Sil 19
19
1Mũthũkũmi mũthengi ndesaa kũthua;
mũndũ ũla ũvũthasya maũndũ ala manini akavalũka kavola kwa kavola.
2Ũkĩ na aka itumaa aũme oĩ maa,
na mũndũ-ũme ũla ũtumaa ndũũ na malwaya nĩ mwau vyũ.
3Mũminũkĩlyo wake nĩ kwoa na aiĩwa nĩ iinyũ,
na mũndũ ũsu mwau akaminwa.
Ũneeni wa Mana
4Mũndũ ũla ũĩkĩĩaa andũ angĩ mĩtũkĩ nde kĩlĩko,
na ũla wĩkaa naĩ evĩtĩasya mwene.
5Mũndũ ũla ũtanĩaa ũthũkunĩ akasilĩlwa,
6na mũndũ ũla ũmenete nzukũ ethĩawa aiola ũthũku.
7Ndũkaatavany'e ũndũ ũtavĩtw'e,
walea kũtavany'a vai kĩndũ ũkasya.
8Ndũkatavye mũndũ o na ethĩwa nĩ mũnyanyau kana nĩ mũmaitha waku,
ateo ethĩwa ũkalea kũweta ĩtw'ĩka naĩ kwaku.
9Nũndũ nokwĩthĩwa ve mũndũ wakwĩw'a kana akwona,
na ĩvindanĩ yũkĩte aikũmena.
10Waaĩw'a ũndũ? Kw'a na ũndũ ũsu.
Ĩthĩwa wĩ ngũmbaũ! Ũndũ ũsu ndũtuma watũka!
11Ndia yeew'a ũndũ na ĩitata kũũvitha,
yĩw'aa woo ũilyĩ ta wa mũndũ mũka ũkwaũnya.
12Ta ĩangi yĩtonyete mũndũ ĩtako,
nĩw'o ndia yĩw'aa yĩ na ũndũ yĩsĩ.
13Weew'a mũnyanyau nĩwĩkĩte ũndũ mũthũku,
mũkũlye ĩũlũ wa ũndũ ũsu.
Nĩkũtonyeka akethĩwa atawĩkĩte.
Ĩndĩ ethĩwa nĩwĩkĩte ũndũ ũsu, ndakaũsyokea.
14Weew'a mũtũi waku nũwetete ũndũ ũtaĩlĩte kũweta,
mũkũlye ĩũlũ wa ũndũ ũsu.
Nĩkũtonyeka akethĩwa ataũwetete.
Ĩndĩ ethĩwa nũwetete ũndũ ũsu, ndakasyoka kũũweta.
15Weew'a ũndũ mũthũku ũkũneenwa ĩũlũ wa mũnyanyau,
mũkũlye ĩũlũ waw'o.
Ũndũ ũsu nũtonya kwĩthĩwa wĩ wa ũvũngũ,
kwoou ndũkaĩkĩĩe kyonthe kĩla weew'a.
16Mũndũ nũtonya kũneena akavĩtya ateĩvangĩte kwĩka ũu.
Nũũ ũla ũtaavĩtya kwa kũneena?
17Weew'a ũndũ ũtuma ũthatĩa mũtũi waku,
amba kũmũkũlya ũtanamwosea ĩtambya.
Eka mwĩao wa Ũla wĩ Ĩũlũ Mũno ũthũkũme.#19.17 Maandĩko amwe ma Ndeto ya Ngai nĩmongelete ndeto ikwasya: Ndũkethĩwe na ũthatu.
18 # 19.18 Maandĩko amwe ma Ndeto ya Ngai nĩmongelete mũsoa wa ĩkũmi na nyanya ũkwasya: Kũmũkĩa Mwĩai nĩw'o wambĩlĩĩlyo wa kwĩtĩkĩlwa nĩwe, na kwĩthĩwa na ũĩ nĩkũtumaa Mwĩai akwenda.
19 # 19.19 Maandĩko amwe ma Ndeto ya Ngai nĩmongelete mũsoa wa ĩkũmi na kenda ũkwasya: Kũmanya mĩao ya Mwĩai nĩ ũmanyĩsyo ũetae thayũ, na ala mamwendeeasya Mwĩai makatanĩaa ũsyao wa mũtĩ wa thayũ.
