Sil 18
18
Ũnene wa Ngai
1Ũla wĩkalaa tene na tene nĩwoombie nthĩ yonthe;
2Mwĩai e weka nowe mũlũngalu.
3 # 18.3 Maandĩko amwe ma Ndeto ya Ngai nĩmongelete mũsoa wa katatũ ũkwasya: Na vai ũngĩ ate o we; atongoeasya nthĩ na kĩtaa kya kw'oko kwake, na syĩndũ syonthe niatĩĩaa kwenda kwake; nĩkwĩthĩwa nĩwe mũsumbĩ wa syĩndũ syonthe, na ũtonyi wake nũvathanasya kĩla kĩtheu na kĩla kĩvuku.
4Ndaanenga mũndũ o na ũmwe ũtonyi wĩanĩe kũtavany'a mawĩa make.
Nũũ ũla ũtonya kwĩkuũa meko make manene?
5Nũũ ũla ũtonya kũthima vinya wake mũnene?
Nũũ ũtonya kũtavany'a vyũ tei wake?
6Vai mũndũ ũtonya kũola kana akongela tei wake,
o na vai mũndũ ũtonya kũmanya vyũ moseng'yo ma Mwĩai.
7Yĩla mũndũ wavika mũthya wa maũndũ asu, ethĩawa no ta ĩndĩ ũkwambĩĩa,
na aeka, atiawa e mũvũavũanu.
Mũndũ no mana
8Mũndũ nĩ kyaũ na e vata mwaũ?
Ũseo wake nĩ mwaũ na ũthũku wake nĩ mwaũ?
9Mũndũ ekala thayũ myaka ĩana,
ethĩawa ekalĩte matukũ maingĩ mũno.
10Ĩndĩ myaka ĩsu ĩisianĩw'a na thayũ wa tene na tene,
nĩ ũndũ ũmwe na ĩlovoto ya kĩw'ũ ũkanganĩ, kana ta mbeke ya kĩthangathĩ.
11Kwoou Mwĩai nĩwũmĩĩasya andũ,
na nũmonoeasya tei wake.
12Mwĩai nũsiasya na kwona kana mũminũkĩlyo wa andũ ũkeethĩwa wĩ mũthũku,
na kwoou aimaekea mothũku moo onthe.
13Mũndũ ew'ĩaa o mũtũi wake tei,
ĩndĩ Mwĩai ew'ĩaa syũmbe syonthe tei.
Mwĩai nũkanasya, akamanyĩsya na kũnenga andũ ũmanyi,
na kũmatũngĩthya ũndũ mũĩthi ũtũngĩthasya malondu make.
14Nĩwĩw'ĩaa tei ala metĩkĩlaa ũmanyĩsyo wake,
na ala me na mea ma motw'ĩo make.
Kwĩthĩwa na Tei na Kũtethya Ngya
15Mwana wakwa, ndũkeke mũndũ nesa na ũimũneenea naĩ,
kana ũthatye mũndũ na ndeto syaku yĩla ũkũmũnenga mũthĩnzĩo.
16O tondũ ĩmwe yĩtumaa nthĩ ĩthitha yĩla kũvyũ mũno,
now'o kũtavya mũndũ ndeto kũseo mbee wa kũmũnenga mũthĩnzĩo.
17Ndeto nzeo yĩ vata mbee wa mũthĩnzĩo,
mũndũ mũlau ethĩawa nasyo syelĩ.
18Ndia ndĩnenganae syĩndũ na nĩumanaa,
na mũthĩnzĩo wa mũndũ mũtoonu ndũtanasya mũndũ.
Vata wa Mũndũ Kwĩyĩosya Mwene
19Ũtanamba kũneena, manya kĩla ũkũneena,
Sũvĩa ũima wa mwĩĩ waku ndũkese kũwaa.
20Ũsilĩlo ũtanamba kũvika, ĩyĩosye thayũnĩ waku we mwene,
na yĩla ĩvinda yĩu yĩvika ũkaekewa.
21Ĩnyivye ũtanamba kũwaa,
na weeka naĩ, umbũla.
22Ndũkasiĩĩwe nĩ kĩndũ o na kĩmwe kwĩanĩsya wĩvĩto waku ũtekũselewa,
na ndũketeele kũwĩanĩsya ũkilĩlye kũkw'a.
