga ũĩ mwingĩ.
27Nĩkwĩthĩwa kũmũkĩa Mwĩai nĩkw'o ũĩ na ũmanyĩsyo,
nake nĩwendeeaw'a nĩ ũĩkĩĩku na ũuu.
28Ndũkaeke kwĩthĩwa na kĩkĩo kya Mwĩai;
o na ndũkathi mbee wake wĩ na kĩlĩko kĩaanĩku.
29Ndũkethĩwe mwangangany'a katĩ wa andũ;
ĩsũvĩe kĩla ũkũneena.
30Ndũkekathĩĩe ndũkese kũvalũka,
na kwĩyĩetee nthoni we mwene.
Mwĩai akavuany'a syĩmbithĩ syaku,
na aikũvalũkya katĩ wa andũ,
nĩkwĩthĩwa ndũnathi mbee wa Mwĩai wĩ na kĩkĩo kyake,
na ngoo yaku yusũĩte ũvũngũ.
Currently Selected:
Sil 1: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 1
1
Ndeto sya Mbee
Nĩtũnengetwe momanyĩsyo maingĩ me vata mavukunĩ ma mĩao, ma athani na mavukunĩ ma andũ angĩ ala mookie ĩtina woo. Nĩtwaĩlĩte kũtũngĩa andũ ma Ĩsilaeli mũvea nũndũ wa momanyĩsyo asu ma ũĩ ala matũtiĩie. Mũndũ ndaĩlĩte kwĩanĩwa nĩ kũsoma mavuku asu me moka, ĩndĩ ũla ũsomaa nĩwaĩlĩte kũtetheesya andũ angĩ aitũmĩa ndeto ila ũneenaa na ũandĩkaa. Ũmae wakwa Yosua aĩ na kĩthito kya kũsoma mavuku ma mĩao, ma athani na mavuku angĩ ala maandĩkiwe nĩ aaũmae maitũ. Ĩtina wa kũsoma mavuku asu, Yosua nĩwakwatie ũmanyi mwingĩ, na kwoou eethĩwa atonya kũandĩka maũndũ makonetye momanyĩsyo ma ũĩ. Aandĩkie maũndũ asu nĩ kana mũndũ o na wĩva ũla wĩmasoma, eĩthĩwa atonya kwĩkala kwĩanana na ũndũ mĩao ĩkwasya.
Nĩmũũkũlwa mũsome ĩvuku yĩĩ mwĩ na kĩeleelo kĩseo na mwĩyumĩtye vyũ. Nĩmũũkũlya yĩla mũũsoma maũndũ aa mwĩthĩwe na wũmĩĩsyo, nũndũ o na kau nĩnĩthĩĩtwe na kĩthito kya kũmaalyũla, nĩkũtonyeka ngethĩwa ndaalyũlĩte nesa vyũ maũndũ amwe. Maũndũ amwe ala maandĩkiwe na kĩthyomo kya Kĩevelania, maitonya kũalyũlĩka vyũ na kĩthyomo kĩngĩ. Ti ĩvuku yĩĩ yĩ yoka yĩna thĩna ũsu, ĩndĩ o na mavuku ma mĩao, ma athani na mavuku ala angĩ, yĩla maalyũlwa nĩmethĩawa na kĩvathũkany'o kĩnene na maandĩko ala maandĩkiwe mbee.
Yĩla navikie Misili mwakanĩ wa mĩongo ĩtatũ na nyanya wa kũsumbĩka kwa Evelingeto, nĩnekalile kũu vandũ va ĩvinda yĩana ũndũ mũna. Nĩvo ĩndĩ nĩ kũu nakwatie mwanya wa kwĩmanyĩsya maũndũ maingĩ, na noona naĩlĩte kũalyũla ĩvuku yĩĩ. Nĩnatũmĩie kĩthito kyakwa kyonthe na vinya wakwa w'onthe kũyĩandĩka nĩyĩmine, nĩ kana nĩyĩnengane yĩkasomwe nĩ Ayuti ala mekalaa nthĩ sya ũeninĩ, ala mendeeaw'a nĩ kwĩmanyĩsya kwĩkala kwĩanana na ũndũ mĩao ĩkwasya.
Ũĩ ũitaĩwa
1 #
Nth 2.6
Ũĩ w'onthe wumaa kwa Mwĩai,
na wĩkalaa nake tene na tene.
2Nũũ ũtonya kũtala kĩthangathĩ kya ũkanga, kana malovoto ma mbua?
Nũũ ũtonya kũtala mĩthenya ya tene na tene?
3Ĩtu yĩ vandũ vaasavĩte ata? Nthĩ ĩthanthaĩte ata?
Ũkanga wĩ na ũliku wĩana ata? Ũĩ ũnenevete ata?
Nũũ ũtonya kũsũngĩa makũlyo asu?
4Ũĩ woombiwe mbee wa syĩndũ syonthe,
ũmanyi wĩthĩĩtwe vo kuma tene.
5 # 1.5 Maandĩko amwe ma Ndeto ya Ngai nĩmongelete mũsoa wa katano: Ũĩ wumĩte ndetonĩ ya Ngai ũla wĩ ĩũlũ; na nzĩa syaw'o nĩ mĩao ya tene na tene.
6Nũũ waavuanĩw'a wumo wa ũĩ?