Kũmanya Ũĩ wa W'o
20Ũĩ w'onthe nĩ kwĩthĩwa na kĩkĩo kya Mwĩai,
na nthĩnĩ wa ũĩ w'onthe nĩvethĩawa kwĩanĩsya mĩao.
21 # 19.21 Maandĩko amwe ma Ndeto ya Ngai nĩmongelete mũsoa wa mĩongo ĩlĩ na ũmwe ũkwasya: Ethĩwa mũthũkũmi nĩweea mũnene wake, “Ndiĩka ũndũ wambĩa,” o na esa kwĩka ũndũ weewa, ethĩawa amũthatya mũnene ũsu wake.
22Kwĩthĩwa na ũmanyi wa ũthũku, ũsu ti ũĩ,
o na ũtao wa mwĩki wa naĩ, ũsu ti ũĩ.
23Kwĩ ũĩ ũmwe ũthatasya,
ĩndĩ kwĩ ndia imwe syĩthĩawa ite na ũĩ.
24Nĩ kavaa mũndũ ũla wĩ na kĩkĩo kya Ngai na nde na ũmanyi,
kũte mũndũ ũla mũĩ mũno ũtũlaa mĩao.
25Kwĩ andũ amwe oĩ mũno ĩndĩ maiatĩĩaa sila wa katĩ,
na kwĩ angĩ manangaa ũseo nĩ kana manengwe ũtw'ĩo ũla ũte wa w'o.
26Kwĩ andũ ang'endu monanasya kana me na kyeva,
ĩndĩ ngoonĩ syoo mausũĩte ũvũngũ mũthei.
27Mavithaa mothyũ moo na mayĩkala ta matekwĩw'a,
ĩndĩ yĩla vate mũndũ ũsyaĩĩsye maikũmina.
28O na meethĩwa mate na vinya wa kwĩka naĩ,
yĩla mekwata mwanya, maikalea kũmĩka.
29Mũndũ amanyĩkaa kwĩanana na ũndũ wonekaa ailyĩ,
na mũndũ mũĩ amanyĩkaa wakomana nake na wamũsisya oou.
30Ngũa ila mũndũ wĩkĩĩte, ũndũ ũkũtheka mũno,
na ũndũ ũkũtambya syonanasya ũndũ ũilyĩ.
Currently Selected:
Sil 19: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 19
19
1Mũthũkũmi mũthengi ndesaa kũthua;
mũndũ ũla ũvũthasya maũndũ ala manini akavalũka kavola kwa kavola.
2Ũkĩ na aka itumaa aũme oĩ maa,
na mũndũ-ũme ũla ũtumaa ndũũ na malwaya nĩ mwau vyũ.
3Mũminũkĩlyo wake nĩ kwoa na aiĩwa nĩ iinyũ,
na mũndũ ũsu mwau akaminwa.
Ũneeni wa Mana
4Mũndũ ũla ũĩkĩĩaa andũ angĩ mĩtũkĩ nde kĩlĩko,
na ũla wĩkaa naĩ evĩtĩasya mwene.
5Mũndũ ũla ũtanĩaa ũthũkunĩ akasilĩlwa,
6na mũndũ ũla ũmenete nzukũ ethĩawa aiola ũthũku.
7Ndũkaatavany'e ũndũ ũtavĩtw'e,
walea kũtavany'a vai kĩndũ ũkasya.
8Ndũkatavye mũndũ o na ethĩwa nĩ mũnyanyau kana nĩ mũmaitha waku,
ateo ethĩwa ũkalea kũweta ĩtw'ĩka naĩ kwaku.
9Nũndũ nokwĩthĩwa ve mũndũ wakwĩw'a kana akwona,
na ĩvindanĩ yũkĩte aikũmena.
10Waaĩw'a ũndũ? Kw'a na ũndũ ũsu.
Ĩthĩwa wĩ ngũmbaũ! Ũndũ ũsu ndũtuma watũka!
11Ndia yeew'a ũndũ na ĩitata kũũvitha,
yĩw'aa woo ũilyĩ ta wa mũndũ mũka ũkwaũnya.
12Ta ĩangi yĩtonyete mũndũ ĩtako,
nĩw'o ndia yĩw'aa yĩ na ũndũ yĩsĩ.
13Weew'a mũnyanyau nĩwĩkĩte ũndũ mũthũku,
mũkũlye ĩũlũ wa ũndũ ũsu.
Nĩkũtonyeka akethĩwa atawĩkĩte.