23Mbee wa kwĩvĩta, ĩyũmbany'e nesa.
Ndũkethĩwe ũilyĩ ta andũ ala mamũtataa Mwĩai.
24Sũanĩa ĩũlũ wa ũthatu wake mũthenya ũla wĩkw'a,
na ĩvinda ya kũkanw'a kwaku yĩla ũkakũlea.
25Yĩla kwĩ mumo, sũanĩa ĩũlũ wa ĩvinda ya nzaa,
ĩvindanĩ ya ũthwii, sũanĩa ĩũlũ wa ũkya na thĩna.
26Kuma kwakya nginya wĩoo, maũndũ nĩmaalyũkaa;
Mwĩai nũalyũlaa maũndũ mĩtũkĩ mũno.
27Mũndũ mũĩ ekaa maũndũ onthe esũvĩĩte,
yĩla naĩ yĩ vakuvĩ, ekaa maũndũ esũvĩĩte ndakavĩtye.
28Mũndũ o na wĩva ũla wĩ na kĩlĩko nĩwĩsĩ ũĩ nĩ kyaũ,
na nũkumasya mũndũ o na wĩva ũla wakwata ũĩ.
29Andũ ala me na ũmanyi wa ndeto sya ũĩ nĩmoĩvaa,
na nĩmaneenaa nthimo mbingĩ ila syaĩlĩte.
Kwĩthĩwa na Wĩting'o
30Ndũkaatĩĩe wendi waku mũthũku,
ĩndĩ ĩsiĩĩe wendi wa ngoo yaku.
31Weeyĩeka ũtanĩae wendi mũthũku,
ũndũ ũsu ũkatuma wĩthĩwa kĩndũ kya kũthekeewa nĩ amaitha maku.
32Ndũkethĩwe na mwĩkalo wa kwĩtanĩthya na motanu maingĩ,
ndũkese kũthelelwa nũndũ wa thooa wa motanu asu.
33Ndũketw'ĩkĩthye mũvoyi kwa kwĩkĩa mboka nene na mbesa sya kũkova,
o yĩla we ũte na mbesa syaku mwene.
Currently Selected:
Sil 18: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011
Sil 18
18
Ũnene wa Ngai
1Ũla wĩkalaa tene na tene nĩwoombie nthĩ yonthe;
2Mwĩai e weka nowe mũlũngalu.
3 # 18.3 Maandĩko amwe ma Ndeto ya Ngai nĩmongelete mũsoa wa katatũ ũkwasya: Na vai ũngĩ ate o we; atongoeasya nthĩ na kĩtaa kya kw'oko kwake, na syĩndũ syonthe niatĩĩaa kwenda kwake; nĩkwĩthĩwa nĩwe mũsumbĩ wa syĩndũ syonthe, na ũtonyi wake nũvathanasya kĩla kĩtheu na kĩla kĩvuku.
4Ndaanenga mũndũ o na ũmwe ũtonyi wĩanĩe kũtavany'a mawĩa make.
Nũũ ũla ũtonya kwĩkuũa meko make manene?
5Nũũ ũla ũtonya kũthima vinya wake mũnene?
Nũũ ũtonya kũtavany'a vyũ tei wake?
6Vai mũndũ ũtonya kũola kana akongela tei wake,
o na vai mũndũ ũtonya kũmanya vyũ moseng'yo ma Mwĩai.
7Yĩla mũndũ wavika mũthya wa maũndũ asu, ethĩawa no ta ĩndĩ ũkwambĩĩa,
na aeka, atiawa e mũvũavũanu.
Mũndũ no mana
8Mũndũ nĩ kyaũ na e vata mwaũ?
Ũseo wake nĩ mwaũ na ũthũku wake nĩ mwaũ?
9Mũndũ ekala thayũ myaka ĩana,
ethĩawa ekalĩte matukũ maingĩ mũno.
10Ĩndĩ myaka ĩsu ĩisianĩw'a na thayũ wa tene na tene,
nĩ ũndũ ũmwe na ĩlovoto ya kĩw'ũ ũkanganĩ, kana ta mbeke ya kĩthangathĩ.
11Kwoou Mwĩai nĩwũmĩĩasya andũ,
na nũmonoeasya tei wake.