Nũũ ũtonya kwĩkuũa nthimo sya ũĩ?
7 # 1.7 Maandĩko amwe ma Ndeto ya Ngai nĩmongelete mũsoa wa mũonza ũkwasya: Nũũ wavuanĩiw'e ĩũlũ wa ũmanyi wa ũĩ? Nũũ waamanya ĩũlũ wa kĩmanyĩo kyaw'o kĩnene?
8Ve o ũmwe tũ ũla mũĩ, na waĩlĩte kũkĩwa mũno,
ekalĩle kĩvĩla kyake kya kĩ-ũsumbĩ.
9 #
Nth 8.22-31; Sil 29.9 Mwĩai mwene nĩwe woombie ũĩ;
nĩwawonie na aũthima,
nĩwawonoisye syĩndũnĩ syonthe ila woombie.
10Ũĩ wĩkalaa nthĩnĩ wa kĩla mũndũ kwĩanana na ũndũ Ngai ũmũnengete;
aũnenganae kwa wingĩ kwa ala mamwendete.
11Kũmũkĩa Mwĩai kũeteae mũndũ nguma na mũyo,
kũeteae mũndũ ũtanu na ngovia ya kĩ-ũsumbĩ ya ũtanu.
12Kũmũkĩa Mwĩai nĩkũtanĩthasya ngoo,
na kũtuma mũndũ ethĩwa na mũyo, ũtanu na thayũ mũasa.
13Ũla ũmũkĩaa Mwĩai akeethĩwa na mũminũkĩlyo mũseo;
mũthenyanĩ wa kĩkw'ũ kyake akaathimwa.
14Kũmũkĩa Mwĩai nĩw'o wambĩlĩĩlyo wa ũĩ;
ala aĩkĩĩku mombanĩaw'a na ũĩ me ĩvunĩ ya aainyia.
15Ũĩ nĩwĩyakĩĩte wambĩlĩĩlyo wa tene na tene andũnĩ,
na ũkeekwataw'a nĩ nzyawa syoo ila ikoka.
16Kũmũkĩa Mwĩai nĩw'o wusũu wa ũĩ;
ũĩ nĩwĩanĩasya andũ na matunda maw'o.
17 #
Ũĩ 7.11
Nĩwusũasya nyũmba syoo na syĩndũ syonthe ila mekwenda,
na kusũsya makũmbĩ moo na ũsyao waw'o.
18Kũmũkĩa Mwĩai nĩ ta kwĩkĩa ngovia ya kĩ-ũsumbĩ ya ũĩ,
na kũtuma mũndũ ethĩwa na mũuo na ũima wa mwĩĩ.
19Mwĩai nĩwoonie ũĩ na aũthima,
nĩwauisye ũmanyi na kĩlĩko kya kũvathũkany'a ta mbua ĩũlũ wa nthĩ,
na anenga ũkumyo ala makwatĩte ũĩ makaũlũmya.
20 #
Nth 3.16; 4.10 Kũmũkĩa Mwĩai nĩkw'o wambĩlĩĩlyo wa ũĩ,
mbonge syaw'o nĩ thayũ mũasa.
21 # 1.21 Maandĩko amwe ma Ndeto ya Ngai nĩmongelete mũsoa wa mĩongo ĩlĩ na ũmwe ũkwasya: Kĩkĩo kya Mwĩai nĩkĩlũngasya naĩ; kĩkĩo kya Mwĩai nĩkĩvetaa ũthatu w'onthe.
22Ũthatu wa mana ndwĩtĩkĩlĩka,
nũndũ ũthatu nũtumaa mũndũ aminwa.
23Mũndũ wĩ wũmĩĩsyo eteelaa nginya ĩvinda yĩla yaĩlĩte yĩkavika,
nĩvo ĩndĩ wĩthĩawa na ũtanu mwingĩ.
24Avindasya nginya ĩvinda yĩla yaĩlĩte ya kũneena yĩvike,
namo andũ aingĩ nĩmaneenaa ĩũlũ wa ũĩ wake.
Ũĩ na Kĩkĩo kya Ngai
25Vala ũĩ wiawa vethĩawa ndeto sya ũmanyi,
ĩndĩ kwa mwĩki wa naĩ kĩkĩo kya Ngai nĩ ũthatyo.
26Wenda ũĩ, kwata mĩao,
nake Mwĩai akakũnenga ũĩ mwingĩ.
27Nĩkwĩthĩwa kũmũkĩa Mwĩai nĩkw'o ũĩ na ũmanyĩsyo,
nake nĩwendeeaw'a nĩ ũĩkĩĩku na ũuu.
28Ndũkaeke kwĩthĩwa na kĩkĩo kya Mwĩai;
o na ndũkathi mbee wake wĩ na kĩlĩko kĩaanĩku.
29Ndũkethĩwe mwangangany'a katĩ wa andũ;
ĩsũvĩe kĩla ũkũneena.
30Ndũkekathĩĩe ndũkese kũvalũka,
na kwĩyĩetee nthoni we mwene.
Mwĩai akavuany'a syĩmbithĩ syaku,
na aikũvalũkya katĩ wa andũ,
nĩkwĩthĩwa ndũnathi mbee wa Mwĩai wĩ na kĩkĩo kyake,
na ngoo yaku yusũĩte ũvũngũ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011