Ĩndĩ ethĩwa nĩwĩkĩte ũndũ ũsu, ndakaũsyokea.
14Weew'a mũtũi waku nũwetete ũndũ ũtaĩlĩte kũweta,
mũkũlye ĩũlũ wa ũndũ ũsu.
Nĩkũtonyeka akethĩwa ataũwetete.
Ĩndĩ ethĩwa nũwetete ũndũ ũsu, ndakasyoka kũũweta.
15Weew'a ũndũ mũthũku ũkũneenwa ĩũlũ wa mũnyanyau,
mũkũlye ĩũlũ waw'o.
Ũndũ ũsu nũtonya kwĩthĩwa wĩ wa ũvũngũ,
kwoou ndũkaĩkĩĩe kyonthe kĩla weew'a.
16Mũndũ nũtonya kũneena akavĩtya ateĩvangĩte kwĩka ũu.
Nũũ ũla ũtaavĩtya kwa kũneena?
17Weew'a ũndũ ũtuma ũthatĩa mũtũi waku,
amba kũmũkũlya ũtanamwosea ĩtambya.
Eka mwĩao wa Ũla wĩ Ĩũlũ Mũno ũthũkũme.#19.17 Maandĩko amwe ma Ndeto ya Ngai nĩmongelete ndeto ikwasya: Ndũkethĩwe na ũthatu.
18 # 19.18 Maandĩko amwe ma Ndeto ya Ngai nĩmongelete mũsoa wa ĩkũmi na nyanya ũkwasya: Kũmũkĩa Mwĩai nĩw'o wambĩlĩĩlyo wa kwĩtĩkĩlwa nĩwe, na kwĩthĩwa na ũĩ nĩkũtumaa Mwĩai akwenda.
19 # 19.19 Maandĩko amwe ma Ndeto ya Ngai nĩmongelete mũsoa wa ĩkũmi na kenda ũkwasya: Kũmanya mĩao ya Mwĩai nĩ ũmanyĩsyo ũetae thayũ, na ala mamwendeeasya Mwĩai makatanĩaa ũsyao wa mũtĩ wa thayũ.
Kũmanya Ũĩ wa W'o
20Ũĩ w'onthe nĩ kwĩthĩwa na kĩkĩo kya Mwĩai,
na nthĩnĩ wa ũĩ w'onthe nĩvethĩawa kwĩanĩsya mĩao.
21 # 19.21 Maandĩko amwe ma Ndeto ya Ngai nĩmongelete mũsoa wa mĩongo ĩlĩ na ũmwe ũkwasya: Ethĩwa mũthũkũmi nĩweea mũnene wake, “Ndiĩka ũndũ wambĩa,” o na esa kwĩka ũndũ weewa, ethĩawa amũthatya mũnene ũsu wake.
22Kwĩthĩwa na ũmanyi wa ũthũku, ũsu ti ũĩ,
o na ũtao wa mwĩki wa naĩ, ũsu ti ũĩ.
23Kwĩ ũĩ ũmwe ũthatasya,
ĩndĩ kwĩ ndia imwe syĩthĩawa ite na ũĩ.
24Nĩ kavaa mũndũ ũla wĩ na kĩkĩo kya Ngai na nde na ũmanyi,
kũte mũndũ ũla mũĩ mũno ũtũlaa mĩao.
25Kwĩ andũ amwe oĩ mũno ĩndĩ maiatĩĩaa sila wa katĩ,
na kwĩ angĩ manangaa ũseo nĩ kana manengwe ũtw'ĩo ũla ũte wa w'o.
26Kwĩ andũ ang'endu monanasya kana me na kyeva,
ĩndĩ ngoonĩ syoo mausũĩte ũvũngũ mũthei.
27Mavithaa mothyũ moo na mayĩkala ta matekwĩw'a,
ĩndĩ yĩla vate mũndũ ũsyaĩĩsye maikũmina.
28O na meethĩwa mate na vinya wa kwĩka naĩ,
yĩla mekwata mwanya, maikalea kũmĩka.
29Mũndũ amanyĩkaa kwĩanana na ũndũ wonekaa ailyĩ,
na mũndũ mũĩ amanyĩkaa wakomana nake na wamũsisya oou.
30Ngũa ila mũndũ wĩkĩĩte, ũndũ ũkũtheka mũno,
na ũndũ ũkũtambya syonanasya ũndũ ũilyĩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011