12Mwĩai nũsiasya na kwona kana mũminũkĩlyo wa andũ ũkeethĩwa wĩ mũthũku,
na kwoou aimaekea mothũku moo onthe.
13Mũndũ ew'ĩaa o mũtũi wake tei,
ĩndĩ Mwĩai ew'ĩaa syũmbe syonthe tei.
Mwĩai nũkanasya, akamanyĩsya na kũnenga andũ ũmanyi,
na kũmatũngĩthya ũndũ mũĩthi ũtũngĩthasya malondu make.
14Nĩwĩw'ĩaa tei ala metĩkĩlaa ũmanyĩsyo wake,
na ala me na mea ma motw'ĩo make.
Kwĩthĩwa na Tei na Kũtethya Ngya
15Mwana wakwa, ndũkeke mũndũ nesa na ũimũneenea naĩ,
kana ũthatye mũndũ na ndeto syaku yĩla ũkũmũnenga mũthĩnzĩo.
16O tondũ ĩmwe yĩtumaa nthĩ ĩthitha yĩla kũvyũ mũno,
now'o kũtavya mũndũ ndeto kũseo mbee wa kũmũnenga mũthĩnzĩo.
17Ndeto nzeo yĩ vata mbee wa mũthĩnzĩo,
mũndũ mũlau ethĩawa nasyo syelĩ.
18Ndia ndĩnenganae syĩndũ na nĩumanaa,
na mũthĩnzĩo wa mũndũ mũtoonu ndũtanasya mũndũ.
Vata wa Mũndũ Kwĩyĩosya Mwene
19Ũtanamba kũneena, manya kĩla ũkũneena,
Sũvĩa ũima wa mwĩĩ waku ndũkese kũwaa.
20Ũsilĩlo ũtanamba kũvika, ĩyĩosye thayũnĩ waku we mwene,
na yĩla ĩvinda yĩu yĩvika ũkaekewa.
21Ĩnyivye ũtanamba kũwaa,
na weeka naĩ, umbũla.
22Ndũkasiĩĩwe nĩ kĩndũ o na kĩmwe kwĩanĩsya wĩvĩto waku ũtekũselewa,
na ndũketeele kũwĩanĩsya ũkilĩlye kũkw'a.
23Mbee wa kwĩvĩta, ĩyũmbany'e nesa.
Ndũkethĩwe ũilyĩ ta andũ ala mamũtataa Mwĩai.
24Sũanĩa ĩũlũ wa ũthatu wake mũthenya ũla wĩkw'a,
na ĩvinda ya kũkanw'a kwaku yĩla ũkakũlea.
25Yĩla kwĩ mumo, sũanĩa ĩũlũ wa ĩvinda ya nzaa,
ĩvindanĩ ya ũthwii, sũanĩa ĩũlũ wa ũkya na thĩna.
26Kuma kwakya nginya wĩoo, maũndũ nĩmaalyũkaa;
Mwĩai nũalyũlaa maũndũ mĩtũkĩ mũno.
27Mũndũ mũĩ ekaa maũndũ onthe esũvĩĩte,
yĩla naĩ yĩ vakuvĩ, ekaa maũndũ esũvĩĩte ndakavĩtye.
28Mũndũ o na wĩva ũla wĩ na kĩlĩko nĩwĩsĩ ũĩ nĩ kyaũ,
na nũkumasya mũndũ o na wĩva ũla wakwata ũĩ.
29Andũ ala me na ũmanyi wa ndeto sya ũĩ nĩmoĩvaa,
na nĩmaneenaa nthimo mbingĩ ila syaĩlĩte.
Kwĩthĩwa na Wĩting'o
30Ndũkaatĩĩe wendi waku mũthũku,
ĩndĩ ĩsiĩĩe wendi wa ngoo yaku.
31Weeyĩeka ũtanĩae wendi mũthũku,
ũndũ ũsu ũkatuma wĩthĩwa kĩndũ kya kũthekeewa nĩ amaitha maku.
32Ndũkethĩwe na mwĩkalo wa kwĩtanĩthya na motanu maingĩ,
ndũkese kũthelelwa nũndũ wa thooa wa motanu asu.
33Ndũketw'ĩkĩthye mũvoyi kwa kwĩkĩa mboka nene na mbesa sya kũkova,
o yĩla we ũte na mbesa syaku mwene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011