Sil 17
17
1 #
Mwa 6.4; Ũĩ 14.6 Ngai oombie mũndũ kuma mũthanganĩ,
na nũtumaa asyoka mũthanganĩ.
2Anengie andũ mĩthenya mĩnini ya kwĩkala thayũ,
ĩndĩ amanenga ũkũmũ wa kũũngamĩa syĩndũ syonthe ĩũlũ wa nthĩ.
3Amanengie vinya ta ũla wake mwene,
na amomba na mũvw'ano wake mwene.
4Nĩwatumie syũmbe ila ingĩ syonthe syĩ thayũ ikĩa andũ,
na amanenga ũkũmũ ĩũlũ wa nyamũ na nyũnyi.
5 # 17.5 Maandĩko amwe ma Ndeto ya Ngai nĩmongelete mũsoa wa katano ũkwasya: Ngai nĩwamanengie motonyi atano ma kũmanya ũndũ, na o ta ũu amanenga ũtonyi wa thanthatũ wa kĩlĩko, na wa mũonza wa kwĩthĩwa matonya kwĩsilya. Kwĩsilya nĩkw'o kũtumaa andũ mamanya maũndũ ala mekũmokĩa kwĩsĩla motonyinĩ asu atano.
6Nĩwanengie andũ ũĩmĩ na metho,
nĩwamanengie matũ na kĩlĩko kya kwĩsilya.
7Nĩwamausũisye ũmanyi na kĩlĩko,
na amony'a kĩvathũkany'o kya ũseo na ũthũku.
8Nĩwamanengie ũmanyi wake mwene,
nĩ kana amony'e ũnene wa mawĩa make.
9 # 17.9 Maandĩko amwe ma Ndeto ya Ngai nĩmongelete mũsoa wa kenda ũkwasya: Nĩwatumie mekathĩĩa ĩvindanĩ yonthe ya thayũ woo nũndũ wa meko make ma kũseng'ya.
10Makataĩa ĩsyĩtwa yake ĩtheu,
na kũtavany'a ũnene wa mawĩa make.
11Nĩwamanengie ũmanyi,
na amanenga mwĩao ũla ũetae thayũ.
12Nĩwaseũvisye ũtianĩo wa tene na tene namo,
na amavuanĩsya mĩao yake.
13Nĩmoonie ũkumyo wake mũnene,
na meew'a ũkumyo wa wasya wake.
14Nĩwameie atĩĩ, “Ĩsũvĩei kwĩka ũthũku o na wĩva,”
na anenga kĩla mũndũ mĩao ya ũndũ waĩlĩte kwĩkalany'a na mũtũi wake.
Ngai Nĩwe Mũsili
15Mavinda onthe Ngai nĩwĩthĩawa esĩ mĩendele ya andũ,
na maitonya kũmwĩvithĩla.
16 # 17.16 Maandĩko amwe ma Ndeto ya Ngai nĩmongelete mũsoa wa ĩkũmi na thanthatũ ũkwasya: Mwĩkalo woo kuma me ma mũika welekele ũthũku, na mai na ũtonyi wa kũalyũla ngoo syoo mbũmũ ta ĩvia methĩwe me ewi.
17Nĩwanyuvĩie kĩla nthĩ mũtongoi,
ĩndĩ Ĩsilaeli nĩ ũthwii wa Mwĩai mwene.
18 # 17.18 Maandĩko amwe ma Ndeto ya Ngai nĩmongelete mũsoa wa ĩkũmi na nyanya ũkwasya: Ĩsilaeli nĩyo mwana wake wa mbee, ũla ũmũeaa na kũmũmanyĩsya. Amũnengae kyeni kya wendo wake na ndamũekaa.
19Meko onthe ala andũ mekaa,
Mwĩai nũmonaa ũtheinĩ ta syũa.
Kĩla ĩvinda ethĩawa ene kyonthe kĩla andũ mekwĩka.
20Mwĩai ndatonya kũvithwa mavĩtyo moo,
na nĩwĩthĩawa ene naĩ syoo syonthe.
21 # 17.21 Maandĩko amwe ma Ndeto ya Ngai nĩmongelete mũsoa wa mĩongo ĩlĩ na ũmwe ũkwasya: Ĩndĩ Mwĩai e tei na nĩwĩsĩ syũmbe syake, na kwoou ndaaitia kana kũieka ĩndĩ nũsyĩkalĩtye thayũ.
22Ũtethyo ũla mũndũ ũnengete ngya,
kwa Mwĩai nĩ ta mbete ya kwĩkĩa mũulĩ.
Mwĩai asũvĩaa meko maseo ala mekĩtwe nĩ mũndũ,
ta kyũma kya itho yake.
23Mũminũkĩlyonĩ Mwĩai akaumĩla na kũĩvĩthya ala athũku,
akanenga kĩla mũndũ kĩla kĩmwaĩlĩte.
24Ĩndĩ ala maumbũlaa Mwĩai nũtumaa mamũsyokea,
na nũthangaasya ala mekũkw'a ngoo.
Wĩtano wa Kũalyũla Ngoo
25 #
Yel 3.12
Mũsyokee Mwĩai na ũieka naĩ syaku;
voya wĩ mbee wake na ũieka mavĩtyo maku.
26Mũsyokee Ũla wĩ Ĩũlũ Mũno na ũiekana na mavĩtyo.
Mena na thayũ waku w'onthe kĩla kĩmũthatasya.
27 #
Sav 6.5; Ĩsa 38.18; Alo 2.17-18 Nũũ e vala maveva ma ala akw'ũ mekalaa,
ũtonya kũmwinĩa Ũla wĩ Ĩũlũ Mũno mbathi sya kũtaĩa,
na kũmũtũngĩa mũvea ũndũ ala me thayũ mekaa?
28Ala akw'ũ na mate vo maitonya kũmũtũngĩa mũvea,
ĩndĩ ala me thayũ na aima nomo matonya kwina mbathi sya kũmũtaĩa Mwĩai.
29Tei wa Mwĩai nĩ mũnene,
na o ta ũu ũekeo wake kwa ala mamũsyokeaa nĩ mũnene!
30Nĩkwĩthĩwa ti syĩndũ syonthe mũndũ wĩthĩawa atonya kwĩka,
nũndũ andũ nĩmakusaa.
31Nĩ kyaũ kĩla kĩ kyeni mbee wa syũa?
Ĩndĩ yĩla syũa yakwatwa, kyeni kyayo nĩkĩolekaa.
O ta ũu ti ũndũ wĩ vinya mosũanĩo ma mũndũ kusũwa nĩ ũthũku.
32Mwĩai aũngamĩe ndata syonthe ila syĩ matunĩ,
ĩndĩ andũ onthe no mũthanga na mũu!
Currently Selected:
Sil 17: KAMBA
Highlight
Copy
Compare
Share
Want to have your highlights saved across all your devices? Sign up or sign in
BIBLE SOCIETY OF KENYA © 2011